Quảng Ninh: Phuôx huiz têx txir ndâux txir luk li pưk txux hâur cxuôv yêiz thiv pluôs thax tsav tsôngv box mênhx cxưx tsơưs nênhs

Zus shông 1984, niêv tix Lý Thị Xuân tâu sơưr đơưk njênhs bâux uô Bí thư chi bộ, tsar jok thâuv nhiv kruôr muôx 33 shông. Luk jok Thác Cát, xar Hòa Bình, huyện Huỳnh Bồ niêv tix nhoz muôx zuôr xar 700 lênhx nênhs, phênhv ntâu zos mênhx cxưx Cho Thanh Phán, luz nênhx thiêz jênhv pâuz tsênhv kik. Viv li txix ciês thâuv tâu chiê uô hâux lưv, niêv tix Lý Thị Xuân tưz sir jos, njiz yênhx lênhx nênhs, hêik pox nhuôs sơưr đơưk hâur jok uô lơưr Đảng, têz qơưk têx cêr chêi; cêir chêx têx hâux lưv phiv liv muôx yưv hâur luz nênhx côngv thôngx. Niêv tix Lý Thị Xuân hêik:“Muk hêik mak tsik zos kror tưs zuk hêik cux tâu pêx xênhv uô trơưk ciês. Pêz tsưr tsix cơưv pêx xênhv, muk hêik yênhx ziv chuôz zis. Iz cxiê lênhx tsik thôngx ziv mak zuk muk txos ciês ntơưv tsêr hêik cov lơưr pâuz tsênhz. Txơưv tiêk hmo ntux zos jêx jok muôx hâux lưv, hu txos zuk mak tsuv muk, têx thâuv zuk tsênhv chox mê nhuôv đros muk chiê xưv lik têx hâux lưv co thiêz”.

Đros tix lâus Lỷ A Tài, Bí thư chi bộ, tsar jok Mào Sán Cáu, xar Quảng An, huyện Đầm Hà mak tưz tsik zos paz trâu pox nhuôs huôv tsar uô kôngz nuv ntơưv tiv phaz, tix lâus tsênhv xar tiêk uô chak chiê cov chor hluôk nênhs sik côngv uô tâu nox muk. Txix thâuv uô Bí thư chi đoàn, tix lâus tưz zênhx xar njôngr thiêz nhiêv txos tsưr ziv tu zus vax ar tox trôngz. Tsưr ziv no tưz tâu chôngz lênhx hluôk nênhs nhoz jêx jok mênhx cxưx Cho sêiz shuôk, cơưv shâuv, cê paz gra siêz luz nênhx trâu chuôz zis, jêx jok, cê paz txo grêk tsơưs têx txiêz nanv xar hôiv. Lỷ A Tài tsênhv nriêr pâuz lok ciêz đrôngs, yênhx lix hợp tác xar, khưx phưx hâux lưv tror hiêz têx câuk mov cxôngx nzor paz uô trâu sơưr đơưk sir jos uô nox txix ciês zuk têx hax huv zênhx muôx ntơưv tiv phaz:“Pêz sik côngv uô cê chor hluôk nênhs huôv tsar kinh têr chiê paz trâu sơưr đơưk sir jos uô  nox, xar paz cxơưz cxiz trâu chor hluôk nênhs mênhx cxưx tsơưs nênhs sir jos uô nox, huôv tsar kinh têr cxuôv yêiz thiv pluôs”.

Zơưv Hoàng Mít, mênhx cxưx Tày, zos kuz Chủ tịch UBND huyện Ba Chẽ puz pâuz: Nhoz Ba Chẽ, chor lâul jok, tsar jok, nênhs sơưr thơưx chuôz xênhv, chor nghệ nhân dân gian đros 1.800 ntâu lênhx nênhs tâu pêx xênhv sơưr đơưk uô trơưk txix têx luk hêik txos hâux lưv uô. Chênhr viv li, chor nênhs no li hâux lưv uô tưz paz tsik tsơưs trâu côngz xưv hêik, kruôz kriê pox nhuôs cxuô mênhx cxưx sik côngv siêz, sir jos huôv tsar kinh têr-xar hôiv jêx jok, têz qơưk. Tsuôk xav ciês shông 2018, huyện Ba Chẽ muôx yênhx puô ziv chuôz zis tsôngv box mênhx cxưx tsơưs nênhs sâu ntơưr thor tơưv đhâu chuôz zis pluôs, pox nhuôs paz yênhx van hnuz côngz, muôz muôx yênhx châuv cxênhz yiv ndis ar chiê cxiv uô cêr muk lok thiêz têx côngz trinhx công cộng. Zơưv Hoàng Mít khav tênhv:“Đros zos nênhs muôx suôz bê tâu pêx xênhv sơưr đơưk njênhs li pưk txux, zuk tsuv zos nênhs uô ntêx, hêik tâu mak tsuv uô tâu. Chiê sơưr đơưk njênhs uô trơưk zuk mak zuk tsuv pâuz tâu txos sơưr đơưk siêz xar. Pêx xênhv sơưr đơưk truôx siêz, chuôz zis uô nox truôx mak sơưr đơưk zuôr thôngx siêz thiêz paz trâu Đảng, têz qơưk”.

Txơưv uô kror hâux lưv tưs, chor cán bộ tiv phaz chênhr zos kror qơư txuôk, uô truôx jông sik côngv siêz nhoz 22 mênhx cxưx ntơưv tiv phaz, paz kror pênhr jos lox trâu tỉnh Quảng Ning li cêr huôv tsar cxuô./.

(VOVĐông Bắc-Lik Thox cxêik nhênhv)

Tsưr ziv shux xênhz nox nhoz hâur tsêr cơưv, cơưv ntơưr-Tsưr ziv jông cxơưz huôv tsar zoz zux thax tsav txov nhêv Mường Tè

Vàng San-Xã txov nhêv hâur huyện Mường Tè zos thax tsav qơư phênhv ntâu tsôngv box Mảng, Poz Ziz, La Hủ uô nênhx nhoz, px khênhr trâul yeiz thâuv cheix kôngz lôngk tsi tâu tâu siêr. Cxơưx trâu yênhx pluôk nox hâur niêx hnuz, uô têx chuôz zis nhoz no chor tuz nhuôs cêr cơưv txux hâur têx shông đhâu cux njiz trâul ntâu phiv liv. Txix thâuv uô lơưr tsưr ziv shux xênhz nox nhoz hâur tsêr cơưv, cơưv ntơưr tâu uô lơưr nhoz têx tsêr cơưv hâur thax tsav, tsôngv px ntơưv qơư têx tuz nhuôs tưz muôx qơư nox nhoz thiêz so chiê cơưv txux, sik pheiz kênh iz phênhv tưs têx phiv liv trâu chuôz zis. Shux xênhz tsi trâul đros niêv thiêz txir muk uô liêx têz xưk li thâuv ntêx, viv li têx nhuôs gruôs tuôx cơưv ntơưr iz hnuz cux tsar ndê chôngz jux juk lơưr niêx shông cơưv.

Cưk kriê Nguyễn Việt Hùng, thơưx seiz car tsêr cơưv Phưv thôngz mênhx cxưx chêx chôngz lok zos tsêr cơưv Phổ thông dân tộc niêv txir zus mor cxênhx 2 Vàng San heik pâuz: Shông cơưv no tsêr cơưv muôx zuôr xar 260 lênhx shux xênhz, hâur co muôx 100 ntâu lênhx nhuôs tâu nox nhoz hâur tsêr cơưv, cơưv ntơưr niêv txir zus mor. Đros trâu têz qơưk têx chei paz, tsêr cơưv tsênhv kriê têx nhuôs zus keiz ok, chos jâuz thiêz, viv li tưz paz hlôngr têx pluôk nox trâu shux xênhz:“Chox chor nhuôs tuôx tsêr cơưv mak têx lênhx cưk kriê ntơưr tsuv tso tơưv tsưr ziv kriê têx nhuôs uô hâux lưv, xênhz huôx, phênhz côngz chor cưk kriê ntơưrr, canr bôv hâur tsêr cơưv  seiz shuôs chor nhuôs shux xênhz chiê têx nhuôs tâu tsoz phưz, tâu kriê nox nhoz mul lok, taz por chor nhuôv tâu sơưv têx chei paz. Thiêz chiê têx nhuôs uô têx txux chi uô si lov jêv, shâuv cêr uô nênhx jông, tsiv txiêx.... Viv têx nhuôs nox nhoz, xênhz huôx hâur tsêr cơưv, viv li tsâuk ntux chor cưk kriê ntơưr cux tuôx seiz têx nhuôs shux xênhz, kriê nzir ntơưr trâu chor nhuôs cơưv thâuv zar tsâuk ntux hur si”.

Shông cơưv 2019-2020, huyện ntus đriv Mường Tè, tỉnh Lai Châu muôx 18 tsêr cơưv chiê shux xênhz nox nhoz hâur tsêr cơưv, cơưv ntơưr niêv txir zus mor, đros thiêz 3.700 ntâu lênhx shux xênhz, nhoz 3 cxênhx cơưv zos cxênhx nhuôs zâu, cxênhx iz thiêz cxênhx 2. Txơưv tiêk têx qơư nox nhoz, côngz trênhx uz no tsênhv yuôr trâul ntâu tsi tâu muôx txâuk, taz sik thâuv tưs muôx tsaz yênhx, dưv anr yiêz, hâu nov ntơưv qơư puôr lênhx tsês trâu uô têx hâux lưv li heik sâuv. Khov li co, tsêr trâu shux xênhz tuôx nhoz cơưv ntơưr, qơư nox mor thiêz têx chuôz zênhx txơưr đuô thâuv tưs tưz tâu cxaz nzir cov muôx cxix. Pos Lý Mỹ Ly,, Tsar phongx Zoz zux thiêz thox cxov huyện Mường Tè heik pâuz: Têx tsêr cơưv, qơư nhoz cơưv ntơưr thiêz shux xênhz, lar heik zos chor shux xênhz nox nhoz hâur tsêr cơưv, cơưv ntơưr niêv txir zus mor ziv hnuz ziv tsar ndê. Chiê taz por luz nênhx trâu shux xênhz nox nhoz hâur tsêr cơưv, cơưv ntơưr niêv txir zus mor, ngênhx tưz chox kriê têx tsêr cơưv phênhz côngz trâu chor cưk kriê cxiv uô tsưr ziv kriê têx nhuôs shux xênhz nox nhoz xênhz huôx, cơưv ntơưr hâur niêx hnuz. Iz chas hâux lưv kriê txux chi, cưk kriê ntơưr tsi so nhoz jê, buôk ti, paz têx nhuôs shux xênhz hâur nox nhoz, xênhz huôx mul lok, đhâu ntơư pâuz tâu nzir têx nhuôs tsưr ziv, siêz xar chiê paz lơưr tso siêz nhoz cơưv ntơưr:“Six hơưv zuôr txos mak pêz sir jos cê tu thiêz kriê têx nhuôv txux chi, cêr uô nênhx jông, tsiv txiêx. Xuz thơưx zos pêz kriê trâu chor cưk kriê ntơưr cov lơưr pâuz têx tsưr ziv kriê chor shux xênhz cêr uô nênhx, xênhz huôx, nhoz cơưv ntơưr. Đros thiêz hâux lưv shux xênhz nox nhoz hâur tsêr cơưv, cơưv ntơưr niêv txir zus mor thiêz têz qơưk zus mor mak hux jos đros hâu nov ntơưv qơư, shux xênhz li niêv txir chiê sik đros cxiv tsa tsêr cơưv truôx tuk, gra siêz txux chi, cêr uô nênhx jông trâu têx nhuôs shux xênhz”.

Đros thiêz tsov cưv, moz siêz txos luôs hâux lưv muôz qơư nox nhoz truôx jông trâu shux xênhz cơưv txux, ngênhx zoz zux huyện Mường Tè thâuv tưs tưz sơưr tiv iz hâur tỉnh Lai Châu lok têx shux xênhz gruôs tuôx tsêr cơưv, cơưv ntơưr. Tsi tiêk tâu nox nhoz, cơưv têx txux chi, đhâu tsưr ziv uô li heik sâuv, shux xênhz hâur thax tsav tsênhv tâu cơưv shâuv têx tsưr ziv uô nênhx jông, tsiv txiêx, paz gra siêz jux juk tsơưr lươngv zoz zux hâur thax tsav qơư./.

(Khắc Kiên-Riê Lâux cxeik, nhênhv)