Jax sâu thưr 6.14.4.2017:

TÊX QƠƯ Y TẾ NINH THUẬN: Tsi tâu paz txưv uô cê yuôx kho moz

          Pâuz thôngz hâux lưv tsoz phưz đas jos xuz thơưx zos coaz tsôngv thiêz zuôr trâus, niêv lâuk Châu Thị Đỉnh chuôz zis nhoz jos Chăm Lương Tri, xã Nhơn Sơn, huyện Ninh Sơn tưz cxaz chuôz zuôr bảo hiểm y tế txưv zênhv cxôngx shông 2000. Thâuv đăng cir, niêv lâuk thiêz zuk lênhx nênhs cxênhz jê tâu cungz iz lênhx iz đeiv ntơưr BHYT. Niêv lâuk chuôz zis li qơư đăng cir seiz njuôs moz zos tsêr kho moz zaoz thôngz vênhv teiv Tháp Chàm. Thâuv muôx moz gênhs, niêv lâuk chuôz zis khênhr mul tsêr kho moz no chiê seiz njuôs thiêz tâu bác sĩ heik kriê, muôz yuôx hâuk. Taz sik, six hơưv jê ntơưv no, tiv chor yuôx kho moz tso jis thax trâu niêv lâuk txu grês, viv li hâux lưv muôz yuôx tsi cxuô thiêz txâuk, niêv lâuk tsuv mul zuôr yuôx tov têx qơư muôs yuôx, pôngz cxaz iz phênhv nhiêx txiêx. Niêv lâuk Đỉnh heik:

          “ Shông no cur cux zuôr, tas six hơưv cur ho zuôr cxaz chiê chiê hâuk cov cxix cxuô. Cxôngx shông 2000 cur tsi tâu mul seiz njuôs moz jiês tưs, 2 shông jê ntơưv no cur thiêx mul seiz njuôs moz. Thâuv ntêx cur zuôr trâu 4 lênhx nênhs, lênhx nênhs zuôr uô ntêx zos 600 cxênhz ntâu, lênhx nênhs lơưr co zos 400 cxênhz ntâu. Iz jiês mul seiz njuôs bác sĩ muôz yuôx hâuk tâu iz luz hlik, 1 luz hlik cur tsuv mul seiz njuôs 2 jiês. Cur xar uô li chas, tsêr kho moz jông siêz tsoz phưz đas jos trâu nênhs moz đuô”.

          Tsi taz muôx tsêr kho moz zaoz thôngz vênhv teiv, ntơưv iz cxiê trạm y tế xã, hâux lưv muôz yuôx kênhz nhiv no tsênhv muôx ntâu.

          Lơưr Qơư y tế Nhơn Sơn, huyện Ninh Sơn, yuôx têz qơưk thiêz yuôx njuôz mak qơư y tế jênhv tâu hâur shông 2016 zos 161 zav. Hâur co, yuôx têz qơưk zos 79 zav, 64 zav zos yuôx njuôz. Chor yuôx muôx li ntơưv, taz sik luz hlik tưs qơư y tế cux muôx tsi txâuk yuôx muôz trâu nênhs moz. Tiv zix zos yuôx siz mêx siêz thiêz têx moz lok poz kêx cxa...Qir tiv zos muôz yuôx kênhz thiêz tsi cxix cxuô. Bác sĩ Đạo Văn Thụy- Tsar trạm y tế xã Nhơn Sơn, huyện Ninh Sơn puz pâuz:

          “ Seiz njuôs thiêz kho moz lơưr chei BHYT, Bộ y tế li têx thông tư yiêz, têz qơưk cui tênhv nhiv no lok six jông trâu pox nhuôs...Tiv 2 zos seiz njuôs muôx bảo hiểm mak tsi cui tênhv lok yuôx, zav yuôx đros lênhx nênhs chiê phưx vưv jông trâu y tế jêx jos. Taz sik cux muôx 2,3 zav yuôx tâu muôz kênhz 2,3 hnuz”.

          Yuôr qơư y tế xã Phước Hữu, huyện Ninh Phước, tsuôk muôx têx zav yuôx kho têx zav moz khênhr trâus yuôr têx zav moz li thox plaz, moz plơưr mak trạm tsi tâu muôx. Tiv tsi tâu muôz cxix cxuô, viv li qơư y tế tsi muôx tsôngv box tuôx seiz njuôs thiêz kho moz. Zơưv Kiều Văn Tứ, phưv txơưx qơư y tế puz pâuz:

          “Iz cxiê nênhs moz poz kêx cxa, moz plaz...mak qơư y tế nhiv no cux tsi muôx txâuk yuôx. Iz cxiê yuôx mak pêz cux thix ziv trâu thênhv siêz muôz cxaz li moz tso jik thax, moz plơưr chiê thâuv pox nhuôs tuôx seiz njuôs muôx yuôx muôz trâu pox nhuôs, pox nhuôs tsi tsuv mul tsêr kho moz lox chiê muôz yuôx, cê pôngz ntâu six hơưv, cê pôngz ntâu nhiêx txiêx. Đhâu co, pêz cux sir jos tsoz phưz jông đuô”.

          Qơư y tế Nhơn Sơn, qơư y tế Phước Hữu tsuôk zos 2 qơư y tế hâur yênhx cxênhz qơư y tế txơưr sâuv thax tsav tỉnh Ninh THuận muôx qênhx shênhx kênhz muôz yuôx chiê kho moz. Qir tiv zos tiv nganhx y tế tỉnh, huyện tsi tâu uô jông hâux lưv cxaz nzir yuôx...Heik lok vênhv thix no, Zơưv Lê Minh Định- Giám đốc sở y tế tỉnh Ninh Thuận puz pâuz:

          “ Sở cux thix ziv Bộ y tế zos tsuv krêz đar cxaz têx yuôx tsuv muôz, nhiv no Bộ tso tơưv li chor yuôx tsuv muôz trâu têx xã cux muôx tsơưs. Xar njôngr six hơưv zuôr txos Cục coar lik seiz njuôs thiêz kho moz cux zuôr seiz shuôk hâux lưv no”.

          Nhiv no, tỉnh Ninh Thuận tâu Bộ y tế tsov cưv yưv pênhr cxiv tsa ntâu khoa vệ tinh, paz txưv chuôz zênhx chuôz tas yiêz chiê tsoz phưz đas jos trâu tsôngv box. Đhâu co, gôngr phênhv muôz siêz tsơưr lươngv seiz njuôs thiêz kho moz, txu grês qênhx shênhx tsuv tos, lok sik hlôngr tsêr kho moz, txu grês grê jix vuv yuôx... Taz sik, chiê tuôr truôx chêx cuk no, thôngx cxix, taz por tâu zoz qơưx lok yuôx kho moz trâu nênhs moz, nganhx y tế tỉnh Ninh Thuận tsuv nhênhz chơưv cxoz tiês hâux lưv cxaz nzir têx zav yuôx tsênhv tsi tâu muôx...chiê tuôv zênhv tsôngv box li zoz qơưx seiz njuôs thiêz kho moz zav hnuz ziv siêz./.

(TTT-Txâur Vax cxeik nhênhv)

Phênhv thưr 6 hnuz 14/4/2017

Têx ntâuz ntơưr txêik pênhr trâu HTX

     Chiê tâu txêik pênhr, HTX tsuv muôx đas jos pháp luật dân sự thiêz muôx txơưx jênhv dân sự lơưr pháp luật li cuiz tênhv; tsưr ziv sir zôngv pênhr txêik huv chêi thiêz huv đros nganhx nghêx sâu sâuv ntơưr cungz jênhv đặng cir HTX, liên hiệp HTX; thêv tâu chor nhiêx txêik hâur six hơưv jênhv txêik thiêz muôx pênhr zôngv hâur tsưr ziv, dự án thor txêik taz por lơưr Agrribank li cuiz tênhv yênhx ntu; muôx dự án yưv pênhr, tsưr ziv uô xênhz yar, kinh doanh, dịch vụ tâu uô jông; uô lơử chor cuiz tênhv lok taz por nhiêx txiêk lơưr pháp luật thiêz Agribank li cuiz tênhv.

     Ntâuz ntơưr kinh tế muôx: Hêik pâuz nhiêx txiêx oz shông sik lơưr liês (Yưx HTX, liên minh HTX nhiv kruôr yênhx lix). Hêik pâuz lok nhiêx txiêx six hơưv jê tiv zix. Hêik pâuz ntâuk gri chêx cur uô xênhz yar, Ban kiểm soát/Kiêm soát viên li hêik pâuz nhiêx txiêx yênhx shông;

     Ntâuz ntơưr têx zav ntâuk gri: (Đros muôz txêik muôx zav ntâuk gri). Ntâuz ntơưr taz por nhiêx txêik thiêz chor ntâuz ntơưr cik txos têx zav ntâuk gri, ntâuz ntơưr taz por txêik lơưr Agribank li cuiz tênhv nhiv no.

      Ntâuz ntơưr txêik pênhr muôx: Ntơưr thor tâu txêik pênhr. Nghị quyết đại hội thành viên lok kror jông siêz txêik pênhr thiêz zôngv zav ntâuk gri chiê xav gri txêk pênhr ntơưv Agribank lok sik têx tsưr tsix nhiêx txiêx txơưr đuô. Dự án, tsưr ziv uô xênhz yar kinh doanh tâu Đại hội thành viên thôngx ziv thiêz têx ntâuz ntơưr cik txos dự án, tsưr ziv uô (Têx ntâuz ntơưr cungz jênhv tsưr ziv sir zôngv pênhr txêik. Têx ntâuz ntơưr txơưr đuô (zos muôx).

     Đros thiêz HTX, liên hiệp HTX cxaz chuôz sik côngv hâur uô xênhz yar kôngz nuv: đrâuv têx ntâuz ntơưr tưz hêik uô ntêx co tsuv muôx nzir têx ntâuz ntơưr li: tsưr ziv, dự án uô xênhz yar kinh doanh lơưr tsưr ziv sik côngv; Ntâuz ntơưr hux thôngx uô tsưr ziv sik côngv đros tsưr tsix, tiz nênhx uô ciês xênhz yar kôngz nuv.

     Lok taz por nhiêx txêik: Uô ntêx phênhv txêik ntâu tiv zix tsik thav muôx ntâuk gri, tsênhv tsênhz li đrav kaz: Ntâu tiv zix 1 tiv đêiv trâu HTX uô xênhz yar kinh doanh kôngz nuv. Ntâu tiv zix 2 tiv đêiv trâu HTX tu zus tsiêx đêx; liên hiệp HTX huôx tôngv sâuv thax tsav jêx jok lok sik uô xênhz yar kinh doanh kôngz nuv.

     Taz sik, kror muôz txêik tsik thav muôx ntâuk gri li hêik co ntâu tiv zix bâuv chor thành viên HTX li têx nhiêx pênhr siz côngv muôx hâur pênhr điều lệ HTX, liên hiệp HTX.

      Tiv oz, Zav tsik jênhv uô taz por nhiêx txêik, zos: Qênhx sir zôngv ar zos têz qơưk choz zok, ar muôz ntiêr. Phênhv paz txưv, têz qơưk li phênhv paz tsik thav thêv; kror tâu muôz, puz lơưr sik thav zos têx zav tsik phêiz. Phênhv muôz lok txix cuiv yưv pênhr huôv tsar yênhx shông tâu Đại hội thành viên cuêz tênhv muôz tso hâur têx zav tsik phêiz. Pênhr, têx zav txơưr đuô tâu điều lệ cuiz tênhv zos zav tsik phêiz.

      Six hơưv njuôk xav thiêz muôz txêik zos: Muôz txêik lur hnuz: Ntêr tiv zix 5 hnuz uô hâux lưuv xav txix hnuz txêik tâu cxix cxuô têx ntâuz ntơưr. Muôz txêik ntêr hnuz: Ntêr tiv zix 15 hnuz uô hâux lưv xav txix hnuz txêik ntâu cxix cxuô têx ntâuz ntơưr./.

(Hồng Việt-Lik Thox cxêik nhênhv