Tsiêz têz qơưk-cux zos tsôngv box Giáy luz tsiêz

Txix têis cik 30 tsiêz, pos Lục Thị Nhính  ziv chuôz zis nhoz jok Tả Phời, xar Tả Phời, thành phố Lào Cai zuôr piz sơưr lok six nzor chiê qêz suô vax tsêr cov hur si, đhâu co piz lo ntơưr liêz hâur tsêr. Cxuô zav chuôz zênhx txox cxiê qơư hâur tsêr txix traz hlâu, vôngv txos trâu têx tsoz chos, thax đaz puôr lênhx tâu lo ntơưr liêz. Hâur tsêr cux tâu cxuô zav tâu lo ntơưr liêz đros siêz xar tiêk lênhx nênhs tâu tok tok tsiêz mak cxuô zav cux yiêz jông hur si chiê tok shông yiêz.

Lơưr hêir nênhs Giáy, ntơưr liêz zos hêik txos cêr shir phaz, têx kror jông. Lo ntơưr liêz trâu têx qơư zov chênhr zos piz hla trâu iz shông yiêz muôx ntâu kror jông, luz nênhx truôx njês.

Pos Lục Thị Nhính puz pâuz: đrâuv lo ntơưr liêz, mak chuôz zis tưs cux krưr nduôr gù. Txơưr đuô nênhs tsoz tsiz luz nduôr txâuk puôz, hêir nênhs Giáy chor nduôr txâuv puôz mak oz zar hâu zâu thiêz luz đraz su lox, viv li nduôr tsênhv tâu hu uô nduôr gù. Chiê uô tâu nduôr mak cux tas ntâu six hơưv, cxuô zav uô tsuv tâu xêir jông. Blôngx njê krưr nduôr tâu đê pêv har jôngr lok, chor blôngx tsuv huv đros. Cxur mak zos têx cxur blâuv têz tâu pox nhuôs tsêz chos, luz đraz nduôr muôx tauv njuôz krưr đros. Grêi mak zos têx grêi buô đros txir hơưk. Thâuv cxuô zav tưz bax tâu cxix cxuô, chor pox niêv piz krưr nduôr. Nduôr ziv su hâur luz đraz siêz mak ziv jông gâux:

“Hnuz tsiêz uô nduôr gù, nduôr txâuv puôz no. Chor nduôr no mak iz shông krưr oz jiês, uô ntêx tsiêz thiêz txos kaz hli iz cux krưr. Hli iz mak khi pêz luz nduôr uô cê chiê txo côngv pox côngz zơưv côngv”.

Đros nduôr gù, hêir nênhs Giáy tsik so uô oz zav mor blâuv thiêz khov trâu hnuz ntênhk tsiêz mak uô chor mor blâuv cov huv đros phongx cxưx. Tsiêz mak uô mor blâuv xiêr.

“Hnuz tsiêz mak uô mor blâuv xiêr xưz, hok tsiêz hli 7 mak uô mor blâuv muôx 7 zav liêz njuôz đax…hok tsiêz hli 3 mak uô mor blâuv pêz zav xưz”.

Tix lâus Nông Văn Trường nhoz jok Tả Phời 1 puz pâuz: Đros thiêz nduôr gù, mor blâuv, hêir nênhs Giáy tsênhv muox zav nox cxôngx nzor. Zav nox no tâu uô txix grêix buô, taz sik tâu uô jông thiêz tas ntâu six hơưv uô. Grêix tâu nzuôr hur tso trâu hâur lâux câu hâu cov siêr jông đhâu co muôz bo lok tsês txiêk. Cuôv hur si kror tơưr grêix, dôngv têx zav njê hâu chiê qoz trâu chor tơưr grêix thâuv pov tơưv trox mak muôz so cov hur si, muôz chơưr lok sik cuô kâuz plênhr trâu chor tơưr grêix co thiêz muôz grêix tso hâur ziêk nthênh cov siêz đax mav li muôz bo lok.

“Zav nox no uô thâuv hnuz tsiêz mak zos uô lơưr phongx cxưx chiê txi côngv pox côngz zơưv côngz trâu hnuz xiêz 1”.

Hêir nênhs Giáy li tsuv mor hơưv shông yiêz zos yênhx chuôz zis sik đros nox, hâuk, muôx cxuô zav nox: nduôr gù, mor blâuv xiêr, grêix buô nthênh. Đhâu tsưr tsêr lo luk phôngv tsiêz, sơưr đơưk tuor piz hâuk chơưr sik phôngv tsiêz cov sơưr đơưk muôx đas jos, uô nênhx nhoz shir phaz…/.

 (Thanh Thủy-Lik Thox cxêik nhênhv)