TUZ LÊNHV THIÊZ PÊX XÊNHV CÊR SHIR PHAZ NHOZ NTUS ĐRIV

Zênhx pênhz phax trôngx đriv Lóng Sập, huyện Mộc Châu, tỉnh Sơn La nhoz sâuv tox trôngz pok huôz niêz. Pax txir đuôx txir khơưz tơưs đơưz vos iz buôk ndis...Zênhx pênhz phax cux bax cxix cxuô chês pax txir đuôx, thax nduôr, nduôr blâuv...chiê nox tsiêz cux xưk li nhoz hâur zuk ziv chuôz zis.

Thiếu úy Đặng Văn Bình nhoz Quỳnh Phụ, Thái Bình jiês xuz thơưx nox tsiêz trâu zênhx pênhz phax, taz sik ho muôx pox nhuôs thiêz têx lênhx bộ đội txơưr, viv li tix lâuk chuôk li cux tsi yuô ndo luz tsiêr hâur chuôz zis. 2,3 hnuz tsiêz, iz lênhx iz hâux lưv bax cov muôx iz luz tsiêz sor si. Thiếu úy Đặng Văn Bình heik: “Đros thiêz iz lênhx bộ đội li txơưx jênhv, đros thiêz lo lul “ zênhx pênhz phax zos tsêr, ntus đriv zos têz qơưk, tsôngv box têx mênhx cxưx zos cưr tix nênhx tsa”. Cur li txơưx jênhv zos por vêv ntus đriv têz qơưk. Nox tsiêz đêz chuôz zis taz sik nhoz no muôx têx đồng đội, muôx tsôngv box têx mênhx cxưx, cur cux pov shưv jê”.

Zênhx pênhz phax trôngx đriv Lóng Sập nhoz sâuv thax tsav 3 xã, Chiềng Khừa, Chiềng Sơn thiêz Lóng Sập. Pox nhuôs nhoz no phênhv ntâu zos tsôngv box mênhx cxưx tsơưs nênhs, luz nênhx tsênhv yuôr ntâu txov nhêv. Khov muôx bộ đội pênhz phax paz max, pox nhuôs luz nênhx ziv hnuz ziv tâu hlôngr yiêz. Bộ đội yax six mul txos têx jêx jos, heik kriê pox nhuôs chos đrox chiê tu zus nhux đas, kriê tsưr ziv chos txir khơưz thiêz têx tsoz chos muôx tsiv grê kinh tế... Cxôngx shông 2012 txos nhiv no, taz viv tưz paz txưv uô pluôs nox sơưr nzor trâu têx mê nhuôs shux xênhz tsêr cơưv mê nhuôs zâu jos Buốc Pát, jos txov nhêv tiv zix nhoz xã Lóng Sập chiê cxơưz cxiz mê nhuôs mul cơưv ntơưr trơưk hnuz nhôngs. Taz viv tsênhv paz txưv uô plas tsêr trâu 14 ziv chuôz zis pluôs hâur jos. Txos tsiêz, taz viv đros têx tsưr tsix đoanx thêv huyện, tỉnh mul seiz nus thiêz khơưk muôz 500 phênhv huv trâu têx chuôz zis tâu sơưv cêr chei, nênhs tsi muôx qơư khov vav, ziv chuôz zis txov nhêv nhoz qơư taz viv nhoz. Tix lâuk Vì Văn Tâm, tsôngv box jos Bó Sặp puz pâuz: “Shông tưs jos cux uô vênhx ziv đros bộ đội pênhz phax trôngx đriv. Jos cux zâuv bộ đội đros pox nhuôs nox tsiêz. Bộ đội cux zâuv têx tsưr tsix đoanx thêv hlôngr njêx muôl tuôx đros bộ đội nox tsiêz”.

Đros trâu luôs hâux lưv paz tsôngv box huôv tsar kinh tế, bộ đội pênhz phax trôngx đriv Lóng Sập tsênhv đros cấp ủy, chinhr quyênx tiv phaz vênhv tôngv tsôngv box cxaz chuôz por vêv ntus đriv, yênhx lix tuêv txiv ngaz chiv chir coar lik, por vêv cêr đriv têz. Shông 2016, thax tsav zênhx pênhz phax sêiz car muôx 65 ziv chuôz zis nhoz 12 jos ntus đriv cxaz chuôz cir ntơưr por vêv ntus đriv. Luz hlik tưs cux đros bộ đội pênhz phax tsưr tsix têx jiês mul qênhz yuôx ntus đriv. Thiếu tá Đào Mạnh Tưởng, chính trị viên zênhx pênhz phax Lóng Sập puz pâuz: “Hâur six hơưv no pêz đros tsưr tsix khơưk muôz huv trâu pox nhuôs chiê pox nhuôs shir phaz nox tsiêz. Pêz tsưr tsix têx tuêv côngz xưv mul thax tsav uô jênhv vưv. Tiv iz zos pâuz tâu qênhx shênhx taz por txiv ngaz chiê pox nhuôs nox tsiêz, tiv 2 zos đros pox nhuôs nox tsiêz chiê siz jê đuô, pâuz thiêz pheiz kênh đros pox nhuôs, chuôz cxaz cêr niêv côngv siêz jông tuz lênhv thiêz tsôngv pêx xênhv”.

Tưz txos cheix ntux yiêz. Nhoz ntơưv no, tuz lênhv thiêz pêx xênhv ziv hnuz ziv sik côngv siêz jông chiê tsưx phưv truôx ntus đriv pêz têz qơưk./.

( Lường Hạnh- Txâur Vax cxeik nhênhv)

Mox poz gra cêr shir phaz trâu têx tuz nxêik hluôk

Thâuv sêiz pov têx pax txir đuôx, txir khơưz thiêz pax đrox vax hmaz tơưs nja iêz, chuôs li tưz cxươz cxiz cxuô lênhx uô niêv uô txir bax tsôngk trik yo trâu têx tuz nxêik chiê hnar nthuôr uô cêr lov jêv hâur luz tsiêz 30. Iz chas bax cxuô tsôngk trik yo jông jav, têx nxêik cux shâuv xơưk poz chiê tâu por ntuôr uô cêr lov jêv hâur luz tpax tsiêz.

Por poz zos pêz hêir nênhs Hmôngz têx txux chi, cêr nênhx vênhx huôv jông tưz muôx thâuv nzor thiêz muôx đros đrêiv hâur luz nênhx; kriz nthuôr uô cêr lov jêv trâu têx hnuz tsiêz 30 thiêz têx hnuz kriz ntênhk hội, hnuz muôx liv lox hâur têz qơưk; lar haik mal hâur luz tsiaz Hmôngz chaix ntux yiaz tis tror lok txos. Njia luz poz cux tsik luôx tưs, taz sik luz poz tâu xơưk đros trâu muôx ntâu cêr chia siaz ntơưv cxuô lênhx tuz nxaik hluôk Hmôngz hâur luz pax tsiaz 30.

Têx tuz nxaik hluôs, thâuv tưs vav njôngr txos trâu têx hnuz tsiêz chia tâu tuôx siz chuôs, sik njiz. Viv luz chaix ntux yiaz, zos chaix nhôngs chia têx hluôs tuz hluôs nxaik siz nriar, xair txix xêir gơưv. Ntux yiaz lol, mox poz gra têx cêr shir phaz, cêr sor siaz đros trâu lo lul siz tênhv thiaz siz ndo.

Por poz cux chênhr zos pêz hêir Hmôngz têx txux chi, cêr nênhx vênhx huôv jông thiêz gra ntâu cêr shir phaz trâu cxuô lênhx tuz nxêik hluôk hâur chêix ntux yiêz lok tsiêz 30 txos; lar hêik txos đuô zos đhâu iz luz pax tsiêz, tưz muôx chôngz lênhx ntâu tus tuz nxêik hluôk siz sâu lok uô nênhx, yênhx txix yênhx gơưv puôr lênhx zos xêir đhâu luz mox poz.

“Tso cêr hluz trâu hâur poz no

Nriar tus ndo saiz puôk zuôr tuôx

Thâuv tưz tuôx puôk zuôr txaik

Cur lênhx nxaik no luz mox poz

Zos txaik cxoz uô cur poz pôngz

Moz gâux hmôngz xơưk têx nyuô siaz

Hâur luz siaz tsênhv nriar tus hluz

Cov cêr hluz muôx mul iz siv”.

Chêix ntux yiaz lol muôx ntux no njiv đros trâu têx cêr hluz, cêr yuô yuô thiaz têx suôz kênhx, suôz trax, suôz cưr cxiax đror lav lus trâu cxuô jêx jos tox siêz, chuôs li cxươz cxiz cxuô lênhx tuz hluôk nhoz cxuô qơư tuôx côngv cêr lov jêv tok luz shông yiêz./.

                            (Tsu cxêik nhênhv-Và Lia, CTV CQTT Tây Bắc)