Cêr pôngz siêz sâuv hâur trôngz jos Mô

Thâuv no hâur chêix ntux no njiv, lênhx niêv hluôk li suôz krôngz mê nhuôs hâur luz tsêr nhoz iz saz trôngz plox pliês đros iz luz nênhx txov nhêv. Nhoz hnuz nhôngs 14 shông, tsênhv zos hnuz nhôngs hloz lox, uô si, Nhinh Xênhv Vưx tưz zuôr txir thiêz lok nhoz ntơưv jok Làng Mô, xã Làng Mô, huyện ntus đriv Sìn Hồ (Lai Châu) thiêz tưz uô niêv tâu muôx7 hli ntâu. Tuk mê nhuôs tâu xênhz zus muôx moz tsik so thâuv niêv thiêz txir tsênhv zos chor hluôk lox hloz tsik tâu yênhx nênhs. Tưz zos zar zuôr tsâuk ntux, Nhinh tok tuk txir muk uô têz, hâur tsêr cux tsik muôx đaz tsi hlo. Tuk mê nhuôs li pluôs hmo tsuôk zos poz cuô đik tsênhv yuôr txix hmo uô ntêx. Đhâu iz jiês nus, lênhx niêv hluôk Nhinh Xênhv Vưx thiêz li thav:

“Cur jok nhoz kuôk no 20 cêik cêr. Cur tuk txir tuôx uô si njiz cur chêk đros cur nhoz tsêr. Cur muk cơưv mak cux đros muk uô si đrav tsêr cơưv, thiêz siz zuôr txix ntơưv tsêr cơưv lok xưz. Siz zuôr nzor viv li cur cux pov luz nênhx txov nhêv cơưs”.

Muk đhâu ntu cêr ndê tox, Nzơưv Xênhv Shôngx luz tsêr nhoz puôz iz saz trôngz. Têx zav tsiv grê tsuôk zos oz pêz hnaz blêx đros iz chor lâux câuz. Shông no Nzơưv muôx 17 shông thiêz tuk txir zâu iz shông, taz sik, tưz xênhz zus oz tuk mê nhuôs, iz lênhx tuz, iz lênhx nxêik li niêv txir. Nzơưv xênhv Shôngx puz pâuz:

“Cơưv tas lớp 5 chêk cur so ntơưr chiê zuôr txir. Thâuv zuôr txir mak tsênhv zâu tsik tâu pâuz đaz tsi, muôx mê nhuôs, muk uô nriêr trâu mê nhuôs nox mak thiêx pâuz tiêk txov nhêv li chak. Nhiv no mak muôx mê nhuôs tas lơưv, tsuv uô chiê nriêr trâu mê nhuôs nox xưz”.

Tsôngv box Hmôngz nhoz no siz zuôr cux zôngx ziv. Tsuôk zos chor tuz nxêik siz nhiêv chêk hêik niêv txir bax kêiz buô chiê uô yôngz co trâu lơưr siz zuôr uô niêv txir. Txơưv tiêk tiv phaz tưz tso tơưv chêi chiê xưv bluô nhiêx txiêx, blêx cxur trâu chor niêv txir siz zuôr tsik tâu txưv shông hâur yênhx jêx jok, taz sik cux txưr tsik tâu, zos tiêk chor nhuôs tưz siz nhiêv thiêz niêv txir tưz thôngx ziv chiê siz zuôr. Cưk kriê ntơưr Nguyễn Anh Tuấn, hiệu trưởng tsêr cơưv cxênhx oz, xã Làng Mô, huyện Sìn Hồ puz pâuz: tsêr cơưv cux tưz sik côngv đros cấp ủy, chính quyền tiv phaz chiê yax kriê, hêik shux xênhz niêv txir thiêz shux xênhz pâuz. Hâur chor jiês kriê ntơưr, tsêr cơưv cux kriê nzir trâu shux xênhz pâuz txos têx phiv liv thâuv siz zuôr nzor, taz sik cux tsik muôx hlôngr yiêz ntâu; thiêz oz shông tror lok no tsêr cơưv tưz muôx zuôr xar 10 lênhx nênhs zuôr txir, zuôr pox niêv thâuv tsênhv cơưv ntơưr txix lớp 6 txos lớp 9.

Xar muôx 20 shông nhoz sâuv thax tsav ar Làng Mô, đros kror hâux lưv zos njuôk kho moz trâu tsôngv box cxuô mênhx cxưx sâuv thax tsav, trạm trưởng trạm y tế Làng Mô Vũ Tiến Thư zênhx ndo njôngr txos chor jiês xênhz zus nzor, zus tâu mê nhuôs trâus sêv khiz thâuv chor niêv txir tsênhv zos chor hluôk tsik tâu yênhx nênhs. Hâur chor co muôx lok six ntâu tuk mê nhuôs xênhz zus tâu tsik nhoz tiv lênhx nêhs luz chêr cux tsênhv tsik tâu huôv tsar cxuô. Hok hmôngr jông cux zos chor nhuôs kik tâuz, tsik txâuk tsơưr pưr shưz thiêz tsik zos nênhs txơưx njê li cxuô tuk. Lơưr trạm y tế xã li thôngz sâu, txix hâur shôngk shông txos nhiv no muôx 32 gơưv siz zuôr, mak muôx 26 gơưv siz zuôr nzor thâuv tsik tâu txưv shông, hâur co phênhv ntâu zos tsôngv box Hmôngz thiêz Cho. Trạm trưởng trạm y tế xã Làng Mô Vũ Tiến Thư pôngz siêz hlo hêik:

“Zos muôx 13, 14 shông tưz siz zuôr, mak zuôr phiv liv txos đas jos, xênhz zus, cux xưk li kinh tế. Siz zuôr nzor zus tâu mê nhuôs mak zuôr tsik txâuk tsơưr pưr shưz, viv li hloz lox lok cux tsik đrơưv, cơưv ntơưr, uô lox tôngv cux tsik sêi li lưv tuk”.

Ndêiv jok Làng Mô thâuv hnuz tưz plox trôngz, têx huôz tsâuk piz muôx nhoz cxuô jêx jok, uô trâu thax tsav ntơư hax zav no njiv đuô. Taz sik, kror lar hêik đuô zos, chor gơưv niêv txir siz zuôr tsik tâu txưv shông cux tsênhv muôx yưv ntâu thiêz têx nhuôs xênhz zus tâu hloz lox tsik jông nênhx, tsik muôx jos li lưv tuk cux tsênhv muôx đros đrêiv têx lênhx niêv hluôk li suôz krôngz tsik pâuz tas plox pliês sâuv trôngz jos Mô./.

(Khắc Kiên-Lik Thox cxêik nhênhv)

          UÔ SIÊZ TRUÔX BO TIR THÊIR TÊX NÊNHS FÊV ZUÔR MUÔS ZAX ZÊNHZ

          Tsôngv…!Uô siêz truôx bo qênhz yuôx, yơưz phươz tơưv yênhx puô txuz zuôr muôs zax zênhz đhâu cxuô tỉnh hâur têz qơưs; txơưv riêz nênhs bâuv tưs, zơưv Vũ Quốc Tuấn, công an tir thêir zax zênhz công an tỉnh Sơn la zos iz lênhx tưz sir tas đas jos thiêz muôx tsưr ziv zok nriêr cxov chor nênhs fêv zuôr muôs zax zênhz hêik sâu, tâu sđ kruôk txos.

          Zơưv Vũ Quốc Tuấn thav tiêk: Hâur iz jiês qênhz yuôx, zok nriêr cxuô txuz nênhs fêv nhiês zuôr muôs zax zênhz cux phiv liv cơưs, tsik zôngx ziv yơưz phươz zok nriêr tâu, tsuv uô siêz truôx bo, tuôr xav cxuô faz tsưr ziv zok nriêr, yơưz phươz ntêr hnuz, ntêr shông thiêx yơưz tơưv.

 “Muôx yưv têx phiv li ntơư, cxuô lênhx tâu choz zok hâux lưv, tsuv uô siêz truôx bo, qênhz yuôx, yơưz phơưz cov tsênhz mênhx chor nênhs fêv zuôr muôs zax zênhz ntơưr têx tsưr ziv uô, zuk thiêx zuôr uô tâu tiêr Đảng têz qơưs thiêz px cxuô luôs hâux lưv zok muôz”

          Cơưv tiêr tsêr cơưv trung cấp công an shông 1997, lok uô hâux lưv trâu coong an huyên thuận châu; đhâu ntơư thiêx muk cơưv tiêr Đại học công an thiêx lok uô côngz xưv trâu phôngx công an qênhz yuôx zax zênhz công an tỉnh Sơn la hâur shông 2005. Zơưv Tuấn hêik pâuz tiêk: Hâur iz shông, zơưv tưz qênhz yuôx ơưz phơưz tâu 7-10 txuz zuôr muôs zax zênhz, thu tâu ntâu đêiv zênhz đơưz thiêz yênhx cxênhz njiêr yuôx shơư zênhz; muôx iz txuz zos yơưz tâu 42 đêiv zênhz đơưz. Hâur iz jiês qênhz yuôx, yơưz phơưz cxuô txuz zuôr muôs zax zênhz cux tas ntâu six hơưv hnuz nhôngs thiêz phiv liv cơưs, tsik zôngx ziv li tsưr ziv xar. Đại tá Nguyễn Xuân Trường, tsar phôngx qênhz yuôx, tir thêir zax zênhz công an tỉnh Sơn La hêik pâuz:

 “Zơưv Vũ Quốc Tuấn cux muôx tâu tsưr ziv zok nriêr, qênhz yuôx, yơưz phơưz chor nênhs fêv nhiês zuôr muôs zax zênhz thiêz zos iz lênhx muôx tsưr ziv zok nriêr chor nênhs fêv ntơư đros trâu truôx siêz uô tiêr cxuô luôs hâux lưv zok muôz”.

          Uô tâu tiêr ntâu luôs hauax lưv Đảng têz qơưs thiêz px cux li chor hloz zok muôz chiê tir thêir têx nênhs fêv nhiês zuôr muôs zax zênhz; zơưv Tuấn tưz tâu têz qơưs muôz côngz mênhx hov 3 thiêz tâu Bộ công an, Bộ Quốc phôngx, uỷ ban tỉnh muôz ntơưr kruôk./.

                                                         (Tsu cxêik nhênhv-Tuyết Lan)