Canhv pov txiêz nanv cxôngx meir cxôngr tsơưz

          Chuôz zis pos Lù Thị Chom nhoz jos Bó, phường Chiềng An, đrôngs Sơn La tưz zuôr thiêz zôngv meir cxôngr tsơưz tâu 10 shông ntâu lok no. Hnuz tưs chuôz zis cux zôngv chiê cxôngr tsơưz trâu nhux đas muôx 5 tul đros thiêz yênhx châuv tul buô nox. Cxôngx thâuv muôx meir cxôngr tsơưz pos tsi tsuv zôngv tês tsuôr jâuz buô thiêz cxôngr tsơưz trâu nhux nox thiêz, tsi khưr li ntu đrav ntêx. Taz sik, nhiv kruôr đhâu viv tsi tsưv ziv, pos hlê meir chiê muôz têx tsơưz đeis hâur meir lok, môngr tsi jông meir tưz tsuôr trâus pos tês, tsuv muk tsêr kho moz hlê iz zas ntir tês por tsês:

          “Cur hlê meir môngr tsi jông trâus meir tsuôr trâus tês. Cur tưz trâus lok six moz viv li cur heik kriê pox nhuôs zos lênhx tưs sir zôngv meir cxôngr tsơưz mak tsuv lok six tsưv ziv”.

          Đros pos Lù Thị Chom, jos Bó nhiv no muôx nhos 20 lênhx nênhs trâus txiêz nanv tiv zôngv meir cxôngr tsơưz đa năng. Lênhx trâus saz siz mak cux txiêr tâuz ntir tês, lênhx trâus hnhar mak trâus txiêr 2,3 tul ntir tês. Zơưv Lù Văn Nhại, tsar jos puz pâuz: Têx lênhx nênhs trâus txiêz nanv cxôngx meir cxôngr tsơưz puôr lênhx zos tiv tsi tsưv ziv. Ntâu lênhx xar tiêk tuô tênhv lơưv mak txơưv taz por viv li muôz tês suô tsơưz hâur meir lok, trâus meir txiêr to ciês ntir tês....Đrâuv co thâuv hle meir, luz meir tsênhv ndis, viv li khênhr trâus txiêz nanv:

          “Muôx meir cxôngr tsơưz mak lok six jông zos txơưx zôngv, thâuv zôngv cux riêz nênhs zos tsi tsưv ziv. Pox nhuôs thâuv zôngv meir tsuv đor tês yo siêz. Tiv 2 zos pox niêv tsuv kơưk plâuz hâu khi cov jông thâuv zôngv meir, mê nhuôs zâu mak tsi puz txov. Muôx ntâu lênhx viv tsi tsưv ziv thiêx li trâus saz”.

          Iz luz meir cxôngr tsơưz pox nhuôs nhoz têx jêx jos tox siêz Sơn La zôngv khênhr zos meir zôngx ziv zôngv: tsuôk njiê tênhv, đhok triês trâu hâur meir zơưv zôngv tâu. Gri têx zav meir no cux huv đros pox nhuôs li phênhv sâu, fênhx pheiz cxôngx 1 tsov 200 cxênhz txos 3 tsov đeiv. Tsưr ziv zôngv mak cux zôngx ziv, xar cxôngr lox lok sik zâu li chas cux tâu. Viv li mak lok six ntâu chuôz zis nôngx mênhx tưz zuôr meir lok zôngv. Taz sik, pox nhuôs tsuv lok six tsưv ziv thâuv zôngv luz meir no, chiê jav tâu têx môngr tsi jông muôx thâuv xưk li pox nhuôs nôngx mênhx nhoz jos Bó njiz trâus./.

(Lường Hạnh- Txâur Vax cxeik nhênhv)

Lạng Sơn: Cơưv shâuv, uô lơưr hloz hôx txix têx

hâux lưv uô tsênhv tsênhz

Kaz shông 2018, xar Vân Mộng, huyện Vân Quan tâu UBND tỉnh Lạng Sơn khơưk muôz côngz jênhv uô tiêr cxiv tsa jêx jok yiêz; cxiv luôs cơ sở cxuô zav thiêz pêx xênhv luz nênhx tâu hlôngr yiêz. Chiê tax tâu chêx cur no, cấp ủy, chính quyền xar Vân Mộng tưz kriz uô têx phongz yaox sik tưr đros thiêz cơưv shâuv, uô lơưr hloz hôx cêr uô nênhx jông. Zơưv Lương Hoàng Phê, chi bộ jok Nà Pua puz pâuz: Cán bộ, đảng viên uô ntêx hla hâur cơưv shâuv thiêz uô lơưr zơưv hloz Hôx tưz paz uô hlôngr yiêz siêz xar, tsưr ziv uô hâur cxiv tsa jêx jok yêz. Yênhx cxênhz ziv chuôz zis tưz chiv chir muôz ar muôx 12.000 ntâu yiv ndis, muôz muôx 1 tiv đêiv ntâu thiêz 35cxênhz hnuz côngz uô cêr muk lok, đêx liv, tsêr vênhx huôv thiêz têx côngz trinhx vêv xênhz tênhv qơư….

“Đhâu thâuv muôx tsaz yênhx cxiv tsa jêx jok yiêz, zuk cux zos đảng viên, cux hêik chuôz zis muôz ar chiê uô cêr cov jông muk lok. Đhâu tsaz yênhx mak thiêx pov tau jêx jok hlôngr yiêz ntâu, côngv thôngx pêx xênhv côngv siêz đuô, pox nhuôs muỗ txơưx jênhv hâur tsưr ziv cxiv tsa jêx jok yiêz”.

Đros thiêz zos trưởng phòng (phongx phax tar muôl muôs hax huv chuôr thiêz ưv lik phamv cxâuv, Cục Hải quan Lạng Sơn), pos Đào Thu Lan tsik so tsês ntâu six hơưv chiê nhênhz chơưv lok hloz hôx li siêz xar thiêz tsưr ziv uô hâux lưv chiê nriêr têx jax cơưv shâuv trâu zuk thiêz gôngr côngv trâu taz viv têx chêx cur cxuô. Ntâu shông đhâum pos Đào Thu Lan tưz muôx ntâu tsưr ziv paz gra siêz Cục hải quan Lạng Sơn  li côngz xưv tsav txênhz phax tar muôl muôs hax huv chuôr.

“Cơưv shâuv uô lơưr zơưv hloz Hôx zos uô txix têx hâux lưv zâuv, co cux chênhr zos têx hâux lưv uô zâu, tsêhv tsênhz yênhx hnuz; nriêr pâuz têzz hâux lưv uo tsênhz chiê cxiv tsa tsưr ziv cơưv shâuv trâu zuk. Cơưv shâuv uô lơưr hloz hôx mak cur tưz chiv chir cxiv tsa tsưr ziv uô hâux lưv trâu zuk, taz viv lơưr saz hlôngr yiêz, txơưx xar tơưv, uô cov tâu jông đuô”.

Co tsuôk zos oz hâur chôngz lênhx nênhs, tập thể uô tâu jông nhoz tỉnh Lạng Sơn hâur cơưv shâuv thiêz uô lơưr hloz Hôx. Đhâu 3 shông kri uô Bôv Chính trị li chỉ thị 05, hâux lưv cơưv shâuv thiêz uô lơưr zơưv hloz Hôx sâuv thax tsav tưz zos yênhx lênhx nênhs li kror hâux lưv chiv chir uô, muôx hâur siêz xar thiêz têx hâux lưv uô tsênhv tsênhz. Zơưv Nguyễn La Thông, Bí thư thành ủy Lạng Sơn puz pâuz:

“Uô lơưr bôv Chính trị li chỉ thị 05 đros thiêz uô lơưr Nghị quyết Trung ương 4 khóa 12 tâu Đảng bộ thành phố tsêx trung chox kriê kriz uô. Hâur co zos tsov cưv txos tsưr ziv khưx phưx têx uo tsik tâu tâu. Tiv zix zos lênhx tov tsuv uô têx hlo chiê tá snro đảng bộ uô trơưk”.

Hloz Hôx li shưz xar, cêr uô nênhx  tưz paz gra siêz lênhx tov, tsav txênhz trâu tsưr tsix Đảng. Cơưv shâuv, uô lơưr hloz hôx cêr uô nênhx jông, cxuô cấp ủy Đảng, cán bộ, đảng viên thiêz pêx xênhv cxuô mênhx cxưx tỉnh Lạng Sơn tsik so cơưv shâuv lok chính trị, shưz xar, cêr uô nênhx, cơưv shâuv txux chi, jux juk gra siêz chêx cur  côngz xưv, paz uô tâu jông jênhv vưv tâu choz, cxiv tsa têz qơưk Lạng Sơn ziv hnuz jông thiêz huôv tsar đuô./.

(TTĐB-Lik Thox cxêik nhênhv)