Jax thưr 3, hnuz 1/3/2016

Qir uô têx hâux lưv luz hlik hluôk nênhs 2016

Luz hlik hluôk nênhs 2016 tâu Ban Bí thư T.Ư đoanx hluôk nênhs cộng sản HCM fuô uô đros tsênhv njiêz “ shir phaz hluôk nênhs ntu HCM”. Đros tsưr ziv “ hluôk nênhs uô hâux lưv viv côngv thôngx XH, tsoz phưz, kriê cxaz txux chi tsưr ziv yuôr trâus”, têx hâux lưv hâur luz hlik hluôk nênhs shông 2016 tâu cxuô cấp bộ đoanx fuô uô lơưr yênhx ciêz, hâur ntơư: Ciêz tiv iz zos têx nuv uô; ciêz tiv 2 zos tênhx qơư njuôz hur jông; ciêz tiv 3 zos txiv ngaz XH….. Heik ntơưv ntênhs, Tsar ban jênh vênhv T.Ư Trương Thị Mai heik tơưv cêr shir phaz thâuv tuôx dự ntênhs phuôx tôngv luz hlik hluôk nênhs shông 2016, iz xor xưv lok six muôx liv thiêz zov chênhr tâu tsưr tsix hâur ntu têx lênhx hluôk nênhs hâur hur si têz qơưs tsênhv shir phaz lus sir jos bax trâu chiv nhênhv 85 shông hnuz tsa tâu Đoanx hluôk nênhs cộng sản HCM. Pos Trương Thị Mai heik, đros tsênhv njiêz “ Hluôk nênhs uô ntêx nyuôs, xar tơưv têx txux chi tsưr ziv jông cxiv tsa thiêz tsưx phưv têz qơưs”, iz lênhx hluôk nênhs, iz tsưr tsix đoanx, Hội tsuv sir jos ntâu đuô thiêz, muôx hâux lưv tsênhv tsênhz đuô, gra têx liv jông lok trâu XH. Đhâu ciês ntênhs phuôx tôngv, pos Trương Thị Mai tưz đros têx đôngx chir hâu nov tỉnh Vĩnh Phúc thiêz chôngz lênhx hluôk nênhs chos ntông, chos tâu muôx 85 tuk ntông sấu, pir li 85 shông tsa tâu Đoanx hluôk nênhs cộng sản HCM. Iz cxênhz lênhx hluôk nênhs đros tso nyar jông siêz; têx lênhx cưk yuôx, bác sĩ hluôk tưz seiz njuôk shuôs moz, pheiz yuôx tsi zuôr nhiêx trâu 300 lênhx hluôk nênhs công nhân ntơưv têx qơư công nghiệp hâur tỉnh Vĩnh Phúc. 500 lênhx hluôk nênhs cheix yêz câur lok zos yêz tuôv muk yax kriê lok sâuv ngaz tuk zoz thôngz…..

Nhoz hâur têx hâux lưv uô hơưv jông luz hlik hluôk nênhs, ntơưv têz qơưs sênhv qơư phêv ziv Mỹ Đình tsưr tsix tsaz yênhx “ uô têx nuv jông siêz viv lênhx nênhs moz zuôr trâus txos têx nyar” zos 300 lênhx cưk yuôx hluôk uô chiê hu lơưk côngv thôngx sơưr đơưk sik đros tso nyar jông siêz. Cux hâur tsaz yênhx no, Ban Bí thư T.Ư Đoanx muôz 20 poz huv puz trâu 20 ziv chuôz zis tâu sơưv têz qơưs têx chei paz muôx luz nênhx txov nhêv, iz poz iz tsov đeiv; muôz 20 poz học bổng Vưx A Zênhz trâu 20 lênhx shux xênhz pluôs muôx luz nênhx txov nhêv sir jos cơưv ntơưr hênhr; choz 2 luz tsêr niêv côngv siêz ( xav hur si tas muôx 90 tsov đeiv) trâu chuôz zis muôx côngz têz qơưs…../.

( TTT-Riê Lâux cxeik, nhênhv)

Phênhv thưr 3 hnuz 1/3/2016

TXO GRÊK TSƠƯS POZ CƯK LI SIX HƠƯV HLOZ LOX

Tsâu vâuv cov njiêr poz cưk tơưr câuk nzor đuô uô ntêx thâuv zuôr chos

Xêir zuôr zav nôngz poz cưk jông huv đros tsar tov, qiv hơưv nhoz tiv phaz lơưr nganhx kôngz nuv hêik kriê. Zôngv tâu iz hâur chor zav tsơưr paz hloz lox sêi, qir zuôv blôngx chiê tsâu chor nôngz hâur 8-10 six hơưv, paz trâu njiêr tơưs câuk jông, câuk lox, huôv tsar jông đhâu chos: Neb 26; Bio-plant; Atonic…tor lơưr nênhs uô xênhz yar li kruôz kriê./.

Uô zuz poz cưk: paz txo grêk tâu six hơưv hloz lox txix 5-7 hnuz

Chiê phax tar chas poz cưk hlar toz tsik tâu: Poz cưk ntux tsâus chos sâuv ar nôngz lok sik ntu poz cưk tsênhv zâu 1-4 đêiv blôngx njiz qiv hơưv ntux lok nas ntâu chas tsik muôx jos. Chas huôv tsar kênhz muôx njik đuz, tsoz chos huôv tsar kênhz, six hơưv hloz lox tâu truz ntêr txix 7-10 hnuz. Chiê phax tar chas hloz tsik jông, zuôv txâuk qir Supe lân trâu poz cưk, chos sâuv ar nông mak tsuv bôngs ar ntov nti trâu chor njiêr poz cưk txix ar kruôr. Tsuôs iz hâur chor zav qir zuôv blôngx: Vax sinh thái; ET; Atonic…2 jiês trâu thâuv poz cưk txix 3-5 đêiv blôngx.

Zos muôx yưv li hêik sẩu rmak tsuv chơưv kho nzor: tsik zuôv đạm, zuôv qir Supe lân đros cuô qir guôx lok sik đêx hur. Tsuôs 2-3 jiês qir zuôv blôngx, iz jiês kuôk txix 3-5 hnuz. Thâuv pov blôngx nhiv kruôr njuôz, muôx ntâu chas đơưz mak zuôv nzir đạm.

Tsuôs trâu poz cưk 4-5 jiês qir zuôv blôngx, iz jiês siz kuôk 10 hnuz. Chor zav qir zuôv blôngx no paz trâu tsoz poz cưk huôv tsar jông, cxơưr sêi, paz txo grêk tsơưs six hơưv hloz lox txix 7-10 hnuz./.

(Thanh Thủy-Lik Thox cxêik nhênhv)