Jax sâu thưr 2, hnuz 26/10/2015

Sơn La: Uô tâu trươk tsênhv chei jênh sôr nhoz thax tsav ntus đriv

 

 

 

Xã ntus đriv Chiềng Khương, huyện Sông Mã, tỉnh Sơn La, phênhv ntâu zos tsôngv box cxuô heir nênhs tsơưs uô nênhx nhoz, tsi yuô tâu muôx tsưr ziv jênhv pâuz, muôx iz cxiê ziv chuôz zis xênhz mê nhuôv puôr lênhx zos tuz lok sik nxeik hur si, taz sik hâux lưv txo grêk tsơưs xênhz tuk mê nhuôs tiv 3 tưz tâu tsôngv box uô tâu truôx. Txos nhiv no, xã muôx 16 hâur 23 luz jok tsi muôx gơưv niêv txir tưs xênhz zus tuk nhuôs tiv 3.  Niêv lâuk Nguyễn Thị Hương, canr bôv jênh sôr xã Chiềng Khương, huyện Sông Mã, tỉnh Sơn La heik pâuz:

Băng: “ Chiê txo grêk tsơưs qênhx shênhx xênhz zus tuk nhuôs tiv 3, pêz tsi so muk yênhx jêx jok chiê yax kriê, pheiz yuôx nox phax tir thêir tsi chiê muôx mê nhuôv cov têx ziv chuôz zis pâuz tâu xênhz tuz ci tsơưs li muôx liv, pâuz tâu têx chei, cui tinhv tsi xênhz zus tuk nhuôs tiv 3”.

Luôs hâux lưv canr bôv jênh sôr tsi so muk trâu têx jêx jok yax kriê lok tsưr ziv tsi xênhz tuz ci chôngz, têx tsưr ziv phax tir thêir tsi chiê muôx mê nhuôs tưz paz ntâu ziv chuôz zis hâur cxuô jêx jok pâuz to tâuz thiêz uô tâu truôx. Tix lâus Lò Văn Hoàng, nhoz jok Huổi Nhương, xã Chiềng Khương, huyện Sông Mã heik:

Băng: “ Nhiv no cur xênhz zus tâu 2 tuk nhuôs nxeik taz sik tov kaz no cur zuôr tsi xênhz zus nzir tuk nhuôs tiv 3 chiê txoz cxơưx tâu trâu têx mê nhuôv, tsi nyơư luôs nox luôs hnar, sir jos  kruôz kriê têx nhuôs tsiv txiêx, yênhx nênhs jông thiêz muôx liv trâu XH”.

Nhiv no, hâur niêx shông tỉnh Sơn La tưz uô tâu luôs hâux lưv txo grêk tsơưs xênhz tuz ci nhoz 0,5%, chor gơưv niêv txir xênhz tuz ci chôngz txo grêk yuôr 1% ntâu, têx gơưv  niêv txir uô trơưk tsưr ziv tsi xênhz zus mê nhuôv chôngz muôx 76% ntâu thiêz chor gơưv niêv txir xênhz zus tuk nhuôs tiv 3 txo grêk yuôr 12% ntâu. Hâur têx shôngzuôr txos no, luôs hâux lưv jênh sôr, tsưr ziv xênhz zus nhuôs tsơưs tror tâu fuô uô đêz đar  txos trâu cxuô xã, jêx jok, ziv chuôz zis, lar heik zos têx xã thax tsav ntus đriv. Zơưv Trần Đình Thuận, chi cục tsar chi cục jênh sôr, tsưr ziv xênhz zus nhuôs tỉnh Sơn La heik:

Băng: “ Thax tsav ntus đriv nhiv no, pêz tưz thiêz tsênhv fuô uô tâu lok six jông, tâu tsôngv box sơưr đơưk jông siêz, thôngx ziv uô trơưk, pir li uô lơưr tsưr ziv yax kriê, vênhv tôngv, uô uô cê têx hâux lưv tsoz phưz đas jos xênhz zus nhuôs txos trâu têx xã hâur thax tsav ntus đriv. Muôx têx heik, tỉnh hâux lưv jênh sôr hâur ntâu shông đhâu tưz uô tâu jông, paz trâu tỉnh li cêr huôv tsar kinh tế-XH, cux li ntơưv qơư, hâur têx huyện, xã thiêz lar heik zos yênhx ziv chuôz zis hâur tỉnh Sơn La”.

Luôs hâux lưv yax  kriê cxuô gơưv niêv txir tsik xênhz tuz ci chôngz tưz uô tâu truôx thiêz hâu nov ntơưv qơư cêr moz siêz txos luôs haux lưv uô trơưk tsênhv chei jênh sôr. Đhâu ntơư, tưz paz gra siêz tsôngv box thax tsav ntus đriv tỉnh Sơn La txux chi, tsưr ziv jênhv pâuz lok xênhz zus tuz ci chôngz, zuôr tsik muôx liv trâu ziv chuôz zis. Kror no zuôr zos pênhr jos jông chiê cxiz uô tsưr ziv cxiv tsa jêx jok yiêz thiêz cxuz cêr yeiz pluôs nhoz thax tsav tox siêz ntus đriv Sơn La./.

( Trấn Long-Riê Lâux cxeik-nhênhv)

 

 

 

 

Phênhv “Cxiv tsa Đangv” hnuz 26-10-2015

Cxuô tỉnh tox siêz thiêz tiêx đras tưz zuôr siz txis

 

 

Têx ntâuz ntơưr hêik hâur Đại hội Đảng hur si têz qơưs jiês 12 tưz tror xav tênhv, huôv tsar cxaz nzir Đảng cxuô tsênhv chêi trâu thax tsav tox siêz hêir nênhs tsơưs. Hâur jiês cơưv chính trị tưz hêik txos huôv tsar zoz zux trâu thax tsav hêir nênhs tsơưs. Lar hêik zos tsuv gra siêz zoz zux trâu cán bộ hêir nênhs tsơưs uô côngz xưv cov tâu truôx. Pos Triệu Thị hoa, hội liên hiệp pox niêv huyện Thông Nông, tỉnh Cao Bằng thav tiêk:

“Cxuô tỉnh tox siêz, luôs hâux lưv uô tsênhv tsik tâu truôx; chênhr zos li hêik ntơư, cur tok njôngr Đảng têz qơưs tsuv muôx tsênhv chêi uô cov huv đros cxuô hêir nênhs tsơưs nhoz thax tsav tox siêz đêz đrôngl thiêz paz trâu chor tuz cxêik cơưv tas ntơưr chiê đros uô hâux lưv têz qơưs”.

Iz cxiê cux hêik, Đảng têz qơưs tsuv muôx tsênhv chêi muôz paz trâu tsôngv px huôv tsar tsêz chos kôngz lôngk, cxiv uô qơư zuôr muôs hax huv trâu thax tsav  qơư nhoz. Tiến Sỹ Hồ Đức Phớc, bí thư tỉnh uỷ Nghệ An hêik pâuz:

“Pêz sir zôngv công nghệ sinh học, khoa học kỹ thuật chiê chêx chôngk cxiv tsav Nghệ An cov yênhx iz thax tsav, uô tsiv tâu ntâu zav hax huv. Chêx chôngk huôv tsar uô kôngz lôngk đros trâu cxiv uô ntâu zav hax huv muôs trâu luôs oz chas têz qơưs. Cur xav tiêk, Đại hội 12 zuôr uô tâu ntâu kror truôx ndax fiv têz qơưs hlôngr yiêz nhiv no”.

Viv yuôr ntâu phiv liv thiêz nhoz đêz tsênhv qơư đrôngl lox, li ntơư thax tsav faz Bắc, Tây Nguyên, Tây Nam Bộ tsênhv huôv tsar tsik tâu siz txis. Zơưv Nguyễn Hoàng Hiệp xav tiêk: tsuv muôx tsênhv chêi uô cov huv đros cxuô tỉnh thax tsav tox siêz cov huôv tsar uô tâu truôx.

“Cur xar njôngr Đảng têz qơưs tso tơưv tsênhv chêi uô huv đros cxuô tỉnh cov thiêx uô tâu truôx đros trâu huôv tsar du lix…”.

Huôv tsar kinh tế xã hội trâu tsôngv px hêir nênhs tsơưs thax tsav faz Bắc, Tây Nguyên, Tây Nam Bộ, Đảng têz qơưs tsuv tâu moz siêz txos thax tsav qơư nhoz thiêz tso tơưv tsênhv chêi huôv tsar uô trâu hâur ntu zuôr txos thiêx zuôr uô tâu truôx./.

                                                                                (Tsu cxêik-nhênhv-TTTB)