Jos Cho li têx lênhx nênhs uô pov tsir

          Pêz lok six nhiêv seiz kênh mênhx cxưx Cho hâur niêx hnuz. Đhâu kênh mênhx cxưx no, pêz cux cơưv shâuv tâu ntâu chênhz zênhv chiê uô kôngz uô lông.

          Ciêz tưs pêz cux tos chiê mnôngs tsaz yênhx chiê pâuz tâu cxuô mênhx cxưx hâur tỉnh li têx phongz cxưx, cêr uô nênhx, đhâu co kruôz kriê têx cxênhx hluôk nênhs pâuz tsênhz đuô lok zuk mênhx cxưx li têx phongz cxưx chiê tuôr tsês tsi trâus pôngz plox.

          Co zos zơưv Đặng Văn Thương thiêz zơưv Lý Bằng 2 lênhx nênhs nhiêv mnôngs tsaz yênhx nta suôz luk Cho nhoz Tsênhv qơư thôngz xor mông Quảng Ninh li luk heik. 12 shông đhâu, tsaz yênhx tưz đros đreiv thiêz têx jêx jos nênhs mênhx cxưx Cho nhoz Quảng Ninh. Cxôngx hnuz xuz thơưx ciês tso nta suôz hnuz 20/11/2007 đros tần suất 1 luz hlik 1 số, txos nhiv no Tsênhv qơư thôngz xor mông Quảng Ninh tưz uô thiêz tso nta suôz 16 tsaz yênhx nta suôz đros 6 txos 8 tsaz yênhx xa đuôz luk Cho phưx vưv tsôngv box hâur yênhx luz hlik. Nênhs nta suôz Lý Thảo uô hâux lưv no ntâu shông puz pâuz:

          “Cur li siêz xar njôngr zos uô li chas chiê paz pox nhuôs pâuz ntâu đuô thiêz. Zuk cux xar xa têx chính sách txos pox nhuôs pâuz chiê hlôngr yiêz pox nhuôs siêz xar thiêz tsưr ziv uô sik đros huôv tsar kinh têr, cxuôv yeiz thiv pluôk”.

          Tằng A Năm lênhx nênhs nta suôz, cxeik luk Cho uô ntêx ciês thâuv muôx tsaz yênhx nta suôz luk Cho puz pâuz: Iz jiês jiês mul uô côngz xưv ntơưv jêx jos, tâu njiz pox nhuôs mak tsuôk li cur tâu lok cur têz cur qơư:

          “Cur ndo kuôk ndor 6 shông cur muk uô phóng sự nriêr qơư sâu zuôr trâu pox nhuôs chos kriêr nhoz xã Quảng Lâm, huyện Đầm Hà. Thâuv muk tơư đhâu 3 luz trôngz pêz thiêx tuôx txos têz chos kriêr xuz thơưx taz sik kriêr tưz tuôs zuôr tas. Pêz tror muk đhâu têx trôngz txơưr pôngz 2 six hơưv muk tơư, ntux mak lok nas viv li thâuv txos têz kriêr tiv 2 pêz cxeik tâu têx jông đuô, kriêr huôv tsar jông. Thâuv yax mông sâuv sóng pox nhuôs muôs tâu thiêz muôx tâu phênhv sâu jông. Lok six jông siêz”.

          Iz lênhx nênhs nhoz no cê uô hâux lưv cxeik luk Cho, cê nta suôz, cê sâu xor xưv. Taz sik đhâu 12 shông, têx lênhx nênhs uô tsaz yênhx nta suôz, xa đuôz luk Cho tưz muôx têx yênhx côngz jông. Jê tiv zix tsaz yênhx nta suôz- xa đuôz luk Cho tưz tax tâu 2 giải cuz lênhx phaz Nta suôz tas nro têz qơưk thiêz Lênhx phaz xa đuôz tas nro têz qơưk shông 2018 đros 2 tác phẩm. Taz sik, kror mak têx lênhx nênhs uô tsaz yênhx luk Cho pov jông siêz tiv zix zos tsaz yênhx paz hlôngr yiêz tâu mênhx cxưx li siêz xar, tsưr ziv huôv tsar kinh têr xã hội thiêz tuôr truôx mênhx cxưx li vênhx huôv jông.

          Zơưv Nguyễn Thế Lãm, Phưv giám đốc tsênhv qơư thôngz xor mông tỉnh Quảng Ninh puz pâuz, cxôngx công nghệ thôngz xor mông li huôv tsar, qênhx shênhx liv zôngv mạng xã hội li nhiv no têx lênhx nênhs uô tsaz yênhx nta suôz, xa đôz luk Cho nhoz Tsênhv qơư thôngz xor mông tỉnh Quảng Ninh cux chuv tôngv muôx têx hlôngr yiêz chiê muôz siêz chêx cuk yax mông:

          “Pêz heik têx lênhx nênhs uô tsaz yênhx luk mênhx cxưx muk tiv phaz ntâu đuô, muk njiz pox nhuôs ntâu đuô chiê muôx têx jax sâu huv đros tsôngv box mênhx cxưx, pêz sik côngv thiêz chuôz tsar nta suôz sâuv kênh VTV5, tiv zix zos zuôr ndar txos tsiv uô xênhz yar kôngz nuv chiê pox nhuôs pâuz tâu ntâu xor mông đuô”

           Txơưv tsênhv yuôr ntâu phêv liv taz sik têx cêr shir phaz đhâu thâuv nta suôz, tâu pox nhuôs tos jênhv tsaz yênhx zos đas jos paz têx lênhx nênhs sâu xor xưv, nta suôz, cxeik luk Cho ziv moz siêz đros zuk hâux lưv uô, hâux lưv zuk tưz xeir tsov./.

(VOV Đông Bắc- Txâur Vax cxeik nhênhv)

Yax kriê chêi ngaz tuk zoz thôngz shông 2019

nganhx Zoz thôngz tỉnh Sơn La 

Nus: Nganhx Zoz thôngz tỉnh Sơn La li sưr ziv thiêz zoz qơưx yax kriê chêi ngaz tuk zoz thôngz shông 2019 li chak?

Têz: Tsưr ziv uô:

- Gra siêz tas nro xar hôiv li txơưx jênhv hâur côngz xưv taz por ngaz tuk zoz thôngz cêr ar, car đêx sâuv thax tsav tỉnh Sơn La. Sir jos txo grêk tsơưs chor txuz, chor nênhs tuôs, chor nênhs trâus saz tiv txiêz nanv zoz thôngz hâur shông 2019, tiv zix txo grêk tsơưs txiêz nanv zoz thôngz cêr ar.

- Sir jos yax kriê đêz đar txos shux xênhz uô jông lơưr têx cui tênhv lok chêi zoz thôngz cêr ar li: tsuv ntông mov por vêv tâuz hâu, tsik hâuk chơưr, bia, muk huv zos zuk saz cêr thâuv cxaz chuôz zoz thôngz.

- Yax kriê đêz đar chêi, cui tênhv lok têx kror uô cxâuv txos ngaz tuk zoz thôngz cêr ar, thâuv ntâu, chêix yêz muk chênhr, hâuk chơưr bia thâuv tsar yêz cxaz chuôz zoz thôngz thiêz phênhv xưv bluô đros têx kror uô cxâuv.

2. Zoz qơưx.

- Cxiv tsa têx tsưr ziv, tsênhv njiêz yax kriê lok taz por ngaz tuk zoz thôngz huv zos li tsưr ziv tưz tso tơưv thiêz huv đros trâu qênhx shênhx nhoz tỉnh. Hâux lưv yax kriê tâu kriz uô tsik so; tsênhv njiêz yax kriê jông, muôx chêx cur, zôngx ziv pâuz, tsik siz yôngx, huv đros trâu yênhx lênhx nênhs thiêz six hơưv chiê uô muôx chêx cur côngz xưv yax kriê.

- Gra siêz luôs hâux lưv yax kriê, hêik pâuz zoz zux lok chêi ngaz tuk zoz thôngz, por vêv cxiv luôs zoz thôngz, taz por ngaz tuk trâu têx côngz trinhx zoz thôngz, yax kriê hêik pâuz  lok chêi ngaz tuk zoz thôngz cêr đêx, cxiv tsa vênhx huôv zoz thôngz txos cxuô cxênhx nênhs, tsik zos uô cov muôx, tuôr xuôv. Uô tsưr ziv ngaz tuk zoz thôngz đros trâu cxuô cấp, nganhx li jênhv vưv uô tsik so.

- Sir jos uô côngz xưv chox kriê têx phongx, taz viv sik côngv đros Ban ngaz tuk zoz thôngz tỉnh, têx taz viv thâux xa kruô yax kriê hêik pâuz lok chêi ngaz tuk zoz thôngz txos trâu chor nênhs tsar yêz, gra siêz chor nênhs tsar yêz li xơưx jênhv uô hâux lưv, tiv zix zos nênhs tsar yêz thâux xa kruô muk cêr đêz./.

(Bích Thủy-Lik Thox cxêik nhênhv)