Điện Biên: Tsôngv box ziv hnuz ziv zôngx ziv hâur seiz njuôk shuôs, kho moz txix thâuv tâu muôz ntơưr seiz njuôk shuôs moz

Đhâu ntâu jiês têx ntơưr seiz njuôk shuôs moz muôz tsi txos px, tsuv nhoz tok ntêr chiê tror uô đuô thiêz njiz ntâu phiv liv hâur seiz njuôk shuôs, kho moz, niêv lâuk Lê Thị Vân Anh, nhoz jok 16, phường Nam Thanh, TP Điện biên Phủ, tỉnh Điện Biên tưz quyết tinhv uô trơưk tsưr ziv uô ntơưr seiz njuôk shuôs moz trâu zuk thiêz hur si chuôz zis lơưr cơ quan BHXH fuô kriê:

“Cur muôx têx chiv chir krêz tâu seiz hâur BHXH têx meir, chiv chir quyết tinhv tâu six hơưv thiêz qơư chiê zuk tror cxaz chuôz BHYT. Thâuv ntêx tsi tâu uô têx ntơưr seiz njuôk shuôs moz trơưk li BHXH kriê mak njiz lok six ntâu phiv liv, viv tas iz shông zuk tsuv hlôngr đuô, tror uô đuô iz đeiv iz yiêz. Six hơưv thâuv hâur shông zuk txeik tsi tâu ntơưr seiz njuôk shuôs moz mak zuôr njiz ntâu phiv liv hâur mul seiz njuôk shuôs, kho moz, hok nhiv no zuk tsi tas hlôngr, uô đuô têx ntơưr co lơưv”.

Ntơưv tỉnh Điện Biên, luôs hâux lưv fuô uô têx ntơưr seiz njuôk shuôs moz li heik sâuv tưz tâu BHXH tỉnh Điện Biên fuô kriê uô tâu sei txos trâu hur tiz si 100% huyện, thị xã, TP. Xav txos kaz shôngk shông no, 100% lênhx nênhs cxaz chuôz hâur thax tsav tỉnh puôr lênhx tâu muôz têx ntơưr seiz njuôk shuôs moz trơưk li heik co, đros thiêz hur si têx ntơưr seiz njuôk shuôs moz tưz muôz trâu tsôngv box sđ zos 575 cxênhz đeiv. Pos Nguyễn Thị Trinh, Tsar phongx muôz têx ntơưr seiz njuôk shuố,s kho moz, BHXH tỉnh Điện Biên heik pâuz:

“Shông 2019 đros thiêz hâux lưv muôz têx ntơưr seiz njuôk shuôs moz mak muôx têx hlôngr yiêz ntâu trơưk Nghị định 146, lar heik zos têx lênhx buôk ti cxaz chuôz shông 2019 tsi muôx đaz tsi hlôngr, kho đuô mak cơ quan BHXH zuôr tsi muôz đuô têx ntơưr BHYT li đrav ntêx ntơư, tsuôk zos sâu tsês tuk sôr ntơưr seiz njuôk shuôs moz trâu hâur meir xưz. Zos lênhx tưs uô pôngz, uô tsi jông, xar cov tror uô đuô mak muôx têx muk trâu luz cơ quan BHXH tưs hâur tas nro tỉnh uô đuô cux tâu hur si, tsi thôngx li thâuv ntêx, xuz thơưx uô kror tưs mak tror muk uô đuô ntơưr kror qơư co”.

Trơưk li BHXH tỉnh Điện Biên ntâuk grê, uô thiêz muôz têx ntơưr seiz njuôk shuôs moz trơưk sôr BHXH kriê, tsi tiêk paz cơ quan seiz car tâu truôx jông lênhx nênhs thêv têx nhiêx Bảo hiểm thiêz tâu sơưv têz qơưk têx chei paz, mak tsênhv gra lok ntâu têx muôx liv thiêz jông trâu tsôngv box cxaz chuôz hâur thax tsav. Lar heik zos hâux lưv đơưk uô tâu sei têx ntâuz ntơưr, hlôngr kho đuô têx tsi zos, tsi huv, txo grêk tsơưs six hơưv, hnuz nhôngs..... Zơưv Nguyễn Xuân Thảnh, Phưv Giám đốc BHXH tỉnh Điện Biên heik:

“Hâur six hơưv zuôr txos, BHXH tỉnh Điện Biên tror uô thiêz muôz têx ntơưr seiz njuôk shuôs moz trơưk li sôr BHXH trâu têx lênhx nhuôs zâu nhiv kruôr xênhz zus tâu lok thiêz têx lênhx tsi tâu muôx, tsi tâu muôz ntơưr seiz njuôk shuôs moz chiê muôz jông six hơưv trâu nênhs lox tôngv cux li tsôngv box cxaz chuôz BHXH, BHYT. Bax chiê tov kaz no hlôngr uô đuô têx ntơưr seiz njuôk shuôs moz jông đuô. No cux zos ngênhx tsưr ziv, hâux lưv zov chênhr zuôr uô hâur shông 2019”.

Uô têx ntơưr seiz njuôk shuôs moz trơưk li tsưr ziv yiêz heik sâuv tưz tsênhv tsênhz uô tâu jông, gra lok ntâu têx cêr muôx liv thiêz zôngx ziv trâu tsôngv box hâur thax tsav./.

(Vũ Lợi-Riê Lâux cxeik, nhênhv)

NUS TÊZ LOK ZUÔR BẢO HIỂM XAR HÔIV, BẢO HIỂM Y TÊR

Zos luôs hâux lưv uô muôx liv trâu ntu so so lâul

Nus:

Cur zos Thùng Thị Kheo, xênhz zus shông 1958. Nhiv no cur zos cán bộ uô hâux lưv nhoz xar Phìn Hồ, huyện Nậm Pồ, tỉnh Điện Biên. Hâur ntu đhâu, cur thêv nhiêx BHXH txos tas hli 7/2018 zos 20 shông 7 luz hli. Zos li cur thor nus tiêk cur puôk tâu txâuk shông,  tâu nhiêx hli so lâul?

Têz:

Khov lơưr Grê 53 chêi BHXH số 58/2014/QH13 cui tênhv: “Lênhx nênhs nênhs uô hâux lưv tâu nhiêx hli so lâul zos tâu uô trơưk cui tênhv ntơưv  ntu 1 Grê 2 chêi no”.

Muôz pir đros cui tênhv no mak cox zos cán bộ xã nhoz điểm I ntu 1 GRê 2 chêi no.

Khov lơưr Grê 54 chêi BHXH shông 2014, cui tênhv tâu zôngv nhiêx hli so lâul: Nênhs lox tôngv thâuv so hâux lưv tưz muôx txưv 20 shông thêv nhiêx BHXH tror sâur mak tâu sơưv nhiêx hli so lâul txưv iz hâur têx muôx li đrav kaz:

- Txir nênhs txưv 60 shông, pox niêv txưv 55 shông;

- Txir nênhx txix 55 shông txos txưv 60 shông, pox niêv txix txưv 50 shông txos 55 shông thiêz muôx txưv 15 shông uô hâux lưv hnhar, muôx tưx, phiv liv, muôx tưx nhoz bê ntơưr  zos Bôv lox tôngv xar hôv, Bôv y tế tso tơưv lok sik muôx txưv 15 shông uô hâux lưv ntơưv qơư muôx nhiêx paz lơưr thax tsav hệ số 0,7 tror sâur;

Chênhr zos li hêik ntơư, pos Kheo xav txos hli 1/6/2018 zos txưv 60 shông thiêz muôx six hơưv thêv nhiêx BHXH txos hli 7/2018 zos 20 shông 7 luz hli. Muôz pir đros têx cui tênhv hêik hâur chêi BHXH shông 2014 mak pos Kheo tâu zôngv nhiêx hli so lâul.

 Hlôngr têx nhiêx txiêz nanv lox tôngv trâu nhiêx pôngz đas jos uô lox tôngv

  Nus:

Cur zos zơưv Trần Thành Mậu, xênhz zus shông 1958. Cur tsênhv tâu zôngv têx nhiêx txiêz nanv lox tôngv zos BHXH huyện Điện Biên sêiz car thiêz thêv nhiêx. Trơưk li  cur pâuz mak nhiv no cur têx nhiêx ntơư zos tâu sơưv lơưr txiêz nanv lox tôngv kik đuô têx nhiêx pôngz đas jos lox tôngv. Zos li cur thor hlôngr cov tâu zôngv têx nhiêx pôngz đas jos lox tôngv chiê tâu sơưv nhiêx paz yênhx hli puôk tâu?

Têz:

Khov lơưr Bộ laox tôngv xar hôiv (nhiv no zos Bôv lox tôngv-xar hôiv) li cui tênhv ntơưv ntu 2, Phênhv B số 169, hnuz 17/02/1981 cui tênhv: “chor nênhs tâu paz nhiêx pôngz đas jos lox tôngv yênhx hli”. Chênhr zos li hêik ntơư, zơưv Trần Thanh Mậu, xênhz zus shông 1958, trâus txiêz nanv lox tôngv hnuz 23/9/1993 txos hnuz 30/11/1993, zơưv Mậu tâu cơ quan BHXH tỉnh muôz nhiêx paz txiêz nanv lox tôngv đros phênhv tâu sơưv zos 43.621 đêiv thiêz hâur ntu co, cux tâu paz nhiêx pôngz đas jos lox tôngv zos 33.960 đêiv. Li co mak cơ quan BHXH tưz xêir tsov trâu zơưv Mậu chiê tâu phênhv nhiêx paz txiêz nanv lox tôngv nhoz phênhv siêz./.

(Thu Thùy-Lik Thox cxêik nhênhv)