Jax sâu thưr 6 hnuz 18/12/2015

Sơn La: Pêx xênhv trâus pôngz plox tiv pâuz tsik cxuô têx xor mông lok grê

 

 

Tsik xưk li chor shông uô ntêx, shông no gri muôs cà phê trâus txo grêk ntâu txix ciês thâuv hâur chiv, uô trâu nênhs chos cà phê cxơưx hlo. Tiv zix zos pâuz tsik cxuô xor mông lok gri muôl muôs uô trâu pêx xênhv hax zav cxơưx. Hâur chiv tsêz no, tiv pâuz tsik cxuô xor mông viv li thâuv gri cà phê siêz tiv zix, tix lâus Quàng Văn Tuấn, nhoz xã Chiềng Ban, huyện Mai Sơn, tỉnh Sơn La li chuôz zis tưz muôs tsik zênhx thiêz trâus pôngz muôx yênhx châuv triệu đêiv. Tix lâus Tuấn puz pâuz:

 “Tsêz no siêz tiv zix mak cà phê kruôr muôs tâu 48-49. thâuv co mak gri cux tsik tâu truôx, têx thâuv ho grêk txos 45; oz pêz hnuz ho ndê muôx 47 thiêz txos 49. Chuôz zis pov tsik tâu truôx vi li tsik car muôs. Đhâu co tsuôk yuôr muôx iz hli chuôz zis muôs chêk grii grêk muôx 37, tsêz no mak pôngz ntâu hênhr”.

Ntêr lok no sâu zuôr cà phê puôr lênhx zos chor nênhs uô lax luôv chiv chir zok zuôr thiêz hêik gri, muôx tâu gri lok tsik tâu phênhv ntâu khov trâu sik sêiz lax nhoz nênhs sâu zuôr thiêz chor chuôz zis. Tiv gri cà phê thâuv hâur chiv grêk kik, viv li zơưv Hà Văn Nghĩa,, nhoz xã Chiềng Ban, huyện Mai Sơn, tỉnh Sơn La tưz tsik ntiêr nênhs đê mak hêik chor cưr tix nênhs tsa sơưr đơưk muk đros đê lok chiê chiv chir uô cà phê, jiêz kruôr thiêz tok txos thâuv gri cà phê ndê mav li muôs. Tưz tsik zos zơưv Nghĩa li chuôz zis mak chuôs li tas nro chor chuôz zis chos cà phê txơưr đuô hâur jok cux puôr lênhx chiv chir uô li co. Zơưv Hà Văn Nghĩa, xã Chiềng Ban, huyện Mai Sơn, tỉnh Sơn La puz pâuz:

 “Nênhs zuôr tuôx zuôr zos huv gri mak zuk muôs. Hok tsik tâu txâuk gri mak zuk nriêr chor nênhs zuôr txơưr đuô; iz zav li chor sâu zuôr tsêhv tuôx mak thâuv tưs lơưr muôz txos gri chêk zuk muôs”.

Nhiv no pêx xênhv nhoz iz cxiê tiv phaz tưz pâuz nriêr xor mông gri muôs sâuv internet. Taz sik, đros iz luz tỉnh tox siêz xưk li Sơn La mak tsar tov cơ sở cxuô zav tsênhv muôx tsik tâu txâuk têx chuôz zênhx, yênhx tưv, viv li tsik zos lênhx tưs cux pâuz txos Internet. Zơưv Hoàng Văn Sương, phưv chủ tịch UBND xã Chiềng Ban, huyện Mai Sơn, tỉnh Sơn La puz pâuz, pox nhuôs cux tsik so vav tok njôngr têx xor mông yiêz, njuôk xav njênhs đuôx chiê muôs tâu zuk têx hax huv. Zơưv Sương hêik:

 “Gri muôs mak luôs siz nus, lênhx tưs zuôr siêz đuô mak lơưr muôs trâu lênhx nênhs co xưz, tsik tâu muôx kruôz kriê li chak. Vav tiêk Đảng, têz qơưk muôx iz tsênhv chêi tưs chiê uô trâu gri cà phê truôx tuk đuô”.

Tsoz cà phê cux tsênhv tâu xav jênhv zos tsoz chos công nghiệp chênhr nhoz tỉnh Sơn La. Taz sik, tsuv muôx tsưr ziv uô chiê zav tsoz chos no phuôx huiz tâu chêx cur truôx. Txix co, pêx xênhv zuôr uô bluô nux tâu txix tsoz cà phê thiêz tsik trâus njiz têx phiv liv: “Thâuv tâu gri ho tsik muôs, txos thâuv muôx hok pôngz grê”./.

                                                  (Việt Anh-Ly Thox cxêik-nhênhv)

 

 

 

 

 

 

 

 

 

Phênhv nriêr pâuz lok têz qơưs têx chei pháp luật thưr 6, hnuz 18/12/2015:

Têx chei nhiêx txiêx yiêz phưx vưv huôv tsar kôngz nuv

 

 

 

Lơưr Nghị định, muôx 7 tsưr ziv tso txeik pênhr nhiêx phưx vưv huôv tsar kôngz nuv, tox siêz zos: 1, Tso txeik têx nhiêx tsiv uô lax luôv xiv huv kôngz nuv txix tsiv uô txos trâu sâu zuôr; 2, tso txeik phưx vưv uô công nghiệp, muôv muôs thiêz côngz têx tsưr ziv, hâux lưv uô hâur thax tsav tox siêz; 3, Tso txeik chiê tsiv uô zuz nôngz kôngz, tu zus tsiêx cxu, tsiêx đêx, chos jôngr thiêz côngz têx xiv huv uz no phưx vưv uô kôngz nuv; 4, tso txeik huôv tsar uô têx nuv uz no ntơưv thax tsav tox siêz; 5, tso txeik phưx vưv têz qơưs tsaz qơư tsov txos lok cxiv tsa jêx jok yiêz; 6, Tso txeik uô têx hâux lưv phưx vưv tsôngv box thax tsav tox siêz luz nênhx nox nhoz; 7, Tso txeik lơưr Chính phủ têx tsaz yênhx kinh tế cik txos ngênhx kôngz nuv, tox siêz.

Txeik tsi thav muôx đaz tsi, taz por tâu txeik txos 3 tỷ đeiv.

Xiz nênhs, ziv chuôz zis, tổ hợp tác xã, Liên hiệp hợp tác xã thiêz tsưr qơư huôv tsar tu zus tsiêx cxu, uô têx nuv lox…. tâu tsưr tsix nhiêx txiêx tso txeikk tsi thav muôx đaz tsi, taz por tâu txeik lơưr 8 tsưr ziv li no:

1.Tâu txeik ntâu yax zos 50 tsov đeiv đros thiêz xiz nênhs, ziv chuôz zis tsi uô nênhx nhoz tox siêz, uô têx hâux lưv lox hâur ngênhx kôngz nuv ( yưx têx lênhx heik txos ntơưv phênhv 3).

2.Tâu txeik ntâu yax 100 tsov đeiv đros têx lênhx xiz nênhs, ziv chuôz zis uô nênhx nhoz thax tsav tox siêz; xiz nênhs thiêz chuôz zis tsi nhoz thax tsav tox siêz cxaz chuôz sik đros Hợp tác xã lok sik doanh nghiệp tsiv uô kôngz nuv ( yưx têx lênhx heik txos ntơưv phênhv 3).

3.Tâu txeik ntâu yax 200 tsov đeiv đros têx lênhx xiz nênhs, chuôz zis yưv pênhr tsiv uô ntông công nghiệp, ntông nox txir ntêr shông.

4.Tâu txeik ntâu yax 300 tsov đeiv đros tổ hợp tác thiêz chuôz zis tsiv uô lax luôv têx xiv huv.

5.Tâu txeik ntâu yax 500 tsov đeiv đros têx chuôz zis tu zus shuôz njêl,  ntâuk muôz shuôs njêl đêz ntus đêx, muôx ntơưr cir hux thôngx sâu zuôr têx xiv huv uô tâu đros tsưr tsix tsiv uô thiêz buôk ti muôs trâu muk trâu luôs 2 chas têz qơưs, thax tsav.

6.Tâu txeik ntâu yax I tỷ đeiv đros hợp tác xã, tsưr huôv tsar têx qơư lox đar tu zus tsiêx ccxu lok sik uô têx nuv uz no ntâu hâur thax tsav tox siêz  lok sik tsiv uô lax luôv hâur ngênhx kôngz nuv.

7.Tâu txeik ntâu yax 2 tỷ đeiv đros hợp tác xã tu zus shuôz njêl lok sik krêz sâu, ntâuk muôz shuôz njêl đêz ntus đêx, uô têx nuv ntâuk muôz shuôz njêl đêz ntus đêx; têx lênhx tsưr muôx lox đar qơư tu zus shuôz njêl; Liên hiệp hợp tác xã uô hâux lưv hâur thax tsav tox siêz  lok sik tsiv uô lax luôv hâur ngênhx kôngz nuv ( tsi zos têx lênhx heik txos ntơưv phênhv 8).

8.Tâu txeik ntâu yax 3 tỷ đeiv đros Liên hiệp hợp tác xã tu zus shuôz njêl lok sik krêz sâu, ntâuk muôz, tsiv uô shuôz njêl đêz ntus đêx, uô têx nuv phưx vưv ntâuk muôz shuôz njêl đêz ntus đêx.

Têx lênhx tsôngv kruô tâu txeik pênhr nhiêx tsi thav muôx đaz tsi, tsuv muôz trâu tsưr tsix nhiêx txiêx tso txeik nhiêx ntơư đeiv ntơưr côngz jênhv sir zôngv ar ( zos lênhx nênhs tưs muôx đeiv ntơưr ntơư) lok sik ntơưr xav jênhv tsi tâu muôz ntơưr côngz jênhv sir zôngv ar thiêz ar têz tsi muôx siz pênhr, siz txênhz zos UBND cấp xã xav jênhv. Tsôngv kruô tsuôk tâu sir zôngv ntơưr xav jênhv tsi tâu côngz ntơưr côngz jênhv sir zôngv ar thiêz tsi muôx siz pênhr siz txênhz chiê txeik pênhr nhiêx ntơưv iz cxiê tsưr tsix nhiêx txiêx thiêz taz txơưx jênhv, vax huôv trơưk chei têz qơưs lok hâux lưv sir zôngv đeiv ntơưr xav jênhv heik sâu chiê txeik tsi thav muôx đaz tsi lơưr cui tinhv ntơưv Nghị định no.

Tsôngv box….! Phênhv no ciêz tov kaz, pêz mav tror xa txos trâu sđ tsênhv njiêz no. Phênhv no zos tsêr nhiêx kôngz nuv thiêz huôv tsar tox siêz Sơn la sik côngv đros uô./.

                                                       (Thanh Thủy-Riê Lâux cxeik, nhênhv)