Jax sâu thưr 2, hnuz xiêz  8/2/2016:

Pêz Hmôngz nhoz thax tsav jêx jos tos siêz nox tsiêz shir phaz lul.

          Tix lâus Lai x Vax, xênhz zus shông 1984, nhoz jos Sin Súi Hồ, luz tsêr ntông txơưz, đar pho, jông jav thiêz hâur luz tsiêz no, tix lâus Lai tưz muôx cêr shir phaz đuô thiêz muôx yênhx châuv lênhx kruô tuôx ndis ntux sêiz shuôk têz qơưs. Hauar thax tsav qơư ntơư, đar iz cxênhz ntâu thiêr, tâu tix lâus Lai muôz cxuô zav pax ntông chox lok chos thiêz đêiv pur ntiêx, jông jav. Ntơư zos thax tsav qơư tsôngv kruôs tuôx sêiz shuôk, sâu tâu nhiêx txiêx trâu ziv chuôz zis. Iz chas ntơư, iz lâus Lai tsênhv sâu tâu nhiêx txiêx txix du lix côngv thôngx thiêz muôs cxuô zav pax ntông trâu tsôngv kruô tuôx sêiz shuôk têz qơưs hâur luz tsiêz.

          Tix lâus Lai thav tiêk: Hâur ntu đrav ntêx, têz qơưs tsik tâu txưr tsêz chos zax zênhz mak ziv chuôz zis tưs cux chos zax zênhz thiêz muôx chôngz lênhx nênhs muôx zênhk zax zênhz, sđ uô luz nênhs njiz cêr yêiz pluôs, txov nhêv njuôr. Txix ciês têz qơưs txưr tsik tsêz chos zax zênhz, chox kriê px sđ hlôngr yiêz chos txir hơưk, txix ntơư, cur ziv chuôz zis tưz muôx txâuk nhiêx txiêx zuôr cxuô zav chuôz zênhx chor lok sir zôngv hâur ziv chuoz zis.

           “Hâur ntu đrav ntêx mak cur ziv chuôz zis uô nênhx pluôs thiêz txov nhêv cơưs; txos trâu luz 7-8 hli, tsuôk zos muk zok nriêr vơưs khơưz chox lok nox hâur pluôk yêik pluôk hmo; viv tsêz chos kôngz lôngk cux sâu tsik tâu pês tsơưs. Taz sik, hâur oz pêz shông đhâu lok no, cur cux hlôngr yiêz chos cxuô zav tsoz chos li: Chos cxuô zav pax chiê muôs trâu tsôngv kruô tuôx sêiz shuôk têz qơưs. Xav hâur shông 2015, cur tưz chos tâu 200 têik pax, sâu tâu 100 ntâu triệu nhiêx, muôx txâuk nhiêx txiêx zuôr cxuô zav chuôz zênhx sir zôngv hâur luz tsiêz”.

          Jos Sin Súi Hồ, muôx 100 ntâu ziv chuôz zis zos pêz hêir nênhs Hmôngz. Hâur oz pêz shông đhâu lok no, du lix huôv tsar truôx jux juk đros trâu muôs cxuô zav pax; chos txir hơưk chiê tsôngv kruô tuôx sêiz shuôk ndis ntux… ….Txix têx luôs hâux lưv hêik sâu, ntâu ziv px ntơưv no tưz muôx txâuk nhiêx txiêx zuôr tâu yêz ô tô. Nhiv no jos Sin Súi Hồ tưz huôv tsar chos tâu tsoz pax phong Lan; ntâu ziv chuôz zis chos tâu 400-500 tsoz. Hâur luz tsiêz no, ntâu ziv chuôz zis cux muôs têx pax hêik ntơư, sâu tâu lok nhiêx txiêx xar nto 2 tỷ đêiv.

Tix lâus Chỉnh x Vax nhoz jos Sin Súi Hồ hêik pâuz: Nus chos pax txix shông 2010thiêz muk zok har jôngr, pov cxuô zav pax jông jav, nưk cux gra chox lok chos uô jav, chox muk muôs trâu ciêz San Thàng, thành phố Lai Châu, tâu grê. Txix ntơư, nưs ziv chuôz zis thiêx chos pax nzir. Xav hâur shông no, ntơưv Chỉnh ziv chuôz zis muôs iz tsoz pax xar tâu 2-3 puô cxênhz nhiêx.

 “Txix shông 2011 tror đrav ntêx, tsôngv px ntơưv no cux uô nênhx pluôs hênhr. Taz sik, txos trâu nhiv no tưz pov njôngr tsôngv px sđ muôx luz nênhx truôx tuk jux juk thiêz muôx cêr yêz muk txos trâu cxuô jêx jos. Hâur luz tsiêz no, tsôngv px sđ tưz bax tâu cxix cxuô zav li kêiz buô, tsuôk tok txos hnuz tsưr tsix nox lưv xưz. Đros ntơư, tsôngv px sđ cux tsưx tsix ntuôr uô cêr lov jêv li njuôk jos, truz hluô, tuô hnênhr, ntâuk vix vôngs….”

          Tsôngv px Hmôngz nhoz sâuv thax tsav trôngz Sin Súi Hồ tưz muk đhâu ntâu cêr txov nhêv thiêx hla trâu luz nênhx tsâu sor jux juk thiêz hauar luz tsiêz shông no, tsôngv px nhoz sâuv thax tsav hêik sâu tưz muôx nzir cêr shir phaz tok shông yiêz./.

                                                                       (Tsu cxêik, nhênhv-Khắc Kiên)