2 jiês yêik txar jok nhoz qơư yiêz Lả Mường (Sơn La) cux trâus xưz poz viv ntux nas lox

Shông 2009 txix huyện Mường La, jok Lả Mường tâu yêik txar muk nhoz xã Chiềng Sơn chiê zuôr qơư uô tsêr meir tênhv tênhz Sơn La. Viv tox trôngz hâur pêk siêz thiêz nxaz zôngx ziv trâus xưz poz, kuôk no 2 luz hlik (tsênhz đuô zos hâur hli 5 nhiv kruôr đhâu) tsôngv box tror tâu yêik txar đuô qơư nhoz chiê taz por truôx tuk.

Tsênhv jux juk truôx tuk luz nênhx thiêz huôv tsar uô nox, muôx têx chuôz zis tưz cxiv uô tsi tâu tâu vax tsêr lok nhoz, mak coz nas chuô lox sôr 3 nhiv kruôr đhâu, phênhv ntâu têx ar, poz jêz pêv kâuv jok tưz muôx ntâu caz xưz poz lox uô ar, poz jêz xưz poz lok cxuz 14 chuôz zis. Tsôngv box tsi jông siêz thâuv muôx ziv chênhv heik lol huyện Mộc Châu tưz tsi qênhz shuôs jông thax tsav qơư, chox tsôngv box lok nhoz qơư yiêz mak tsi taz por truôx tuk, lar heik zos hâur cheix ntux nas chuô. Niêv lâuk Lò Thị Pò thiêz tix lâus Cà Văn Sinh heik pâuz:

“Yêik lol nhoz no tưz tsi tâu muôx 2 hlik, ho trâus xưz poz viv li tsôngv box nhoz no lok six txov nhêv. Luz nênhx tưz tsi truôx tuk hlo”.

“Nhoz jok kuz tox xưz poz cur cux nyei, taz sik lol nhoz no tox nxaz li nor cur ziv nyei đuô. Nhoz kuz qơư nyê zuôr jông đuô ntơưv no”.

Đhâu hlo thâuv jok Lả Mường muôx tox xưz poz tiv coz nas chuô sôr 3, hâu nov ntơưv qơư tưz muk qênhz yuôx shuôs. Zơưv Phạm Đức Chính, Chủ tịch Ủy ban huyện Mộc Châu cux lênhk nhav lok hâux lưv tsi tiz jông qênhz shuôs, ntâuk grê tsênhz lok jok Lả Mường qơư nhoz thiêz zuôr nzor muôx tsưr ziv khưx phưx, paz tsôngv box nhoz no:

“Tsôngv box cux tưz muôx ziv chênhv heik thâuv ntêx tiêk cov muôz têx ar ntơư khơưz, luôv cov kis mê njik. Taz sik tiv têx ar cux lok six ntâu, xav mak huyện nhiêx txiêx zuôr tsi txâuk uô viv li pêz cux  txiêr iz kro mê njik têx hâux lưv li: Khơưz luôv têx tsas ar siêz chiê tsi trâus xưz poz. Hâux lưv qênhz shuôs lok pêz cux uô tsi yuô tâu jông, pêz cux pov huyện cux tsênhv tso siêz, tsi uô jông uô”.

Chênhr viv hâux lưv qênhz yuôx, ntâuk grê thax tsav jok Lả Mường uô tsi tâu jông, tưz uô tsôngv box luz nênhx muôx nzir cêr txov, riêz nênhs đhâu ntâu jiês tsuv yêik txar qơư nhoz. Tsưr ziv xuz thơưx tâu huyện Mộc Châu tso tơưv iz jiês no zos fuô kriê cxiv puôz têx njưs thêir têx tsas ar siêz chiê txo grêk tsơưs têx tsi jông hâur têx hnuz muôx ntux nas lox./.

                               (Thanh Thủy-Riê Lâux cxeik, nhênhv)

Paz nênhs pluôs txix zus mur zuôr jiz

Tix lâus Khày Xênhv Thox, mênhx cxưx Hmôngz nhoz jok Háng Tâu, xar Púng Luông, huyện Mù Cang Chải (Yên Bái), uô kinh têr hênhr, ho paz trâu ntâu ziv chuôz zis hâur xar hla đhâu cêr pluôs txix zus mur zuôr jiz.

Đhâu thâuv muk uô tuz lênhv, tix lâus Khày tror lok tsêr chiê zuôr pox niêv cxiv tsa chuôz zis uô liêx xưk li cxuô lênhx nênhs txơưr đuô. Chưx tsik tâu yêiz pluôs, pov jôngr Pú Luông muôx ntâu jôngr ntông, pax tơus ntâu, ho tơưs yênhx shông thiêz, jiz mur Mù Cang Chải nto bê sâuv ciêz đrôngs, viv li tix lâus Khày thiêx sir jos nriêr pâuz cơưv shâuv txix ntâuz ntơưr, têx fôngx zưs sơưr đơưk tsưr ziv tu zus mur uô jiz. Shông 2006, tix lâus txêik pênhr hâur zênhx hangx tsênhv chêi xar hôiv chiê uô 20 thôngz zus mur zuôr jiz, xuz thơưx zus mak mur cux tsik nhoz trâus khiêr, trâus muôx moz, jiz tsơưs…taz sik, khov sir jos thiêz cơưv shâuv nzir chênhz zênhv đhâu têx jiês uô  tsik tâu co, txos shông 2009 tix lâus Khày chuôz zis tưz huôv tsar tâu muôx 50 xuz mur zuôr jiz, txos nhiv no, muôx 120 xuz, yênhx shông sâu tâu xar muôx 1.000 lir jiz mur, muôs ntơưv tsêr cux sâu tâu lok 120 triệu đêiv.

Nhạc cắt

Đros co, zos iz lênhx đảng viên, tix lâus Khày hâur xênhz huôx, huôv tsar cêr uô nênhx, tix lâus thâuv tưs cux sir jos đros phêiz kênh chênhz zênhv, paz nôngz trâu sơưr đơưk. Tix lâus tsênhv uô ntêx hlo hâur choz zok têx fov Hmôngz trâu têz qơưs; tso tsês têx cêr nênhx pôngz kaz li: Thâuv muôx iz lênhx nênhs lâuk tâu tas siv nênhx tsuv muôz tso trâu hâur xaz thiêz tsik luôx jôngr uô liêx têz, chiê hlôngr chos thiêz tu zus têx tsiêx muôx tsiv gri kinh têr siêz. Txos tas shông 2018, 9 ziv chuôz zis tsôngv box HMôngz tâu tix lâus Khày paz huôv tsar tu zus mur zuôr jiz, ziv muôx tsơưs mak cux muôx 50 xuz, ziv muox chôngz mak cux muôx 110 xuz, txix co paz trâu chor chuôz zis no muôx phênhv sâu truôx txix tu zus mur. Tuaz tsik zos paz trâu chor nênhs hâur xar, tix lâus Khày tsênhv paz nôngz thiêz kriê tsưr ziv tu zus mur trâu 3 ziv chuôz zis nhoz xar Nậm Khắt, huyện Mù Cang Chải, 5 ziv chuôz zis tu zus mur nhoz thị xar Nghĩa Lộ, iz chuôz zis zus muôx nhos 40 xuz, huôv tsar uô trâu chor jiz mur Mù Cang Chải tax tâu ciêz đrôngs li zoz qơưx. 

Bí thư Đảng ủy xar Púng Luông, Lù Páng Khày puz pâuz: Đảng viên Khày Xênhv Thox zos lênhx nênhs uô bluô nux txix têx chiv xênhz hâur jôngr, đuô thiêz tsênhv paz trâu ntâu ziv chuôz zis hâur jok Nả Háng Tâu hla đhâu cêr pluôs txix tsưrziv paz nôngz thiêz chênhz zênhv tu zus mur zuôr jiz thiêztix lâus Khày tsik so tâu pox nhuos hâur jok njênhs njôngr cơưv shâuv thiêz uô trơưk.

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix TNVN iz suôv faz Bắc sik côngv đros tsênhv qơư cxơưz cxiz uô kôngz têz qơưk uô.

(TTTB-Lik Thox cxêik nhênhv)