Sơn La: Tsêr cơưv txov nhêv shir phaz muôx lớp cơưv yiêz

Tsêr cơưv Hua Nà nhoz đêz tsênhv qơư 14 cêik, zos jok lok six txov nhêv hâur xã Chiềng Ly, huyện Thuận Châu, tỉnh Sơn La, têx chuôz zis pluôs thiêz zuôr xar pluôs muôx nhos 55%. No zos qơư cơưv lok six txov nhêv hâur tsêr cơưv cxênhx iz Chiềng Ly, tsêr lav uô lav nhoz cơưv đaz pêk tuôs, kâus kêz jik, foz nja xor thêir shôngz, hâur plas tsêr zos ar, thâuv ntux nas lox lok sik têx hnuz ntux no njiv mak têx nhuôs shux xênhz tsuv so ntơưr viv tsi taz por trâu luôs hâux lưv nhoz kriê thiêz cơưv ntơưr.

Txix chor cưk kriê thiêz nhuôs shux xênhz têx lênhx uô niêv uô txir nhoz no cêr txov, phiv liv, têx tsưr tsix, têx lênhx nênhs siêz jông tưz siz chos paz cxiv uô yiêz iz qar tsêr cơưv ntơưr, iz qơư tơưv trôngx, yar tiêx uô si thiêz trôngx vas tsêr cơưv, xav hur si tas muôx 330 tsov đeiv. Đhâu 3 luz hlik cxiv uô, txos nhiv no qơư nhoz cơưv ntơưr heik sâuv tưz cxiv uô tâu têx qar tsêr truôx jông chiê cơưv ntơưr, muôx trôngx tos yiêz, muôx qơư tơưv trôngx hur si, paz chor cưk kriê ntơưr thiêz shux xênhz tso siêz nhoz kriê thiêz cơưv ntơưr; txo grêk tsơưs têx cêr cxơưx hâur têx hnuz ntux no njiv, muôx nas chuô. Cưk kriê Nguyễn Thị Thúy Hạnh, Phưv thơưx seiz car tsêr cơưv cxênhx iz Chiềng Ly shir phaz heik pâuz:“Tiv tsêr cơưv têx nhiêx txiêx tsơưs, tsi muôx txâuk, hâur ntâu shông lok no pêz kho thiêz cxiv uô tsi tâu luz tsêr cơưv no. Thâuv muôx sđ paz max, pêz tưz muôx iz tsêr cơưv jông thiêz chor cưk kriê ntơưr cux lok six shir phaz, shux xênhz thiêz shux xênhz niêv txir lok cux li ntơư, txix nhiv no muk chor nhuôs shux xênhz zuôr muôx qơư yiêz nhoz cơưv ntơưr, muôx cxix cxuô têx chuôz zênhx jông phưx vưv cơưv ntơưr thiêz txix lớp cơưv no pêz zuôr sir jos  chiê kriê thiêz cơưv ntơưr cov tâu jông, uô li chas chiê hâux lưv kriê thiêz cơưv txux ziv hnuz ziv tsar ndê, uô tâu jông đuô”.

Đros trâu chor nênhs siêz jông têx cêr paz max, shux xênhz chor uô niêv uô txir cux siz chos paz hnuz côngz tuôx đros khơưz kuô tsêr, uô cưx đês, xor nja vax thêir tsêr cơưv, đros thiêz tsưr ziv, siêz xar zuk têx tuz nhuôs zuôr tâu nhoz cơưv ntơưr hâur tênhx qơư jông đuô. Niêv lâuk Lò Thị Phiên nhoz jok Hua Nà, shux xênhz cxênhx iz tsêr cơưv Hua Nà niêv thiêz txir shir phaz heik:“Cur lok six shir phaz thiêz tso siêz trâu têx mê nhuôv muk cơưv ntơưr. Tov kaz no ntux yar ntux nas lok tsi cxơưx thâuv tso têx nhuôs muk cơưv, zuôr tso têx nhuôs muk cơưv cxix cxuô hâur niêx hnuz”.

Hâur tsaz yênhx cxiv uô tiêr lớp cơưv no, chor tsưr tsix, lênhx nênhs siêz jông li: Công ty ju lix Ban Mai Aurora Travel DMC, công ty Bảo hiểm Nhân thọ Fubồn Lay VN, Vietray 365, Tsêr nhiêx TMCP Sài Gòn Thương Tín Sacombank, Tsêr cơưv cxênhx nhuôs zâu Nongsim....đros têx taz viv thiêz lênhx nênhs siêz jông txơưr đuô hâur hur si têz qơưk tưz muôz nzir têx huv li: Chuôz zênhx phưx vưv cơưv ntơưr, tsôngk tril yo hnar, chuôz zênhx uô si, xênhz huôx.....trâu chor cưk kriê ntơưr thiêz 31 lênhx shux xênhz lớp 1 thiêz 100 ntâu lênhx shux xênhz cxênhx nhuôs zâu nhoz no. Tix lâus Vũ Thái Sơn, Chủ tịch Hội têx lênhx nênhs xênhz zus đêr shông 1982 Sơn La heik pâuz:“Thôngz đhâu têx tsaz yênhx, hâux lưv uô li no, Hội pêz têx lênhx nênhs xênhz zus đêr shông 1982 Sơn La vav chiê siêz tiêk, zuôr nthuôr uô tâu đar têx hâux lưv li heik sâuv chiê sik pheiz kênh phiv liv đros têx thax tsav txov nhêv nhoz tox siêz đêz đrôngs; thiêz cux đhâu co pêz cux chiê siêz tiêk, chor hội viên zuôr muôx nzir six hơưv, hnuz nhôngs sik đros paz viv iz côngv thôngx jông đuô”.

Côngz trênhx tâu uô tiêr zos iz kro lok six jông thiêz muôx liv, tsês puz trâu tsôngv box hâur jok thiêz tas nro tsêr cơưv cxênhx iz Chiềng Ly ndax six hơưv tsiêz têz qơưk, cxơưz paz nzir đas jos chiê têx nhuôs shux xênhz sir jos hla đhâu têx cêr txov thiêz phiv liv muk cơưv txux./.

(Trấn Long-Riê Lâux cxeik, nhênhv)

Tsưr ziv sir zôngv tênhv ngaz tuk hâur chuôz zis

I. Tsưr ziv ngaz tuk lôngx đhok hluô tênhv hâur cxiv luôs tênhv hâur chuôz zis

Hluô tênhv hâur tsêr tsuv zôngv chor hluô muôx tơưr câur ntov jông. Tsik zôngv hluô tênhv tsik muôx tơưr câur cha tênhv hâur tsêr. Chor hluô tênhv hâur tsêr tsuv lox txâuk chaz tênhv sir zôngv trâu tas nro têx chuôz zênhx tênhv hâur tsêr zôngv. Tsik tsuv zôngv têx hluô tênhv zâu trâu chor chuôz zênhx zôngv tênhv lox.

Hluô chaz đhâu faz nja tsêr tsuv tâu tso trâu hâur car nhựa por vêv. Tsik chiê ntux nas ntuz thiêz ntưk trơưk tâu lok hâur tsêr. Ntơưv faz nja tsêr tsuv muôx qơư tuôr thiêz khi lok sik lo truôx khor trâu faz nja chiê tuôr, khâuv hluô tênhv trâu hâur tsêr. Cêv kuôk txix ar trâu qơư khuôv hluô tênhv zos 3,5 thiêr.

Hluô tênhv chaz hâur tsêr tsuv zôngv sứ puôz lo lok sik car nhựa chiê ntiv hluô cov ngaz tuk. Thâuv muôx qơư txuôk, tsuv txuôk cov truôx thiêz muôz hnaz tar câur cov ntov thiêz tsik chiê tênhv yưv. Hluô tênhv ntơưv faz nja mak tsik tsuv muôx qơư txuôk hluô, thiêz zav hluô tênhv sir zôngv tsuv muôx zos zav muôx 2 đêiv tơưr câur tênhv cov jông. Tsik muôz chor hluô siz zuôv, njưx cov thâuv njiê njiê hlâu trâu faz nja mak tsik njiê trâus hluô tênhv uô muôx yưv têx phiv liv tsik jông.

II. Tsưr ziv sir zôngv tênhv thiêz têx chuôz zênhx tênhv

Tsuv thêir vor cov jông qơư njiê tênhv thiêz qơư tso tênhv sâuv faz nja tsêr cov truôx jông. Tsik so qênhz yuôx thiêz hlôngr đuô têx chuôz zênhx tsik jông, tsik ngaz tuk.

* Tso cxuô chuôz zênhx tênhv đêz đêx, nhuôs zâu thiêz tsiêx tu zus.

* Tsuôk sir zôngv hluôk tênhv txuôk thâuv tsuv tâu zôngv.

* Tsik zôngv uô cê têx chuôz zênhx tênhv zôngv ntâu tênhv chiê tsik njiz trâus tênhv zôngv ntâu uô tênhv tơưs cuz.

* Thâuv tsik sir zôngv têx chuôz zênhx tênhv, tsuv tuô têx chuôz zênhx tênhv co.

* Tsik truz, ro têx hluô tênhv đhâu qơư njiê tênhv, cê tsik ngaz tuk cê phiv liv txos qơư njiê tênhv cux xưk li têx chuôz zênhx tênhv.

* Tsik txuôk ntâu txox hluô tênhv uô cê.

III. Tsưr ziv qênhz yuôx, kho đuô tênhv thiêz têx chuôz zênhx tênhv

* Tsik qênhz yuôx, kho đuô hluô tênhv thiêz têx chuôz zênhx tênhv thâuv tsik tâu tuô tênhv.

* Nênhs tsik pâuz lok tênhv thiêz ngaz tuk tênhv mak tsik chiv chir lôngx đhok, qênhz yuôx, kho têx tênhv.

* Tsik so tsov cưv txos têx chuôz zênhx tênhv sir zôngv, thâuv pov têx chuôz zênhx tênhv tsik ngaz tuk mak tso tsês tsik sir zôngv nzir. Tiv zix tsov cưv txos têx chuôz zênhx tênhv li: hưx cêik râuz đêx sêi, luz luôv khâuz ndơưk, kror chuz tênhv, lâux câuz tênhv…

* Qênhz yuôx hluô tênhv tsik so chiê pov tâu têx hluô tênhv to, cxênhv tênhv thiêz tênhv sik txêik chis cuz…/.

(Thanh Thủy-Lik Thox cxêik nhênhv)