Đà Nẵng: Moz suôz liêz chuôz ndê 3 jiês pir li tsêiz no, tsôngv box cux tsik  moz siêz txos

          Niêv lâuk Nguyễn Thị Bích Hà, cán bộ uô hâux lưv qơư y tế phường Mỹ An, quận Ngũ Hành Sơn, đrôngs Đà Nẵng puz pâuz, iz chas uô hâux lưv trâu qơư y tế, niêv lâuk thâuv tưs cux tsês six hơưv hnuz nhôngs muk txos trâu yênhx chuôz zis chiê yax mông tsưr ziv phax tar moz gênhk, tiv zix zos tir thêir moz suôz liêz trâu tsôngv box. Taz sik, hâux lưv yax kriê tsôngv box hlôngr yiêz tsưr ziv phax tar moz suôz liêz tsênhv njiz ntâu phêv liv. Lơưr niêv lâuk Nguyễn Thị Bích Hà, tsôngv box li cêr cor cav xênhz huôx, têx hưx teik muôz por cxuô qơư thâuv muôx ntux lol nas tênhr đêx, no zos qơư zôngx ziv uô trâu têx veiv, caz huôv tsar. Chênhr viv tsôngv box zôngx ziv trâus cik moz suôz liêz tsar ndê siêz.“Iz cxiê lênhx tsôngv box tsik moz siêz txos, viv li zuk muk yax kriê cxaz nzir trâu tsôngv box. Ntêr ntêr muôx nas lol, đêx tênhr mak lơưr tsik ndo kaz muôz têx têik đêx co quôr por tsês. Muôx iz cxiê chuôz zis lơưr muk uô hâux lưv, xâur kror trôngx zuk muk paz  vor, lâuz tsik tâu têx đêx tênhr hâur têx huz. Têx qơư co ho muôx veiv huôv xênhz”.

          Xav txos nhiv no, đrôngs Đà Nẵng tưz muôx 4 cxênhz ntâu lênhx nênhs trâus moz suôz liêz, chuôz ndê 3 jiês pir li tsêiz no thiêz hâur ntu nhiv kruôr tsik ntêr lok no, tsêr kho moz Đà Nẵng xav jênhv tâu iz lênhx nênhs trâus moz suôz liêz hnhar. Lơưr têx bác sĩ, phênhv ntâu nênhs moz suôz liêz zos tiv tsi tsưv ziv phax tar moz thiêz iz buôk ndis qơư nhoz uô nênhx tsi uô vêv xênhz jông. Bác sĩ Tôn Thất Thạnh, giám đốc tsênhv qơư tir thêir moz gênhs Đà Nẵng puz pâuz, tsênhv zos ntu zôngr taz tov huôv xênhz, viv li njuôs xav moz zuôr muôx ntâu txơưr txar zos tsi muôx tsưr ziv phax tar:“Nhiv no, moz suôz liêz tsi tâu muôx zav yuôx tưs kho chơưv kho jông moz cux xưk li yuôx phax moz. Chênhr viv li tsưr ziv phax tar phênhv ntâu zos tuô veiv, zôngr. Tsi muôx veiv, tsi muôx zôngr mak zuôr tsi muôx moz suôz liêz huôv xênhz. Nhiv no, đrôngs Đà Nẵng tsênhv sir jos vênhv tôngv têx ban, nganhx, đoanx thêv, hâu nov ntơưv qơư tsuv tsưr tsix ntâu jiês yax kriê tsôngv box tuô veiv, tuô zôngr iz buôk ndis qơư zuk nhoz uô nênhx, tsôngv box sđ thiêx tsik trâus cik caz moz suôz liêz”./.

(VOVMT-Txâur Vax cxeik nhênhv)

Phênhv : NÔNGX MÊNHX ZUÔR TSUV PÂUZ

Lênhx pox niêv mênhx cxưx Hmôngz txơưx uô kinh têr

Niêv tix Dinh (A) xênhz zus shông 1986, huôv tsar cêr uô nênhx lox hloz hâur iz chuôz zis pluôs, mênhx cxưx Hmôngz, chuôz zis muôx 7 lênhx cưr tix nuk muôs, tiv chuôz zis pluôs, muôx chôngz lênhx mê nhuôv; viv li niêv tix tsik tâu muk cơưv ntâuz ntơưr li têx fôngx zưs đros nưk iz fâuv, tsuv nhoz tsêr chiê paz chuôz zis khưr uô nox. Shông 2003, niêv tix muk zuôr txir cxiv tsa chuôz zis, thâuv co oz niêv txir luz nênhx njiz lok six ntâu txov nhêv. Niêv tix oz niêv txir tưz xar tiêk zuôr uô li chak chiê huôv tsar tâu kinh têr chuôz zis. Đros muôx liv zos nhoz jê thax tsav ciêz muôs nhux đas Nghiên Loan, pâuz tâu thax tsav qơư ntơư zôngx ziv huôv tsar kinh tế txix muôl muôs nhux, tưv thiêz uô têx luôs hâux lưv txơưr đuô, zuôr muôx phênhv sâu tâu nhiêx txiêx chox lok cxiv kho chuôz zis. Shông 2018, niêv tix Dinh tưz sêiz lax đros tuk txir kir txêik 50 triệu đêiv nhiêx hâur zênhx hangx tsênhv chêi xar hôiv huyện chiê zuôr ar jê ntơưv ciêz chiê cxiv uô tsêr nhoz, cê uô qơư tu zus nhux, tưv cov tros. Niêv tix Dinh hêik: “xuz thơưx muôx nhiêx tsơưs, niêv tix oz niêv txir tsuôk zuôr tâu txix 1-2 tuk chox lok zus cov tros iz ntu chiê muôs, jux juk chor nhiêx tu zus nhux tros muôs ntơư txos trâu nhiv no, xav hâur iz jiês kriz ciêz, niêv tix oz niêv txir tưz muôx txâuk nhiêx txiêx zuôr tâu muôs 20 ntâu tuk nhux tưv nhux đas chox lok zus cov tros chiê muôs. Chênhr zos li hêik ntơư, hâur iz jiês ciêz mak niêv tix Dinh oz niêv txir sâu tâu liv muôx 2-3 triệu đêiv. No zos phênhv nhiêx tsik tsơưs xav đros tsôngv px cxuô chuôz zis hâur thax tsav tsav thiêz txix ntơư, niêv tix chuôz zis tưz muôx cxaz nzir nhiêx txiêx chox lok cxiv kho luz nênhx thiêz zuôr nzir ar kriz đar chiê huôv tsar kinh têr.

Nhạc cắt

Iz chas huôv tsar kinh têr trâu chuôz zis, niêv tix Dinh (A)  tsênhv zos iz lênhx hôiv viên tsik so phêiz kênh chênhz zênhv trâu cxuô lênhx hôiv viên sik đros huôv tsar cêr uô nox cov sđ ziv hnuz ziv muôx luz nênhx tsâu sor. Niêv tix Lộc Thị Yến, Chủ tịch Hôiv liên hiệp pox niêv xar Nghiên Loan, huyện Pắc Nặm, tỉnh Bắc Kạn puz pâuz: Niêv tix Hoàng Thị Dinh (A) zos hôiv viên hôiv pox niêv jok Khuổi Ún tsik so uô ntêx hlo hâur huôv tsar kinh têr ziv chuôz zis, đros zos nênhs gruôs, sir jos, niêv tix tưz sir jos uô bluô nux trâu zuk. Niêv tix Dinh (A) li tsưr ziv uô kinh têr zos tsưr ziv uô yiêz tsênhv zos iz lênhx nênhs nênhs uô ntêx hlo, muôx tsưr ziv uô nox jông chiê cxuô lênhx pox niêv hâur xar cơưv shâuv uô trơưk./.

Phênhv “Nôngx mênhx zuôr tsuv pâuz” hnuz no tsuôk xâuk li no xưz, phênhv no zos Đaix TNVN iz suôv faz Bắc sik côngv đros Tsênhv qơư cxơưz cxiz uô kôngz têz qơưk uô./.

(TTTB-Lik Thox cxêik nhênhv)