Đhok uô têx meir tsov cxeik đuôz seiz jor jêx jok truôx tuk ntơưv Yên Bái

Zos thax tsav qơư muôx chôngz tsôngv box uô nênhx nhoz đuô hur si hâur tỉnh, TP Yên Bái zos qơư muôx chôngz lênhx nênhs fêv, uô muôx yưv têx tsik jông, cuz nxor, lar heik lol sâuv tuz saz nhiês tsôngv px têx chuôz zênhx uz no.Txix têx li heik co, hli 5/2019, hâu nov têx xã, phường tưz đros Công an TP Yên Bái fuô uô hâux lưv đhok uô têx meir tsov cxeik đuôz txiv ngaz, zalo txiv ngaz. Luôs hâux lưv uô co tâu ntâu tus chôngz lênhx px jông siêz, thôngx ziv đros. Zơưv Nguyễn Tiến Thực, nhoz TP Yên Bái heik:“Đhâu thâuv hâux lưv uô no tâu heik txos trâu tsôngv px sđ pâuz, mak pêz lok six ntâu chuôz zis tưz jông siêz, thôngx ziv uô li ntơư. Khov uô li heik sâuv, lok six ntâu txuz tuz saz tuz nhiês hâur thax tsav qơư nhoz thiêz phường tưz nzor zênhx max tâu qênhz pov thiêz paz jông trâu hâux lưv qênhz yuôx, yơưz phơưz chor nênhs fêv uô tuz saz tuz nhiês”.

Txos nhiv no, hâur thax tsav TP Yên Bái tưz muôx zuôr xar 160 luz meir tsov cxeik đuôz li heik sâuv tâu đhok uô nhoz 22 txox cêr muk lol chênhr, xav hur si têx nhiêx txiêx đhok uô chor meir no tas xar muôx 600 tsov đeiv txix pênhr nhiêx cxiv tsa, tsưx phưv truôx jông jêx jok..... Têx luz meir tsov cxeik đuôz no, cxeik tâu lok six jông, hur si hmo ntux đruôz hnuz puôr lênhx pov tas nro. Chor meir co zuôr tâu tso cxeik đuôz hâur yênhx hnuz hmo tsi tuô hlo thiêz têx đuôz cxeik zuôr tâu tuôr tsês truôx tuk txix 30-90 hnuz tsi plox. Đros trâu chor cơ quan muôx vax huôv têx meir cxeik đuôz li heik sâuv, chuôz zis chor meir cxeik đuôz cux paz lok six jông trâu phax tar têx nênhs fêv hâur thax tsav TP Yên Bái. Pos Tạ Ngọc Hoa, Bí thư Đảng, Chủ tịch Ủy ban phường Nguyễn Thái Học, TP Yên Bái heik pâuz:“Đhâu đhok uô tâu têx meir cxeik đuôz li heik ntơư, tưz muôx lok six ntâu lênhx nênhs fêv uô cxâuv chei trâul xưv bluô thôngz đhâu têx đuôz cxeik tâu hâur meir. Txos nhiv no muôx lok six ntâu chuôz zis, cơ quan, taz viv txưv zênhv muôz mật khẩu meir trâu Công an phường chiê công an pov thiêz pâuz tâu têx cuz nxor muôx nhoz têx jok, hâux lưv uô no tsôngv px sđ jông siêz, thôngx ziv đros. Thâuv muôx têx meir co lok, chor nênhs fêv tưz txo grêk tsơưs ntâu, hâur thax tsav phường tsi pov muôx têx txuz cuz nxor li thâuv ntêx lơưv”.

10 luz hlik hâur shông no, têx meir cxeik đuôz txiv ngaz hâur thax tsav TP Yên Bái tưz qênhz pov zuôr xar 40 txuz cik txos uô tsi truôx tuk qơư nhoz, paz txo grêk tsơưs 5 txuz uô cxâuv chei têz qơưk pir li shông uô ntêx. Têx li heik no tso pov, luôs hâux lưv đhok uô meir cxeik đuôz txiv ngaz tưz thiêz tsênhv uô tâu jông, muôx têx nthuôr uô đêz đar trâu luôs 2 chas thax tsav, suôv qơư hâur tỉnh uô trơưk hâur six hơưv zuôr txos./.

(Thừa Xuân-Riê Lâux cxeik, nhênhv)

Thor cungz ntơưr tso chei chiê A Kâm tror uô hâux lưv jông

          Cxôngx zar hnuz keix txos tsâus ntux, Y Nes 2 vir ndâus tsuôk njiê njôngr seiz ti vi. Kuôk nor 1 luz hlik tov ntêx ho txơưr tsi xưk li ntơưv, Y Nes tsênhv jâuv cơưv ntơưr nhoz cưk kriê A Kâm li lớp cơưv tsi pôngz nhiêx txiêx. Ntu nhiv kruôr muk cơưv, Y Nes pâuz tsi ntâu luk choz tsiz, viv li cơưv kênhz thiêz lax cơưv đuô thâuv cơưv môn Tiếng Việt. Đhâu 3 shôngk tâu cưk kriê Kâm truôx siêz kriê ntơưr, nhiv no tsi taz luk choz tsiz xưz, Y Nes tsênhv txơưx heik luk Anh. Cưk kriê Kâm lớp cơưv cơư trôngx, Y Nes lok six qiv siêz: “Cur cơưv ntơưr ntơưv cưk kriê Kâm cxôngx lớp 1 txos lớp 4. Cưk kriê kriê Toán, tiếng việt. Têx jax cơưv pêv shux cơưv cur tsi tâu pâuz mak thâuv lok tsêr cur ho nus cưk kriê Kâm. Cưk kriê Kâm kriê cxaz trâu cur chiê cur zôngx ziv to tâuz. Nhiv no cưk kriê tsi kriê ntơưr lơưv cur lok six qiv siêz”.

          Tsi taz shux xênhz qiv, shux xênhz li têx lênhx uô niêv uô txir hâur jos muôx mê nhuôs cơưv ntơưr ntơưv cưk kriê Kâm tsêr cux pov lok six khur xiv. Niêv lâuk Y Cher, tsi tâu cơưv tas lớp 12, hâux lưv kriê mê nhuôs cơưv ntơưr niêv lâuk uô tsi tâu, viv li tsuôk khov txos A Kâm paz kriê xưz:         “Kâm pâuz ntâu đuô, nhoz tsêr mak cur tsi pâuz kriê mê nhuôs cơưv ntơưr li chas thiêz, lok six lax uô”.

          A Kâm tsêr nhoz đrav kaz jos Kon Kơ Tu. Fênhx yax lok six hơưv no, chor mê nhuôs tsênhv chêx chôngk cơưv ntơưr. 2,3 châuv lênhx mê nhuôs lênhx tưs cux txov hox, taz sik cơưv ntơưv cưk kriê Kâm lớp cơưv mak lênhx tưs cux nôngs luk, ciêz. 1 luz hlik ntâu lok no, lớp cơưv cơư trôngx, 18 luz trôngx tos đros thiêz đeiv bảng sâu ntơưr A Kâm zuôr phưx vưv mê nhuôs shux xênhz nhiv no tsi zôngv txos thiêz. A Kâm tsi pâuz uô li chas chiê tâu nganhx muôx txơưx jênhv tso chei kriê ntơưr thiêz:“Cur nyei uô zênhr shar txos chinhr quyênx tiv phaz viv nhiv kruôr đhâu phongx zaoz zux heik txos chinhr quyênx tiv phaz. Lơưr heik tiêk zos cur xar kriê ntơưr mak tsuv muôx ntơưr tso chei. Cur tsênhv cơư trôngx lớp cơưv chiê uô ntâuz ntơưr tso chei”.

          Txơưv lok six xar kriê ntơưr, taz sik A Kâm tsi pâuz uô li chas chiê uô tiêr ntâuz ntơưr tso chei, chiê tror tsưr tsix kriê ntơưr trâu mê nhuôs shux xênhz hâur jos. Lik zơưx zos hâux lưv heik lok A Kâm lớp cơưv cxôngx iz lênhx cán bộ Phongx zaoz zux thiêz thox cxov thành phố Kon Tum cux tsuôk zos thôngz đhâu điện thoại. Txos nhiv no tsi tâu pov muôx lênhx tưs tuôx qênhz yuôx thiêz heik kriê A Kâm uô ntâuz ntơưr zuôr trâus. Tsi taz A Kâm uô siêz nhoz tsi kaz mak shux xênhz li têx lênhx uô niêv uô txir nhoz jos Kon Kơ Tu cux pov uô siêz nhoz tsi kaz thiêz tsuôk xar njôngr cưk kriê Kâm li lớp cơưv tror tâu krêz trôngx kriê ntơưr. Niêv lâuk Y Trinh heik, cưk kriê Kâm tsi kriê thiêz, mê nhuôs hâur jos tsuôk pov max uô si, tsi tsâu siêz cơưv ntơưr lơưv:“Pov chor mê nhuôs tsuôk uô si xưz, tsi xar cơưv ntơưr, lok six cxơưx. Zos lớp cơưv krêz trôngx mak mê nhuôs zuôr chêx chôngk tuôx cơưv ntơưr, sik đros cơưv mak nhiêv cơưv đuô, nhoz tsêr phênhv ntâu zos tsi xar cơưv ntơưr.Thiêz niêv txir puôr lênhx zos uô kôngz viv li lơưr tsi muôx six hơưv kriê mê nhuôs cơưv ntơưr. Tsuôk car mê nhuô li, xar cơưv mak cơưv, tsi xar cơưv mak car li xưz”.

          Jos Kon Kơ Tu muôx 120 ntâu ziv chuôz zis mênhx cxưx Ba Nar nhoz uô nênhx. Nox tưz muôx tsi txâuk, viv li pox nhuôs phênhv ntâu tsi tsov cưv txos mê nhuôs li hâux lưv cơưv ntơưr. Têx shôngk jê ntơưv no, TP Kon Tum muôx tsưr ziv huôv tsar Kon Kơ TU yênhxx jos ju lix côngv thôngx. Cux viv li, A Kâm truôx siêz krêz lớp kriê ntơưr tsi zuôr nhiêx txiêx trâu mê nhuôs hâur jos, tiv zix zos môn luk Anh. Hâux lưv no huv đros A Kâm li pênhr xưv txux chi cơưv tiêr Cao đẳng sư phạm chuyên nganhx luk Anh. Tsar jos A Nun puz pâuz, tsuôk cơưv ntơưr thiêx li hlôngr yiêz mê nhuôs luz nênhx tov kaz no, thiêz A Kâm tsênhv gôngr phênhv uô jông hâux lưv no:“Muôx Kâm kriê ntơưr trâu mê nhuôs hlôngr trâu hâux lưv chiv chir cơưv hâur tsêr mak lok six jông. Kâm tưz paz têx mê nhuôs zôngx ziv to tâuz têx môn tưz cơưv pêv lớp cơưv”

          Ntu muôx chôngz mê nhuôs tuôx cơưv A Kâm li lớp cơưv tsi pôngz nhiêx txiêx nhoz jos Kon Kơ Tu tiv zix zos muôx nhos 90 lênhx cxôngx lớp 1 txos lớp 9. Chiê muôx txâuk qơư trâu mê nhuôs cơưv ntơưr, A Kâm tsês zuk li nhiêx shar chiê krêz đar lớp cơưv. Sir jos vênhv tôngv têx lênhx nênhs siêz jông paz txưv ntâuz ntơưr, thax nduôr chiê zaz zâuv mê nhuôs shux xênhz tuôx cơưv ntơưr. Đros siêz xar uô jông têx cui tênhv zos muôx, A kâm nhiv no tsênhv nriêr pâuz tsưr ziv uô ntơưr tso chei kriê ntơưr taz sik tsi tâu pâuz uô li chas chiê muôx ntơưr tso chei, tror krêz lớp kriê ntơưr uô zuk li hâux lưv siêz jông mak A Kâm xar njôngr uô./.

                                       (VOVTây Nguyên- Txâur Vax cxeik nhênhv)