Jax sâu thưr 5, hnuz xiêz 10/12/2015

Thax tsav tox siêz Si Ma Cai phax tar no trâu tsiêx cxu

 

 

Hnuz no, zơưv Cư Seo Phú nhoz jok Lao Chải, xã Quan Thần Sán, huyện Si Ma Cai, tỉnh Lào Cai iz thax tsav tox siêz chêx tsôngk xor thêir chuôz zis  têx qơư tu zus tsiêx cxu cov ntov, tsi chiê chuô txiêk yâu. Đros têx tsưr ziv pâuz tâu txix ntâu shông tu zus tsiêx đros trâu têx tsưr ziv cơưv shâuv tâu, zơưv Phú thiêz têx lênhx nênhs hâur tsêr puôr lênhx pâuz tsưr ziv tu zus zuk têx tsiêx. Têx tsưr ziv tâu canr bôv cxiz kôngz xã kriê trâu shâuv uô, puôr lênhx tâu zơưv chuôz zis uô trơưk jông li: Muôz têx shôngz, ntâuz tax lok xor thêir iz ndis qơư tu zus têx nhux tưv, bax tsês jâuz krâur trâu tsiêx nox thiêz  phax tar ntux no trâu têx nhux tưv. Zơưv Cư Seo Phú chuôz zis muôx têx tso siêz tâu hâur cheix ntux no, têx nhux tưv tsi trâus no thiêz yeiz:

“ Luk Hmôngz: 2, 3 shông đrav ntêx ntux no lok cux tso têx tsiêx kuk nox jâuz pêv têx har jâuz tsi lơưr lok tsêr viv li trâus tuôs tas. Nhiv no mak tsuv  por hưv, tsoz tiz jông tu, tsi tâu tso siêz  li thâuv ntơư. Hâur jok 2 shôngk lok no têx nhux tưv tưz tsi trâus tuôs no lơưv”.

Kho tâu yax kriê têx tsưr ziv jông, viv li tsôngv box Si Ma Cai tưz muôx tsưr ziv phax tar yeiz thiêz no tâu jông trâu têx tsiêx. Nhiv no tas nro huyện muôx hur si zuôr xar 12 cxênhz tuk nhux tưv. Viv  uô bax uô tâu jông têx tsưr ziv phax tar no thiêz yeiz trâu tsiêx cxu, 3 shông tror lok no nhoz thax tsav co tưz tsi yuô muôx nhux tưv trâus tuôs, tiv yeiz thiêz no. Lar heik, huyện tưz fuô uô đar trâur nuv uô qơư cơư têx tsiêx tu zus, hâur ntơư muôx  têz qơưs paz uô qơư cơư têx tsiêx chiê lêik jâuz puz. Têx xã tưz heik Ban chox kriê phax tar no thiêz yeiz, têx moz hâur cheix ntux no trâu tsiêx tu zus. Cxuô jêx jok vênhv tôngv tsôngv box sơưr đơưk bax khơưk tsês têx kuôr blêx chiê uô jâuz nox trâu tsiêx hâur cheix ntux no njiv. Zơưv Viên Đình Hiệp, tsar phòng kôngz nuv thiêz huôv tsar tox siêz huyện Si Ma Cai, tỉnh Lào Cai heik:

“ Đhâu cxuô thax tsav  heik pâuz, txos nhiv no hâux lưv  phax tar yeiz thiêz no trâu têx tsiêx cxu tưz muôx 90% ziv chuôz zis bax tâu tsês têx jâuz, krâur nox trâu tsiêx cxu thiêz chox kriê têx lênhx kho moz tsiêx cxu uô jông hâux lưv cxax yuôx phax moz trơưk cui tinhv trâu têx tsiêx cxu thiêz tsi so qênhz yuôx, seiz kaz  truôx jông têx moz  muôx têx huôv xênhz nhoz têx tsiêx tu zus chiê pâuz tâu nzor, phax tir thêir tâu zênhx max”. 

Đros huyện Si Ma Cai tsưr ziv chox kriê zos tsi chiê luz xã, luz jok, chuôz zis tưs muôx tsiêx cxux trâus tuôs viv yeiz thiêz no, hâur cheix ntux no shông no. iz chas hâux lưv yưv pênhr chos tâuz, chos poz cưk, Ban chox kriê huyện cux vênhv tôngv têx ziv chuôz zis bax khơưk tsês têx kuôr blêx, flâuz cưk, tsơưz …..chiê uô jâuz nox trâu tsiêx thâuv luz cheix ntux no tsi muôx jâuz trâu tsiêx nox. Sir jos fuô kriê tsưr ziv phax tar no, yeiz thiêz moz trâu têx tsiêx cxu, tsưr tsix cxax yuôx phax moz cxix cxuô chiê chuôz cxaz têx tsiêx cxu đas jos  phax tir no thiêz moz./.

( Thanh Thủy-Riê Lâux cxeik, nhênhv)

 

 

 

 

 

 

 

 

 

 

Phênhv thưr 5 hnuz 10/12/2015

Yên Bái: Lênhx pox niêv tox siêz hmôngr jông tâu lok dự Đại hội sik tưr nhiêv têz qơưk iz huôv têz qơưk

 

 

 

Đhâu thâuv uô tiêr jênhv vưv quân sự, niêv tix Đỗ thị Hoa Lê li oz niêv txir tror lok kuz qơư nhoz xã Tuy Lộc, thành phố Yên Bái chiê uô nox. Tsik chưx yêiz pluôs, niêv tix Lê tưz cxaz chuôz ntâu lớp cơưv shâuv tu zus tsiêx cxu, chos kôngz lôngk zos hội nôngx mênhx, hội gâux muôv vir ndâuk cxuô cấp tsưr tsix. Đhâu ciês co, niêv tix thiêz chuôz zis tưz piz huôv tsar kinh tế chuôz zis txix tsưr ziv chos jâuz, zus njêl, zuk kêiz…khov co kinh tế chuôz zis muôx đuô đhâu cxiê shông.

Đros thiêz tu zus tsiêx cxu, uô kôngz lôngk, txix shông 2008, niêv tix Lê thiêz chuôz zis tưz sơưr jênhv uô chor côngz trinhx li tsêr cơưv ntơưr, trạm xá, cưx đêx hâur đrak liêx nhoz têx dưn án zâu. Jux juk, niêv tix oz niêv txir yưv pênhr zuôr yêz ô tô chiê thâux cxuô zav phưx vưv trâu pox nhuôs hâur xã thiêz chor côngz trinhx cxiv tsa. Txix co chuôz zis muôx phênhv sâu 200 triệu đêiv ntâu iz shông. Thôngx cxix paz muôx hâux lưv uô trâu 10 ntâu lênhx lox tôngv nhoz tiv phaz. Niêv tix Lê puz pâuz:

 “Thâuv ntêx no mak lok six txov nhêv, oz niêv txir hluôk, mê nhuôs tsênhv zâu. Txix thâuv tâu chor đoanx thể kriê muk cơưv shâuv, mak zuk sir zôngv lok uô xênhz yar thiêx muôx chêx cur. Thâuv co cux phuôx huiz tâu zos iz lênhx pêx xênhv, tsuôk pâuz sir jos uô thiêz cơưv shâuv xưz. Txos nhiv no mak cux muôx đuô mê njik lơưv”.

Tưz tsik zos tsêx tsung huôv tsar kinh tế chuôz zis, niêv tix Lê tsênhv sir jos cxaz chuôz trâu chor huôx tôngv xã hội, đoanx thêv ntơưv tiv phaz. Zos chủ tịch hội chữ thập đỏ; phưv chủ tịch hội gâux muôv vir ndâuk xã, pov muôx tsưr ziv uô xênhz yar kôngz nuv tưs jông, niêv tix ho nhênhz chơưv, cơưv shâuv đhâu co kriê chor chor gâux muôv vir ndâuk sơưr đơưk. Niêv tix Lê cux côngv đros chor tsưr tsix đoanx thêv sơưr bê txêik pênhr trâu chor gâux muôv vir ndâuk pluôs huôv tsar kinh tế. Niêv tix Nguyễn Thị Tâm, hội viên hội gâux muôv vir ndâuk xã Tuy Lộc hêik:

 “Khov muôx niêv lâul Hoa mak pêz pâuz tsưr ziv uô nox. Niêv lâul tsik so kruôz kriê jông, hâur qênhx shênhx uô mak tôngv vênhx, paz. Niêv lâul cux zos iz lênhx nênhs đros phêiz kênh têx phiv liv, sik thav đros chor gâux muôv vir ndâuk, viv li lênhx tưs cux nhiêv”.

Hâur tsaz yênhx cxiv tsa jêx jok yiêz, niêv tix Lê chuôz zis tưz gôngr côngv 12 triệu đêiv chiê uô cêr muk lok hâur jêx jok thiêz tsêr vênhx huôv jêx jok. Txix niêv tix li hâux lưv, ntâu hội viên tưz cơưv shâuv, hêik chuôz zis gôngr ar chiê uô cêr, gôngr côngv nhiêx txiêx, đas jos trâu chor côngz trinhx. Têx gôngr côngv co tưz paz trâu Tuy Lộc nzor zos yênhx xã jêx jok yiêz xuz thơưx ciês nhoz tỉnh Yên Bái trâu hli 5/2015. Pos Trần Thị Hoa, bí thư Đảng ủy xã Tuy Lộc puz pâuz:

 “Lê zos iz lênhx cán bộ sir jos uô côngz xưv, choz zok jênhv vưv tưs lok cux uô tâu tiêr. Tsuv hêik tiêk sir jos uô cxuô kror hâux lưv. Hâur chuôz zis mak zos iz lênhx pox niêv, iz lênhx niêv, lênhx pos lok six jông”.

Đros zuk li sir jos thiêz gôngr côngv, chor shông đhâu niêv tix Đỗ Thị Hoa Lê tsik so tâu cxuô cấp, cxuô nganhx, hội khơưk kruôk, tiv zix zos tâu pêx xênhv hâur jok nhiêv, njênhs njôngr uô trơưk. Hâur đại hội sik tưr nhiêv têz qơưk thôngz têz qơưk jiês tiv 9 no, niêv tix tâu hlôngr njêx muôs trâu pêx xênhv uô tâu hâux lưv jông tỉnh Yên Bái lok dự./.

(Tuấn Xuân-Lik Thox cxêik thav)