Điện Biên uô truôx jông luôs hâux lưv trâu jiês bâux xeir nhoz têx xã ntus đriv

Muôx 23 cêik cêr đriv têz, buôk têz qơưk Lol Tsuôk, têx hnuz no hur si chor canr bôv, chiến sỹ Zênhx Pênhz phax Mường Nhà, Bộ chỉ huy Bôv đôiv Pênhz phax tỉnh Điện Biên tsênhv sir jos niêx hmo uô jông luôs hâux lưv seiz jor, phax tir thêir moz nhoz têx ndâux cêr muk lol đhâu ntus đriv. Lar heik zos đhâu thâuv VN qir muôx fâuv moz tiv 4 huôv xênhz phiv liv.

Trung tá Nguyễn Hồng Quân, thơưx sêiz car zênhx Pênhz phax Mường Nhà heik pâuz: Nhiv no cux tsênhv zos luz six hơưv chor nênhs zuôr muôs, thâux gra zax zênhz tsi trơưk chei txix Lol Tsuôk đhâu ntus đriv lok hâur VN pov muôx yưv ntâu, chor nênhs muk lol đhâu têz qơưk cux muôx chôngz lênhx ntâu tus, uô phiv liv tsik zos tsơưs txos lưv lươngv sêiz car. Chênhr zos li hêik ntơư, luôs hâux lưv qênhz shuôs, tsưx phưv đriv têz tsênhv njiz trâul ntâu phiv liv. Txix hâur shôngk shông txos nhiv no taz viv tưz ruôr por tsês tâu 7 txuz zuôr muôs, uô luôv zax zênhz. Thâuv moz Covid-19 tror huôv xênhz, taz viv tưz chuôz tsar tiês hâux lưv yax kriê trâu tsôngv box sđ lok phax tir thêir moz: “Thâuv moz huôv xênhz jiês tiv 4, taz viv tưz tso nzir lênhx nênhs muk uô hâux lưv nhoz trâu têx qơư seiz jor ndâux cêr, tso nênhs muk qênhz yuôx, qênhz shuôs đriv têz. Txix ntơư zênhx max phax tir thêir têx lênhx nênhs tuôx thiêz lok hâur VN tsi trơưk chei. Iz chas ntơư cux yax kriê tsi so trâu px cov lơưr pâuz tâu hâux lưv phax tar moz”.

Đros trâu taz por truôx tuk thax tsav ntus đriv, canr bôv, chiến sỹ Zênhx pênhz phax Mường Nhà muk yênhx chuôz zis, chuôs njiz iz tus jux juk chiê yax kriê lok hnuz bâux xeir Côx hôiv khóa 15 thiêz Hội đôngx cxuô cấp li têx jông thiêz muôx liv. Paz max hâu nov ntơưv qơư lok sâuv sâu bê, heik kriê lênhx nênhs uô đại biểu Côx hôiv, bê chor nênhs ứng cử Hội đôngx cxuô cấp, bê cử tri chiê lo chiv cxix cxuô ntơưv tsêr vênhx huôv xã. Txix luôs hâux lưv cxơưz tiês yax kriê sâuv loa nta suôz thiêz buôk ti yax kriê, chor tuz lênhv pênhz phax tưz paz px cxuô jêx jok pâuz tsênhz lok zuk li vax huôv, hâux lưv thiêz  lênhx tưs cux lok six shir phaz, chiê siêz tok njôngr txos hnuz 23/5 chiê muk bâux xeir. Zơưv Hoàng Văn Vĩnh, tsar jok Na Phay 2, xã Mường Nhà, huyện Điện Biên heik: “Pêz yax kriê đhâu loa nta suôz, tuz lênhv pênhz phax cux muk yax kriê lok sâuv hâux lưv bax trâu bâux xeir Đại biểu Côx hôiv thiêz HĐND cxuô cấp. Nhiv no jok Na Phay 2, qơư bâux xeir sôr 2 iz jiês no tưz bax uô tâu jông cxuô luôs hâux lưv, hur si bê têx lênhx nênhs lo chiv bâux xeir, chor nênhs zuôr muk bâux xeir. Đhâu yax kriê ntâu jiês, tsôngv box cux pâuz tsênhz thiêz jông siêz, shir phaz tok txos hnuz bâux xeir sđ zuôr tuôx cxix cxuô”.

Tiv tsênhv zos luz six hơưv muôx moz huôv xênhz phiv liv thiêz zuôr txos hnuz bâux xeir Côx hôiv, Hội đôngx cxuô cấp, viv li Zênhx pênhz phax Mường Nhà uô đreiv thiêz truôx 4 qơư seiz jor ndâux cêr sâuv thax tsav ntus đriv. Chor canr bôv chiến sỹ hâur taz viv cux gra siêz tsưr ziv, sir jos lês uô jông luôs hâux lưv zok muôz hâur niêx hnuz hmo, taz por tsi chiê muôx yưv têx tsi jông, tsi truôx tuk hâur thax tsav, lar heik zos thâuv hnuz hôiv tas nro tsôngv box sđ bâux xeir đại biểu Côx hôiv, đại biểu Hội đôngx cxuô cấp tsênhv txos jê jux juk li no. Đại úy Trần Văn Sỹ, Chính trị viên phưv, Zênhx Pênhz phax Mường Nhà heik pâuz: “Lok sâuv hâux lưv taz por txiv ngaz truôx tuk, taz viv cux tưz phênhz côngz đôngx chir Phưv Zênhx pênhz phax uô hâux lưv buôk ti seiz car, cxiv tsa tsưr ziv taz por truôx tuk, hux jos đros chor lưv lươngv nhoz hâur thax tsav qơư uô jông hâux lưv taz por truôx tuk uô ntêx, hâur thiêz đhâu six hơưv bâux xeir. Nhiv no, đhâu yax kriê thiêz pâuz tsênhz lok têx luôs hâux lưv heik sâuv, phênhv ntâu tsôngv box sđ hâur thax tsav nhiv no lok six njênhs njôngr thiêz chiê siêz trâu jiês bâux xeir Đại biểu Côx hôiv khóa 15 thiêz Hội đôngx  cxuô cấp zuôr txos”.

Luôs hâux lưv taz por tsưx phưv thax tsav đriv têz Điện Biên tâu truôx jông, muôz cêr tso siêz, shir phaz trâu tsôngv box đros  phax tir thêir moz gênhk thiêz uô lơưr zuk vax huôv hâur hnuz bâux xeir zuôr txos./.

(Vũ Lợi-Riê Lâux cxeik, nhênhv)

Loa nta suôz phường phuôx huiz chêx cuk hâur phax tar moz gênhk

          7 six tas cik sơưr nzor, têx lênhx nênhs hâur Tuêv phax tir thêir phường Trung Hòa, quận Cầu Giấy qir uô hâux lưv.

          Đros luz yêz meir thâux lơưr têx luz loa, tuêv đội muôx 2 lênhx muk txos ciês cxuô qơư, cxuô jêx jos, cxuô chuôz zis chiê yax mông phax tar moz Covid-19. Zos lênhx nênhs hâur Tuêv phax tir thêir, tix lâuk Trần Văn Vương xar li no, đros trâu têx luk fuô yax kriê hâur loa nta suôz ntơưv qơư mak chor loa pêz thâux muk cxuô qơư li no cux gôngr phênhv yax mông txos tsôngv box lok têx tsưr ziv phax tar moz Covid-19: “Tuêv muôx 2 lênhx pheiz muk 2 qơư, xưk li cur mak muk ntơưv Nam Trung Yên. Muk yênhx hnuz, iz chuôv muk 6 qơư, iz qơư đrês muôx nhos 15 phênhz. Nhiv no uô chor loa no mak cxuô lênhx nênhs puôr lênhx tâu mnôngs têx xor mông”.

          Loa nta suôz phường li têx njiêz luv yax mông cux muôx ntâu xor mông, tâu nriêr pâuz thôngz xor mông hâur niêx hnuz thiêz zaz zâuv tâu chôngz tsôngv box tsov cưv txos. Zơưv Hoàng Văn Lương thiêz pos Trần Minh Loan nhoz phường Trung Hòa pheiz kênh: Khov muôx xor mông cxôngx chor loa nta suôz, tsôngv box nhoz no pâuz tâu lok qênhx shênhx moz huôv xênhz, muôz siêz tsưr ziv phax tar moz Covid-19, tsi nhoz chôngz lênhx nênhs... “Iz hnuz nto 2,3 jiês, heik cxuô mak têz qơưk yax mông li no zos huv đros chiê tsôngv box muk lok đhâu cux tâu pâuz lok têx xor mông moz huôv xênhz, chiê tsôngv box sik côngv siêz uô jông tsưr ziv phax tar moz”.

          Đros fâux Nguyễn Thị Dao nhoz phường Trần Hưng Đạo, quận Hoàn Kiếm, têx cấp chính quyênx cxôngx cấp mê tiv zix zos xã phường li sik côngv uô, cxix luôk loa nta suôz uô trâu pox nhuôs tso siêz đuô đros Chính phuv li sir jos hâur phax tar moz: “Loa nta suôz phường heik lok phax tar moz chiê cxuô lênhx tsôngv box mnôngs thiêz uô lơưr Bộ y tế li heik kriê. Pâuz tsênhz mênhx têx xor mông, iz hnuz muôx hor ntâu lênhx nênhs trâus moz, thôngz xor mông zuôr trâus trâu tsôngv box. Cxôngx co mak pêz tso siêz thiêz uô trơưk”.

          Cux chênhr zos hâur têx hnuz no, têx taz viv xã phường li têx luk nta suôz zos têx chuôz zênhx paz ntâu trâu côngz xưv thôngz xor mông, yax mông nhoz ntơưv qơư, tsi taz lok côngz xưv phax tar moz covid-19 mak tsênhv hâur jiês vênhv tôngv tso ntơưr bo xeir Hội đôngx cxuô cấp thiêz teiv plor côx hôiv khóa 15.

          Hâur iz jiês khiêz phêv đros tiv phaz nhiv kruôr jê ntơưv no, Chủ tịch côx hôiv Vương Đình Huệ ntâus grê siêz cxix luôk loa nta suôz ntơưv qơư li pưs txux. Thâuv moz Covid-19 tsênhv huôv xênhz txơưr txar, loa nta suôz ntơưv qơư tsênhz tsênhz zos phaz pênhv paz tsôngv box tir tar moz thiêz tos jênhv têx xor mông jông lok jiês tso ntơưr bo xeir Côx hôiv khóa 15 thiêz Hội đôngx cxuô cấp: “Cxix luôk nta suôz thiêz xa đuôz tso têx njiêz luv lok tsaz yênhx huôx tôngv. Cổng thôngz xor mông điện tử têx cấp thiêz tiv zix zos cxix luôk loa nta suôz nhoz xã phường tsênhz tsênhz zos tsưr ziv uô muôx chêx cuk. Tsuv shưv đros hâux lưv no, cê tuôv zênhv tsôngv box li qênhx muk vênhv tôngv tso ntơưr bo xeir, cê uô trơưk Chei li zoz qơưx thiêz huv đros tiv phaz li tsênhv tsênhz”

                    Uô jông thiêz huv đros, loa phường, xã tsênhv tâu thâux muk txos cxuô jêx cxuô jos chiê tso nta suôz yax mông trâu tsôngv pêx xênhv sđ pâuz têx xor mông tsênhz mênhx hâur jiês tso ntơưr bo xeir, thôngx cxix sir jos đros Chính phuv tir thêir moz gênhk, tsôngv px truôx siêz khưr, huôv tsar cêr uô nox, muôx luz nênhx truôx tuk, tsâu sor./.

(VOV1-Txâur Vax cxeik nhênhv)