Tôv seiz car côngv thôngx nhoz Lào Cai-sik côngv paz phax tar moz Covid-19

          Hnuz tưs, zơưv Trần Công Điền, lênhx nênhs hâur Tuêv seiz car jos Nam Thành, thị trấn Phố Lu, huyện Bảo Thắng, tỉnh Lào Cai tưz tsês six hơưv hnuz nhôngs muk trâu yênhx ziv chuôz zis hâur thax tsav tâu choz zok, qênhz yuôx, sâu bê lênhx nênhs chiê thôngz xor mông txos têx lênhx tsôngv box nhoz tiv phaz tsênhv muk uô lox tôngv ntơưv têx thax tsav muôx moz huôv xênhz. Hu xor tôngx hêik chor nênhs muk uô lox tôngv tso siêz “nhoz truôx qơư” chiê txu grês caz moz siz cik tâu lok hâur thax tsav: “Txos nhiv no, têx lênhx tsôngv box nhoz jos Nam Thành muk uô hâux lưv đêz puôr lênhx muôx siêz xar tsi tror lok tiv phaz chiê uô zênhr shar txos côngz xưv phax tar moz”

          Đhâu têx tuêv seiz car lênhx nênhs li luôs hâux lưv uô hâur niêx hnuz, têx chuôz zis muôx lênhx nênhs cxênhz jê tsênhv nhoz têx thax tsav muôx moz huôv xênhz tsi tâu tror lok tiv phaz cux pâuz tsênhz đuô moz li têx huôv xênhz phêv liv, sik côngv tês phax tar moz. Pos Nguyễn Thị Đủ, tsôngv box nhoz thị trấn Phố Lu, huyện Bảo Thắng pheiz kênh: “Moz huôv xênhz phêv liv, cur chor mê nhuôk cux xar tror lok tiv phaz chiê uô đeiv căn cước công dân taz sik cur choz chêv tiêk tsuv sir jos truôx siêz tos, thâuv tưs moz tsi yuô huôv xênhz mav li lok”

          Cxôngx thâuv moz huôv xênhz phêv liv ntơưv Hà Nội thiêz têx tỉnh faz Nam, hlôngr yiêz đuô Tuêv Covid côngv thôngx kuz, têx tuêv seiz car lênhx nênhs tâu yênhx lix ntơưv 1 cxênhz 600 jêx jos, tuêv dân phố hâur tas nro tỉnh Lào Cai, iz tuêv muôx tsơưs tiv zix 5 lênhx nênhs, hâur co muôx công an thax tsav thiêz y tế ntơưv qơư. Khov muôx tuêv côngz xưv no, huôx tôngv seiz car tsôngv box, heik kriê y tế, qênhz yuôx moz thâuv tưs cux tâu cux ciêr chênhr tâu krêz uô, cxênhx txuôk thiêz muôx chêx cuk. Zơưv Đặng Văn Thân, Giám đốc Tsênhv qơư y tế huyện Bảo Thắng, tỉnh Lào Cai puz pâuz: “Tuêv li pưs txux lok six lox, lơưr zos têx lênhx nênhs nhoz hâur côngv thôngx, pâuz tsênhz lok thax tsav, pâuz tâu têx chuôz zis tưs muôx tuz nhuôs uô lox tôngv đrâuv tỉnh tror lok, pâuz têx lênhx nênhs tsi heik kriê y tế; thôngx cxix yax kriê muôz siêz tsôngv box li jênhv pâuz, khov co mê nhuôs têx chuôz zis cxôngx thax tsav muôx moz huôv xênhz lok phênhv ntâu tuôx qơư y tế chiê heik kriê”

          Tỉnh Lào Cai nhiv no muôx 16 cxênhz nênhs lox tôngv muk uô hâux lưv đrâuv tỉnh tsi tâu tror lok tiv phaz. Hâur co, 2 cxênhz ntâu lênhx uô hâux lưv ntơưv ntâu tỉnh, thành nhoz thax tsav faz Nam. Chiê pâuz tâu qênhx shênhx têx nênhs lox tôngv no, Lào Cai li têx tuêv seiz car cux tsưr tsix cir ntơưr đros têx chuôz zis muôx mê nhuôs muk uô hâux lưv vênhv tôngv tuz nhuôs nhoz truôx qơư, cungz cxix cxuô xor mông zos muôx lênhx nênhs tror lok tiv phaz….thôngx cxix sir zôngv công nghệ li krêz têx paz Zalo, ciêr chênhr thôngz pov lok qênhx shênhx thiêz muôx tsưr ziv yưr lir thâuv zuôr trâus nriêr zok lênhx nênhs tror lok tiv phaz./.

(An Kiên-Txâur Vax cxeik-Lik Thox nhênhv)

Uô têx hâux lưv viv lênhx nênhs li vax huôv

(Heik kriê lok têz qơưk tsaz yênhx huôv tsar kinh tế-XH thax tsav tsôngv box heir nênhs tsơưs nhoz thax tsav tox siêz, ntu 2021-2030)

Thax tsav uô lơưr tsaz yênhx

Tsaz yênhx zuôr uô nhoz trâu têx thax tsav tsôngv box heir nênhs tsơưs thiêz tox siêz zos chor xã, jok muôx têx chuôz zis heir nênhs tsơưs txix 15% tror zar sâuv. Thax tsav uô lơưr zos têx qơư lok six txov nhêv (chor xã tox siêz đêz đrôngs, jok txov nhêv trơưk li tưz qênhz shuôs đhâu, phênhz thax tsav tsôngv box heir nênhs tsơưs thiêz tox siêz trơưk li huôv tsar hâur yênhx tỉnh zos Ủy ban mênhx cxưx tso tơưv, ntu 2021-2025; tsaz yênhx cux fuô uô trâu ntơưv têx thax tsav, suôv qơư kinh tế-XH kênhz huôv tsar, tsi yuô muôx nênhs lês uô têx hâux lưv uz no; côngz trênhx cxuô zav tsi tâu cxiv uô jông, lar heik zos cêr muk lol, têx chuôz zênhx seiz njuôk shuôs kho moz, qơư trâu tsôngv px sđ xênhz huôx, ndis uô si….. Chor xã, jok heik sâuv zuôr tâu têz qơưk paz yưv pênhr cxiv uô uô ntêx chiê sđ huôv tsar uô nox uô hnar, cơưv têx txux chi tsưr ziv yuôr trâul taz por truôx tuk XH trâu lênhx nênhs tâu buôk ti, sơưv têx chei paz, jux juk huôv tsar lơưr chuôs luôs 2 chas thax tsav đrâuv. Zơưv Quàng Văn Hương, Phưv Chủ tịch Hôiv đôngx Mênhx cxưx Côx hôiv heik:

“Thax tsav co zos qơư tưz pluôs, nhiv no tsuv sir jos kriê têx txux chi, chiê tsôngv box muôx tsưr ziv uô nuv thiêx huôv tsar tâu. Gra siêz tsơưr lươngv pênhr jos hâur tsaz yênhx cux muôx, taz sik no zos xar cov Đảng, têz qơưk moz siêz txos đuô thiêz, tsênhz đuô zos pêz tsuv muôx ntâu faz tsưr ziv uô, viv iz coz nas hloz, đêx ngaz lok sik moz gênhk, tsôngv px ho trâul pôngz tas cxuô zav, li ntơưv tsuv muôx ntâu tsưr ziv uô chiê px muôx têx bax tâu, iz zos hâur huôv tsar uô nox uô hâuk, 2 zos tsuv truôx tuk, txix kho moz tsiêx cxu txos trâu phax tir thêir têx moz ơưk, ntux uô ruôr hiêv”.

Iz chas ntơư, thax tsav uô trơưk tsaz yênhx co tsênhv zos têx xã txov nhêv (xã nhoz đêz đrôngs): Zos chor xã muôx ntâu tsôngv box heir nênhs tsơưs uô nênhx nhoz, tsênhv muôx tsi tâu txâuk têx côngz trênhx uz no, tsi tâu pâuz cxuô txos chei têz qơưk têx chei paz max, tsi yuô tâu muôx txux chi huôv tsar uô nox…. Chor xã li heik sâuv zuôr tâu têz qơưk paz max lok huôv tsar uô nox uô hnar, yưv pênhr uô nzir iz cxiê côngz trênhx tsênhv tsi tâu muôx, phênhv ntâu zos uô lơưr têz qơưk têx chei paz trâu tsôngv px sđ. Thax tsav qir huôv tsar jux juk (chor xã nhoz jê đrôngs, tsi yuô đêz đrôngs) cux tâu paz, ntơư zos têx xã uô tâu luôs hâux lưv cxiv tsa jêx jok; chor xã muôx têx chuôz zis pluôs txix 10% tror zar hâur. Taz sik, têx xã no, phênhv ntâu chiê uô lơưr tsênhv chei paz trâu lênhx nênhs zos chuôz zis pluôs, zuôr xar pluôs.

Trơưk li pos Ma Thị Thúy, Phưv tsar đoanx, Đoanx đại biểu Côx hôiv tỉnh Tuyên Quang, hâux lưv phênhz têx pênhr no tsuv khov lok zoz qơưx tsênhv tsênhz ntơưv qơư, muôz uô ntêx trâu chor xã lok six txov nhêv, têx thax tsav txov nhêv chiê paz têx qơư co nzor muôx tâu têx côngz trênhx thiêz chuôz zênhx txơưr đuô zuôr trâul txos chiê lơưr huôv tsar, vav mênhx jux juk.

Hnuz xiêz 8/7/2021, Phưv Thủ tướng Thường trực Trương Hòa Bình, Tsar Ban Chox kriê T.Ư lok têz qơưk tsaz yênhx huôv tsar kinh tế-XH thax tsav tsôngv box heir nênhs tsơưs thiêz tox siêz ntu 2021-2030 tưz cir tso tơưv Ban Chox kriê tsaz yênhx, têx hâux lưv uô shông 2021. Iz chas ntơư, têx lênhx hâur Ban chox kriê T.Ư thiêz têx bộ, cơ quan iz zav li bộ, cơ quan nhoz saz Chính phủ (cxuô bộ, cơ quan T.Ư), Ủy ban cxuô tỉnh, TP nhoz saz T.Ư zênhx max kriê, fuô uô têx luôs hâux lưv heik sâuv trơưk li zuk vax huôv, hâux lưv tâu choz, tsênhv tsênhz: Uô tiêr pov cov nhênhz chơưv uô tsaz yênhx; qênhz shuôs, thôngz đhâu Thủ tướng Chính phủ cir Quyết tinhv yưv pênhr uô tsaz yênhx trơưk li chei têz qơưk cui tinhv lok yưv pênhr côngz; qênhz yuôx Ban chox kriê thiêz cơ quan paz Ban chox kriê hâur cxuô cấp lês uô têx luôs hâux lưv trơưk chei têz qơưk cui tinhv; tsưr tsix yax mông, fuô kriê txos têx tsưr tsix, lênhx nênhs cik txos thiêz tsôngv px lok sâuv tsaz yênhx thiêz iz cxiê tsênhv njiêz hâur đêx anr…..

Thâuv tsênhv tok Thủ tướng Chính phủ qênhz shuôs, cir tsaz yênhx, têx Ban mênhx cxưx lok zos Dân tộc nhoz cxuô tỉnh tâu paz uô têx côngz heik sâuv li hâux lưv zuôr trâul uô nhiv no zos, nzor nhênhz chơưv trâu Ủy ban tỉnh heik Ủy ban cxuô huyện, TP tror fuô uô hâux lưv qênhz yuôs shuôs têx lênhx nênhs, thax tsav tâu sơưv têx chei paz co, njuôk xav hur si nhiêx txiêx uô seiz tas li chas chiê heik trâu têx hloz muôx vax huôv shuôs, cir ntơưr trơưk cui tinhv./.

VOV4-Riê Lâux cxeik, nhênhv)