Sơn La: Hlôngr yiêz ntâu đhâu thâuv uô trơưk Chính phủ li Nghị định 100

Tix lâus Nguyễn Dũng, nhoz phường Tô Hiệu, đrôngl Sơn La heik tơưv têx tsưr ziv, siêz xar li no: “Txix thâuv muôx Nghị định 100, hêik cxuô lênhx tsar yêz muk lok tâus cêr li tsưr zicv tưz tâu gra siêz, tsơưs lênhx hâuk chơưr tsar yêz”

Thâuv Chính phủ tso tơưv nghị định 100, tâu uô txix hnuz xiêz 1/1, Công an tỉnh Sơn La tưz fuô uô lok six ntov hâur thax tsav 12 huyện, TP. Iz chas ntơư, têx qơư seiz jor qênhz yuôx tưz tso nênhs nhoz đreiv chiê qênhz shuôs têx yêz mul lok tâus cêr. Đhâu qênhz yuôx 500 ntâu luz yêz lox thiêz yêz meir lok hmo xiêz 08/1, đội 2, Phongx Cảnh sát Zoz thôngz Công an tỉnh Sơn La tsuôk qênhz pov iz lênhx nênhs tsar yêz lox uô cxâuv mê njik lol sâuv hâuk chơưr bia. Thiếu tá Nguyễn Văn Đức, Phưv đội tsar đội số 2 heik pâuz: Đhâu six hơưv qênhz yuôx tso pov, lênhx nênhs tsar yêz txux chi tsưr ziv tưz tâu gra siêz ntâu. Thâuv tưz mul hâuk chơưr bia, phênhv ntâu puôr lênhx muk yêz taxi lok sik nênhs hâur tsêr xa thiêz tok, zos tsi li ntơư, têx qơư uô jâuz uô mor nox tsuv tso yêz tok thiêz xa kruô. Đhâu co, têx yêz mul lok tâus cêr hâur niêx hmo tưz txo gêk tsơưs ntâu. Luôs hâux lưv qênhz yuôx 500 ntâu luz yêz mak tsuôk qênhz pov iz lênhx nênhs uô cxâuv, tso pov Chính phủ Nghị định ntơư tưz uô tâu jông, uô hlôngr yiêz lok six ntâu pir li thâuv ntêx.“Hâur six hơưv uô ntêx thâuv tsi tâu tso tơưv Nghị định 100, iz jiês pêz chor uô côngz xưv uô hâux lưv qênhz yuôx 400-500 luz yêz, qênhz pov 7-8 lênhx nênhs uô cxâuv chêi tsar yêz. Taz sik, txix thâuv uô trơưk Nghị định 100, pêz qênhz yuôx cux bâuv li co; taz sik tsuôk pov muôx 1-2 lênhx, têx lênhx nênhs uô cxâuv phênhv ntâu zos tsôngv px tox siêz đêz đrôngs thiêz zos chor nênhs tsar yêz meir. Hâur six hơưv qênhz yuôx, qênhz shuôs, lar heik zos đros têx uô cxâuv lok sâuv hâuk chơưr bia thiêz sir zôngv zax zênhz, pêz sir jos xưv bluô ntov jông , tsi muôx qơư txưr, tsi muôx lênhx tưs uô tuôr thênhv txos”.

Hâur 10 hnuz đhâu, xav tas nro thax tsav tỉnh Sơn La, muôx 52 lênhx nênhs trâul bluô tiv hâuk chơưr bia; hâur co yêz lox zos 5 lênhx, đuô li zos yêz meir. Luôs hâux lưv yax kriê thiêz qênhz yuôx zuôr tror tâu sir jos fuô uô thiêz xưv bluô ntov jông, paz truôx tuk zoz thôngz, txo grêk tsơưs têx txuz uô yêz siz yar siz tsông muk lok tâus cêr hâur ntu tsiêz 30 têz qơưs shông yiêz 2020./.

(Tuyết Lan-Việt Anh-Riê Lâux cxeik, nhênhv)

Ninh Thuận: Zơưv Âu Ma Nới li luz meir jov poz cưk

          Nhoz xã Ma Nới. huyện Ninh Sơn, poz cưk zos tsôngv box Raglai li tsoz kôngz lôngk chos tsênhv. Đros zơưv Thái Văn Âu, txơưv tsi tâu xênhz zus nhoz ntơưv no, zơưv ho zos iz lênhx nênhs nhoz Nghệ An, taz sik zơưv tưz muôx 30 shông ntâu nhoz uô nênhx đros tsôngv box mênhx cxưx ntơưvthax tsav qơư co. Pâuz tâu tsôngv box luz nênhx thâuv tưs cux phêv liv, lok six khưr, tsuv sơưr nzor mul uô kôngz, ho đhas poz cưk, jov poz cưk. Cxôngx co, zơưv thâuv tưs cux xar njôngr uô tâu iz luz meir đhas poz cưk chiê paz pox nhuôs. Xar tơưv txơưv uô, zơưv nriêr pâuz sâuv ntâuz ntơưr, thiêz chiv chir xar tơưv tsưr ziv uô. Đhâu ntâu jiês uô tsi tâu, shông 2015, zơưv Âu luz meir jov poz cưk tâu uô yênhx côngz thiêz chox lol sir zôngv. Zơưv Thái Văn Âu puz pâuz:“Jiês xuz thơưx nhênhz chơưv, thiêz uô mak muôx 6 jiês uô tsi tâu tiêr. Txos jiês tiv 7 thiêx li uô tâu yênhx côngz. Uô tâu luz meir no cux tsik zôngx ziv. Pox nhuôv cux pov phêv liv, viv li tsi thôngx ziv chiê uô. Cux môngr jông, jiês xuz thơưx ho yênhx côngz, uô tâu”.

          Luz meir no huôx tôngv thôngz đhâu moto tênhv. Thâuv huôx tôngv, lâuz poz cưk trâu hâur meir thiêz njiê tênhv tênhz txơưv tâu, 10 cir poz cưk mak tsuôk pôngz 5 phênhz txơưv jov tas. Thâuv ntêx, cux bâuv li poz cưk, iz lênhx tsuv tuôr pôngz 4 six hơưv thiêx li tuôr tâu. Qir thơưx ntâu lênhx nênhs cux tsi njênhs tiêk iz lênhx nôngx mênhx nhiv kruôr cơưv tas lớp 7 ho xar tơưv uô tâu luz meir li no. Taz sik thâuv pov muôx chêx cuk tiês, phênhv ntâu tsôngv box nhoz xã Ma Nới tsi tsuv zôngv đâux thiêz kror chok tuôr lơưv thiêz mak lơưr gra mul txos zơưv Âu tsêr chiê paz jov poz cưk. Pox nhuôs thêv 1 cxênhz đeiv iz cir chiê thêv nhiêx tênhv tênhz. Cxôngx thâuv muôx luz meir no, tsôngv box tox siêz Ma Nới tsi tsuv khưr li thâuv ntêx lơưv thiêz. Pox nhuôs hâur xã lênhx tưs cux kruôk txos zơưv Thái Văn Âu li tsưr ziv xar tơưv uô tâu luz meir no. Zơưv Chamalé Thơ, tsôngv box xã Ma Nới, huyện Ninh Sơn, tỉnh Ninh Thuận heik:“Tsôngv box Ma Nới nhoz no mak tas nro xã puôr lênhx nox poz cưk. Thâuv ntêx tưz mul uô têz yênhx hnuz, lol tsêr tsênhv tuôr poz cưk thiêz lok six khưr. Nhiv no muôx luz meir co mak lok six jông. Zuk đhas tas txơưv chox mul trâu zơưv Âu paz jov. Mul uô têz lol tsuôk chox lol uô nox, tsi khưr li thâuv ntêx thiêz”.

          Zơưv Kiều Thành Dàng, Chủ tịch Hội nôngx mênhx xã Ma Nới ntâus grê no zos luz mêir jông gôngr phênhv paz max trâu tsôngv box nhoz tiv phaz lok six ntâu:“Luz meir no tưz paz trâu tsôngv box nhoz Ma Nới, Ninh Sơn cux xưk li têx huyện hâur tas nro tỉnh cxênhx txuôk tâu six hơưv, đas jos chiê uô têx luôs hâux lưv txơưr. Đhâu co, pêz cux xar njôngr têx cấp têx nganhx moz siêz txos đuô thiêz chiê paz zơưv Thái Văn Ấu tror phuôx huiz zuk li siêz xar tơưv jông uô tâu têx zav meir jông phưx vưv luz nênhx”.

          Đros thiêz zơưv Thái Văn Âu li luz meir jov poz cưk no, zơưv tưr tax hov 1 ntơưv Jiês thik Khoa học kỹ thuật tỉnh Ninh Thuận jiês tiv 4 (2016-2017); tưr tâu hov 4 xar tơưv kỹ thuật tas nro têz qơưk shông 2017./.

(VOVHCM-Txâur Vax cxeik nhênhv)