Na Ư hlôngr yiêz hâur shông yiêz

Muk txos luz tsêr yiêz nhiv kruôr đhok uô tâu, tix lâus Lưv Xênhv Vưx, nhoz jok na Ư, xã Na Ư, huyện Điện Biên, tỉnh Điện Biên shir phaz heik pâuz: Luz tsêr no zos hur si cur 2 niêv txir têx sir jos đhâu iz shông huôv tsar uô kinh tế, lok six jông siêz viv tưz uô tâu tiêr uô ntêx tsiêz xar iz hlik. Chuôz zis tsuôk zuôr nzir têx chuôz zênhx xênhz huôx zuôr trâul txos, kho iz kro mê njik vax tsêr.....xưz, tưz muôx têx đros tâu sđ nox iz luz tsiêz 30 shir phaz, lov jêv:“Shông no, huôv tsar uô nox zôngx ziv đuô, têx kôngz lôngk sâu tâu nju viv li cux muôx nhiêx chiê uô tsêr. Tsôngv box, cưr tix nênhx tsa hâur jok cux tuôx đros paz uô, viv li lok six shir phaz thiêz uô tsâus ntâu txos têx cưr tix nênhx tsa sđ. Cux tưz bax tâu 2, 3 tuk keiz, têx uz no chiê hu tsôngv cưr tix nênhx tsa tuôx đros zuk nox tsêr yiêz, tok tsiêz 30”.

Jok Na Ư nhoz hâur tsênhv qơư xã Na Ư, muôx 110 chuôz zis, 450 lênhx nênhs, 100% zos tsôngv box Hmôngz. Têx hnuz zuôr txos Tsiêz no, têx ziv chuôz zis hâur jok puôr lênhx lok six shir phaz, viv iz shông uô thiêz sâu tâu têx kôngz nju đuô pir li shông uô ntêx. Zơưv Por Xênhv Lik, Tsar jok Na Ư, xã Na Ư, huyện Điện Biên, tỉnh Điện Biên shir phaz heik pâuz: Ciês shông 2018, jok tưz cxuôv tâu nzir 5 chuôz zis pluôs, têx chuôz zis txov nhêv txo grêk yuôr 26%.“Tsôngv cưr tix nênhx tsa sđ lok six sir jos huôv tsar uô nox uô hnar viv li shông no cux nhoz khênhr đuô pir li shông uô ntêx.  Muôx kênh ziv lơưr cux uô tâu tsêr nhoz, muôx nox muôx tsês, heik cxuô mak cux nhoz khênhr đuô. Têx chuôz zis pluôs cux txo grêk tsơưs. Thiêz tưz zuôr txos Tsiêz lơưv, tsôngv cưr tix nênhx tsa cux tưz bax qêz suô têx cêr mul lok hâur jok cov đu lus chiê tok shông yiêz, nox Tsiêz 30 shir phaz, lov jêv”.

Đại úy Nguyễn Đình Thuần, Phưv Zênhx pênhz phax trôngx đriv ntiêx têz Tây Trang, Bôv đôiv pênhz phax tỉnh Điện Biên heik pâuz: Na Ư zos thax tsav phiv liv, viv muôx đriv têz buôk tỉnh Phong Sa Lỳ, têz qơưk Lol Tsuôk, suôv qơư tsi so tâu têx nênhs zuôr muôs, uô luôv zax zênhz tsi trơưk chei mul lok đhâu thiêz liv zôngv tsôngv px luz nênhx txov nhêv, tsi yuô muôx txux chi tsưr ziv jênhv pâuz chiê nhiês thâux gra têx zax zênhz lok hâur VN. Chênhr viv li, canr bôv, chiến sỹ hâur taz viv thâuv tưs tưz tâu choz hâux lưv seiz car, ndis mul lok shuôs têx jêx jok hâur Na Ư chiê yax kriê, heik trâu tsôngv px pâuz lok zax zênhz têx tsi jông, uô hiêv. Zênhx max qênhz pov têx nênhs fêv hâuz nziêk tsôngv px đros thâux gra, uô luôv zax zênhz, cux li cxơưz tiês luôs hâux lưv paz tsôngv px hâur huôv tsar uô nox. Khov li ntơư, six hơưv jê lok no, têx lênhx nênhs zuôr muôs, uô luôv zax zênhz tsi trơưk chei hâur thax tsav Na Ư tưz txo grêk tsơưs.

Cux trơưk li Đại úy Thuần, chiê phax tir thêir tâu têx zax zênhz nhiês zuôr muôs lok hâur thax tsav mak, hâux lưv sưv jê đros tsôngv px, pâuz tsênhz px tsưr ziv, siêz xar zos lok six zov chênhr. Viv li hâur six hơưv Tsiêz têz qơưk 2019 no, taz viv tror fuô kriê thiêz tso têx paz tuz lênhv muk đros tsôngv px nox tsiêz, uô lov jêv. Hux jos đros têx đoanx thêv hâur xã qêz suô hur si jêx jok, luôx têx đrox, cêr mul lok hâur jok thiêz tsưr tsix krưr nduôr nzâuv puôz đos njiêz luk “Shông yiêz pênhz phax-Tsôngv px jêx jok shir phaz, lov jêv”.“Tâu tas nro cxix  luôs chính trị cêr moz siêz paz max, viv li tsôngv px txux chi tsưr ziv jênhv pâuz ziv hnuz ziv tâu gra siêz, thiêz px tsưr ziv đros yơưz phơưz têx nênhs fêv, uô cxâuv chei cux tưz tâu gra siêz đuô pir li têx shông uô ntêx. Txos nhiv no, tsôngv px lok six tso siêz thiêz njênhs njôngr trâu Đảng, têz qơưk tsưr ziv chox car, cxuô cấp, cxuô ngênhx ntơưv qơư fuô kriê. Tsôngv px sir jos huôv tsar uô nox, muôx tâu têx xiv huv jông thiêz txix tsưr ziv, cêr huôv tsar uô nox ntơư tưz paz lơưr tso tsês jux juk têx nuv uô cxâuv chei li heik sâuv thiêz pâuz tâu zax zênhz têx tsi jông, uô hiêv txos”.

Iz shông yiêz, cêr sor si tsênhv lok txos trâu thax tsav ntus đriv Na Ư. Vav chiê siêz tiêk, đros thiêz hâu nov ntơưv qơư têx cêr paz, chor lưv lươngv muôx vax huôv nhoz hâur thax tsav cêr moz siêz, cux xưk li tsôngv px, têx jêx jok ntus đriv hâur Na Ư têx sir jos, zuôr muôx nzir ntâu hlôngr yiêz hâur six hơưv zuôr txos, cxiv tsa kinh tế ntơưv qơư truôx jông chiê paz tso tsês jux juk têx cêr nhiês zuôr muôs, uô luôv zax zênhz nhoz thax tsav no./.

(Vũ Lợi-Riê Lâux cxeik, nhênhv)

Tsôngv kruô tsuv pâuz thâuv gra nhiêx tsês ntơưv Zênhx hangx Agribank tsi muôx six hơưv

          1. Gra nhiêx tsês ntơưv zênhx hangx tsi muôx six hơưv zos li chas?

          Nhiêx txiêx tâu tsês six muôx six hơưv ntơưv zênhx hangx zos chor nhiêx txiêx tâu tsês ntơưv co tsi muôx cui tênhv lok six hơưv tsês chiê thiêz chor nhiêx txiêx tsês chiê, viv li tsôngv kruô cux zuôr zôngv tâu chor nhiêx txiêx tsênhv yuôr chiê uô têx jix vuv txơưr thiêz zôngv tâu zênhx hangx Agribank li ntâu jix vuv jông.

          2. Liv zix thâuv tsês nhiêx txiêx ntơưv zênhx hangx tsi muôx six hơưv.

          Tsôngv kruô tâu sơưv phênhv liv tsi muôx six hơưv lok hnuz lơưr kaz ciês hâur hli lơưr phênhv liv zênhx hangx cui tênhv nhiv no.

          Tsi pôngz nhiêx phí tul tsi thâuv lênhx nênhs tsês nhiêx, muôz nhiêx ntơưv chi nhánh Agribank qơư mak tsôngv kruô krêz tài khoản.

          Tsês nhiêx hor ntâu jiês cux tâu

          Tâu tror muôz nhiêx thâuv tưs cux tâu

          Chor nhiêx tâu tsês ntơưv zênhx hangx tâu zôngv chiê thêv, xa, uô têx giao dịch thêv nhiêx txơưr thiêz cxaz chuôz ntâu jix vuv txơưr jông trâu tsôngv kruô đros phênhv nhiêx phir uô kis.

          Taz por chor nhiêx txiêx tâu tsês ntơưv zênhx hangx. Tsôngv kruô tsi cxơưx trâus pôngz.

          Nriêr pâuz xor mông chor nhiêx txiêx co zôngx ziv đhâu jux vuv Mobile Banking, Internet Banking.

          3. Poz xiv huv

          Six hơưv: Tsês tsi muôx six hơưv

          Zôngv đros thiêz zav nhiêx txiêx: VNĐ, USD, EUR

          Tsês, muôz: tsi cui tênhv chor jiês tsês thiêz muôz

          Phênhv nhiêx phir jix vu: lơưr Agribank li phênhv vui tênhv nhiv no

          4. Tsưr ziv uô ntâuz ntơưr

          Ntâuz ntơưr tsuv uô chiê tsês nhiêx txiêx tsi muôx six hơưv ntơưv zênhx hangx Agribank lok six zôngx ziv uô thiêz uô sei, tsôngv kruô tsuv bax têx ntâuz ntơưr li:

          Ntơưr CMTND/ Hộ chiếu tsênhv muôx txux zôngv

          Ntơưr sâu tsôngv kruô li têx xor mông, krêz tài khoản thiêz zôngv jix vuv ( lơưr ntơưr tưz muôx)./.

                              (Hồng Việt- Txâur Vax cxeik nhênhv)