Du lix Quảng Ninh: tưz tror muôx chôngz lênhx kruô tuôx ndis uô si sêiz shuôk têz qơưs hâur têx hnuz kaz ciêz

Txo grêk 70%, nhiêx thêv grê  muk sêiz shuôk têx qơư uô si jông jav hâur thax thav đrôngl Hạ Long. Hâur têx hnuz kaz ciêz, muôx ntâu chuôz zis, chôngz lênhx kruô tưz siz zâuv tuôx ndis uô si sêiz shuôk têz qơưs, đhâu iz ntu ntêr so cơư kror trôngx viv muôx moz Covid-19. Txơưv tưz tir thêir tâu caz moz gênhk, taz sik tsôngv kruô tuôx ndis uô si trâu thax tsav qơư co, cux tâu njuôk shuôk caz moz gênhk, chox ntâuz bos kror ndâux, muôz yuôx nzuôr têk thiêz cêv kuôk cov huv đros. Zơưv Trần Văn Minh, Giám đốc sêiz car thax tsav qơư uô si cux hêik pâuz:

Băng: “Hâur ciêz uô ntêx kriz kror trôngx cux muôx chôngz lênhx kruô tuôx ndis uô si zos đrêiv tsưr ziv njuôk xav. Chênhr zos li hêik ntơư, pêz cux tsênhv zuôr kriz têx qơư uô si co txix hnuz thưr 6 cov huv đros tsôngv kruô siêz nhiêv. Đros ntơư, pêz cux yax kriê tsôngv kruô sđ tsuv sir zôngv yuôx nzuôr têk, chox ntâuz bos kror ndâux tsik chiê trâus cik caz moz gênhk”

Trơưk li ngênhx du lix tỉnh Quảng Ninh thôngz sâu, txix hnuz 12 txos hnuz 19/3, Quảng Ninh tưz tok txêik tâu 520 ntâu cxênhz lênhx tuôx ndis uô si, sêiz shuôk têz qơưs; phênhv ntâu zos tsôngv px hâur thax tsav tỉnh thiêz thax tsav qơư muôx chôngz lênhx kruô tuôx sêiz shuôk zos qơư di tích vênhx huôv, tsêr mnov đros trâu thax tsav qơư jong jav Yên Tử…Têx hnuz muôx txos 3 cxênhz lênhx kruô tuôx ndis uô si. Pos Phan Thị Thúy, iz lênhx px nhoz đrôngl  Hạ Long shir phaz lul hêik pâuz:

 Băng: “Hnuz no pêz oz pêz ziv chuôz zis thiêx muôx six hơưv tuôx uô si trâu Yên Tử thiêz luz six hơưv ntu ntux yar cux huv đros, zôngx ziv trâu tsôngv kruô sđ ndis uô si, sêiz shuôk têz qơưs”

Tsôngv kruô tuôx ndis shuôk têz qơưs uô si, ziv hnuz ziv chôngz trâu hâur têx hnuz kaz ciêz; ntơư cux zos iz kro uô trâu ngênhx du lix tỉnh Quảng Ninh muôx cêr shir phaz.

Chiê cov ziv hnuz ziv muôx chôngz lênhx kruô tuôx ndis uô si, sêiz shuôk têz qơưs, Công ty Tùng Lâm, sêiz car tsôngv kruô ndis sêiz shuôk têx tsêr mnov Tôngx, qơư uô si Yên Tử tưz txo grêk tsơưs 40% grê nhiêx thêv muk lok uô si hauar thax tsav thiêz hâur têx hnuz kriz ntênhk hội cux tsik chiê tsôngv kruô thêv grê nhiêx muk lok.

Trơưk li njuôk xav hâur shông 2021, tỉnh Quảng Ninh zuôr tsưr tsix 150 jiês uô luôs hâux lưv txuôk đros du lix, vênhx huôv, tsêr mnôv, cxuô qơư uô si hâur thax tsav li Hạ Long, Cẩm Phả, Cô Tô, Móng Cái…./.