Têx cưk kriê tox siêz Lai Châu truôx siêz kriê ntơưr hâur

cheix ntux yiêz

          Xưk li ntâu lênhx cưk kriê thax tsav tox siêz txơưr, cheix ntux yiêz no, cưk kriê Dương Thị Thanh Nga, nhoz tỉnh Sơn La, zos cưk kriê tsêr cơưv Trung học cơ sở Làng Mô, huyện Sìn Hồ, tỉnh Lai Châu ho nhoz ntơưv no tror đros pox nhuôs jêx jos nox tsiêz. 13 shông uô côngz xưv nhoz tox siêz Làng Mô, shông no zos shông tiv 12 cưk kriê Nga tsi tâu lok tsêr nox tsiêz. Têx hnuz no, thâuv shux xênhz qir so ntơưr chiê nox tsiêz, cưk kriê Nga cux qir qêz suô vax tsêr. Cưk kriê cux tưz zuôr cxix cxuô têx thax nduôr thiêz muôx cxaz chês pax txir đuôx zos shux xênhz khơưk muôz chiê cưk kriê tos tsiêz yiêz.

          Cưk kriê Nga heik: Tsiêz yiêz lok txos, nhoz đêz mak lênhx tưs cux ndo zuk txir zuk niêv, ndo têx lênhx nênhs cxênhz jê, taz sik shông tưs cux đros pox nhuôs nox tsiêz viv li cux tưz sưv lơưv thiêz. Hnuz tsiêz nhoz ntơưv jos txơưv muôx tsi txâuk lok chuôz zênhx chuôz tas, taz sik pox nhuôs thiêz shux xênhz lok six jông siêz, muôx tul tsi cux ndo txos cưk kriê, viv li cux jông siêz. Nhoz ntơưv no ntâu shông, nhiv no muôx chuôz thênhx ntơưv no, viv li cxôngx nzor lok cur tưz seiz têz qơưk no zos cur têz qơưk tiv 2 lơưv:“Lênhx tưs cux xưk li ntơưv, tsi tâu lok tsêr nox tsiêz cux qiv siêz hênhr, taz sik viv nhoz no ntêr lơưv viv li cux pov luz nênhx fênhx yax thiêz. Shux xênhz thiêz pox nhuôs nhoz no lok six jông siêz. Tsiêz cux tuôx phôngv tsiêz cưk kriê, muôx nduôr cux gra tuôx trâu cưk kriê chiê tôngv vênhx cưk kriê sir jos nhoz no kriê ntơưr”.

          Cux xưk li cưk kriê Nga, cưk kriê Nguyễn Thị Hạ, nhoz huyện Đông Hưng, tỉnh Thái Bình tuôx Làng Mô uô hâux lưv cxôngx shông 1998, thâuv tsênhv zos iz lênhx cưk kriê phổ cập. 20 shông ntâu uô côngz xưv nhoz thax tsav no, cưk kriê thâuv tưs cux jênhv uô jênhv vưv nhoz têx jêx jos đêz, qơư tsôngv box Hmôngz tsênhv yuôr ntâu txov nhêv. Shông no zos shông tiv 16 cưk kriê nhoz jos Tù Cù Phìn, kuôk tsêr cơưv tsênhv qơư muôx nhos 5 cei cêr. Nhiv no tưz muôx chuôz thênhx thiêz tsêr nhoz ciês hâur jos, viv li ntâu shông cưk kriê tsi mul tsêr nox tsiêz.

          Cưk kriê Nguyễn Thị Hạ pheiz kênh: Cur niêv cur txir nhoz Thái Bình, cur tul txir thiêz mê nhuôs ho nhoz tỉnh Điện Biên, iz lênhx nhoz iz kro viv li thâuv txos tsiêz chiê sik đros nox iz luz tsiêz cux lok six lax. Viv cêr mul lok đêz, iz lênhx nhoz iz kro, tsiêz shông no cur tul txir thiêz mê nhuôs puôr lênhx mul pos nhoz Điện Biên nox tsiêz, yuôr cur mak nox tsiêz ntơưv jos. Pox nhuôs jêx jos txov nhêv hênhr, taz sik lok six jông siêz viv li cux pov jông siêz:“Pox nhuôs hâur jos mak hluz cur hênhr. Cưk kriê lok kriê ntơưr mak pox nhuôs lok six seiz jông. Lênhx tưs cux xar mul tsêr nox tsiêz, taz sik viv luz nênhx, viv côngz xưv uô mak tsuv nhoz mul đêz xưz. Nhiv no nhoz ntêr cux tưz sưv cux tsi pov qiv siêz lơưv thiêz”.

          Huyện ntus đriv Sìn Hồ nhiv no muôx 2 cxênhz 400 lênhx cán bộ, cưk kriê thiêz cheix ntux yiêz no tsênhv muôx yênhx puôk lênhx cưk kriê tsi tâu mul tsêr nox tsiêz, tsuv nhoz hâur jos đros pox nhuôs nox tsiêz. Đrâuv têx cưk kriê tâu choz jênhv vưv nhoz jor uô côngz xưv vênhv tôngv shux xênhz mul cơưv ntơưr thâuv nox tsiêz tas, cux muôx ntâu lênhx cưk kriê nhoz ntơưv jêx jos nox tsiêz viv hluz tsôngv box nhuôs jêx jos. Thiêz, têx qơư muôx cưk kriê nhoz nox tsiêz mak phênhv ntau zos têx tsêr cơưv nhoz tox siêz đêz đrôngs, thax tsav ntus đriv, thax tsav txov nhêv tiv zix.

          Pos Nguyễn Thị Giang, Phưv tsar Phongx zaoz zux thiêz thox cxov huyện Sìn Hồ puz pâuz: Jênhv pâuz tâu shux xênhz li niêv txir thiêz shux xênhz li hâux lưv cơưv ntơưr sâuv thax tsav huyện têx shôngk đhâu muôx têx hlôngr yiêz jông, gôngr phênhv muôz siêz tsơưr lươngv zaoz zux nhoz thax tsav txov nhêv. Taz sik, iz jiês jiês thâuv so nox tsiêz tas, shux xênhz khênhr max uô si mak so ntơưr. Têx thâuv li ntơư, zos tsi muôx têx cưk kriê ntơưr truôx siêz sir jos uô côngz xưv vênhv tôngv shux xênhz mul cơưv ntơưr mak lok six lax. Pos Giang heik:          “Cưk kriê zos pox niêv uô côngz xưz nhoz têx tsêr cơưv thax tsav txov nhêv mak lok six moz siêz đros hâux lưv uô, iz siêzphưx vưv trâu côngz xưv zaoz zux. Đros thiêz têx cưk kriê tsi tâu mul tsêr nox tsiêz viv ntâu lik zơưx mak nganhx zaoz zux zuôr muôz cxuô theox chênhv cux xưk li chuôz zênhx chuôz tas chiê lơưr tso siêz. Pêz cux chox kriê têx taz viv tsêr cơưv paz txưv lok nhiêx txiêx, chiê têx cưk kriê nox tsiêz ntơưv tsêr cơưv cux pov sor si”.

          Đros pox nhuôs jêx jos tsênhv yuôr ntâu phêv liv nox tsiêz, tsi muôx txâuk chuôz zênhx chuôz tas cxuô zav, taz sik cưk kriê nhoz ntus đriv Lai Châu tsuôk muôx iz siêz xar njôngr zos tas nro têx mê nhuôs shux xênhz nhoz no puôr lênhx tâu muk cơưv ntơưr, chiê tov kaz no lênhx tưs cux muôx tâu luz nênhx jông đuô./.

( Khắc Kiên- Txâur Vax cxeik nhênhv)

Cxênhx txuôs txix Agribank tso siêz tsês chiê muk ntêr

Cxênhx txuôs txix Agribank zos cxênhx txuôs tsês jux juk mak nênhs tsês zuôr tsês chiê tâu chor nhiêx tsik khov lơưr iz ntu tưs, cxênhx txuôs tsês nhiêx trâu ntu nênhx tov ntêx.

Têx kror liv hâur tsês chiê nhiêx cxênhx txuôs txix Agribank :

Nênhs tsêx chiê nhiêx tâu tsês chor nhiêx tsik xav lơưr chiê jiês tsês chiê tso trâu hâur tài khoản

Tâu sơưv nhiêx liv siêz lơưr tsưr ziv kho ndê grêk nhiêx liv thâuv nhiêx liv txơưr txar ndê, grêk.

Tâu sir zôngv Agribank li têx kror muôx liv jông

Bax tsês chiê nhiêx txiêx txix ntâu tsưr ziv li tuôx ciês ntơưv qơư chiê tsês, xa nhiêx txix têx tài khoản txơưr lok, lok sik zok trâu nênhs txơưr đuô paz tsês cux tâu.

Sir zôngv sổ cxênhx txuôs chiê xav jênhv tâu zuk chor nhiêx txiêx lok sik nênhs cxênhz jê tâu Bảo hiẻm nhiêx tsês chiê

Taz por ngaz tuk jông cxuô xor mông trâu nênhs tsês chiê nhiêx

Six hơưv tsês chiê zos 12 hli, 18 hli, 36 hli, 60 hli đros chir nhiêx Việt Nam, USD, EUR. Chor nhiêx tsês tsơưs tiv zix zos 500.000 đêiv, 20 USD, 20 EUR, đros tsưr ziv no mak chor nhiêx iz jâus tsês chiê zuôr tsik siz bâus. Nênhs tsês tâu thêv nhiêx liv iz jiês trâu kaz six hơưv tsês, nhiêx liv zuôr tâu xav lơưr nhiêx liv cxênhx tsês nhiêx muôx six hơưv zos 6 hli. Nhiêx dịch vụ zuôr tâu xav lơưr nhiêx phí nhiv no ntơưv chor chi nhánh Agribank sâuv thôngz têz qơưk.

Đros tsưr ziv uô ntâuz ntơưr sêi đrơưv, zôngx ziv uô, nênhs tsês tsuôk tsuv gra đros ntơưr chứng minh lok sik hộ chiếu tuôx ciês ntơưv chor qơư uô hâux lưv cxênhx tsês nhiêx, chi nhánh Agribank sâuv thôngz têz qơưk chiê tâu đăngk cir cux li tâu hêik pâuz lok têx tsưr ziv, dịch vụ cxênhx tsês cov huv đros tiv zix.

Cxênhx tsês nhiêx txiêx Agribank tax tâu 3 tsưr ziv “Ngaz tuk-zôngx ziv- tso siêz” No chênhr zos kror tsưr ziv paz trâu sơưr đơưk “tso siêz cxênhx tsês nhiêx txiêx muk ntêr”./.

(Hồng Việt-Lik Thox cxêik nhênhv)