Jax thưr 2, hnuz xiêz 10/8/2015:

Têx tsêr cơưv tox siêz Mèo Vạc, Hà Giang yuôr ntâu phiv liv

 

 

Txix tsênhv qơư xã Giàng Chu Phìn, pêz muk đhâu muôx 5 cêik ntâu cêr poz jêz thiêx muk txos trâu qơư cơưv Dì Chủ Phàng II, tsêr cơưv Phổ thông Giàng Chu Phìn, niêv txir zus mor. Hâur qar lớp cơưv đar muôx 15 xưv phaz ( lok zos yiv ndis) tâu tsôngv box hâur jok siz chos paz shôngz ntông uô, vor vuôk xi măng zos thax tsav qơư 25 lênhx shux xênhz lớp 1 thiêz têx nhuôs zâu hâur jok qơư nhoz cơưv ntơưr. Chiê muôx qơư trâu têx nhuôs cơưv ntơưr, tsôngv box tsuv muôz shôngz xor thêir hâur đruôz đraz  chiê pheiz uô 2 qar tsêr cơưv. Iz qar tsuôk txâuk tso đeiv bẳng thiêz 2, 3 luz trôngx tok kuz. Hâur lớp cơưv cux pov cêr tsi yuô jông, txos cheix ntux sor cux lav cơưv, zos txos luz chêix ntux no, kror cxiê qơư pok huôz nti, tsi pâuz  têx nhuôs zuôr nhoz cơưv li chas. Cưk kriê ntơưr Hoàng thị Lụa, kriê ntơưr hâur tsêr cơưv Dì Chủ Phàng II, xã Giàng Chu  Phìn, huyện Mèo vạc, tỉnh hà Giang heik:

Băng: “ Shông no tâu phênhz tuôx ntơưv no kriê ntơưr tưz zos shông tiv 2, cur pov têx chuôz zênhx, trôngx tok….. nhoz no kror tưs cux muôx tsi txâuk. Chor nhuôs shux xênhz lok six moz siêz cơưv ntơưr. Shux xênhz niêv thiêz txir cux moz siêz cxiv uô têx tsêr lớp cơưv tax trâu têx mê nhuôv nhoz cơưv”.

Yuôr ntơưv qơư cơưv jok Lũng Lầu A, xã Khâu Vai, tsi muôx lênhx tưs xar tiêk, qar tsêr cơưv no zos 2 lớp cơưv cxênhx iz thiêz iz lớp cơưv cxênhx nhuôs zâu hâur jok qơư nhoz cơưv. Tsêr lớp cơưv cux tsuôk zos lav muôz têx shôngz ntông đos đis chox lok cxiv uô, tsôngv box sđ khơưk têx vuôk kuz thiêz trôngx tos kuz gra tuôx paz, xor thêir iz ndis, muôx kênh luz tsênhv zôngv tâu, kênh luz tưz tsi jông zôngv….. Qar tsêr lớp cơưv tưz tâu tsôngv box siz paz cxiv uô kuôk no 3, 4 shông thiêz nhiv no chor nhuôs shux xênhz cxênhx iz thiêz cxênhx nhuôs zâu tsuv tso iz paz cơưv thâuv têis cik sơưr nzor, iz paz cơưv zar hnuz kêix.

Shông cơưv no, tas nro huyện Mèo Vạc muôx 56 tsêr cơưv ntơưr, 198 kror qơư cơưv, phênhv ntâu zos têx qơư cơưv nhoz thax tsav tox siêz, txov nhêv. Lar heik nhoz têx xã li: Sơn Vĩ, Xín Cái, Thượng Phùng, Khâu Vai, Niêm Tòng…. Co zos iz hâur têx phiv liv lox, ngênhx zoz zux huyện Mèo Vạc tsênhv njiz trâus. Zơưv Lầm Quang Hưng, tsar phôngx zoz zux, huyện Mèo Vạc, Hà Giang heik:

Băng: “Chiê bax trâu shông cơưv 2015-2016, phòng zoz zux tưz hêik trâu cấp ủy thiêz hâu nov ntơưv qơư cux li vênhv tôngv, hu lơưk tsôngv box sơưr đơưk, têx tsưr tsix, chor nênhs siêz jông siz chos paz chiê cxiv kho têx qơư cơưv ntơưr tax, tsêr cơưv tưz puôk tsuôx tsi jông tas”.

Sir jos tsi chiê ngênhx zoz zux huyện Mèo Vạc, tỉnh Hà Giang têx tsêr lớp cơưv ntơưr txov nhêv thiêz yuôr trâus ntâu zav li ntơư. Vav chiê siêz tiêk, txix hâu nov ntơưv qơư thiêz côngv thôngx sơưr đơưk tsưr ziv, đas jos siz chos côngv tês paz, chor nhuôs shux xênhz nhoz huyện tox siêz Mèo Vạc, têx tsêr lớp cơưv ntơưr, cêr cơưv  txux chi zuôr ziv hnuz ziv tâu cxiv uô jông đuô./.

( Minh Chuyên-Riê Lâux cxeik, nhênhv)

 

 

 

 

 

Phênhv “Cxiv tsa Đangv” hnuz xiêz 10/8/2015:

Gra siêz tsơưr lươngv xênhz huôx chi bộ nhoz Đảng bộ thành phố Sơn La

 

 

Zos iz chi bộ nhoz jêx jok, iz hâur chor tsênhv njiêz ntươv chi bộ jok Hụm, Chiềng Xôm, thành phố Sơn La li jiês xênhz huôx yênhx luz hli zos sêiz lax chor tsưr ziv hlôngr yiêz uô kôngz nuv, tsưr ziv cxiv tsa jêx jok yiêz. Hâur cxuô jiês cơưv hêik lok Đảng li têx nghị quyết, chỉ thị, đhâu co chêx chôngk txos luôs hâux lưv uô hâur luz hli uô ntêx, tso tơưv luôs hâux lưv chiê uô trâu hli  zuôr txos, ntươ zos chi bộ li nghị quyết. Txix tsưr ziv uô no, chi bộ tưz lênhx tov chính quyền thiêz pêx xênhv hâur jok hlôngr  yênhx châuv hec ta liêx tsik muôx chêx cur chiê chos jâuz tâuv, pax, khơưz pak đêx zus njêk muôx chêx cur siêz. Chor đảng viên hâur chi bộ cux uô ntêx hlo đros pêx xênhv gôngr côngv 1.200 yiv ndis ar, zuôr xar 100 triệu đêiv nhiêx uô cêr jêx jok. 124 chuôz zis hâur jok nhiv no tsik yuôr chuôz zis pluôs, cêr muk lok jông thiêz zôngx ziv đuô…Đảng viên Lò Văn Phương hêik:

Băng: “Cur chuôz zis tưz gôngr ar trâu jok 50 yiv ndis. Zos iz lênhx cán bộ, đảng viên, cur tưz hêik chuôz zis, pox nhuôs, cưr tix nênhx tsa uô trơưk. Cur chuôz zis cux xir jos cxiv tsa tsưr ziv tu zus, zuôr máy luôv blêx lok phưx vưv pox nhuôs. Chuôz zis iz cxiê thax tsav chos blêx cux tâu hlôngr chiê khơưz pak njêl zus njêl thiêz chos pax”.

Chi bộ khối văn phongx Hội đôngx thiêz ủy ban thành phố li têx hâux lưv chênhr tsik so sêiz lax hâur cxuô jiês cơưv zos hâux lưv hlôngr yiêz uô têx ntâuz ntươr, cxiv tsa uô cov tâu tiêr cxuô luôs hâux lưv jông. Chi bộ tưz ntâuk gri tsênhv tsênhz chêx cur kriz uô, têx phiv liv chiê tso tơưv tsưr ziv khưx phưx. Txix co, têx luôs hâux lưv uô ntâuz ntơưr ziv hnuz ziv tâu  sêi thiêz zôngx ziv đuô, paz trâu pêx xênhv thiêz doanh nghiệp txo grêk tsơưs six hơưv uô. Pos Vũ Thị Nghĩa, bí thư chi bộ, văn phongx hội đôngx thiêz ủy ban thành phố Sơn La puz pâuz:

Băng: “Chi bộ tror chox kriê lênhx tov uô jông tsưr ziv cán bộ, công chức, viên chức li vênhx huôv uô hâux lưv, uô jông hâux lưv jênhv tok pêx xênhv, cêir chêx chor tsưr tsix, tiz nênhs, doanh nghiệp li siz pênhr. Yưv pênhr zuôr têx chuôz zênhx jông lok phưx vưv trâu côngz xưv cov uô tâu sêiz thiêz zôngx ziv đuô”.

Kror hlôngr yiêz hâur gra siêz tsơưr lươngv xênhz huôx nhoz chi bộ, Đảng bộ thành phố Sơn La zos tsênhv njiêz xênhz huôx tâu chor chi bộ hlôngr yiêz, uô huv li Đảng ủy thênhv siêz chox kriê. Chor chi bộ tưz uô xênhz huôx yênhx hli đros uô jênhv vưv, cêir chêx chor vênhv thix tsênhv muôx yưv ntơưv tiv phaz. Six hơưv cơưv taz por uô sêi, taz sik hâur iz jiês cơưv xav jênhv tâu 1 txos 2 kror hâux lưv tsuv uô. Iz lênhx đảng viên tâu choz jênhv vưv tsênhv tsênhz thiêz no cux zos kror chiê kaz shông ntâuk gri tsơưr lươngv đảng viên. Lơưr chêx cur sêiz kaz ntơưv thành ủy Sơn la li 40 chi bộ puz pâuz: 80% chi bộ cơưv txâuk 12 jiês iz shông, đuô li nhoz  phênhv 7-11 jiês, chor đảng viên tuôx cơưv tax tâu 80% txos 95%. Yênhx shông 80% ntâu chi bộ zos chi bộ uô tâu cxuô luôs hâux lưv jông thiêz 90% bí thư chi bộ tax tâu zos đảng viên uô tiêr jênhv vưv. Tror gra siêz tsơưr lươngv xênhz huôx chi bộ, zơưv Trịnh Quốc Cường, trưởng ban tsưr tsix thành ủy Sơn La puz pâuz:

Băng: “Ban thường vụ thành ủy tror chox kriê, lênhx tov chor chi bộ, đảng bộ tror chuôz cxaz côngz xưv zoz zux chính trị, gra siêz tsơưr lươngv cơưv chi bộ, paz tsar tov trâu đảng viên hêik ndax, hêik zos hâur cơưv chi bộ. gra siêz bí thư chi bộ li txơưx jênhv. Tror uô jông côngz xưv cán bộ, xêir tsov tâu cấp ủy, tiv zix zos bí thư chi bộ muôx yênhx tưv. Cấp ủy tâu phêiz côngz sêiz shuôk chor chi bộ tiv phaz tsuv chox kriê, lênhx tov hâux lưv cxiv tsa tsưr ziv uô, hênhr kruôk têx lênhx nênhs uô tâu jông”.

Hâux lưv hlôngr yiêz thiêz gra siêz tsơưr lươngv xênhz huôx chi bộ tưz gôngr phênhv uô tâu truôx, gra siêz tsưr tsix cơ sở đảng nhoz Đảng bộ thành phố Sơn La. No cux zos kror zov chênhr paz cxươz cxiz huôv tsar kinh tế-xã hội, sir jos uô luôs hâux lưv cxiv tsa jêx jok yiêz, cxuôv yêiz thiv pluôs ntơưv tiv phaz./.

(Bích Thủy-Ly Thox cxêik-nhênhv)