Mênhx cxưx Cho Liêz nhoz Điện Biên li ntênhk đhiê hluôr tơưl

Jok Huổi Sâu muôx 95 ziv chuôz zis, 430 ntâu lênhx nênhs, 100% zos mênhx cxưx Cho liêz puôr lênhx zos xênhv Chảo. txix thâuv sơưr nzor, kêiz piz kuô thơưx tsis, cux zos thâuv chor chuôz zis hâur jok sơưr tơưl tênhz. Chor pox niêv sik paz hnar têx tsôngk yo cxôngx nzor; hok chor txir nênhx hâur chuôz zis mak bax cxuô zav chiê chox muk tsưr tsix ntênhk. Thâuv ntêx ntênhk đhiê hluôr tơưl zos hâur chuôz xênhv xưz viv li tsuôk tâu tsưr tsix ntơưv nênhs sơưr thơưx chuôz xênhv nênhs tsêr. Taz sik nhiv no tưz tâu uô đar đuô, chiê sik côngv côngv thôngx đuô, viv li pox nhuôs xêir tsov qơư tsưr tsix ntơưv tsênhv qơư jêx jok chiê sơưr đơưk sik đros uô si lov jêv. Zơưv Chảo Siêng Tá, lênhx lâul jok muôx suôz bê nhoz jok Huổi Sâu, xar Pa Tần, huyện Nậm Pồ, tỉnh Điện Biên puz pâuz:

“Uô chiê hu zuk chor xiz phưz, têx tuz lênhv, pox côngz zơưv côngz lok đros paz por vêv trâu pox nhuôs sơưr đơưk uô nox, sâu tâu kôngz lôngk ntâu thiêz phax tar moz gênhs, paz trâu têx tuz nhuôs cơưv ntơưr txơưx, cxix cxuô”.

Chiê bax trâu ntênhk no tsuv mor tsuv muôx txâuk: Iz luz tâuz hâu buô (lok sik iz tuk mê nhuôv buô); ntiv shaz; đêx nyiêz; chơưr thiêz tsiz luz piz; ntơưr chêr hlôngr trâu zax khâuv chênhz khâuv; iz txưv cuôv shôngz; 2 đêiv nhiêx đơưz; cxur tưz tâu krưr hâur đêiv đêiv ntâuz…Thâuv cxuô zav tưz tâu bax cxix cxuô, txos six hơưv jông, tâu lênhx txir nênhz chênhr hnar tsôngk yo mênhx cxưx cxôngx nzor sêiz car uô têx phongx cxux txi côngv ntênhk ntơưv thax tsav txi côngv pox côngz zơưv côngz thiêz tsuv mor. Hâur ntu uô kror no, đruôk zos têx zav tsuv muôx, têx suôz đruôk co tâu sêiz zos kror txuôk đros paz hu chor pox côngz zơưv côngz lok côngv cêr lov jêv đros jêx jok. Ntênhk txi côngv lok six zov chênhr, viv li zuôr tâu uô ntâu jiês.

Uô ntêx thâuv ntênhk tâu kriz uô, iz pơưs tơưl tưz tâu trâus chis lox nhoz luz đraz tiêx đar; txos thâuv lênhx txir nênhs uô phongx cxưx  thor tâu hmôngr jông tâu uô tiêr, cux zos thâuv chor tơưl co tưz chis cuz yênhx iz pơưs hluôr ndêis liêz plôngs. Chor nênhs xar tâu đhiê hluôr tơưl mak jâuv txi côngv đrava kaz txir nênhs đraz kâuv, đhâu thâuv txir nenhs thor tâu đaz hluôr tơưl thôngx ziv, chor hluôk tz Cho xưk li tâu đaz paz, lơưr đhiê tas nro oz cxêik tơư muk hâur pơưs hluôr ndêis liêz plôngs co. Lơưr đhiê tơư liêz sâuv chor hluôr ndêis liêz plôngs co taz sik tsik uô chak hlo thiêz lơưr xav li co zos njiz tâu pox côngz zơưv côngz. Fênhx li co, lênhx nênhs no đhiê lơưr lênhx nênhs tor txos thâuv tưs chor hluôr ndêis tuôs tas uô trâu lơưr chor co tơư đuz ndiêz tiv hluôr ndêis. Tix lâus Chảo San Phin, iz lênhx nênhs cxaz chuôz đhiê hluôr tơưl hêik:

“Pêz xưk li đaz lok lok nhoz hâur pêz chêr lơưv, thâuv co mak cur xưk li bâu suôr xưz, đhâu co pêz yênh thiêz tsik pâuz đaz tsi hlo piz đhiê muk sâuv chor hluôr ndêis. Đhiê tas mak pov zuk tsiv thiêz jông siêz muôx jos đuô”.

Đhâu jiês đhiê hluôr tơưl zos txos trâu uô têx zav đhiê pax vuôs, no cux zos mênhx cxưx Cho liêz li iz kror lok six zov chênhr hâur ntênhk đhiê hluôr tơưl. Hâur ntênhk đhiê hluôr tơưl muôx oz lênhx txir nênhz muôx pưk txux sêiz shuôk, iz lênhx zos tsưr ntênhk, iz lênhx đhiê pax vuôs. Têx zav pax vuôs đhiê muôx ntâu zav li dhdiê paz vuôs luôx têz, cxov đaz, đhiê kêiz…No zos têx pax vuôs hêik tơưv tâu pêx xênhv luz nênhx, lox tôngv yênhx hnuz. Lơưr co zos lênhx txir nênhz hlơưr têx zax khâuv, chênhz khâuv trâu pox côngz zơưv côngz, têx đaz chiê thor paz trâu chuôz zis, chuôz xênhv, jêx jok muôx tâu cêr shir phaz, luz nênhx jông, tsik muôx moz gênhs, uô tâu nox. Lơưr kaz ciês zos đhiê pax vuôs hu gâux hêik tơưv cêr shir phaz trâu jêx jok đhâu jiês ntênhk co. Zơưv Chảo Kiềm Phin, lênhx txir nênhz đhiê paz vuôs puz pâuz:

“Chor nênhs cxaz chuôz đhiê hluôr tơưl mak tsuôk muôx 8 lênhx nênhs, muôx xiz phưz paz mak thiêx tâu. Chor nênhs cxaz chuôz đhiê hluôr tơưl tsuv taz por muôx đas jos jông, txưr tsik nox grêix đêr, tsik pư đros pox niêv hâur têx hnuz bax chiê đhiê hluôr tơưl”.

Ntênhk đhiê hluôr tơưl tsik so tâu tsưr tsix trâu kaz shông lok sik thâuv hâur shông cheix ntux yiêz nhiv kruôr tas thiêz thor cov tsik muôx moz gênhs, muôx tâu luz nênhx jông, shir phaz. No zos tsôngv box Cho liêz nhoz Điện Biên li li kror vênhx huôv jông nhiv no. Đros têx vênhx huôv lok mênhx cxưx, nhiv no nganhx vênhx huôv tỉnh Điện Biên tsênhv sir jos tuôr chiê kror vênhx huôv jông no./.

(Vũ Lợi-Lik Thox cxêik nhênhv)