Jax sâu thưr 6 hnuz 1/1/2016

Hlôngr yiêz uô cxiv tsa jêx jok yêz nhoz Lai Châu

Xã thax tsav 3 Bản Giang, huyện Tam Đường muôx 9 jêx jok, 5 mênhx cxưx, 754 chuoz zis thiêz 3.500 lênhx nênhs, phenhv ntâu zos mênhx cxưx Giáy thiêz Hmôngz uô nenhx nhoz. No zos tiv phaz nhiv kruôr tiêr tsaz yênhx têz qơưk cxiv tsa jêx jok yiêz nhoz tỉnh Lai Châu hâur shông 2015. chiê uô tâu tiêr li tsưr ziv, txix shông 2011 txos nhiv no, Bản Giang tưz huiz tôngv cxuô pênhr jos yưv pênhr, đros nhiêx txiêx muox 39 tỷ đêiv ntâu chiê cxiv uô cxuô zav, hâur co pêx xênhv tưz gôngr côngv xar muôx 3 hec ta ar, 500 triệu đêiv ntâu thiêz gôngr côngv yênhx cxênhz hnuz côngz lox tôngv chiê cxiv uô chor côngz trinhx công cộng. Ntux yiêz lok, pêx xênhv Bản Giang hax zav shir phaz đuô đros têx chêx cur tax tâu hâur ntu đhâu.

Huyện Tam Đường zos tỉnh Lai Châu li luz huyện uô ntêx hlo hâur uô lơưr cxiv tsa jêx jok yiêz, thâuv muôx 4.13 xã tax ploz tsênhr jêx jok yiêz. Chiê muôx tâu chêx cur co, huyện tưz chiê pêx xênhv uô tsưrtxix ciês chor hnuz xuz thơưx uô côngz xưv cêv kuok thiêz hâur ntu uô. Sir zongv chor pênhr jos uô chor côngz trinhx công cộng tưz tâu pêx xênhv sêiz lax tsênhz mênhx, qênhx shênhx kriz uô muôx côngv thôngx sêiz kaz. Đrâuv cxiv tsa cxuô zav, tsôngv box cxuô mênhx cxưx sâuv thax tsav tsênhv tsêx tsung trâu côngz xưv cxuôv yêiz thiv pluôs muôx chêx cur, chor chuôz zis pluôs tâu txo grêk txix 51% ntâu shông 2010 txos yuôr 14% ntâu shông 2015.

Đhâu 5 shông kriz uô tsaz yênhx cxiv tsa jêx jok yiêz, txos nhiv no tỉnh Lai Châu tưz muôx 15 xã tax ploz tsênhr jêx jok yiêz, iz xã tax tâu 11 luôs hâux lưv ntâu iz xã,, tsik yuôr xã uô tâu tsơưs đuô 5 luôs hâux lưv, thiêz zos iz hâur 3 tỉnh nhoz faz Bắc tâu chủ tịch têz qơưk khơưl kruôk Huân chương lox tôngv hov iz thiêz khơưk muôz 30 tỷ đêiv. Chiê tax tâu chêx cur co, tỉnh Lai châu tưz kriz uô têx kror liv trơưk txox cêr 32, 4D. Đuô li, Lai châu cux sir zôngv kror liv chor xã txar qơưk nhoz yiêz uô côngz trinhx đêx tênhv lox li: Huổi Quảng, Bản Chát, Sơn La thiêz Lai Châu, cux xưk li phênhv nhiêx txiêx thêv pâux nzir nhiêx txiêx tênhv qơư jôngr chiê pêx xênhv tror yưv pênhr, gra siêz phênhv sâu.

Zơưv Hà Văn Um, giám đốc sở kôngz nuv thiêz huôv tsar jêx jok, tox siêz, phưv ban chox kriê tsaz yênhx tsưr ziv têz qơưk cxiv tsa jêx jok yiêz tỉnh Lai Châu puz pâuz: Txix nhiv no txos shông 2020, Lai Châu sir jos iz shông zuôr muôx nzir 6 luz xã uô tiêr cxiv tsa jêx jok yiêz thiêz tax tâu 15 luôs hâux lưv iz xã.

Đros tsưr ziv uô txơưx xar tơưv, muôx chêx cur, huv đros tsar tov tsênhv tsênhz nhoz tiv phaz, tỉnh ntus đriv Lai Châu tưz thiêz tsênhv muk huv tsưr ziv hâur kriz uô cxiv tsa jêx jok yiêz. Kror uô yiêz no tưz paz muôx chêx cur trâu cxuô cấp ủy, chính quyền tiv phaz hâur côngz xưv cxuôv yêiz thiv pluôs truôx đrênhk./.

(Khắc Kiên-Lik Thox cxêik nhênhv)