Mặt trận tổ quốc txoz cxơưx trâu têx chuôz zis pluôs tâu đros luôs nox tsiêz têz qơưk

Hâur cêr shir phaz, Bí thư T.Ư Đảng, Chủ tịch Ủy ban MTTQ Vn Trần Thanh Mẫn tưz muk shuôs thiêz muôz huv Tsiêz puz trâu têx lênhx nênhs trâul moz trưx phax hnhar tsênhv nhoz kho moz ntơưv tsêr kho moz Bạch Mai. Lênhk txeil têx huv muôz puz thiêz luk phôngv Tsiêz txix Chủ tịch Ủy ban T.Ư MTTQ VN Trần Thanh Mẫn, Phạm Thị Thập thiêz Vũ Thế Ngữ tsênhv nhoz chơưv kho moz ntơưv khoa kho moz kos, trưx phax, tsêr kho moz Bạch Mai heik:“Tâu Chủ tịch MTTQ VN muôz huv puz, cur pov Đảng, têz qơưk, MTTQ VN têx cêr moz siêz txos chor nênhs trâul moz trưx phax li pêz hâur têx hnuz Tsiêz, uô tsâus lok six ntâu. Đảng, têz qơưk tưz xar txos chor nênhs moz pluôs, tâu têx moz hnhar, riêz nênhs, pêz uô tsâus lok six ntâu txos Đảng, têz qơưk, MTTQ”.

“Uô ntêx mak uô tsâus ntâu txos Đảng, Chính phủ thiêz Chủ tịch Ủy ban T.Ư MTTQ VN tưz moz siêz txos têx lênhx nênhs moz trưx phax li pêz. Nênhs moz tâu tsêr yuôx moz siêz txos, pêz cux zuôr sir jos nhoz chơưv kho moz”.

Têx hnuz no, đros trâu Đảng, têz qơưk, MTTQ, cxô cấp ủy, hâu nov hâur hur si têz qơưk, ntâu doanh nghiệp, têx tsưr tsix hâur têz qơưk sik côngv tês txoz cxơưx Tsiêz trâu nênhs pluôs. Txos iz jiês no, têx poz huv zos Đảng, tsôngv cưr tix nênhx tsa sđ siz chos paz ntơư tưz muk txos trâu têx lênhx nênhs muôx côngz têz qơưk, nênhs pluôs..... Cxuô thax tsav qơư muôz txix cuiv nhiêx “Viv nênhs pluôs” muk shuôs thiêz paz têx chuôz zis pluôs cov fiv đros hâur tsênhv tsênhz ntơưv qơư, txoz cxơưx Tsiêz trâu têx chuôz zis pluôs cov đros luôs muôx Tsiêz nox. Zơưv Nguyễn Đăng Hải,  Phưv Chủ tịch Ủy ban MTTQ TP Đà Nẵng heik:“Pêz tiz jông fuô kriê trâu mặt trận ntơưv qơư, lar heik zos têx ban qênhz yuôx tsôngv px, hâur tsênhv njiêz seiz kaz hâur six hơưv kaz shông, ntơư zos seiz kaz hâux lưv paz têx huv Tsiêz trâu tsôngv px. Uô ntêx mặt trận tsuv cơưv, tso tơưv tsưr ziv uô têx nuv co pâuz, huv Tsiêz muk txos tsôngv px. Iz phường xã Ban qênhz yuôx px muôx txix 9-15 lênhx, pheiz muk trâu têx thax tsav qơư, jêx jok chiê qênhz yuôx shuôs. Taz sik phênhv ntâu zos hu tuôx gra ntơưv xã, muôz choz ciês trâu lơưr, muôx ntơư hu, hu lơưr tuôx muôz huv trâu”.

Phưv Chủ tịch, uô Tổng thư ký Ủy ban T.Ư MTTQ VN Hầu A Lềnh heik pâuz: Txos nhiv no Cuiv nhiêx “Viv nênhs pluôs” nhoz T.Ư tưz phênhz pheiz nhiêx txiêx trâu 53 tỉnh chiê txoz cxơưx Tsiêz trâu nênhs pluôs. Iz chas ntơư, shông no, txix têx nhiêx txiêx sđ siz chos paz tuôx đhâu nhắn tin hâur xor tôngx paz nênhs pluôs tưz sâu tâu 6 tỷ đeiv. Uô lơưr MTTQ thiêz Chính phủ sik hux jos, MTT VN tưz xa chor nhiêx no trâu 13 tỉnh tox siêz faz Bắc thiêz faz Trung Tây Nguyên chiê zuôr pav, tsôngk tril yo sor, paz têx nhuôs zâu. Iz chas ntơư,  MTTQ VN tror hu zâuv sđ siz chos paz chiê đros têx đoanx thêv, cấp ủy cxuô thax tsav qơư txoz cxơưx trâu nênhs pluôs lơưr tsưr ziv kriê “Tsi chiê chuôz zis tưs, lênhx nênhs tưs tsi muôx Tsiêz nox” “Hâur six hơưv têx hnuz Tsiêz, lar heik zos Tsiêz têz qơưk 2019 shông no, MTTQ VN zos cơ quan tâu phênhz côngz zos thường trực Cuiv nhiêx txiêx Viv nênhs pluôs cấp T.Ư. Kis đuô cấp T.Ư tsênhv yuôr têx cấp tưz uô lơưr jông Đảng, Têz qơưk tsưr ziv kriê zos txoz cxơưx trâu nênhs pluôs. Pêz tưz fuô kriê txos trâu hur si cxuô thax tsav qơư chiê sir zôngv Cuiv nhiêx Viv nênhs pluôs chiê zuôr huv, muôz huv trâu têx chuôz zis, lênhx nênhs muôx luz nênhx txov nhêv”.

Iz cheix ntux yiêz tưz tis tror lok txos, gra đros têx poz huv Tsiêz muôx liv, gra cêr shir phaz trâu ntâu lênhx nênhs. Co zos cêr chiê siêz, njênhs njôngr, zos qơư khov thiêz zos đal jos jông chiê paz cxơưz lơưr tror hla đhâu têx cêr txov thiêz phiv liv hâur luz nênhx, sir jos huôv tsar uô nox, txo grêk cêr yeiz pluôs truôx./.

(BTS-Riê Lâux cxeik, nhênhv)

Y tế ntơưv qơư cxix luôk tsoz phưz đas jos qir thơưx

          Uô ciês ntơưv qơư, jê tsôngv box tiv zix, y tế ntơưv qơư đros phênhv nhiêx phir kis, txu grês nênhs moz mul seiz njuôs thiêz kho moz trâu tsêr kho moz lox. Nganhx y tế tưz xav tênhv hlôngr yiêz y tế ntơưv qơư cov huv đros đuô, ndar txos tsoz phưz đas jos qir thơưx trâu tas nro tsôngv box. Thâuv co, tsôngv box tâu tsoz phưz đas jos tsi so tsi zos thâuv muôx moz gênhs thiêx li mul seiz njuôs thiêz tâu seiz njuôs chiê pov moz nzor, muôx tsưr ziv kho moz nzor, txu grês kis tiv zix têx nhiêx txiêx mul kho moz. Đrâuv co, tsôngv box tâu heik kriê lok đas jos, tsơưr pưr, phax moz, muôz siêz đas jos.

          Tiến sỹ Nguyễn Ngô Quang, Phưv cục tsar Cục khoa học Công nghệ thiêz thox cxov ( Bộ y tế)- Giám đốc dự án zaoz zux thiêz thox cxov lênhx nênhs y tế phưx vưv hlôngr yiêz cxix luôk y tế ( Dự án HPET) puz pâuz: “Iz hâur têx luôk hâux lưv coaz tsôngv trâu y tế ntơưv qơư huôx tôngv yênhx côngz zos lênhx nênhs. Chênhr viv li, pêz cux xav tênhv no zos iz hâur têx huôx tôngv tsênhv chiê muôz siêz pênhr xưv, tiv zix zos pênhr xưv uô, cux xưk li huôx tôngv lơưr y học chuôz zis ntơưv têx qơư y tế xã, đros 6 paz lênhx nênhs zos bác sĩ, y sĩ, điều dưỡng, nữ hộ sinh, canr bộ yuôx thiêz tsar qơư y tế xã”.

          Lơưr zơưv Nguyễn Ngô Quang, Dự án HPET tsênhv paz txưv têx qơư y tế xã iz cxiê chuôz zênhx zuôr trâus đros qơư tsov txos zos tsoz phưz đas jos qir thơưx đhâu thâuv kriê cxaz têx yênhx tưv, pênhr xưv, muôx txâuk chuôz zênhx zuôr trâus phưx vưv tsoz phưz đas jos qir thơưx. Tâu krêz uô cxôngx shông 2014-2020, đros Phái đoanx Liên minh châu âu ntơưv Việt Nam, Zênhx hangx ntiêx têz li paz txưv, dự án HPET thâuv uô tiêr zuôr gôngr phênhv chuôz tsar lênhx nênhs trâu cxix luôk y tế ntơưv qơư nhoz têx thax tsav txov nhêv, chuôz tsar tsoz phưz đas jos tsi so trâu côngv thôngx.

          Đros dự án HPET, Bộ y tế tsênhv krêz uô ntâu tsưr ziv uô uô cê chiê tror uô tiêr tsưr tsix, cxix luôk y tế ntơưv qơư đros qơư tsov txos zos nzor uô trâur nuv tsênhv qơư y tế huyện uô tâu ntâu luôk hâux lưv, coar lik qơư y tế xã. Hâux lưv krêz uô qơư y tế xã phường huôx tôngv lơưr tsưr ziv y học chuôz zis, đros 6 tsưr ziv: tsi so, tas nro, uô uô cê, sik côngv dưv phax, chuôz zis thiêz côngv thôngx zuôr paz muôz siêz tsơưr lươngv seiz njuôs thiêz kho moz trâu tsôngv box muôx chêx cuk đuô./.

(VOV- Txâur Vax cxeik nhênhv)