Gia Lai: Bộ đội pênhz phax paz trâu chor nhuôs zâu tuôx tsêr cơưv ntơưr

Nhuôs Rchâm H’Bình, mênhx cxưx Jarai, nhoz jok Tung, xã ntus đriv Ia Nan, huyện Đức Cơ, tỉnh Gia Lai, zos chuôz zis pluôs, txir tuôs lơưv nzor. Tiv cêr muk lok txov nhêv, niêv ho trâus sêv khiz luz chêr, yênhx hnuz, H’Bình tâu cán bộ Đônx pênhz phax Ia Nan chox tuôx tsêr cơưv ntơưr, kuôk tsêr zuôr xar 5 cêik cêr. H’Bình niêv, niêv tix Rchâm Biem, puz pâuz, khov muôx chor bộ đội pênhz phax paz, mê nhuôs tưz cơưv ntơưr jông đuô:

“Cur chuôz zis uô tsâus bộ đội pênhz phax ntâu hênhr. Cur chuôz zis lok six txov nhêv, khov muôx bộ đội pênhz phax paz mak cur tuk nhuôs cux cơưv ntơưr jông đuô. Cur chuôz zis shir phaz hênhr thiêz uô tsâus lok six ntâu”.

Lơưr thượng úy Lê Thanh Hải, đội phưv đội yax kriê sđ huôv tsar cêr uô nênhx, Đồn pênhz phax Ia Nan, Đồn tsênhv jênhv paz trâu 3 lênhx nhuôs muôx luz nênhx txov nhêv hâur xã. Iz hli, txix cán bộ, chiến sĩ li nhiêx côngv paz, Đồn paz trâu iz lênhx nhuôs 500.000 cxênhz đêiv chiê zus mê nhuôs cơưv ntơưr. Hâur shôngk shông cơưv yiêz no, đros paz trâu 3 ziv chuôz zis muôx mê nhuôs tâu paz, cán bộ, chiến sĩ Đồn sir jos muk trâu chor jêx jok txov nhêv hâur thax tsav chiê sik đros hêik chor uô niêv uô txir chox mê nhuôs tuôx cơưv ntơưr. Ntâu lênhx tiv luz nênhx txov nhêv, cán bộ, chiến sĩ đồn thâux ciês chor mê nhuôs tuôs cơưv ntơưr:

“Đhâu chor shông cán bộ, chiến sĩ hâur taz viv tsưr tsix paz trâu chor nhuôs li no, paz trâu chor nhuôs tuôx tsêr cơưv ntơưr jông đuô. Chor nhuôs tsik tsuv so ntơưr, tso ntơưr tsês. Cux xưk li uô côngz xưv yax kriê trâu chor nhuôs mak đros chor nhuôs tâu paz, chor nhuôs txơưr đuô cux tâu tuôx cơưv ntơưr cxix cxuô”.

Hok ntơưv xã ntus đriv Ia Dom, huyện Đức Cơ, chor bộ đội pênhz phax uô mor trâu shux xênhz nox tưz zos kror sưv jê. Xar muôx 5 shông lok no, Đồn pênhz phax ntiêx têz Lệ Thanh tưz uô tsaz yênhx “Tsêr mor nox siêz jông”  trâu chor shux xênhz muôx luz nênhx txov nhêv tiv zix hâur xã. Nhuôs Rmah H’Win, shux xênhz lớp 6 tsêr cơưv cxênhx oz Nguyễn Trãi, xã Ia Dom hêik lok chor bộ đội pễnh phax li têx paz:

“Cur tâu chor bộ đội pênhz phax nhoz no puz nox pluôs su, tu zus cur. Lơưr paz trâu pêz ntâu hênhr. Nox mor ntơưv no mak kaz thiêz paz trâu pêz cơưv ntơưr tâu jông đuô”.

Lơưr Thượng úy Đỗ Quang Cường, Đội trưởng đội vênhv tôngv quần chúng, Đồn pênhz phax trôngx đriv ntiêx têz Lệ Thanh, đội uo jâuz mor nox trâu 14-15 lênhx shux xênhz muôx luz nênhx txov nhêv tiv zix hâur xã. Khov muôx chor bộ đội uô jâuz mor nox, chor nhuôs nhoz đêz tsêr cơưv ntơưr cux cơưv tâu zar hnuz kêix lok sik tror lok tsêr tsik trâus yêiz plaz. Muôx chôngz lênhx tưz nox mor ntơưv đội txix thâuv tsênhv cơưv cxênhx iz, nhiv no tưz ndê cơưv cxênhx oz:

“Chor nhuôs tâu tu zus nox mor ntơưv qơư uô jâuz mor nox siêz jông luz nênhx mak lok six txov nhêv. Muôx têx tuk mak txir tuôs, têx tuk mak niêv txir tuôs tas hur si. Cán bộ hâur đội tưz sêiz shuôk thiêz uô têx zav nox muôx tsơưr pưr, tiv oz zos huv đros pêx xênhv nhoz tiv phaz li phongx cxưx. Thiêz chor nhuôs nox đros chor nênhs muk uô côngz xưv ntơưv tiv phaz mak nox iz zav, huv đros tsơưr lươngv tsơưr pưr hâur quân đội cuiz tênhv”.

Txơưv tsênhv yuôr ntâu txov nhêv, taz sik ngành zoz zux thiêz chor tsưr tsix đoanx thể cux xưk li chor taz viv quân đội nhoz ntus đriv Gia Lai tưz sir jos paz chiê paz tsar tov zôngx ziv trâu chor shux xênhz tuôx tser cơưv ntơưr. Kror paz co cê paz trâu chor tuz nhuôs tsôngv box tiv phaz ciêz, gruôs, sir jos cơưv ntơưr, cê paz pox nhuôs tso siêz uô nox. Đhâu co, paz cxiv tsa, tuôr chiê ntus đriv têz qơưk nhoz Gia Lai truôx đrênhk./.

(TTTN-Lik Thox cxêik nhênhv)

Tis tsi pâuz thâuv tưs thiêx muôx qơư đrêk?

Sik thav đros têx tuz sâu xor xưv lok sâuv đoanx thêv thao Việt Nam têx tsưr ziv, siêz xar ntơưv Đại hội thêv thao hâur tsêr thiêz ntâuk têk tơư châu Á-AIMAG 5 jiês no, zơưv Trần Đức Phấn, Phưv tổng cục tsar Tổng cục thể dục thêv thao, Tsar đoanx Thêv thao Việt Nam ntơưv AIMAG 5 heik, viv six hơưv tsưr tsix SEA Games 29 thiêz Đại hội lok six jê, têx vênhv tôngv viên zov chênhr, sik tưr nhoz têx jax li Osiad thiêz Olympic tsi muôx six hơưv so chiê cov lok jos mê njik. Zơưv Trần Đức Phấn heik pâuz:

“Pêz tsưr ziv zos tsi seiz hloz têx uô tâu. Đhâu thâuv cxaz chuôz dự SEA Games, pêz sir jos sik tưr tas zuk txux chi, đas jos, taz sik têx têz qơưk châu Á lok sik Đại dương cux cxaz chuôz dự Đại hội jiês no, hâur ntơư têx lênhx nhoz châu Á mak lơưr tưr thik lok six jông cơưk”.

Tsar đoanx li luk heik ntơưv SEA Games 29 thiêz nhiv no zos AIMAG 5 cux iz zav li Hà Thị Nguyên, lênhx nênhs tưz tưr thik tâu jông hâur 3 jâuk SEA Games heik.

“Pir li huy chương cuz hâur 2 jiês SEA Games uô ntêx, luz huy chương jâuv no đros thiêz cur lok six muôx liv, viv ntơư zos cur têx lok six sir jos hâur tưr thik”.

Heik tiêk “muôx liv” viv Hà Thị Nguyên tưz tưr đhiê đros trâu six hơưv, hnuz nhôngs chiê zuk luz hâur châus trâul moz jông cov sei uô ntêx hnuz sơưr cêr muk dự SEA Games. Li ntơư taz sik, tsuôk tâu so iz ciêz xưz, Nguyên thiêz têx fôngx zưs tưz ho zuôr tror sir jos muk cơưv shâuv, tưr đuô yiêz đros thiêz ntâu tsav sik tưr tâu ntâuk grê zos phiv liv đuô, têx lênhx đros Nguyên siz tưr ntơư tsi tiêk zos nhoz Đông Nam Á, hlôngr trâu co zos sâuv tas nro luôs 2 chas têz qơưk. Hà Thị Nguyên heik:

           “Thâuv cxaz chuôz dự SEA Games mak pêz tưz sir tas zuk đas jos, tsưr ziv trâu SEA Games. Li mak AIMAG 5 ho tsưr tsix lok six jê thiêz, chênhr li ntơư, ntâu jiês thâuv muk cơưv mak pêz cux siz heik tiêk, sơưr đưk sik đros sir jos xưz, tsuôk 1, 2 jâuk tưz zuôr tâu so”.

28 shông, Hà Thị Nguyên tưz zos iz lênhx hloz hâur đội ntâuk Taekwondo. Tsi tiêk trâus moz zos Nguyên iz cêr cxơưx yax, cux xưk li têx lênhx vênhv tôngv viên muôx suôz bê nto txơưr đuô, Nguyên tsênhv trâus hâur chuôz zis heik, zuôv cov cxiv tsa chuôz ziv, iz jiês cơưv shâuv cxaz nzir têx txux chi tsưr ziv, tưr thik trâu uz trâu no ho yênhx qir tiv chiê Nguyên nduô tsês, tror tênhv six hơưv, hnuz nhôngs đuô thiêz. Hà Thị Nguyên heik:

“Cur tsuôk xar tiêk sir jos uô tas txux chi, tsưr ziv xưz. Hok lol têx huy chương zos tâu huy chương nhiêx mak jông lơưv, zos tiêk tâu mak cux muôx têx sir jos đuô thiêz, taz sik tsênhz tiês cur tsuôk xar tiêk, sir jos tas zuk txux chi tsưr ziv xưz no”.

Hà Thị Nguyên têx luk heik đros trâu njêx muôs luôl nxi tưz jêik tsi tâu têx cêr moz baz, moz têk đhâu iz jiês cơưv shâuv. Niêv txir, chuôz zis têx luk heik cxiz cov cxiv tsa chuôz ziv chuôs li tsi bâuv hâux lưv tưr thik đros luôs 2 chas thax tsav, têz qơưk sâuv ntiêx têz. Nguyên thiêz têx fôngx zưs đros tưr thik Taewondo thiêz têx paz txơưr đuô ho tror sir jos cơưv shâuv, tưr thik thiêz muôx têx uô tâu yênhx côngz lol sik têik luôs lưv tuk tsuôk hâur iz njêik muôs./.

(TTT-Riê Lâux cxeik, nhênhv)