Jax sâu thưr 2.25.4.2016:

SA PA HUÔV TSAR YUÔX ĐROX NJUÔZ

Zơưv Má A Sinh chuôz zis zos iz hâur têx ziv chuôz zis chos ntâu tsoz a ti sô tiv zix nhoz xã Sa Pả. Tsoz chos no tsi taz sâu tâu blôngx mak chês thiêz pax cux chox lol phênhv sâu muôs tâu nhiêx txiêx. Pâuz tsưr ziv chos thiêz muôx công ty jênhv sâu zuôr siv huv, zơưv Sinh tso siêz chos 3 hecta tsoz a ti sô.

 “ Cur chos 3 hecta tsoz a ti sô, lơưr chuôz zis njuôs xav, tsi xav têx nhiêx txiêk tưz yưv iz shôngk chuôz zis sâu tâu 300 tsov đeiv”.

          A ti sô zos zav tsoz chos chox lol phênhv sâu muôs tâu nhiêx txiêx, paz ntâu ziv chuôz zis nhoz Sa Pa sir jos hla đhâu cêr pluôs thiêz uô bluô nux. Pâuz tâu tsoz chos a ti sô li kror tsiv grê, huyện tưz chox zav tsoz chos no lol hâur bê têx tsoz chos tsênhv. Nhiv no tas nro huyện muôx 70 hecta ntâu tsoz a ti sô. Chungz fênhx iz shôngk pox nhuôs sâu tâu zuôr xar 4 cxênhz tênhr blôngx a ti sô nhôngs, chox lol phênhv sâu muôs tâu nhiêx zos zuôr xar 8 tỷ đeiv. Tsoz chos a ti sô muôx niêv ciêz sâu zuôr truôx tuk grê, zos công ty cổ phần Tra Pha Cô cir ntơưr sâu zuôr tas nro siv huv trâu tsôngv box. Chiê tuôv zênhv cxix cxuô hâux lưv sâu a ti sô thiêz iz cxiê tsoz yuôx đrox njuôz txơưr đuô sâuv huyện, công ty Tra Pha Cô Sa Pa tưz tâu yưv pênhr zuôr têx công nghêv jông. Zơưv Đỗ Tiến Sỹ, giám đốc Công ty Tra Pha Cô Sa Pa puz pâuz:

 “Công ty hâur ntâu shông jê ntơưv no cux sir jos thiêz chuv tôngv hâur hâux lưv sik côngv, đhâu co đros pox nhuôs nôngx mênhx uô, côngv đros tiv phaz njuôs xav thax tsav phuôv tsar yuôx, uô li chas cov iz zav tsoz chos muôx iz tsưr ziv tsêz chos tsênhv tsênhz, đhâu co muôz siêz yar lengx, tsơưr lươngv tsoz yuôx njuôz”.

          Phuôx huiz kror muôx liv lok qiv hơưv thiêz ar têz, cxôngx shông 2015, huyện Sa Pa tưz huôv tsar krêz uô dưv ar chos 4,5 hecta tsoz đương quy, tam thất trâu iz cxiê ziv chuôz zis ntơưv xã Sa Pả thiêz thị trấn Sa Pa. Chiê cxơưz cxiz, krêz đar mênhv chêx chos yuôx đrox njuôz, huyện tưz muôx ntâu tsênhv chêi, cxiv tsa têx tsưr ziv huôv tsar, njuôs xav thax tsav chos yuôx đrox njuôz. Pos Trần Thị Lan Hương, phưv tsar phongx kinh têr huyện Sa Pa, tỉnh Lào Cai puz pâuz:

 “ Hâur ntu 2015 txos 2020, huyện tsov cưv phuôv tsar thax tsav chos yuôx njuôz txos 200 hecta, đros têx mênhv chêx chos têx zav yuôx txơưr đuô mak yax mông, vênhv tôngv têx ziv chuôz zis chos lơưr tsưr ziv chiê muôx qơư sâu zuôr tas siv huv trâu tsôngv box”.

          Hâux lưv njuôs xav, krêz đar mênhv chêx chos yuôx đrox njuôz hâur ntu zuôr txos sâuv tox siêz Sa Pa, zos luôs hauax lưv zov chênhr chiê hlôngr yiêz tsoz chos huôv tsar kinh têr, xã hôiv, cxiv tsa nôngx cxênhz yiêz ntơưv ntâu xã txov nhêv nhoz huyện Sa Pa./.

Thanh Thủy- Txâur Vax cxeix nhênhv

Phênhv thưr 2 hnuz 25/4/2016

Sơn La sir jos bax trâu hnuz hôiv bâux xêir

Tas nro têx qơư pêx xênhv nhoz, ntơưv tỉnh tox siêz Sơn La hâur têx hnuz no, loa yax mông hêik lok jiês bâux xêir têiv plor côx hôiv thiêz Hội đôngx cxuô cấp ntu 2016-2021 tưz nxê txos tas nro cxuô jêx jok. Iz chas fuô hêik luk tsoz tsiz, tsênhv njiêz jiês bâux xêir tsênhv tâu cxêik uô luk Thái, Hmôngz, cho paz muôx chêx cur yax kriê px pâuz to tâuz. Phênhv ntâu pêx xênhv tưz jênhv pâuz tâu zuk li txơưx jênhv, shir phaz tok txos hnuz bâux xêir. Lơưr tsênhv njênhs njôngr trâu chor nênhs zuôr tâu zuk bâux xêir. Zơưv Cầm Chí Kiên, cử tri nhoz thành phố Sơn La hêik:

 “Cur njênhs tiêk chor nênhs tâu bâux zuôr zos chor nênhs muôx yênhx tưv chiê uô zuk li jênhv vưv, tiv zix zos gra siêz tsơưr lươngv chor jiês cơưv thiêz cuêz tênhv têz qơưk, tỉnh li têx vênhv thix zov chênhr”.

Đhâu cơưv Hiệp thương jiês tiv pêz, tỉnh Son La muôx 10 lênhx ứng cử têiv plor côx hôiv khóa 14, hâur co mênhx cxưx Hmôngz 2 lênhx nênhs, mênhx cxưx Thái 2 lênhx nênhs, mênhx cxưx Mường iz lênhx, tsoz tsiz 3 lênhx thiêz Sinh Mun 2 lênhx. Bê ntơưr ứng cử têiv plor HĐND tỉnh tâu thôngx ziv muôx 122 lênhx.

Đhâu tsưr tsix zuôr cử tri ntơưv qơư nhoz li ziv chênhv gôngr côngv, thôngx ziv, tas nro chor ứng cử viên puôr lênhx tâu cử tri jông siêz, thôngx ziv. Cử tri cux vav tiêk chor ứng cử viên thâuv tâu bâux uô têiv plor côx hôiv thiêz hôiv đôngx tỉnh zuôr tror phuôx huiz pưk txux zos nênhs hlôngr njêx muôs trâu pêx xênhv ntơưv chor cơ quan pêx xênhv bâux xêir.

Txos trâu nhiv no, côngz xưv bax trâu jiês bâux xêir ntơưv tỉnh Sơn La tâu uô zos đrêiv văn phongx Hôiv đôngx bâux xêir têz qơưk yax kriê. Chor tiv phaz hâur tỉnh tưz uô tiêr qơư bâux xêir, muôx 1.951 kror qơư. Nhiv no, Ủy ban bâux xêir cxuô cấp ntơưv tỉnh Sơn La tsênhv tsêx trung chox kriê, qênhz yuôx côngz xưv bâux xêir; lar hêik zos tu cov tiêr px têx ntơưr siz pênhr cik txos bâux xêir; kriz uô tsưr ziv taz por ngaz tuk; bax jông cxuô zav chiê phưx vưv trâu bâux xêir. Zoưv Lưu Minh Quân, giám đốc sở nội vụ tỉnh Sơn La puz pâuz:

 “Tiv iz tsêx tsênhz qênhz yuôx, uô thiêz lo chiv bê ntơưr cử tri. Oz zos uô lơưr cuiz tênhv chiê hêik pâuz chor nênhs ứng cử têiv plor côx hôiv thiêz HĐND cxuô cấp nhoz chor taz viv bâux xêir.  Uô tiêr kênhz tiv zix hnuz 27/4”.

Đros trâu cxuô luôs hâux lưv sir jos bax uô ntơư, cử tri tỉnh Sơn La tsênhv taz tov uô trơưk zuk li vax huôv, thôngz đhâu hâux lưv bâux xêir cov tâu chor nênhs txơưx njê, muôx txâuk tsưr ziv, txux chi siêz chiê hlôngr njêx muôs trâu pêx xênhv ntơưv chor cơ quan pêx xênhv bâux xêir./.

(Hồng Việt-Lik Thox cxêik nhênhv)