Yên Bái sir jos hêik shux xênhz tror tuôx cơưv ntơưr đhâu tsiêz

Đhâu jiês so tsiêz shông no, chuôz zis zơưv Ly Seo Lâu, nhoz jok Hang Gấu, xar Lang Thíp, huyện Văn Yên, tỉnh Yên Bái tsưr tsix chuôz zis iz cxiê kror phongx cxưx. Viv li zơưv tsik tâu khênhr zuk tuk nhuôs cxêik tsênhv cơưv lớp 4, tsêr cơưv phôv thôngz mênhx cxưx niêv txir zus mor cxênhx iz Lang Thíp tuôx cơưv ntơưr trơưk li tsêr cơưv six hơưv. Taz sik đhâu thâuv tâu chính quyền tiv phaz thiêz cưk kriê ntơưr hêik kriê, zơưv Lâu tưz chiê mê nhuôs tuôx tsêr cơưv ntơưr, txơưv tiêk chuôz zis iz cxiê kror phongx cxưx tsênhv uô tsik tâu tiêr. Zơưv Ly Seo Lâu hêik: “Thâuv tâu chính quyền tiv phaz thiêz chor cưk kriê ntơưr tuôx hêik cov chiê mê nhuôs muk cơưv ntơưr, zuk chuôz zis cux jông siêz chiê mê nhuôs muk cơưv ntơưr”.

Huyện Văn Yên, tỉnh Yên Bái txơưv tiêk tsik zos huyện 30a, taz sik ho zos tiv phaz muôx ntâu luz tsêr cơưv ntơưr nhoz têx qơư txov nhêv tiv zix. Chor tsêr cơưv no đrâuv muôx tsik tâu txâuk cxuô zav, cêr muk lok phiv liv, tsênhv zos qơư muôx chôngz tsôngv box mênhx cxưx tsơưs nênhs uô nêhx nhoz. Txos thâuv tsiêz, chor chuôz zis tsik so tsưr tsix ntâu phongx cxưx viv li chor shux xênhz tsik tâu tuôx cơưv ntơưr ntơưv têx tsêr cơưv lơưr six hơưv muôx lok six chôngz. Đros qênhx shênhx co, chor tsêr cơưv ntơưr tưz yênhx lix chor tổ côngz xưv sik côngv đros chính quyền tiv phaz hêik têx tuz nhuôs tror tuôx cơưv ntơưr. Cưk kriê ntơưr Nguyễn Bá Dũng, Hiệu trưởng tsêr cơưv ntơưr Phôv thôngz Mênhx cxưx niêv txir zus mor cxênhx iz Lang Thíp, xar Lang Thíp, huyện Văn Yên puz pâuz: chiê taz por tas nro 712 lênhx shux xênhz hâur tsêr cơưv puôr lênhx tror tuôx cơưv ntơưr hâur ciêz cơưv ntơưr xuz thơưx, tsêr cơưv tưz yênhx lix 7 tổ côngz xưv muk yênhx jêx jok chiê hêik. Cưk kriê Dũng hêik:“Đhâu tsiêz chor chuôz zis tsưr tsix têx ntênh, phongx cxưx ntâu viv li chor shux xênhz tuôx cơưv lis muôx lok six chôngz. Viv li, txix piz cơưv ciês hnuz xuz thơưx tsêr cơưv ntơưr tưz yênhx lix chor tổ, đoanx côngz xưv muk yênhx ziv chuôz zis hêik chor shux xênhz tror tuôx cơưv ntơưr cov taz por”.

Đhâu so tsiêz, shux xênhz chor tsêr cơưv ntơưr sâuv thax tsav tỉnh Yên Bái tưz piz cơưv hnuz xuz thơưx ciês trâu hnuz 11/2. Lơưr xor mông txix chor tsêr cơưv ntơưr hâur tỉnh, đhâu ciêz cơưv xuz thơưx, chor shux xênhz tuôx cơưv ntơưr nhoz thành phố Yên Bái thiêz thị xar Nghĩa Lộ tax tâu 100%; ntơưv chor xar tox siêz huyện Văn Chấn, Văn Yên, Trám Tấu, Mù Cang Chải, Lục Yên…mak tax tâu 97% txos 99%. No zos chêx cur sik côngv truôx nhoz nganhx zoz zux thiêz chính quyền tiv phaz, nhoz cưk kriê ntơưr chor tsêr cơưv ntơưr nhoz tox siêz thiêz têx tsar jok, shux xênhz niêv txir hâur yênhx jiês so tsiêz. Pos Nguyễn Thị Hà, Phưv Trưởng phongx Zoz zux-Thox cxov huyện Văn Chấn, tỉnh Yên Bái puz pâuz: “Thax tsav huyện Văn Chấn muôx ntâu xar tox siêz, đhâu tsiêz muôx ntâu ntênhk hôiv, viv li pêz tưz yênhx lix Ban chox kriê hheik shux xênhz tror tuôx cơưv ntơưr đhâu so tsiêz, muk chor tsêr cơưv ntơưr chiê qênhz yuôx chor shux xênhz tuôx cơưv ntơưr đhâu tsiêz”.

Hnuz 18/2, zos hnuz cơưv xuz thơưx ciês hâur ciêz cơưv tiv oz đhâu so tsiêz, chor shux xênhz tuôx cơưv ntơưr ntơưv chor tsêr cơưv sâuv thax tsav tỉnh Yên Bái tưz tax tâu xar muôx 100%, iz cxiê lênhx shux xênhz tsik tâu tuôx cơưv zos tiv muôx moz gênhs lok sik muôx têx hâux lưv txơưr thiêz phênhv ntâu zos shux xênhz cxênhx nhuôs zâu./.

                       (Tuấn Xuân-Lik Thox cxêik nhênhv)

Lào Cai: Têx nênhs tsar yêz muôx cxuô faz tsưr ziv chiê jav zax zênhz

Trơưk li Thượng tá Trần Hùng, Phưv Tsar phongx  Cảnh sát zoz thôngz Công an tỉnh Lào Cai- Lênhx nênhs buôk ti cxaz chuôz tỉnh đoanx côngz xưv lênhx ngênhx, phênhv ntâu têx lênhx nênhs tsar yêz puôr lênhx shir phaz, jông siêz đrêk yêz chiê qênhz yuôx, yuôr đuô li, têx lênhx tsi uô lơưr chei, cui tinhv puôr lênhx zos muôx li uz li no.

Tiv qênhz yuôx shuôs zax zênhz, qênhz yuôx sei đhâu têx jik viv li đoanx côngz xưv tưz phênhz thiêz uô iz qơư tơưv trôngx jông phưx vưv têx lênhx nênhs tsar yêz; iz chas ntơư tir thêir iz cxiê lênhx nênhs tsar yêz li tsưr ziv li uz li no chiê txar jav qênhz yuôx. Taz sik, tsênhz tiês lơưr tsênhv muôx nzir ntâu tsưr ziv yiêz chiê txar jav hâux lưv no:“Muôx kênh lênhx tsar yêz mak lơưr tiêk “tsi xar tơưv trôngx”, pêz bax hur si đêx hâuk thiêz trôngx tos jâuv chiê lênhx nênhs tsar yêz hâuk đêx, jâuv tok txos thâuv xar muk tơưv trôngx tso jik mav chiê li, tsuv pôngz 3 luz six hơưv thiêx qênhz yuôx tas, đhâu qênhz njuôk shuôs mak trâus muôx zênhk zax zênhz”, thượng tá Hùng heik.

Đros cxaz chuôz đoanx côngz xưv, zơưv Trần Ngọc Sơn, Chánh văn phòng Ban truôx tuk zoz thôngz tỉnh Lào Cai heik pâuz, txơưv qơư njuôk siv shuôs têx jik tâu cxiv uô yênhx iz luz tsêr tơưv trôngx mê chiê zôngx ziv qênhz shuôs, taz sik muôx kênh lênhx tsar yêz cux zôngv cxuô faz tsưr ziv li: Jêik gra đros têx luz hưx  muk hâur qơư tso jik co, muôz têx jik tor cov nyiêz, uô trâu qênhz njuôk shuôs pâuz tsi tsênhz: “Taz sik, hur tiz si têx lênhx nênhs đhâu qênhz njuôk shuôs pâuz tsi tsênhz ntơư, pêz puôr lênhx seiz zos têx lênhx tsuv trâus tâu car seiz thiêz qênhz sox. Zuôr txos no, pêz zuôr heik cov muôz nzir têx chuôz zênhx jông đuô sir jos uô tâu luôs hâux lưv qênhz yuôx, pâuz tâu têx lênhx nênhs tưs trâul muôx zênhk zax zênhz, lênhx tưs tsi muôx zênhk zênhz”, zơưv Sơn heik.

Lar heik, đhâu thâuv qênhz shuôs tâu trâus muôx zênhk zax zênhz, iz cxiê lênhx nênhs tsar yêz tsênhv “muôz” têx yuôx hnôngk, yuôx moz plaz điê hâu zos têx zav yuôx muôx mê njik têx tsơưr uô muôx zênhk lol heik tir tiêk, viv muôx moz tsuv nox yuôx chiê tir têx lưv lươngv muôx vax huôv. Taz sik đoanx côngz xưv tưz muôx tsưr ziv tir thêir tâu têx li heik no:“Pêz heik têx lênhx nênhs tsar yêz no cov muôz ntâuz ntơưr qênhz njuôk shuôs moz, yuôx nox lok seiz, iz chas ntơư hu trâu doanh nghiệp lok sik lênhx tsưr yêz chiê zok nriêr tsưr ziv xưv bluô, đơưk uô li chas viv tsơưs tsơưs têx lênhx nênhs co muôx tsi txâuk đas jos cux tsi tâu cheix yêz mul lok tâus cêr, lar heik zos yêz kruô, yêz lox”,

Iz chas tsưr ziv tir thêir chor nênhs tsar yêz têx tsưr ziv txơưx đas nziêk, jêik li u li no, đoanx côngz xưv tsưr ziv mak tsênhv qênhz yuôx shuôs tsi so, tsi lơưr six hơưv, cui tinhv chiê uô tâu jông đuô luôs hâux lưv no. Uô ntêx, hâux lưv qênhz yuôx zuôr uô siv hâur iz ndis thax tsav đrôngs Lào Cai, đhâu co muôx têx krêz đar trâu tas nro hur si tỉnh, sâuv sir jos xưv bluô ntov jông chiê trơưk Thủ tướng Chính phủ chox kriê. Tsênhz tiês, iz chas iz cxiê lênhx nênhs tsar yêz uô ntâu faz tsưr ziv li heik sâuv, yuôr đuô li phênhv ntâu têx nênhs tsar yêz puôr lênhx jông siêz hux jos, uô trơưk lưv lươngv muôx vax huôv cui tinhv qênhz yuôx. Lar heik, hâur têx hnuz nhiv kruôr đhâu, tsôngv px thiêz tsôngv kruô sđ jông siêz, thôngx ziv uô lơưr, viv li đoanx côngz hâux lưv qênhz yuôx cux lok six zôngx ziv.

Đhâu qênhz yuôx 100 ntâu luz yêz thâux xa kruô, têx yêz lox ntơưv  iz cxiê txox cêr, qơư zov chênhr li: Qơư tsav yêz tsenhv qơư Lào Cai, txox cêr lox 4D txix đrôngs Lào Cai muk trâu qơư ju lix Sa Pa, lưv lươngv muôx vax huôv qênhz pov hur si muôx 8 lênhx nênhs, hâur co 4 lênhx trâus muôx zênhk zax zênhz, 4 lênhx tsi pâuz tsênhz mênhx, tâu sâu bê chiê qênhz yuôx, sox seiz./.

(An Kiên-Riê Lâux cxeik, nhênhv)