Jax sâu thưr 7 hnuz 16/7/2016

Ntâuz trâur lâus ciêz Vĩnh Yên

Tưz zos kror uô sưv, ciêz Vĩnh Yên (Bảo Yên-Lào Cai) uôz iz ciêz iz jiês trâu têik cik thưr 7. Tsôngv box Hmôngz, Tày nhoz tox siêz tuôx ciêz xưk li hnuz hôiv. Iz ciêz bax cxuô zav chiê tuôx ciêz. Jiês ciêz tiwss cux li, tsôngv box Hmôngz gra đros chor ntâuz trâur lâus tuôx muôs ntơưv ciêz…

Ciêz uô ntơưv tsênhv qơư xã Vĩnh Yên, tâu cxiv uô lox jông ciês ntơưv ntus cêr. Ciêz cux muôx cxix cxuô zav txix grêix buô, kêiz, txos trâu têx jâuz kok…taz sik thâuv tưs cux muôx ntâuz trâur lâus. Tsôngv box Hmôngz nhoz no cux hêik: Co zos zuk jêx jok li kror muôx.

Chiê muôx tâu têx chor li trik yo, tiêz, ntâuz trâur lâus jông, chor cxêik Hmôngz nhoz chor jêx jok Lùng Ác, Tổng Kim, Nặm Xoong tsik so xơưk pax ntâuz cov muôx tâu tê xhax huv jông. Sơưr đơưk muk sêi tuôx ciêz chiê muôs ntâuz thiêx têx hax huv zuk uô tâu.

Ciêz muôx ntâu zav, taz sik jông đuô zos tsôngv box Hmôngz li chor qơư muôs huv uô txix ntâuz trâur lâus. Viv têx ntâuz co tâu lơưr uô yênhxx têx đêiv tiêz, têx luz yo lok sik têx đêiv pax ntâuz jông gâux.

Jông đuô zos chor pox niêv Hmôngz xêir zuôr trik yo thiêz ntâuz, lơưr xêir zuôr cov tâu têx đêiv tiêz lok sik têx kror ntâuz xor jông huv zuk siêz tiv zix. Hok nênhs muôs mak sêiz đrơưv thiêz luôs nxi hêik tsôngv kruô zuôr….

Pov jông yax hâur ciêz zos chor cxêik Hmôngz nhiv kruôr hloz tiêr gâux hnar têx chêr trik yo thiêz tiêx jông gâux, ntong têx câuk mov sâuv tâuz hâu uô trâu chor cxêik Hmôngz khax thiêz jông gâux đuô. Têx thâuv lơưr tuôs ciêz cux zos tuôx uô si xưk li muk hôiv xưz..,

Chor ntâuz, trik yo Hmôngz muôs hâur ciêz Vĩnh Yên txix thâuv ntêx txos nhiv no zênhx muôx đrêiv uô muôx yưv iz kror vênhx huôv jông nhoz no./.

(Báo tin tức-Lik Thox cxêik nhênhv)

Phênhv thưr 7, hnuz 16/7/2016:

Du lix Tràng An uô tâu yênhx côngz zos muôx côngv thôngx

Tràng An, tỉnh Ninh Bình muôx 10 cxênhz ntâu ha du lix jôngr ntông thiêz muôx 500 ntâu zav shôngz ntông, 73 zav nôngs, 41 zav tsiêx kuk lox zâu. Hâur thax tsav muôx ntâu di tích lịc sử-vênhx huôv thiêz muôx têx hâux lưv txâus pox jêz, puôz hux, puôz hưx… thiêz muôx hâux lưv trâu chôngz lênhx ntâu tus nhoz tsênhv qơư uô, sâu tâu 3 triệu nhiêx hâur iz luz hli. Pos Lê Thị Thái nhoz thax tsav du lix Tràng An hêik pâuz:

 “Viv muôx du lix, cur ziv chuôz zis huôv tsar tâu kinh tế  yax 5 jiês  pir li ntu đrav ntêx khưr uô kôngz lôngk. Nhiv no cux muôx txâuk nhiêx txiêx trâu tuz nxêik muk cơưv ntâuz ntơưr thiêz cur cux xar njôngr cov ziv hnuz Tràng An ziv muôx chôngz lênhx kruô tuôx sêiz shuôk ndis ntux txos”.

Iz chas paz trâu tsôngv px hâur thax tsav muôx phênhv sâu tâu thiêz txo grêk yêiz pluôs, luôs hâux lưv chiê chôngz lênhx px đros uô du lix cux paz tâu trâu px sđ gra siêz luz nênhx nox nhoz muk lok, pâz ntâu lok têz qơưs xã hội thiêz pâuz tuôr tsês tâu zuk hêir nênhs têx cêr nênhx vênhx huôv jông tsik chiê plox.  Zơưv Ngô Văn Truyền, nhoz thax tsav du lix Tràng An hêik pâuz:

 “Ntu đrav ntêx, pêz cê uô cêr lov jêv, cê khưr tsêz chos kôngz lôngk; taz sik, txix thax tsav du lix Tràng An uô tâu tiêr, pêz cux hlôngr uô du lix, muôx phênhv sâu tâu nhiêx txiêx đuô ntu đrav ntêx”.

Xav hâur iz hnuz, thax tsav du lix Tràng An muôx yênhx cxênhz lênhx kruô hâur zuk têz qơưs thiêz kruô luôs oz chas têz qơưs tuôx sêiz shuôk. Ntơư cux chênhr zos iz kro zôngx ziv huôv tsar du lix côngv thôngx. Pos Phạm Thị Thu Minh, sêiz car công ty du lix Hoàng Anh-Hà Nội hêik pâuz:

 “Trơưk li cur xav mak thâuv du lix huôv tsar, tsuv cxươz cxiz ntâu ngênhx uô cxuô zav hâux lưv cxôngx nzor chiê hêik kriê zuk têx cêr nênhx vênhx huôv jông trâu tsôngv kruô pâuz txos. Txix ntơư, thiêx muôx phênhv sâu tâu nhiêx txiêx truôx tuk luz nênhx”.

Du lix jôngr ntông côngv thôngx, zos luôs hâux lưv huôv tsar du lix truôx đrênhk. Zơưv Hoàng Thành Phong, phó giám đốc sở vênhx huôv tỉnh Ninh Bình hêik pâuz:

 “Thax tsav du lix Tràng An tưz tâu UNSE CÔ côngz jênhv zos  du lix lix ntiêx têz thiêz zos thax tsav qơư du lix muôx chôngz lênhx kruô tuôx ndis shuôk thiêz muôx hâux lưv trâu chôngz lênhx ntâu tus px nhoz tsênhv qơư uô”

Du lix jôngr ntông côngv thôngx Tràng An ziv hnuz ziv muôx chôngz lênhx kruô tuôx sêiz shuôk thiêz  cxươz cxiz trâu tsôngv px nhoz thax tsav ntơư đros uô du lix thiêz huôv tsar uô cxuô zav hâux lưv muôx phênhv sâu tâu cxaz nzir nhiêx txiêx, muôx luz nênhx truôx tuk./.

                                                         (Tsu cxêik nhênhv-TTT)