Jax sâu thưr 4 hnuz 3/8/2016:

Phiv liv qênhx shênhx muôl muôs lênhx nênhs nhoz Lai Châu

Cêr muk hâur jok Hợp 1, xã Dào San, huyện ntus đriv Phong Thổ lax txiêk đuô thâuv chor liêx ntêir muôx blêx njuôz xiêz. Chor tsêr nhoz sâuv ntar trôngz uô muôx yưv têx kror jông jav nhoz thax tsav ntus đriv no. Taz sik đros têx kror jông jav co zos têx cêr pôngz siêz nhoz chor chuôz zis muôx nênhs trâus nziêk đas muôs trâu saz Trung Quốc. Muôx iz cxiê lênhx txos nhiv no cux tsik hnor mông, tsik pâuz hnuz tưs lok, muôx iz cxiê lênhx mak tưz tror lok, taz sik cux tsênhv cxơưx thiêz nyêi nhoz trơưr hâur luz nênhx yênhx hnuz, xưk li Lừu Thị Dơ, xênhz zus shông 1999.

Dơ piêr: Kuôk no oz shông, thâuv tsênhv cơưv ntơưr ntơưv tsêr cơưv mak muôx iz lênhx tuz hluôk hu tênhv tuôx đros thav. Viv tsôngv box Hmôngz tsik so zuôr txir nzor, thâuv muôx nênhs hu tênhv tuôx thav pêv cur cux tsik xar ntâu. Thâuv lơưr zâuv cur muk uô si mak muôx pêz lênhx hluôk nênhs, cur tsuôk pâuz iz lênhx hu uô Minh. Thâuv chox cur muk đhâu ntus đriv txix cêr mê mak muôx iz lênhx pox niêv chox cur muk cơư hâur tsêr. Thâuv pâuz zuk trâus đas, cur tưz đơưx kror trôngx tơưv đhâu qơư cơư zuk thiêz hmôngr jông njiz tâu nênhs paz chox lok tsêr.

“Hnuz co cur tsênhv cơưv ntơưr chêk muôx pêz lênhx nênhs tuôx zâuv muk uô si. Cur tsuôk xar tiêk muk uô si li chor jiês uô ntêx xưz viv li đros muk, lơưr chox muk Mù Sang thiêz muk trâu saz Trung Quốc choz trâu iz lênhx pox niêv tsik pâuz bê. Thâuv pâuz tiêk zuk trâus nziê đas muôs mak cur khiêr tơưv ntơưv qơư cơư thiêz njiz tuk niêv nhaz tsênhv zuôr hax huv saz co. tâu niêv nhaz chozz lok tsêr mak cur lok six shir phaz. Niêv txir nyêi cur tror trâus nziêk đas nzir viv li tsik khênhr muk cơưv, nhoz tsêr zuôr txir, đros txir uô nox uô hâuk xưz”.

Phong Thổ zos tỉnh Lai Châu li huyện ntus đriv, đros ntus đriv ntêr thiêz phiv liv lok qênhx shênhx muôl muôs lênhx nênhs, thâuv muôx yênhx puô txos cêr mê zos pox nhuôs nhoz tiv phaz kriz cêr. Đros tsưr ziv nziêk đas tiêk muôx hâux lưv uô nhiêx hli siêz, lok sik chox muk uô si, yênhx châuv lênhx pox niêv thiêz nhuôs zâu tưz trâus nziêk đas chox muk muôs trâu saz Trung Quốc txix têx cêr zâu. Lơưr cơ quan txơưx jênhv tiv phaz, tsuôk têx txuz tưs tâu hêik pâuz nzor, mak chor nênhs trâus nziêk đas thiêz hmôngr jông tâu chơưv paz tror lok. Thiếu tá Nguyễn Văn Sự, phưv trưởng Công an huyện Phong Thổ puz pâuz:

“Đhâu qênhz yuôx chor txuz muôl muôs lênhx nênhs sâuv thax tsav mak pêz pov, chor nênhs fêv mak muôx txix 2-3 lênhx nênhs tror sâur. Txix sik thav, hêik lok cêr gâux đrâus, muôz cxuô zav li điện thoại chiê trâu lơưr njênhs. Đhâu thâuv nênhs trâus nziêk tưz njênhs, mak chor nênhs fêv nox nziêk chox muk trâu thax tsav ntus đriv, thiêz muk trâu saz têz qơưk đrâuv. Đhâu co muôz muôs trâu nênhs saz Trung Quốc zuôr nhiêx”.

Txix shông 2013 txos nhiv no, lưx lươngv công an tỉnh Lai Châu tưz qênhz yuôx uô tsênhz mênhx 49 txuz, 90 lênhx nênhs phamv cxâuv, 86 lênhx nênhs trâus nziêk đas, chơưv paz thiêz tok jênhv 60 ntâu lênhx nênhs tror lok đros chuôz zis. Chor nênhs trâus nziêk đas muôs trâu saz Trung Quốc puôr lênhx tsik tâu muôx 30 shông, phênhv ntâu zos trâus nziêk đas muôs trâu saz Trung Quốc thiêz zuôv muôs pax muôs chêr trâu têx tsêr kruô thiêz muôs trâu trung Quốc zuôr uô pox niêv, đros gri muôs txix 10 triệu txos 180 triệu iz lênhx nênhs.

Đại tá bùi Xuân Phong, phưv giám đốc Công an tỉnh Lai Châu puz pâuz: Qênhx shênhx muôl muôs lênhx nênhs jê lok no tưz tsik zos muôx nhoz tox siêz, ntus đriv xưz mak tưz muôx nhoz têx huyện jê tsênhv qơư tỉnh. Ntu zuôr txos, Cơ quan txơưx jênhv tiv phaz zuôr tsêx tsung yax kriê, phuôx huiz chuôz, tsêr cơưv ntơưr thiêz chinhr quyền tiv phaz zis li pưk txux chiê tir thêir:

“Hâur ntu zuôr txos, pêz zuôr sik côngv đros chor lưx lươngv pênhz phax, chor nganhx txơưx jênhv uô jông côngz xưv phax tar muôl muôs lênhx nênhs nhoz thax tsav ntus đriv, uô jông muk lok đhâu ntus đriv chiê tir thêir chor nênhs liv zôngv chiê chox chor nênhs fêv muk lok đhâu ntus đriv”.

Chor nênhs fêv hâuz nziêk đas muôl muôs pox niêv thiêz nhuôs zâu tsênhv muôx yưv ziv hnuz ziv phiv liv sâuv thax tsav tỉnh Lai Châu. Chiê tir thêir qênhx shênhx no, iz chas sir jos yax kriê, cxuô cấp, nganhx txơưx jênhv thiêz hâu nov ntơưv qơư tsuv muôx tsênhv chêi paz txos chor nênhs txov nhêv, paz muôx hâux lưv uô trâu chor gâux muôv vir ndâuk, paz trâu lơưr hla đhâu cêr pluôs, paz phênhv tir thêir thiêz txo grêk tsơưs chor nênhs fêv hâuz nziêk đas lênhx nênhs muôs./.

(Khắc Kiên-Lik Thox cxêik nhênhv)

Phênhv thưr 4.3.8.2016:

BHXH ĐIỆN BIÊN SIR JOS UÔ COV TIÊR  LUÔS HÂUX LƯV ZOK MUÔZ

- Têx lênhx nênhs cxaz chuôz BHXH, BHYT muôx zuôr xar 540 cxênhz lênhx, chuôz ndê txos 20 cxênhz lênhx pir li tsêz no.

- Tas nro tỉnh sâu nhiêx BHXH tax tâu 410 tỷ đeiv, bâuv iz đraz luôs hâux lưv BHXH Việt Nam choz sâu hâur shông; thêv nhiêx BHXH zos 455 tỷ đeiv  ntâu, chuôz ndê 41 tỷ đeiv pir li tsêz no.

- Têx lênhx nênhs tâu sơưv BHXH zos muôx zuôr xar 1.500 lênhx, chuôz ndê zuôr xar 300 lênhx pir li tsêz no;

- Hâur 6 luz hlik, tưz thôngz đhâu chor nênhs moz gênhs, xênhz zus nhuôs, hôx phưx đas jos tâu sơưv BHYT zos 1.600 ntâu jiês lênhx, xav nhiêx tas 15 tỷ đeiv; thôngz đhâu nhiêx phí seiz njuôs thiêz kho moz BHYT trâu 410 ntâu cxênhz lênhx, đros chor nhiêx txiêx zos 130 tỷ đeiv ntâu...

          Phuôx huiz têx chêx cuk tax tâu, 6 luz hlik kaz shôngk shông no, BHXH tỉnh Điện Biên xav tênhv:

- Tror heik kriê, krêz uô thiêz yax mông đêz đar Đảng, têz qơưk thiêz tỉnh, nganhx li têx tsênhv chêi lok BHXH txos têx cán bộ, công chức, viên chức BHXH tỉnh Điện Biên thiêz BHXH têx huyện, thị, Thành phố, cux xưk li tas nro tsôngv box sâuv thax tsav;

- Sir jos sâu BHXH, BHYT, BH txưv zênhv uô cov tâu tiêr luôs hâux lưv zok muôz, hâur co chêx chôngk krêz uô đêz đar lênhx nênhs zuôr BHXH txưv zênhv, BHYT ziv chuôz zis; krêz uô jông, muôx chêx cuk BHYT ziv chuôz zis; cxơưz cxiz sâu nux grê thiêz txu grês nux grê BHXH, BHYT; cxơưz cxiz muôz ntơưr BHYT trâu tsôngv box;

- Car chêx têx tsênhv chêi BHXH trâu nênhs lox tôngv...

          Têx tsưr ziv tsênhv cxơưz tiês uô chiê uô tiêr qơư tsov txos, jênhv vưv tso tơưv zos:

          - Tror cxơưz tiês hlôngr yiêz hành chính. Muôz siêz pênhr xưv coar lik bộ meir. Sir jos đơưk cov tâu têx luôs hâux lưv phiv liv muôx yưv nhoz cxuô tsênhv qơư, paz max trâu lox tôngv thiêz tsôngv box njênhs njôngr lok ntơưr BHXH.

          - Yênhx ciêz, yênhx hli, quiv cxiv tsa tsaz yênhx uô luôs hâux lưv tsênhz mênhx, seiz jông têx qơư tsov txos tso tơưv chiê pheiz côngz jênhv vưv tsênhz mênhx, phuôx huiz đas jos, chuôz tsar chinhz yênhx niêv côngv siêz sik paz uô cov tiêr jông jênhv vưv zok muôz/.

( Thu Thùy- Txâur Vax cxeik, nhênhv)