Yên Bái sir jos truôx tuk luz nênhx trâu pêx xênhv trâus đêx cuôr ngaz

        Xav txos nhiv no tưz muôx 2000 ntâu lênhx nênhs đros zok nriêr chơưv paz, paz pêx xênhv khưx phưx têx phiv liv tiv ntux têz uô hiêv ntơưv tỉnh Yên Bái. Đros chor lưx lươngv txix quân khu 2 thiêz bộ chỉ huy quân sự tỉnh Yên Bái, tsênhv muôx cán bộ, ban ngành thiêz pêx xênhv tiv phaz hâur tỉnh đros uô cxuô luôs hâux lưv chơưv paz hêik sâu. Yênhx châuv yêz côngz trênhx, yênhx puô luz yêz ô tô cxuô zav, 2 luz fuôx chơưv paz, 3 luz mêir gruk đêx lox cux tâu sir zôngv chiê thoz huk ar, poz jêz, vêv xênhz tênhv qơư, zok nriêr chor nênhs trâus ar cxuz…sêi đrơưv thiêz sir tas đas jos zos têx kror muôx nhoz Mù Cang Chải nhiv no. Thiếu úy Lò Thị Sao Chi, Công an huyện Mù Cang Chải puz pâuz:

      “Pêz cxaz chuôz zok nriêr nênhs tsik pov, cxaz chuôz txar qơư nhoz trâu chor ziv chuôz zis tsênhv nhoz ntơưv thax tsav phiv liv, thoz huk têx ar, poz jêz thiêz paz trâu pêx xênhv nzor truôx tuk luz nênhx…”

       Huyện Mù Cang Chải tưz jênhv 50 ntâu đoàn tuôx trâu Mù Cang Chải chiê paz nhiêx txiêx thiêz cxuô zav trâu pêx xênhv trâus ntux têz uô hiêv, đros chor nhiêx muôx 2,6 tiv đêiv, 5,5 tấn cxur, 2.600 thungz Mỳ tôm đros ntâu zav chuôz zênhx xênhz huôx hâur chuôz zis. Chor đoanx ntơư zos tuôx txix cxuô tsưr tsix, tiz nênhs txix Hà Nội thiêz têx tỉnh thành hâur tas nro têz qơưk tuôx đros paz px Mù Cang Chải phêiz kênh cêr pôngz siêz, têx cêr phiv liv, tiv ntux têz uô ruôr hiêv hâur  ntu nhiv kruôr đhâu tsik ntêr no. UBND huyện Mù Cang Chải tưz yênhx lix qơư txix huyện txos tiv phaz chiê sêi đrơưv txêik jênhv têx hax huv paz txix chor tsưr tsix, tiz nênhs thiêz chor nênhs siêz jông muôz paz trâu pêx xênhv njiz phiv liv. Pos Lương Thị Xuyến, phó chủ tịch UBND huyện Mù Cang Chải puz pâuz:

      “Chor tsưr tsix, tiz nênhs tuôx paz trâu huyện lok sik tuôx paz trâu chor ziv chuôz zis mak pêz puôr lênhx txêik tok thiêz sâu stês cxix cxuô chiê txix co muôz phêiz paz trâu sơưr đơưk cov siz bâus”.

       Thôngz sâu yiêz tiv zix, ntux nas đêx ngaz cuôr uô muôx yưv trâu Mù Cang Chải tưz uô 14 lênhx nênhs trâus tuôs thiêz trâus plox, 9 lênhx nênhs trâus saz; 50 luz tsêr trâus đêx cuôr yôngz thiêz puôk tsuôx tas hur si. Đros sir jos khưx phưx têx phiv liv ntơưv tổ 8, thị trấn Mù Cang Chải-qơư đêx ngaz cuôr uô puôk tsuôx ntâu tiv zix, tỉnh Yên Bái thiêz huyện Mù Cang Chải tưz yênhx lix chor tổ côngz xưv muk 2 xã trâus đêx nas chuô uô ruôr hiêv hnhar zos Kim Nọi thiêz Chế Tạo chiê zok nriêr chơưv paz pox nhuôs khưx phưx têx trâus hiêv, paz pêx xênhv truôx tuk luz nênhx.

       Ntơưv huyện Văn Yên, ntus nas đêx ngaz cuôr tưz uô ar poz ntơưv jok Làng Chiềng, xã Ngòi A uô iz lênhx nênhs tuôs, 4 lênhx nênhs trâus saz. Hâu nov thiêz pêx xênhv huyện Văn Yên tưz tuôx ntơưv qơư đros sêiz shuôk, paz nhiêx txiêx trâu chor ziv chuôz zis trâus đêx nas chuô uô ruôr hiêv; huiz tôngv lưx lươngv ntơưv qơư khưx phưx têx trâus đêx nas chuô uô puôk tsuôx, taz por truôx tuk luz nênhx trâu pêx xênhv./.

(Đinh Tuấn-Lik Thox cxêik nhênhv)

Phax tar moz trâu mê nhuôs hâur cheix ntux nas

          Đhâu iz ntu yar ntux cuz sor ntêr, pêz têz qơưk qir muôx ntux lol nas. Qiv hơưv ar têz nông, zos kror zôngx ziv chiê caz moz huôv xênhz. Mê nhuôs tsi tâu muôx txâuk đas jos tir tar moz, viv li mê nhuôv cux zuôr zôngx ziv trâus moz gênhk. Tiv zix zos moz lok qơư uô pa, cxơưk njưs, hnôngk, hơưz poz...Chor mê nhuôs trâus moz poz tês tơư, kror ndâux thiêz moz kruô tâuv cux qir chuôz ndê, mê nhuôs khênhr trâus uô cuz uô no, tsi xar nox hâuk...

          Iz chas co, qiv hơưv nông, zôngr cux huôv xênhz ntâu, cxôngx co uô têx zav moz tiv zôngr tov cik moz trâu đuô tus chuôz ndê siêz, tiv zix zos moz suôz liêz. Mê nhuôs khênhr uô cuz uô no 2 txos 7 hnuz, sơưr poz liêz sâuv tơưr greix, lol nyar kror njưs, câuk niêr, ntuôr, moz plaz thiêz cxuô zav moz lok plaz hnur...

          Viv li, cxuô lênhx uô niêv uô txir tsuv tsov cưv tsoz phưz mê nhuôs thiêz uô têx tsưr ziv phax tar chiê txu grês tsơưs tiv zix mê nhuôs trâus moz gênhk:

          Tsi chiê mê nhuôs tir nas, ntuz nas, chiê mê nhuôs hnar trik yo cov sor trâu luz chêr, taz sik cux tsi uô trâu mê nhuôs chêr cuz sor đhâu.

          Puz mê nhuôs nox hâuk txâuk cxuô zav jâuz mor, grêix cov huv đros. Yax kriê mê nhuôs shâuv thiv thao.

          Zôngv yuôx phongx nzuôr tês hur si tsi chiê moz cik trâu mê nhuôs luz chêr. Kriê mê nhuôs nzuôr uô ntêx thâuv nox hâuk, thâuv mul tơưv trôngx lol...

          Tsêr tsuv hur si, đu lul, tsik uô vuôz tsuôz kiêk nênhs. Têx đrox, đêx tênhr hâur têx thôngz, têx teik tsuv muôz đoz thiêz lâuz đêx por tsês....Thieez mê nhuôs pư tsuv đei vix tsav.

          Thâuv pov mê nhuôs hnôngk, uô cuz uô no, ntuôr, lol nyar kror njưs....niêv thiêz txir tsuv ciêr chênhr chox mê nhuôs mul seiz shuôk trâu tsêr kho moz chiê chơưv kho cov jông moz./.

(Thu Thùy- Txâur Vax cxeik nhênhv)