Lok trâu qơư trâus đêx ngaz cuôr Sa Ná chiê phêiz kênh cêr siz hluz

Đhâu 5 hnuz hâur jiês muôx yưv đêx ngaz cuôr yôngz, tuk đêx Luồng cux tsênhv huôv lox txâuk nyêi, đêx huôv lox ngaz tas oz saz ntus đêx, uô ruôr hiêv tas nro jok Sa Ná. Pêv hâur đêx, đêx nas tưz cuôr yôngz ntâu zar ntông lox txâuk oz pêz lênhx nênhs puôs đros trâu poz jêz lox zâu yưv plox pliês cxiê qơư ntưk trơưk đêx.

Nền tiếng dân bản

Jok Sa Ná đhâu jiês đêx ngaz cuôr yôngz jông xưk li iz thax tsav jôngr nhiv kruôr trâus chor nênhs fêv txiêr ntor por tsês, chor tsêr lơưx, cxuô zav, khưr cxiv uô tâu tsês hâur luz nênhx nhiv no tsuôk zos têx ar, poz jêz lơưv xưz, niêv tix Hà Thị Thận, jok Sa Ná tsuôk yuôr chêr trik yo tsênhv hnar ntơưv chêr lơưv pôngz siêz hlo hêik:

“Hnuz muôx yưv đêx ngaz cuôr mak cur tsênhv muôx moz, thâuv co tsuôk yuôr cur đros tuk txir thiêz mê nhuôs nhoz tsêr. Cur puôs mê nhuôs khiêr muk gâuv, viv đêx ntưk lok sêi hênhr. Cur têx chuôz zênhx chuôz tav tưz trâus đêx cuôr yôngz tas hur si, tsuôk yuôr ciês chêr trik yo tsênhv hnar ntơưv chêr lơưv xưz”.

Tsênhv nhoz ntơưv hâur jok, niêv tix Nguyễn Thị Nguyễn, 40 shông, jâuv ciês hâur cêr pok muôs kuôx chuôs tsi thâuv pov chor nênhs cxênhz jê tuôx sêiz yuô. Vax tsêr, cxuô zav trâus đêx nas cuôr yôngz tas, niêv tix Nguyễn cux tsênhv xar tsik tâu luz nênhx shor zuôr jông li chak thiêz chuôz zis cux tsênhv yuôr iz kror nux grik lox nhiv kruôr txêik lok uô tsêr. Pôngz siêz đuô hur si têx jâuv zos tix lâus Hà Văn Vân. Tix lâus Vân hnor mông đêx ngaz cuôr uô hiêv txos zuk jok thâuv tsênhv muk uô jos trâu ntơưv thành phố Thanh Hóa. Thâuv tror lok txos jok pov zuk jêx jok tsik yuôr đaz tsi hlo. Pôngz siêz đuô zos hnor mông tiêk tas nro chor nênhs hâur zuk chuôz zis muôx 6 lênhx nênhs trâus đêx cuôr yôngz tas hur si. Cxuô lênhx nênhs njiê thiêz thav luk đros tix lâus Vân, taz sik tix lâus Vân cux hêik tsik tơưv iz lo luk hlo.

Đhâu đêx nas cuôr yôngz, têx trâus ruôr hiêv, cêr pôngz siêz nhoz co, pêx xênhv Sa Ná cux zuôr tror cxiv kho zuk luz nênhx. Taz sik zuôr piz txix kror tưs? Tix lâus Lê Xuân Tuấn, iz hâur chor chuôz zis muôx vax tsêr traus đêx nas cuôr yôngz tas vax tsêr, chuôz zênhx chuôz tav hêik:

“Hâur ntu zuôr txos no mak oz niêv txir cux xar tsik tâu shor zuôr uô zav tưs, nhiv no mak cux tsik pâuz shor zuôr uô đaz tsi thiêx tror muôx luz nênhx jông”.

Đros tsưr ziv tsuv nzor truôx tuk luz nênhx trâu pêx xênhv jok Sa Ná, zơưv Nguyễn Văn Bình, phưv chủ tịch UBND huyện Quan Sơn khav tênhv, hâux lưv uô ntêx zos truôx tuk, hêik thiêz paz trâu pêx xênhv; Xav  hâur iz ntu ntêr mak huyện tsênhv njuôk xav txar qơư nhoz yiêz, cov truôx tuk luz nênhx trâu pêx xênhv:

“Xav hâur iz ntu ntêr cov truôx tuk luz nênhx trâu pêx xênhv, ngaz tuk tiv zix mak huyện tưz kriz uô cêv kuôk chiê cxiv tsa qơư nhoz yiêz trâu pêx xênhv ziv nzor ziv jông”.

Muôx njêx muôs ntơưv qơư, đhâu jiês đêx nas ngaz cuôr yôngz, Thứ trưởng Bôv Kôngz nuv thiêz huôv tsar tox siêz Nguyễn Hoàng Hiệp khav tênhv, Uô ntêx zos paz cov pêx xênhv muôx qơư nhoz truôx:

“Nzor tiv zix zos tsuv muôx qơư nhoz yiêz thôngx cxix truôx tuk luz nênhx trâu pêx xênhv, viv nhiv no xar tưz nriêr tâu iz kror qơư nhoz jê co zuôr paz nhoz tâu truôx chiê  uô qơư nhoz trâu 34 ziv chuôz zis thiêz taz por lok vax tsêr cxuô zav”.

Hâur oz pêz hnuz no trơưk txox cêr lox 217 txix tsênhv qơư huyện Quan Sơn muk trâu jos Sa Ná, zos luz jos trâus đêx nas cuôr yôngz (muôx nhos 50 cêik cêr) chor yêz thâux hax huv, chôngz nênhs muk lok đrông ntưk. Muôx têx lênhx nênhs nhoz chor jêx jok iz ndis, taz sik cux muôx iz cxiê lênhx nhoz têx huyện txơưr hâur tỉnh thiêz iz ndis co tuôx trâu jos Sa Ná đros paz thiêz đros phêiz kênhx px têx cêr pôngz siêz, viv đêx nas uô ruôr hiêv. Đros trâu hâu nov ntơưv qơư li têx sir jos, côngv thôngx thiêz chor nênhs siêz jông sik côngv paz…vav tiêk, pêx xênhv nhoz jos Sa Ná zuôr nzor hla đhâu têx phiv liv chiê nzor truôx tuk luz nênhx./.

(Sỹ Đức-Lik Thox cxêik nênhv)

Chei tsưx phưv đas jos trâu nênhs lâuk

  Tsôngv cưr tix fôngx zưs hmor yuô! Phênhv hnuz no pêz tror xa txos tsôngv cưr tix fôngx zưs têx njiêz luv zuôr trâus pâuz lok Chei Nênhs lâuk đros 2 njiêz luv hâur yôngx II “Tsoz phưz nênhs lâuk li đas jos”.

TSOZ PHƯZ NÊNHS LÂUK LI ĐAS JOS

Grê 12: Seiz njuôs thiêz kho moz.

          1. Hâux lưv tsov cưv seiz njuôs thiêz kho moz trâu nênhs lâuk tâu uô li no:

          a) Nênhs cxôngx txâuk 80 shông tror zar sâuv tâu tsov cưv seiz njuôs moz uô ntêx têx lênhx nênhs moz txơưr, tsi xav têx lênhx nênhs zuôr trâus tâu ciêr chênhr chơưv kho, mê nhuôs zâu tsi tâu muôx 6 shông, nênhs trâus sêv khiz lok luz chêr hnhar.

          b) Tsuv muôx txax so huv đros thâuv tâu kho moz ntơưv tsêr yuôx.

          2. Têx tsêr kho moz, (tsi xav tsêr kho moz mê nhuôs zâu) tsuv muôx txơưx jênhv li no:

          a) Tsưr tsix khoa tsês trâu nênhs lâus lok sik tsuv muôx zi cxiê txax chiê kho moz trâu nênhs lâus;

          b) Hôx phưx đas jos trâu nênhs moz zos nênhs lâus đhâu têx jiês kho moz ntơưv têx tsêr kho moz thiêz heik kriê tsưr ziv kho moz, tsoz phưz ntơưv chuôz zis;

          c) Sik côngv têx tsưr ziv kho moz zôngv yuôx njuôz thiêz tsưr ziv kho moz yiêz, heik kriê têx tsưr ziv kho moz tsi zôngv yuôx nhoz y tế tiv phaz đros nênhs moz zos nênhs lâus.

          3. Têz qơưk cxơưz cxiz têx tsưr tsix, lênhx nênhs seiz njuôs thiêz kho moz tsi zuôr nhiêx txiêx trâu nênhs lâus.

Nhạc cắt

          Grê 13: Tsoz phưz đas jos ntơưv qơư nhoz uô nênhx

          1. Qơư y tế xã, phường, thị trấn muôx txơưx jênhv li no:

          a) Krêz uô têx tsưr ziv yax kriê yênhx tưv lok tsoz phưz đas jos, heik kriê nênhs lâus tsưr ziv pênhr xưv phax moz, kho moz thiêz chiv chir tsoz phưz đas jos;

          b) Uô hồ sơ ntâuz ntơưr seiz shuôk, coar lik đas jos nênhs lâus;

          c) Seiz njuôs, kho moz huv đros chuyên môn trâu nênhs lâus;

          d) Sik côngv đros têx qơư seiz njuôs, kho moz lox tsưr tsix qênhz yuôx đas jos muôx six hơưv trâu nênhs lâus;

          2. Qơư y tế xã, phường, thị trấn heik cán bộ y tế muk seiz njuôs, kho moz ntơưv qơư trâu nênhs lâus tsi muôx qơư khov vav trâus moz hnhar tuôx seiz njuôs thiêz kho moz tsi tâus ntơưv qơư y tế. UB xã, phường, thị trấn muôx txơưx jênhv chox nênhs moz lơưr cui tênhv ntơưv ntu no mul seiz njuôs, kho moz lơưr qơư y tế xã, phường, thị trấn li thix ziv.

          3. Têz qơưk cxơưz cxiz tsưr tsix, lênhx nênhs seiz njuôs, kho moz trâu nênhs lâus ntơưv tiv phaz.

          4. Nhiêx txiêx thêv chiê uô têx cui tênhv ntơưv điểm a,b, thiêz d ntu 1 thiêz ntu 2 Grê no zos nhiêx txiêx têz qơưk./.

(Bích Thủy- Txâur Vax cxeik nhênhv)