Côngv thôngx tsuv siz chos côngv têk phax tar ntux têz uô ruôr hiêv

PV: Phax tar ntux têz uô hiêv tsuv piz uô txix côngv thôngx, zos li thor cox puz pâuz tsênhv njiêz phax tar ntux têz uô hiêv shông no zos li chak?

Zơưv Trần Quang Hoài: Tsưr ziv shông no Ban chox kriê trung ương lok phax tar ntux têz uô hiêv kriz uô txos têx tiv phaz thiêz txos trâu pêx xênhv zos “Phax tar ntux têz uô hiêv tsuv piz txix côngv thôngx”. Hâux lưv xêir tsov tsưr ziv zos piz txix ntux têz uô hiêv hâur ntâu shông đhâu txơưr txar lok six phiv liv, muôx sâuv cxuô qơư thôngz têz qơưk. Đros thiêz têx Bôv, nganhx Trung ương mak zênhx bax jông têx tsưr ziv chiê phax tar sêi đrơưv tiv zix, taz sik đros thiêz tiv phaz mak tsênhv yuôr ntâu kror, tiv zix zos têx qơư nhoz đêz, tox siêz. Thâuv muôx yưv ntux têz uô hiêv mak chor cơ quan têz qơưk đros paz phax tar tsuôk zos đhâu thâuv têx trâus hiêv co tưz muôx yưv thiêz chiê cêir chêx vênhv thix no mak tsuv piz txix côngz thôngx, txix têx tiv phaz sir jos cêir chêx, taz por ngaz tuk trâu pêx xênhv cux xưk li tir tar tâu ndar six hơưv thiêz khưx phưx sêi thiêz muôx chêx cur têx phiv liv tiv ntux têz uô hiêv txos.

PV: Txix têxhâux lưv uô li chak chiê piêr pâuz tâu têx tsưr ziv phax tar ntux têz uô hiêv shông no txos trâu côngv thôngx thiêz pêx xênhv têx qơư tsik so njiz trâus ntux têz uô hiêv, thor cox puz pâuz?

Zơưv Trần Quang Hoài: Shông no pêz chox kriê cxiv tsa chorội uô ntêx hlo ntơưv têx tiv phaz, tiv zix zos têx tiv phaz tsik so trâus ntus têz uô hiêv, têx qơư nhoz jê ntus đêx hiêr, têx qơư njiz trâus đêx ngaz cuôr, ar poz, ntux kruôr gis, đêx hiêr cxêhv. Hêik chính quyền tiv phaz cxiv sâu têx tsưr ziv chiê phax tar cxuô kror ntux têz zuôr uô hiêv txos sâuv thax tsav thiêz yax kriê, hêik trâu pêx xênhv pâuz bax phax tar cov ngaz tuk trâu zuk, chuôz zis thiêz côngv thôngx. Đros tsưr ziv “4 ntơưv qơư” têx shông đhâu tsik so tâu yax kriê, hêik pâuz taz sik nhiv no mak tsuv qênhz yuôx ciês hâux lưv kriz uô cov tsênhz mênhx, huv đros trâu yênhx thax tsav qơư, yênhx cấp thiêz yênhx côngv thôngx.

PV: Hla trâu chêix ntux nas chuô shông no, cox puôk muôx luk li chak hêik trâu chính quyền, cơ quan sêiz car phax, tar ntux têz uô hiêv cxuô cấp thiêz pêx xênhv hâur phax tar thiêz txo grêk tsơưs têx phiv liv tiv ntux têz uô hiêv txos, thor cox ho puz pâuz?

Zơưv Trần Quang Hoài: Sơưr đơưk tsuv bax phax tar jong cxuô kror phiv liv tiv trâus ntux têz uô hiêv zuôr muôx yưv iz ndis zuk. Đros co zos hêik chính quyền têx tiv phaz tsuv cxiv tsa tâu têx tsưr ziv chiê phax tar ntux têz uô hiêv zuôr muôx yưv ntơưv zuk tiv phaz. Têx kror phiv liv zuôr njiz trâus zos tiv phaz xav tsik tâu mak tsuv sêi đrơưv hêik trâu cxuô cấp chính quyền pâuz, tiv zix zos hêik lok trâu Ban chox kriê, sêiz car  phax tar ntux têz uô hiêv Trung ương pâuz, sik đros chính quyền tiv phaz taz por ngaz tuk trâu pêx xênhv hâur chêix ntux nas chuô shông no./.

                      Thor uô cox tsâus ntâu!

                                                                                                  (BTS-Lyk Thox cxêik nhênhv)

Têx lênhx hluôk nênhs uô tâu nuv jông

Tix lâus Nguyễn Linh, nhoz jok 8, phường Cao Xanh, TP Hạ Long nhiv kruôr muôx 31 shông, taz sik tix lâus tưz muôx tsưr ziv 2 shông cê zos phưv Bí thư chi bộ, cê zos lênhx thơưx Ban côngz xưv Mặt trận hâur jok. Têx luôs hâux lưv hâur jok txix por hưv tênhx qơư, txiv ngaz jêx jok, txos trâu đơưk tu têx txuz plâuz ntus lok sik cêr lov jêv, muôx moz gênhs hâur têx chuôz zis..... tix lâus puôr lênhx tuôx hur si. Txix tix lâus cêr moz siêz, sưv jông, têx nuv uô tsênhv tsênhz, Nguyễn Linh tưz tâu tsôngv cưr tix nênhx tsa sđ hâur jok 8 njênhs njôngr, nhiêv txos:“Kror phiv liv xuz thơưx zos cur tsi pâuz tsuv uô li chas, lênhk nhav tâu lơưv tsuv zok nriêr, cơưv shâuv txix têx lâuk, têx hloz tưz lês uô đhâu têx nuv no xưz. Chor lâuk, chor hloz lơưr moz siêz kriê trâu zuk, tsuôk uô jông 3 zav nuv xưz: Ntơư zos mnôngs tsôngv box heik, heik trâu tsôngv box mnôngs, uô trâu tsôngv box njênhs. Li ntơư zos tiêr hâux lưv xưz”.

Yuôr ntơưv xã Đồng Sơn-Iz hâur têx xã tox siêz 135 hâur tỉnh Quảng Ninh, lok six ntâu lênhx, lơưr pâuz txos iz lênhx Bí thư chi bộ, cê zos lênhx tsar jok hluôk yax hâur huyện Hoành Bồ. Xênhz shông 1992, Đặng Hữu Hình thâuv tưs tưz xar njôngr, zuk tsuv zos lênhx uô ntêx nyuôs hâur cxuô luôs hâux lưv jêx jok, cxiv tsa têx trâur nuv yiêz fiv đros trâu têx tsênhv tsênhz thiêz cêr nênhx xênhz huôx, phôngz cxưx ntơưv qơư li: Chos kok tsư ha, chos nênhs Cho têx yuôx njuôz....sâuv têx liêx têz, yênhx xã, huyện li xiv huv jông:“Đhâu cơưv fuô kriê ntơưv xã mak canr bôv, Đảng viên uô uô ntêx, cur cux huôv tsar uô xuz thơưx. Đhâu 2 shông fuô uô, ntâu chuôz zis tsôngv box tưz uô trơưk thiêz tror krêz đar chos têx kôngz, yuôx njuôz li heik sâuv. Muôx kênh chuôz zis tưz muôx muôs, muôx phênhv sâu siêz, ntâu chuôz zis thor hla đhâu chuôz zis pluôs, thor paz krêz uô đar đuô thiêz chos nzir têx kôngz, yuôx njuôz. Hâux lưv yax kriê txix công nghệ cux lok six zov chênhr, cur thiêz têx hluôk nênhs zôngv Facebook, Zalo piêr kriê têx xiv huv, xa choz huv txos trâu tsôngv kruô tas nro têz qơưk hâur têx huyện, tỉnh đrâuv”.

Moz siêz lês uô jông hâux lưv, têx canr bôv hluôk nhiv kruôr 20 ntâu shông li Đặng Hữu Hình tưz uô tâu trâu tsôngv px sđ chiê siêz, njênhs njôngr. Zơưv Linh Quý Ngân, lênhx txir ndâux txir luk hâur côngv thôngx nênhs Cho Hoành Bồ heik pâuz:“Chor hluôk nhiv no uô tâu, lơưr moz siêz lês uô têx hâux lưv, tsaz yênhx, lar heik zos cxuz cêr yeiz pluôs, zok nriêr tsưr ziv huôv tsar uô nox. Đảng viên hluôk muôx đas jos, heik tâu uô tâu, lok six jông”.

Zơưv Khổng Minh Thành, thơưx cơ quan Tsưr tsix-Nội vụ huyện Hoành Bồ (Quảng Ninh) heik pâuz, tas nro huyện nhiv no muôx 20% Bí thư cê zos tsar jok tsi tâu muôx 35 shông. Têx canr bôv hluôk no tsưr ziv, txux chi đros trâu pênhr xưv uô nuv ziv hnuz ziv tâu gra siêz zos iz kro khav tinhv xeir zuôr lênhx nênhs uô hâux lưv thiêz hluôk ntơưv qơư:“Tsôngv box luz nênhx tsênhv tâu hlôngr yiêz jux juk, no zos muôx têx lênhx Bí thư, cê zos tsar jok, lar heik zos têx hluôk nênhs li pưs txux lok six zov chênhr. Huyện li tsưr ziv zos kriê cxaz txux chi, tsưr ziv uô nuv trâu têx lênhx co, qênhz pov tâu têx đôngx chir  txơưx njê, muôx tsưr ziv, pênhr xưv chiê tror kriê cxaz txux chi cov yênhx canr bôv công chức hâur xã, hâur huyện”.

Tỉnh Quảng Ninh nhiv no khênhr uô trơưk li heik sâuv, Bí thư, iz chas ntơư zos tsar jok muôx 98% ntâu, ntâu đuô hur si hâur têz qơưk. Hâur co, yênhx puô lênhx đảng viên hluôk lês uô 2 zav nuv, tưz paz gra siêz tsơưr lươngv têx luôs hâux lưv, phôngz yaox sik tưr huôv tsar uô nox ntơưv qơư hâur ntu têz qơưk hlôngr yiêz nhiv no./.

(VOVĐB-Riê Lâux cxeik, nhênhv)