Tsôngv kruô nhiêv ndis shuôk qơư du lịch chos jâuz, pax txir, kok hâur têx têik nhoz Đà Lạt-Lâm Đồng

Muk ndis shuôk uô si thiêz tâu đê ciês têx txir dâu tây siêr liêz hlôngx ntơưv iz kror qơư du lịch chos hâur têx têik nhoz phường 8, TP Đà Lạt, niêv tix Nguyễn Thị Nhung, lênhx kruô tuôx txix thành phố Hồ Chí Minh hêik tiêk, no zos kror ndis shuôk uô si yiêz thiêz lok six shir phaz. Đrâuv tâu uô ciês chor nênhs uô kôngz nuv li têx hâux lưv, niêv tix thiêz têx fôngx zưs tsênhv tâu cxêik đuôz, tsês chiê tâu sêiz hâur têx jiês muk uô si li no.“Zuk pov lok six nhiêv thâuv tuôx ndis shuôk uô si ntơưv têx qơư du lịch li no. Viv thâuv tuôx txos ntơưv no mak zuk tưz njiê pov tâu ciês têx tsoz chos co hloz lox jông li chak. Đhâu co, zuk thiêx pâuz tâu tiêk chos lơưr tsưr ziv hur zos li chak, paz muôx tâu têx hax huv tsơưr lươngv jông trâu nênhs sir zôngv”.

Tưz tsik zos kruô du lịch, têx tsưr ziv du lịch sêiz shuôk chos jâuz, txir, kok hâur têx têik nhoz Đà Lạt cux tsênhv zos qơư nhiêv tuôx ndis shuôk trâu ciês chor nênhs nhoz ntơưv tiv phaz. Lơưr tix lâus Ngô Văn Lai, nhoz phường 1, TP Đà Lạt, thâuv têx qơư ndis shuôk uô si kuz muôx txix thâuv ntêx tưz lok six sưv jê đros sơưr đơưk lơưv mak Đà Lạt huôv tsar uô tsưr ziv du lịch no zos kror tsuv muôx, tax tâu tsôngv kruô nhoz cxiê qơư li siêz xar ndis sêiz shuôk, uô si.“Lok six jông siêz njiê pov tâu zav tsưr ziv chos jâuz txir kok li no. Kror no mak lok six yiêz xav tas nro trâu nênhs nhoz Đà Lạt thiêz tsik zos tiêk trâu tsôngv kruô nhoz têx tỉnh thành lok sik tsôngv kruô ntiêx têz tuôx ntơưv no. No zos iz hâur têx kror qơư ndis shuôk uô si lok six jông, txix thâuv zâu txos nhiv no zuk thiêx njiê pov tâu. Ntâu zav jâuz tâu chos lok sik hur thiêz zuk cux tso siêz thâuv sir zôngv têx zav jâuz no”.

Đhâu 2 shông ntâu sir jos njuôk xav tsưr ziv huôv sar, txos nhiv no Đà Lạt-Lâm Đồng tưz muôx 30 ntâu kror qơư ndis shuôk du lịch li no tax tâu ploz tsênhr muôz lok phưx vưv tsôngv kruô. Pos Nguyễn Thị Bích Ngọc, Phưv giám đốc Sở Vênhx huôv, Thể thao thiêz Du lịch tỉnh Lâm Đồng puz pâuz, tiv phaz lok six tsov cưv txos thiêz paz tsar tov chiê muôz tsưr ziv du lịch no lok kriz uô, paz trâu nganhx du lịch-zos nganhx kinh têr chênhr nhoz Đà Lạt-Lâm Đồng huôv tsar hênhr đuô.“Thâuv ntêx no chor tsưr tsix, tiz nênhs chiv chir uô thiêz huôv tsar viv li cux muôx ntâu luk hêik tsik taz por tsơưr lươngv, lơưr hêik tiêk du lịch sêiz shuôk têx jâuz txir, kok chos li taz sik thâuv tuôx txos mak tsik pov đaz tsi hlo. Đhâu thâuv du lịch no tâu tso tơưv mak xuz thơưx chor taz viv tâu côngz jênhv puôr lênhx muôx kruô tuôx ndis shuôk tsik so, têx thâuv mak chor taz viv sâu nhiêx chiê kruô ndis shuôk xưz cux tưz sâu tâu nhiêx siêz đuô muôs têx hax huv. Xưk li têx vax pax, thâuv pax muôs tsik tâu mak chiê kruô muk ndis shuôk xưz cux sâu tâu nhiêx lok six siêz lơưv. Pêz tsênhv sir jos uô côngz xưv hêik pâuz, paz thơưz thiêz đros đrêiv chor taz viv, tsưr tsix, tiz nênhs gra siêz tsơưr lươngv dịch vụ trâu têx tsưr ziv du lịch  tưz tâu côngz jênhv hâur kror hâux lưv no”./.

                                                                                            (TTTN-Lik Thox cxêik nhênhv)

Moz vưv- Riêr pâuz tsênhz mênhx lok zav moz no 

    Moz vưv siz cik li chas?

          Lơưr Ths.BS Nguyễn Trung Cấp, Tsar khoa chơưv kho moz, tsêr kho moz Nhiệt đới Trung ương, nênhs trâus đêr vưv tov, trâus yưk muôx caz moz vưv khơưz lok sik tsuôz...zos tsi cxax yuôx phax moz mak zuôr trâus moz vưv.

          Cxôngx thâuv trâus đêr tov, yưk khơưz txos thâuv huôv moz chungz fênhx zos 3-6 luz hlik, muôx lok six tsơưs têx lênhx nênhs pov huôv moz nzor, cux muôx têx lênhx 2,3 shông tov kaz thiêx li pov huôv moz.

          Xor mông cxôngx cục y tế dưv phax Bộ y tế, caz moz vưv phênhv ntâu cik cxôngx têx tsiêx cxu li kâuz ndâus trâu lênhx nênhs đhâu têx kror cxaz sâuv lênhx nênhs luz chêr.

          Moz vưv cux cik trâu lênhx nênhs thâuv trâus tsiêx cxu vưv zeiv ntơưv kror cxaz lok sik sik kror ndâux, kror njưk.

          Đêr tov zos qir tiv uô trâus moz vưv.

          96% têx lênhx nênhs nhoz Đông Nam Á trâus moz vưv zos tiv đêr vưv tov, taz sik cux muôx iz cxiê pov cov lok moz vưv sâuv lênhx nênhs zos tiv yưk, đêr, maz, plik...tov.

          Moz vưv tiv trâus liêz thiêz tsuôk tov mak tsi khênhr muôx. Nênhk khênhr nhâuv đuô thâuv trâus moz vưv.

          Nhux tưv thiêz nhux đas tsi tov thâuv trâus moz vưv, taz sik cux tsuv chênhr phax thâuv seiz njuôs moz trâu nhux tưv nhux đas, pov lok ntâu kâuz ndâus.

          Muôx têx thâuv, lênhx tsưr tu zus khênhr phênhz tsi tâu moz vưv  đros moz tơưv ndâux hlê trâu, caz moz đôngk nyar lok sik caz moz qơư uô pa thiêz lơưr zôngx ziv trâus cik caz moz vưv thâuv tsoz phưz tsiêx tu zus.

          Moz vưv muôx têx moz yưv li chas?

          Ths.BS Nguyễn Trung Cấp puz pâuz: “Thâuv pov moz vưv mak muôx 2 zav moz yưv zos moz hlưz tâuz hâu thiêz tuôs tês tuôs tơư”.

          Moz hlưz tâuz hâu: Nênhs moz khênhr pư tsi tsâus jos, iz chêr tsi jông nhoz. Đhâu co nyei cor đêx, nyei chuô njơưx. Moz hnhar jux jus mak hâuk tsi tâus đêx, thâuv pov chuô njơưx lok sik hnor đêx ntưs, chuô njơưx cux nyei.

          Lênhx nênhs trâus moz lok ntâu kâuz ndâus thiêz gros tsi tâus viv li six fênhx nti kâuz ndâus đhâu iz ntu ziv moz hnhar thiêz khênhr trâus tuôs đhâu iz ciêz cxôngx thâuv huôv moz.

          Moz tuôs tês tuôs tơư: Nênhs moz zuôr trâus tuôs tơư uô ntêx, cxôngx co txos luz chêr, tês, uô tsi tâus pa thiêz trâus tuôs.

          Bác sĩ Cấp khav tênhv: “Têx nênhs moz vưv co mak tsi pov vưv txos trâu thâuv tuôs”.

          Iz chas đêr mak yưk, puôr, plik...cux zuôr cik moz vưv tâu trâu lênhx nênhs./.

(Thu Thùy-Txâur Vax cxeik nhênhv)