Ndis shuôk ciêz nhux tưv lox tiv zix faz Bắc

Ciêz Trà Lĩnh muôx trâu chor hnuz xiêz 4, 9, 14, 19, 24 thiêz 29 zênhz lix. Viêz piz uô txix thâuv sơưr nzor txos tar su. Trà Lĩnh tâu sêiz zos ciêz nhux tưv lox tiv zix faz bắc thâuv mak yênhx jiês ciêz noz no muôl muôs muôx 1.000 tuk cxuô zav. Cux tsik hêik đuô luôx tưs thâuv hêik tiêk “No xưk li zos iz qơư uô lax luôv nhux tưv” muôx nhoz hâur thax tsav. Ciêz zaz zâuv lok six chôngz nênhs uô lax luôv nhoz têx tiv phaz txơưr đuô tuôx zok zuôr chiê chox muk zôngv đas jos uô liêx têz lok sik chox muk tuô muôs grêix, lok sik chox muk zus chiê uô tưv tso siz đrâuk. Cux tsik txơưs nênhs uô lax luôv nhoz têz qơưk saz đrâuv tuôx zok zuôr nhux tưv. Ciêz tsênhv zos qơư pêx xênhv sik njiz, sik cơưv chênhz zênhv muôl muôs, xêir nôngz, tsưr ziv tu zus, zus nhux tưv cov tros, nriêr pâuz gri muôs sâuv ciêz đrôngs.

“Cur cxaz chuôz tâu muôx 5 shông lơưv, tuôx zuôr muôx nhos 100 ntâu tuk. Tros lox mak cur thiêz zuôr, zuôr nhux đas ntâu xưz. Phênhv ntâu zos zuôr nhux đas thiêz zos nênhs sưv zuk pâuz mak cur thiêz zuôr”.

Iz tuk fơư tưv lox tâu muôx 40 txos 60 triệu đêiv, hok mê nhuôv mak muôs gri 15 txos 20 triệu đêiv iz tuk. Mâuv tưv jông gâux (lok zos tưz muôx jês) mak gri txix 30 txos 40 triệu đêiv iz tuk. Nênhs zuôr, nênhs muôs sik thav gri, nhov gri chuôs tsi. Têx nhux, tưv tâu ,uôs nhiêv mak muôz muôs, hok têx tuk muôs tsik tâu mak tuk tsưr cux shir phaz lus chaz tror muk tsêr chiê zus nzir txos jiês ciêz tov kaz ho tror chaz tuôx muôs. Zơưv Nguyễn Xuân Lục nhoz huyện Quỳnh Lưu, tỉnh Nghệ An thiêz 2 lênhx mê nhuôs tsar yêz thâux chor tưv txix Nghệ An tuôx ntơưv no tas xar muôx 2 hnuz. Zơưv hêik:

“Jiês no cur thâux tuôx ntơưv ciêz no 30 tuk, muôx tuk muôs 50 triệu, 30 triệu, 20 triệu đêiv. Cux lav muôs xưz, tsik ntâu luôx tưs, taz sik iz jiês tuôx cux sâu tâu 10-15 triệu đêiv, yưx tas cxuô zav mak cux tâu muôx 10 triệu đêiv, iz hli 6 jiês mak sâu tâu muôx 60 triệu đêiv. Nhoz tsêr cur chuôz zis zis, txos thâuv vax tsêr muôx hâux lưv mak muôs”.

Tưz tsik zos chor nênhs uô lax luôv sâu tâu nhiêx đhâu yênhxx jiês ciêz mak muôx lok six ntâu kror tâu uô đros thiêz paz muôx tâu phênhv sâu tsik tsơưs trâu pêx xênhv nhoz tiv phaz xưk li tsar yêz mêir xa kruô, hâur lưv pâur nhiêx, muôs hnhar blêx, gruk đêx đa trâu nhux tưv thiêz têx thâuv tsênhv thoz hu têx qir nux tưv…Nhiv no, tiv ciêz đrôngs li zoz qơưx, viv li iz jiês ciêz zuôr truz ntêr txix 2-3 hnuz. Tiv chor nhux tưv hâur iz jiês ciê muôx chôngz, têx qir cux li co mak muôx ntâu đuô, phiv liv txos tênhv qơư thiêz pox nhuôs nhoz iz ndis ciêz luz nênhx. Lơưr nênhs sâu xor xưv njiê pov tâu, đros nhux tưv txix têx tỉnh txơưr đuô tuôx xưk li Nghệ An, Vĩnh Phúc…puôr lênhx tưz tâu njuôk shuôk jông. Zơưv Hoàng Minh Đạt, Chi cục trưởng Chi cục tu zus thiêz Thú y tỉnh Cao Bằng puz Pâuz:

“Viv ciêz no zos lưx lươngv saz xar hôiv hóa chiv chir yưv pênhr uo. Viv li hâux lưv qênhz yuôx chor tsiêx cxu chox tuôx hâur ciêz no cơ quan uô hâux lưv no cux tsênhv kriz uô tsik tâu tâu. Hâux lưv no zos Ban sêiz car ciêz chiv chir qênhz yuôx. Kror phiv liv zos uô chak cov cơ quan uô hâux lưv no muôx njêx muôs tsik so chiê qênhz yuôx”.

Thâuv nênhs tuôx ciêz chiê muôl muôs cux muôx, lok six chôngz nênhs tuôx chiê uô si lok sik zok zuôr têx hax huv sir zôngv, kôngz nuv. Cux tiv kror jông no mak ciêz Trà Lĩnh cux zos qơư muôx chôngz tsôngv kruô nhoz đêz jê nhiêv tux ndis shuôk. Đhâu ntâu shông, ciêz jux juk hlôngr yiêz đros luz nênhx yiêz nhiv no, taz sik tsôngv box nhoz no li siêz ndax ndênhk thiêz muôx ntâu kror xưk li thâuv ntêx zênhx zos đreiev kror uô trâu tsôngv kruô nhiêv txos./.

                                         (TTĐB-Lik Thox cxêik nhênhv)

Viv li chas pênhz phax Hà Tĩnh ruôr yênhx côngz ntâu chuyên án zax zênhz lox

   Đại tá Võ Trọng Hải, kuz chỉ huiz tsar Pênhz phax Hà Tĩnh, nhiv no zos Tsar Ban nội chính tỉnh ủy Hà Tĩnh puz pâuz, Hà Tĩnh muôx 145 cei cêr ntus đriv đros têz qơưk Lào, muôx trôngx đriv ntiêx têz Cầu Treo. No zos tiv phaz nênhs phamv cxâuv huôx tôngv ntâu, tiv zix zos nênhs muôv muôs zax zênhz, taz sik đros thiêz Bộ tư lệnh pênhz phax thiêz UB tỉnh Hà Tĩnh li chox kriê, Bộ đội pênhz phax Hà Tĩnh tưz cxiv tsa tsưr ziv krêz uô uô cê têx tsưr ziv tơưv txênhz tir tar nênhs phamv cxâuv sâuv ntus đriv. Xar uô tâu hâux lưv co, lơưr đại tá Võ trọng Hải, tsuv cxiv tsa tâu siêz njênhs cxôngx tsôngv box thiêz bộ đội pênhz phax zos lưx lươngv tsênhv tir tar nênhs phamv cxâuv:

          “Paz tsôngv box cxuôv yeiz thiv pluôk, huôv tsar kinh têr xã hôiv, uô tsêr nhoz, cơ sở cxuô zav cxôngx co tsôngv box ziv njênhs njôngr thiêz pov muôx nênhs phamv cxâuv, nênhs fêv mak pov ciês trâu lưx lươngv pênhz phax. Cxôngx xor mông tsôngv box pov, bộ đội pênhz phax tưz cxiv tsa ntâu chuyên án, viv li côngz xưv por vêv ntus đriv hâur six hơưv đhâu tâu uô jông”.

          Nênhs phamv cxâuv zax zênhz zos zav nênhs phamv cxâuv lok six riêz nênhs, tsi nyei tuôs, viv li tsuv chuv tôngv uô tsưr thax tsav; khov txos tsôngv box 2 thax tsav ntus đriv li paz max. Pov tâu hâux lưv co, bộ đội pênhz phax Hà Tĩnh tưz paz jos Thoọng Pẹ, huyện Khăm-Cợt, tỉnh Bô-li-khăm-xay têz qơưk Lào yênhx lix Tuêv côngz xưv quân y krêz uô hâux lưv paz max tsôngv box, đros tsôngv box uô, heik kriê tsôngv box cê cxiv tsa trâur nuv kinh têr cê paz seiz njuôs moz trâu tsôngv box. Zơưv Thong-sởm Ba-vi-khăm, tỉnh ủy viên, Bí thư- Chủ tịch huyện Khăm-cợt, tỉnh Bô-li-khăm-xay, Lào puz pâuz, jos Thong-pe thâuv ntêx tsôngv box luz nênhx lok six txov nhêv, nênhs fêv khênhr liv zôngv chiê thâux gra muôv muôs zax zênhz mul thax tsav txơưr. Taz sik nhiv no tâu bộ đội pênhz phax Việt Nam paz max, tsôngv box nhoz no luz nênhx tâu hlôngr yiêz, tsi mnôngs lơưr nênhs fêv lơưv, paz max nênhs fêv thiêz; txơưv luz nênhx tov kaz no tsênhv txov nhêv. Zơưv Thong-sởm Ba-vi-khăm puz pâuz:

          “Tsôngv box li yênhx tưv tsênhv kis viv li uô ntêx tsuv hlôngr yiêz tsôngv box li yênhx tưv, siêz xar thiêx li huôv tsar tâu. Li six hơưv đhâu mak bộ đội pênhz phax cux paz max ntâu, lok chênhz zênhv, lok pênhr chiê yưv uô ntâu luôk hâux lưv, taz sik tsôngv box li yênhx tưv tsênhv kis viv li tsi tâu huôv tsar ntâu”.

          Đrâuv co, Bộ đội pênhz phax Hà Tĩnh tsênhv tsưr tsix tuôv cêr fôngx zưs jông đros têx Zênhx pênhz phax Việt Nam- Lào; tsưr tsix tuôv cêr fôngx zưs jông hâur têx jêx jos nhoz ntus đriv 2 saz, viv li thôngz xor mông lok côngz xưv por vêv txiv ngaz ntus đriv cux tâu uô jông. Thiếu tá Khăm-Măn Vông-pha-chít, Zênhx pênhz phax trôngx đriv Nậm-phao Lào heik:

          “Pêz ntâus gri lok six siêz bộ đội pênhz phax trôngx đriv Cầu Treo thiêz lưx lươngv công an Lào ntơưv trôngx đriv ntiêx têz Nậm Phao li cêr sik côngv. Khov sik côngv jông mak 2 saz tưz uô jông côngz xưv mul lok lơưr cui tênhv, phuôx huiz tâu 2 lưx lươngv ntus đriv Việt Lào li hâux lưv uô; cux thôgnz đhâu hâux lưv sik côgnv huôx tôngv, qênhx shênhx txiv ngaz chinhr trị thax tsav ntus đriv 2 têz qơưk puôr lênhx taz por”.

          Chênhr khov co, lưx lươngv pênhz phax Hà Tĩnh tưz ruôr yênhx côngz ntâu chuyên án lox, lok six riêz nênhs. Tiv zix zos txuz bộ đội pênhz phax HÀ Tĩnh lov lik, sik côngv đros Cục cảnh sát qênhz yuôx nênhs phamv cxâuv lok zax zênhz (C04) Bộ công an đros têx lưx lươngv CÔng an Hà Tĩnh thiêz Hải quan Hà Tĩnh, ntês tâu Vàng-chương Bì-chơ xênhz shông 1994 nhoz jos Vàng-Ban, huyện Xay-chăm-phon, tỉnh Bô-li-khăm-xay Lào, sâu tâu 300 cir zax zênhz cxuô zav. Chuyên án co ruôr yênhx côngz zos khov muôx tsôngv box 2 thax tsav ntus đriv paz max cungz xor mông, muôz theox chênhv chiê lưx lươngv pênhz phax Hà Tĩnh ruôr yênhx côngz chuyên án, tir tar muôx chêx cuk cxôngx ntêz yênhx puôk cir zax zênhz nhiês zuôr lok Việt nam cux xưk li xa mul têz qơưk tiv 3./.

(Quốc Khánh- Txâur Vax cxeik nhênhv)