Tsiêz trung thu txos nzor thax tsav tox siêz Yên Bái

Đhâu jiês muk tsênhv tsênhz, pâuz tâu cxuô lênhx shux xênhz tox siêz li têx siêz xar; chor shuv xênhz cơưv lớp cao đẳng Côngz xưv xã hội, tsêr cơưv cao đẳng kriê uô hâux lưv Yên Bái tưz tsưr tsix tsiêz Trung thu trâu 195 lênhx nhuôs zâu nhoz 2 luz jok Nả Háng A thiêz Nả Háng B, xã Púng Luông, huyện Mù Cang Chải. phênhv ntâu chor nhuôs puôr lênhx muôx luz nênhx txov nhêv, niêv txir pluos, cxơưx tsik txâuk nox hnar trâu têx mê nhuôs tuôx trâu tsêr cơưv, cux cxơưx tsik txos tsiêz Trung thu. Chênhr zos li hêik ntơư, ntâu shux xênhz hâur tsêr cơưv ntơưr tưz sik côngv paz nhiêx zuôr suôz thax cxuô zav chiê tsưr tsưr tsix tsiêz Trung thu. Cưr Triệu Thị Chày, shux xênhz lớp cao đẳng Côngz xưv xã hội, tsêr cơưv cao đẳng uô hâux lưv Yên Bái hêik: “Thâuv đros uô luôs hâux lưv ntơư, cur pov no zos iz luôs hâux lưv uô lok six tsiv gri. Sơưr đơưk lok six shir phaz đros uô. Pêz tsik tâu muôx jiês tưs tuôx txos luz xã no, taz sik thâuv pâuz tiêk pêv no lok six txov nhêv mak pêz tưz sik côngv tâu lok six ntâu chuôz zênhx, trik yo, nduôr thax chiê tuôx tsưr tsix Trung thu trâu chor nhuôs. Pêz cux tưz jênhv tâu lok six ntâu fôngx zưs sơưr đơưk đros paz”.

Iz chas tsưr tsix tsiêz trung thu trâu chor nhuôs zâu đros muôx cxix cxuô nduôr thax cxuô zav, chor uô luôs hâux lưv no cux tsênhv sik côngv paz tâu yênhx puô đêiv pav, yo sor, cuô mik…trâu chor nhuôs. Tiv zix zos muôx chor hax huv tsiv gri trâu Lù Thị Sua (8 shông) kror muôs pov cêr tsik yuô tsênhz, lênhx txir tâu tas siv nênhx lơưv nzor, nhuôs đros pos nhoz thiêz 2 vir ndâuk Hảng Thị Sáng (11 shông), Hảng Thị Dê (8 shông) uô njuôs; lênhx niêv xênhz zus ho muk zuôr txir yiêz, oz tuk nhuôs co nhoz đros tuk tix lâus, luz nênhx lok six txov nhêv. Cưk kriê ntơưr Nguyễn Ngọc Chiến, trưởng khoa sư phạm kriê nghêx thiêz kinh tế, tsêr cơưv cao đẳng uô hâux lưv Yên Bái puz pâuz: “Tsêr cơưv cao đẳng uô hâux lưv  Yên Bái tsưr tsix tsiêz Trung thu trâu chor nhuôs zâu nhoz xã Púng Luông, huyện Mù Cang Chải, no zos xã tox siêz txov nhêv, tiv zix zos chor nhuôs zâu. Pêz tsưr uô luôs haux lưv chiê paz cêr shir phaz, sir jos paz muôx qơư uô si trâu chor nhuôs hâur jiês tsiêz Trung thu no”.

Jiês tsiêz Trung thu no, chor sik côngv Paz uô luôs hauax lưv ntơư tưz đros chor hluôk nhoz tỉnh Yên Bái sik côngv tâu 144 poz huv chiê paz trâu chor nhuôs zâu nhoz jok Sán Trá, xã Bản Công, huyện Trạm Tấu; zos xav nhiêx tas 40 triệu đêiv ntâu. Đros co, lơưr tsênhv khơưk muôz 500 luz nduôr trung thu trâu 500 lênhx nhuôs zâu tox siêz huyện Văn Yên…Lê Hoàng Anh, zos iz lênhx hluôk nênhs nhoz  tỉnh Yên Bái hêik: “Hâur têx shông đhâu pêz cux tsik so sik côngv tsưr tsix tsiêz Trung thu trâu chor nhuôs zâu muôx luz nênhx txov nhêv. Jê lok no, pêz cux moz siêz txos chor jêx jok nhoz đêz, tox siêz chiê khơưk muôz huv trâu chor nhuôs, viv pêz pâuz tiêk nhuôs zâu nhoz chor qơư txov nhêv tiv zix mak muôx têx chor nhuôs tưz tsik tâu muk đhâu zuk luz jêx jok hlo. Pêz xar muôz chor hax huv muox tsiv gri hâur jiês tsiêz Trung thu no chiê chor nhuôs tox siêz tâu sơưv cêr shir phaz xưk li chor nhuôs nhoz cxiê qơư”.

Sâuv thax tsav tỉnh Yên Bái tsênhv muôx lok six ntâu lênhx nênhs siêz jông thiêz cơ quan, côngv thôngx sik đros côngv têk tsưr tsix tsiêz Trung thu trâu chor nhuôs zâu tox siêz. Txix zuk li siêz xar, chor nênhs siêz jông tưz paz muôx cêr shir phaz trâu nhuôs zâu nhoz tox siêz Yên Bái./.

PHÊNHV TSÊNHV CHÊI

Tsi tâu chuôz ndê nhiêx kho moz cxôngx 1-8

Lơưr tsưr ziv, hâur hli 8/2016 zuôr hlôngr yiêz thiêz cxiv kho đuô iz cxiê grê têx qơư y tế, hâur co muôx nhiêx côngk, nhiêx hli tâu uô hâur hur si 10 tỉnh, thành phố muôx lênhx nênhs zuôr ntơưr BHYT siêz cxôngx 90-95% tror sâu. Taz sik, Bộ y tế xar mak cxơưx zos chuôz ndê nhiêx kho njuôk moz hâur ntu no zuôr tsik huv đros.

          BHXH Việt Nam puz pâuz, no zos xor mông tsi tâu tsênhz mênhx thiêz hâux lưv hlôngr yiêz thêv nhiêx kho moz jiês 2 hâur shông 2016 tsênhv tâu seiz shuôk đuô. Hli 6/2016, saz BHXH Việt Nam thiêz Bộ y tế tưz thôngx ziv tsik tâu chuôz ndê thêv nhiêx kho moz jiês 2 shông 2016 hâur hli 8 no. Jiês chuôz ndê no tâu uô nhoz 10 tỉnh, thành phố muôx tsôngv box zuôr ntơưr BHYT siêz cxôngx 90-95% tror sâu, hâur co zuôr cxiv kho đuô thêv nhiêx kho njuôk moz trâu ntơưv 1.900 qơư y tế, uô đros têx lênhx nênhs moz muôx ntơưr BHYT.

          Taz sik, nhiv kruôr đhâu, saz BHXH thiêz Bộ y tế tưz cuiz tênhv tsi tâu hlôngr yiêz luôs hâux lưv ntơư hâur hli 8, viv tsik tâu huv đros hâur six hơưv no.

          BHXH Việt Nam thiêz Bộ y tế tror seiz shuôk cxôngx nhiv no txos kaz shôngk shông.

          Cux lơưr tsưr ziv tâu BHXH Việt Nam thiêz Bộ y tế thôngx ziv tso tơưv, iz chas zuôr chuôz ndê thêv nhiêx kho moz jiês tiv 2 shông 2016, cxôngx kaz shôngk shông 2016 txos đraz shông 2017 zuôr tror muôx cxaz ntâu jiês hlôngr yiêz cxiv kho đuô thiêz. njuôs xav iz jiês hlôngr yiêz zuôr uô nhoz 8 txos 12 tỉnh, thành phố (lơưr têx tiv phaz muôx lênhx nênhs sir zôngv BHYT cxôngx siêz txos kis, thiêz uô uô ntêx ntơưv têx tỉnh trâus zênhr shar CPI kis).

          Uô ntêx co, cxôngx hnuz xiêz 1/3/2016, tas nro 1.400 tsêr kho moz sâuv tas nro têz qơưk puôr lênhx sâu nhiêx kho njuôk moz. Têx tsêr kho moz chiv chir coar lik mak tâu sâu nhiêx kho moz, hâur co cux  muôx cưk yuôx nhiêx hli hur tiz si./.