Mộc Châu tuôr tsês hâux lưv ntok ntâuz

          Đros thiêz cêr moz siêz txos hâux lưv ntok ntâuz, xar njôngr tuôr tsês mênhx cxưx Thái li têx tsiv gri chax chês jông, yênhx châuv shông đhâu, pos Lường Thị Sen, nhoz jos Áng, xã Đông Sang, huyện Mộc Châu tưz sir jos kriê hâux lưv ntok ntâuz trâu cxênhx hluôk nênhs hâur jos. Hnuz tưs pos cux jông siêz heik kriê tsôngv kruô tuôx Mộc Châu chiê lơưr tâu pâuz txos têx ndêx ntok, têx tsưr ziv ntok ntâuz li: yuôz ntuôk, ntok ntâuz, trâus ntâuz...

          “ Thâuv ntêx cur chos pax, chox lok xơưk, trâus cuô cxur, jiêz kruôr thiêx li trâus blôngx xiêr, blôngx njuôz, blôngx liêz. Tsi muôx blôngx liêz thâuv ntêx pêz muôz tsoz pax lâus lok uô đêx trâus...”

          Nhoz xã Đông Sang, yênhx châuv luz ndêx ntok ntâuz tsênhv tâu Chi hội pox niêv hâur jos tuôr tsês jông. Ntâu lênhx pox niêv tưz cxaz chuôz sik đros cơưv shâuv uô thiêz xar njôngr tuôr tsês, phuôx huiz tâu zuk mênhx cxưx li têx tsiv gri vênhx huôv jông. Xiv huv li fuôv, hnaz, ciêv pav puô txax, hâur ndông...tâu uô tâu chiê piêr kriê thiêz muôs trâu tsôngv kruô tuôx ndis shuôk, thôngx cxix cux tâu zôngv hâur têx tsêr so côngv thôngx chiê phưx vưv tsôngv kruô. Hâux lưv no tưz chox lok phênhv sâu chungz fênhx iz lênhx pox niêv zos 4 tsov đeiv ntâu iz luz hlik thiêz yênhx tsưr ziv ju lix jông. Tul muôv Đào Yến Nhi, tsêr cơưv cấp 1 Đặng Trần Côn, Hà Nội heik:

          “ Cur pov hâux lưv ntok ntâuz lok six jông, uô muôx tsôngv box mênhx cxưx Thái li têx vênhx huôv jông. Tâu ntok ntâuz cur lok six jông siêz đros hâux lưv no”.

          Hnuz tưs, thâuv suôv câuv hâux lưv uô liêx têz, pox niêv ho cơưv shâuv hâux lưv no ntơưv Tsêr vênhx huôv côngv thôngx chiê pâuz xơưk nriê pax, ntok ntâuz, trâu ntâuz...Pos Đinh Thị Hường, Tsar phongx vênhx huôv thôngz xor mông huyện Mộc Châu puz pâuz: Chiê cxơưz cxiz tsôngv box tuôr truôx hâux lưv no, huyện Mộc Châu tưz muôx têx paz txưv tsênhv tsênhz, pos heik:

          “ Iz chuôz zis tâu paz txưv 1 phênhv nhiêx txiêx chiê lơưr kho đuô ndêx ntok, tuv tso têx xiv huv. Đrâuv co 7 ziv sik côngv yênhx 1 HTX mak zuôr tâu paz txưv 7 tsov đeiv”.

          Hâux lưv ntok ntâuz nhoz Mộc Châu tsi taz tâu tuôr tsês jông mak tsênhv zos hâux lưv uô paz tsôngv box huôv tsar kinh têr, uô tâu têx xiv huv chiê heik kriê txos tsôngv kruô nhoz cxuô qơư pâuz txos./.

(Thanh Thủy- Txâur Vax cxeik nhênhv)