Lai Châu: Tsôngv px tsik tâu moz siêz tir thêir đêx nas chuô

Huyện tox siêz Sìn Hồ zos thax tsav qơư muôx đêx nas lox đuô hur si hâur têx hnuz đhâu. Txos nhiv no, hâu nov thiêz cxuô ngênhx muôx vax huôv hâur huyện tưz yeik txar tâu 40 ntâu chuôz zis tsôngv box hâur têx suôv qơư zôngx ziv muôx tox poz ar lơưk thiêz đêx nas cuôr yôngz muk nhoz qơư taz por. Taz sik, txix hâur shôngk shông txos nhiv, ntơưv qơư cux muôx 4 lênhx nênhs trâul tuôs cik txos đêx nas uô hiêv, phênhv ntâu puôr lênhx zos tso siêz thâuv hla mul lok đhâu đêx thâuv muôx ntux nas hloz. Jê no yax, iz lênhx tsôngv box trâul tuôs ntơưv jok Vàng Bon, xã Lùng Thàng thâuv hla đhâu đêx trâul đêx nas cuôr yôngz 2, 3 hnuz tov kaz li zok nriêr tâu.

Pos Trần Thị Thu Hiền, Tsar phòng Kôngz nuv thiêz  huôv tsar tox siêz, Phưv Ban chox kriê phax tar ntux uô ruôr hiêv thiêz zok nriêr chơưv paz lênhx nênhs huyện Sìn Hồ heik: Thâuv hâur cheix ntux nas, shông tưs huyện cux muôx ntơưr fuô kriê, heik cxuô thax tsav qơư bax uô têx faz tsưr ziv phax  tir thêir. Iz coz nas chuô, huyện tsênhv tso canr bôv muk đros paz hâu nov ntơưv qơư thiêz têx tsưr tsix đoanx thêv cơưv jêx jok đros tsôngv px chiê fuô kriê, vênhv tôngv tsôngv box tsi tâu nhoz, pư pêv têx liêx têz, tsi tâu mul lok hla đhâu đêx, ntâuk muôz shuôz njêl lok sik bo tơưk thâuv đêx nas huôv hloz. Taz sik tsôngv box sơưr đơưk cux tso siêz, chênhr viv li phênhv ntâu shông tưs ntơưv qơư cux muôx lênhz tiz nênhs trâul tuôs viv đêx nas uô hiêv txos. Pos Trần Thị Thu Hiền heik: "Đros thiêz ntux nas lox phiv liv li nor, nhiv no Ban seiz car phax tar nas chuô huyện cux tưz tso nênhs muk nhoz trơưr ntơưv qơư chiê qênhz shuôs, sox seiz. Iz chas ntơư, pêz chox kriê, heik tsôngv box sơưr đơưk tsi tâu hla đhâu đêx mul lok, lar heik zos têx tsas cêr, tsơưk tsuô ntơưv têx thax tsav zôngx ziv muôx tox poz ar lơưk thiêz đêx nas huôv lox. Thiêz pêz đros cấp ủy, hâu nov cxuô thax tsav qơư, sir jos uô jông 4 tsưr ziv ntơưv  qơư chiê txo grêk tsơưs têx tsi jông uô hiêv txos lênhx nênhs".

Huyện Than Uyên, zos thax tsav muôx ntux nas lox đuô hâur tỉnh Lai Châu, hâur jiês ntux nas lox txix kaz hli 6 txos nhiv no cux tưz tuôs 2 lênhx nênhs, qir tiv cux zos viv tso siêz thâuv mul ntâuk muôz njêl thiêz hla đhâu đêx thâuv muôx ntux nas hloz.

Txix ntux têx txơưr txar phiv liv, hâu nov huyện cux tưz tso tơưv ntâu ntơưr, côngz tênhv heik cxuô xã, thị trấn, hux jos đros têx tsưr tsix đoanx thêv jêx jok sir jos uô jông hâux lưv yax kriê trâu tsôngv px sơưr đơưk. Zơưv Hoàng Văn Hiêng, Chủ tịch UBND huyện Than Uyên heik pâuz: "UBND huyện tưz muôx côngz tênhv xa trâu hur tiz si têx xã, thị trấn, bax tsưr ziv fuô kriê trâu tsôngv box sơưr đơưk. Lar heik, cxuô thax tsav qơư tsuv moz siêz, tsưv ziv txos hur si têx suôv qơư zôngx ziv muôx tox poz ar lơưk, qênhz shuôs, seiz njôngr  chiê muôx tsưr ziv yeik txar tâu tsôngv box zênhx max thâuv muôx yưv têx tsi jông. Thiêz tsôngv px, thâuv pov muôx đêx nas huôv hloz lok mak tsi tâu mul ntâuk muôz shuôz njêl, tsi tâu muk bo tơưk....têx hâur đêx, uô tsi jông txos chuôz zênhx chuôz tas thiêz lar heik zos uô hiêv txos tsôngv box txox siê".

Ntux nas lox tưz thiêz tsênhv uô ruôr hiêv lox trâu têx tỉnh Tây Bắc. Ntơưv Lai Châu, 9 lênhx nênhs trâul tuôs xav txix thâuv hâur cheix ntux nas lok, zos iz kro uô hiêv tsi zos tsơưs. No tsênhv tsênhv zos tsôngv box nhoz thax tsav muôx ntux nas lox li iz cêr tso siêz zuôr trâus tâu heik txos. Hâu nov ntơưv qơư tưz bax uô têx faz tsưr ziv, taz sik chiê txo grêk tsơưs têx trâus uô ruôr hiêv lok lênhx nênhs, tsôngv box sơưr đơưk tsuv sik đros moz siêz đuô chiê por hưv trâu zuk thiêz têx nênhs cxênhz jê thâuv hâur thax tsav muôx ntux nas hloz./.

                                                                                                                    (PVTTTB-Riê Lâux cxeik, nhênhv)

Tsêr kho njuôk moz tưx cxiv uô, tsuv uô cov huv đros ntơưr kho njuôk moz

          Trơưk li pos Hoàng Ngọc Tuyết, phưv sêiz car tsêr kho moz An Phước, tỉnh Bình Thuận đros tsêr kho moz thiêz cơ quan muôz ntơưr kho njuôk moz tsênhv uô tsik tâu huv đros.  Pos Tuyết cux xav tiêk: Nhiv no têx thông tư, ntâuz ntơưr nghị định cux tsênhv hêik siz yôngx đơưk; cxuô luz tsêr kho moz tưx cxiv uô cux tsik pâuz shor zuôr uô têx ntâuz ntơưr tưs, hâur ntu uô cux zôngx ziv uô tsik zos chêi. Pos Tuyết hêik: “Chor mê nhuôv chox tuôx chơưv kho trâu tsêr kho moz tsar ndê siêz, viv muôx ntâu tus mê nhuôv, moz tsik siz thôngx thiêz ntơưr kho njuôk moz, zos zuk tưx zuôr. Chor ntơưr kho njuôk moz tsar ndê siêz thiêz txos luz chêix muỗ khâuz thuôk, txos têx hnuz tsiêz…têz qơưs so, pêz mak tsênhv uô hâux lưv yax oz pêz bâus cux tsik muôx lênhx tưs pâuz”.

          Zơưv Nguyễn Minh Thảo, phưv sêiz car ntơưr kho njuôk moz xã hội Việt Nam hêik pâuz tiêk: Nhiv no muôx iz cxiê tsêr kho moz tưx cxiv tsa, tưx zuôr yuôx lok chơưv kho moz thiêz chuôz zênhx kho njuôk moz, tus grê muôs yuôx cik thiêz fênhx zis cux tsik siz thôngx. Pir li tsêr kho moz đa khoa  thiêz tsêr kho moz Xanh Pôn, Hà Nội. Zơưv Nguyễn Minh Thảo hêik: “Pêz tsuv choz zok hâux lưv trâu cxuô tỉnh, cxuô tỉnh choz zok trâu cxuô luz tsêr kho moz, tsuv sir zôngv li chas cov huv đros. Zos sir zôngv thiêz uô tsik trơưk luôs hâux lưv choz zok, tsuv qênhz yuôx cov tsênhz mênhx. Zos tsik txâuk, tỉnh tsuv muôz cxaz nzir nhiêx txiêx, zos tỉnh tsik muôx txâuk nhiêx, tsuv hêik trâu trâu Thủ tướng pâuz lok têx nhiêx txiêx sir zôngv kho njuôk moz trâu chor nênhs muôx ntơưr kho moz gênhk”.

          Trơưk li zơưv Nguyễn Văn Đệ, chủ tịch hiệp hội tsêr kho moz tưx cxiv tsa VN hêik pâuz tiêk: Muôx ntâu luz tsêr kho moz  cux tsik zôngx ziv zok nriêr tâu cxuô quy tênhv hêik lok têx xor mông uô huv đros chêi têz qơưs. Zơưv Đệ hêik pâuz:“Sik côngv đros Hiệp hội tsêr kho moz VN tưx cxiv tsa, cux muôx ntơưr sâu tsês, cxuô luz tsêr kh njuôk moz tưx cxiv tsa, tsuv pâuz thôngz lok luôs hâux lưv muooss yuôx kho njuôk moz uô cov huv đros chêi têz qơưs”.

          Uô trơưk chính phủ luôs hâux lưv chox car, cơ quan sêiz car ntơưr kho njuôk moz xã hội VN tsênhv taz tov đros cxuô tsênhv qơư uô cov huv đros chor nênhs muôx ntơưr kho njuôk moz./.

                                                                                                                 (Tsu cxêik nhênhv-Kim Dung-CQTTHCM)