Hluôk nênhs Sơn La cơưv shâuv thiêz uô lơưr zơưv hloz Hôx

Zos Bí thư Đoanx phường Quyết Tâm, thành phố Sơn La, tỉnh Sơn La, tix lâus Trần Minh Khánh tưz hêik pâuz trâu cấp ủy, chính quyền tiv phaz thiêz Thành đoàn Sơn La hâur tsưr tsix ntâu tsaz yênhx, hâux lưv uô muôx tsiv gri thiêz por vêv tênhv qơư li tsaz yênhx: pâur têx vuôz tsuôz, ntơưr nhựa chiê zuôr ntông njuôz; tsaz yênhx cok đuôz yax kriê por vêv tênhv qơư, dự án mêir tinhr kuz, txux chi yiêz…Yênhx tsaz yênhx kriz uô puôr lênhx txêik tâu chor hluôk nênhs thôngx ziv thiêz sir jos đros uô, paz cxiv tsa tênhv qơư hur jông, tsik trâus vuôz tsuôz. Tix lâus Trần Minh Khánh hêik:“Cur mak tsik so sir jos cơưv shâuv nzir txux chi hâur uô côngz xưv cux xưk li tsưr ziv  xar, uô nênhx trâu iz lênhx sơưr thơưx đoanx, tsik so hêik tas nro hluôk nênhs hâur phường sir jos cơưv shâuv thiêz uô lơưr zơưv hloz Hôx. Hâur ntu đhâu, zos iz lênhx Bí thư đoanx phường Quyết Tâm tưz hêik kriz uô txos chor hluôk nênhs têx hâux lưv uô tsênhv tsênhz, cxiv tsa Đoanx phường Quyết Tâm ziv hnuz ziv truôx jông”.

Hâur phongz yaox hluôk nênhs huôv tsar kinh têr, chôngz lênhx hluôk nênhs tỉnh Sơn La tưz hlôngr đuô tsưr ziv uô trơưk khoa học kỹ thuật lok luôs hâux lưv huôv tsar cêr uô nox. Tix lâus Lê Đình Sang nhoz xar Chiềng Mung, huyện Mai Sơn li tsưr ziv zus bliêk đês chiê zuôr têx hlơưk lok zos ngọc trai zos iz kror li co. Thâuv piz kriz uô luôs hâux lưv no, tix lâus San njiz tsik tsơưs phiv liv tiv tsik tâu muôx tsưr ziv tu zus uô bliêk đês uô hlơưk, taz sik tix lâus San cux sir jos cơưv shâuv cxuô faz tsưr ziv huôv tsar uô tâu truôx. Ciês shông 2019 đhâu, luôs hâux lưv uô no tưz paz muôx phênhv sâu tâu nhiêx txiêx zuôr xar 1 tiv đêiv. Car xar, car uô, tsik cxơưx phiv liv, tix lâus San li tsưr ziv tu zus bliêk đês uô hlơưk tưz yênhx iz luôs hâux lưv tâu chor hluôk nênhs hâur thax tsav thiêz oz chas huyện tuôx ndis shuôk cơưv shâuv. Tix lâus Lê Đình Sang puz pâuz:“Thâuv nhiv kruôr uô mak tsênhv pâuz tsik tâu tâu txos têx đêx thiêz cxuô zav ntơưv zuk qơư nhoz no mak cux njiz lok six ntâu phiv liv, iz zav li nhiv no zuk uô tsik ndax chiv, lok sik qiv hơưv txơưr txar ntâu mak chor bliêk đês cux trâus tuôs ntâu. Xuz thơưx mak cê uô cê cơưv mak bliêk đês tuôs ntâu hênhr, nhiv no muôx tâu chênhz zênhv mak tưz zus tâu yênhx côngz muôx 80%”.

Pâuz tsênhz txos hloz Hôx luk kriê, “Kror tưs xar tâu paz mak muôx hluôk nênhs, hâux lưv tưs phiv liv muôx hluôk nênhs paz đros uô”,. Chênhr zos li hêik ntơư, hâur ntu đhâu, hluôk nênhs Sơn La tsik so uô ntêx nyuôk trâu cxuô luôs hâux lưv, phênhv ntâu zos têx hâux lưv uô viv côngv thôngx luz nênhx. Txix hâur shôngk shông txos nhiv no, cxuô cấp bộ đoàn tưz jênhv thiêz kriz uô xar muôx 120 côngz trinhx, têx hâux lưv hluôk nenhs, đros nhiêx txiêx uô muôx iz tiv đêiv ntâu; tsưr tsix 130 ntâu hâux lưv siêz jông viv ngaz tuk xar hôiv, paz trâu pêx xênhv đros muôx 2.000 ntâu lênhx hluôk nênhs cxaz chuôz. Hâur jiês phax, tar caz moz Covid-19 tưz kriz uô têx hâux lưv yax kriê, hêik pâuz chêi phax, tar thiêz muôz muôx 5.000 ntâu đêiv ntâuz bos kror ndâux, khơưk muôz 1.000 ntâu luz xà phòng trâu pêx xênhv. Tix lâus Vi Tuấn Bảo, Trưởng ban Tuyên  giáo Tỉnh đoàn Sơn La puz pâuz: Đhâu têx hâux lưv uô tsênhv tsênhz, chor hluôk nênhs tưz kriz uô cơưv shâuv thiêz uô lơưr zơưv hloz Hôx txix têx hâux lưv uô jông, đros co cux khav tênhv hluôk nênhs li têx sir jos hâur huôv tsar kinh têr-xar hôiv ntơưv tiv phaz:“Chiê phuôx huiz thiêz kriz uô jông hluôk nênhs li têx kror muôx liv hâur ntu zuôr txos no txos trâu cxuô cấp bộ đoàn hâur tỉnh tror hlôngr yiêz tsênhv njiêz, tsưr ziv tsưr tsix têx hâux lưv uô paz trâu tiv phaz, tsov cưv txos gra siêz Đoàn li chor phongz yaox chiê paz uô tiêr jông jênhv vưv huôv tsar kinh têr xar hôiv, côx phax ngaz tuk tỉnh shông 2020 thiêz têx shông lơưr co”.

Pâuz tsênhz txos hloz Hôx têx luk kriê, hluôk nênhs Sơn la cux tsênhv taz tov sir jos uô cxuô luôs hâux lưv paz trâu xar hôiv cov ziv hnuz ziv huôv tsar jông huv đros luz têz qơưs hlôngr yiêz nhiv no./.

(Trấn Long-Lik Thox cxêik nhênhv)

Ndo njôngr Hloz Hôx li luk heik kriê, truôx siêz paz tsôngv box mênhx cxưx thax tsav txov nhêv huôv tsar uô bluô nux

          Hâur shôngk shông 1959, tâu cán bộ Zênhx pênhz phax Leng Su Sìn, Mường Nhé, Điện Biên tôngv vênhx, lênhx hluôk nxeik Chu Chà Me mênhx cxưx Hà Nhì thâuv co nhiv kruôr muôx 17 shông truôx siêz mul cơưv ntơưr ntơưv Tsêr cơưv mênhx cxưx qơư tự trị Thái Mèo (nhiv no hlôngr bê zos Tsêr cơưv mênhx cxưx qơư tự trị Tây Bắc) đros siêz xar njôngr tâu cơưv ntơưr thiêz tror lok cxiv kho têz qơưk thiêz paz max pox nhuôs Hà Nhì. Jiês xuz thơưx tâu njiz Hloz Hôx hâur hnuz hơưv tos Ntâus zênhx lix xưv Điện Biên Phuv xiêz 7/5/1959, pos ndo njôngr Hloz li luk choz chêv: “Nêx tsênhv hluôk, luz nênhx tsênhv yuôr ntêr, tsuv sir jos cơưv ntơưr, cơưv ntâu đuô thiêz tror mul tsêr mak vênhv tôngv hluôk nênhs mênhx cxưx Hà Nhì mul cơưv ntơưr ntâu đuô”. Ndo njôngr têx lo lul Hloz heik kriê, pos thâuv tưs cux sir jos yênhx iz lênhx nênhs jông, zó siz cán bộ uô ntêx nyuôk nhoz tiv phaz.

          Jiês tiv 2 thâuv tâu huyện ủy Mường Tè xeir mul Dưv ntênhs chiv nhênhv Hnuz Quốc khánh xiêz 2/9/1960 ntơưv Hà Nội, pos Chu Chà Me tror tâu njiz Hloz Hôx, Hloz tsênhv ndo txos pos- lênhx hluôk nxeik nênhs Hà Nhì truôx siêz mul cơưv ntơưr. Thâuv pos heik hluôk nênhs Hà Nhì nhiv no tưz mul cơưv ntơưr ntâu đuô thâuv ntêx lơưv, Hloz kruôk thiêz choz chêv “Li mak lok six jông! Mul tsêr cox tror heik trâu têx hluôk nênhs Hà Nhì tiêk Hloz xar njôngr lơưr sir jos cơưv ntơưr hênhr đuô”. Phênhz kênh 2 jiês tâu môngr jông njiz Hloz Hôx, Pos Chu Chà Me puz pâuz: Hloz li lul choz chêv txos nhiv no pos ndo njôngr hâur siêz tsi plox. Hloz zos lênhx nênhs chox kriê cur thiêz mênhx cxưx Hà Nhì sir jos chiê muôx tâu luz nênhx vav mênhx, tsâu sor thiêz shir phaz đuô:     “Hloz heik tiêk mul tsêr tsuv vênhv tôngv têx hluôk nênhs Hà Nhì mul cơưv ntơưr ntâu đuô, cơưv ntơưr thiêx li pâuz ntâu đuô. Muk tsêr cur thiêx heik trâu pox nhuôs nhoz co, Hloz muôx lul nus txos Hloz choz chêv hluôk nênhs Hà Nhì tsuv mul cơưv ntơưr ntâu đuô, cơưv ntâu thiêx pâuz ntâu, thiêx uô tâu tsưr zuk têz qơưk, chiê tox siêz huôv tsar chuôk tiêx đras. Tsôngv box Hà Nhì tov kaz no mul cơưv ntơưr ntâu đuô, ntâu lênhx nênhs cơưv tiêr Đại học thiêz cux uô tsưr zuk têz qơưk”.

          Pos Mùa Thị Dí- kuz Phưv Chủ tịch UB tỉnh Lai Châu (kuz) zos mênhx cxưx Hmôngz, tâu xênhz zus thiêz hloz lox ntơưv iz xã tox siêz huyện Tủa Chùa (tỉnh Điện Biên), pos Dì txir pôngz thâuv pos tsênhv zâu, luz nênhx njiz ntâu phêv liv. Nzor mul lơưr cơưx mênhv, pos cxaz chuôz tơưv txênhz tir ntâus tros châuz Pháp ntơưv têz qơưk thâuv nhiv kruôr tâu 15 shông. Pos Dí puz pâuz: Jiês xuz thơưx tâu njiz Hloz Hôx zos Tsiêz shông 1956. Thâuv co pos nhiv kruôr muôx 16 shông thiêz tsi txơưx heik luk choz tsiz ntâu. Tsuôk pâuz heik iz lo thâuv njiz Hloz zos “Tsiêz yiêz thor phôngv Hloz muôx jông đas jos!”: Jiês tiv 2 pos Dí môngr jong njiz Hloz Hôx zos shông 1958. Thâuv co pos tsênhv zos teiv plor dưv Phêv ziv pox niêv têx mênhx cxưx tox siêz. Hâur 300 lênhx teiv plor muôx 40 lênhx tâu heik muk njiz Hloz Hôx. Đhâu têx lo lul nus Hloz tsês trâu đoanx, pos Dí ndo tiv zix zos thâuv Hloz tuôx jê pos thiêz heik lul Hmôngz nus pos:“Hloz heik lul Hmôngz thiêz nus ‘Nox mor tsi tâu’. Đhâu co Hloz tror choz chêv heik cur mul tsêr sir jos vênhv tôngv tsôngv box tu zus, tsiv uô kôngz nuv chiê txos tsiêz lênhx tưs cux muôx buô tuôx, phuôx tôngv phongz yaox “ 3 keiz 2 buô”. Ndo njôngr Hloz li luk choz chêv, truôx siêz uô lơưr Hloz, mul lơưr Đảng. Tsi muôx Đảng, tsi muôx Hloz mak têz qơưk Điện Biên zuôr tsi muôx hnuz no”.

          Ndo njôngr Hloz Hôx li têx luk choz kriê, pos Chu Chà Me thiêz pos Mùa Thị Dí puôr lênhx sir jos cơưv ntơưr, đros thiêz uô côngz xưv chinhr quyênx tov kaz no, chiê cxôngx co truôx siêz chox tsôngv box mênhx cxưx tsơưs nênhs nhoz thax tsav txov nhêv sir jos đuô hâur luz nênhx, huôv tsar chuôs thax tsav tiêx đras lơưr Hloz li luk choz chêv thiêz siêz xar njôngr./.

(Vũ Lợi- Txâur Vax cxeik nhênhv)