Pêx xênhv Lai Châu tso siêz uô jênhv vưv cêv kuôk

Qơư cêv kuôk tsêr cơưv Quân sự tỉnh Lai Châu nhoz kuôk tsênhv qơư hành chính, chính trị tỉnh Lai Châu xar muôx 5 cêik cêr, sâuv iz luz trôngz siêz thiêz tsik nhoz jê têx qơư pêx xênhv nhoz. Txos nhiv no, ntơưv no tưz txêik tok xar muôx 300 lênhx nênhs njiz, nhoz jê nênhs mo tiv 133. Chor nênhs tuôx cêv kuôk ntơưv no mak tâu chiê nox, nhoz hâur chor tsêr cxiv uô truôx jông, muôx 10 lênhx nênhs nhoz hâur iz qar.

Hâur qar tsêr đar muôx 40 thiêr ndis, zơưv Trần Quang Vinh tuôx txix xar San Thàng, thành phố Lai Châu puz pâuz: nhiv no, zơưv qar muôx 6 luz txax oz yôngx chiê trâu 12 lênhx nênhs nhoz pư. Ciês thâuv tuôx nhoz ntơưv no, zơưv thiêz sơưr đơưk tâu lưx lươngv y têr yax kriê tsưr ziv phax, tar caz moz, njuôk shuôk đas jos thiêz muôz cxuô zav sir zôngv lơưr cui tênhv li: xaz phongx, fuôv nzuôr muôs, ntơưr vê xênhz…yênhx hnuz chor qar nhoz puôr lênhx tâu tsuôs yuôx tuô lov caz moz; cxuô lênhx nênhs tâu njuôk shuôk đas jos 2 jiês thiêz tâu cán bộ uô jâuz mor nox gra tuôx ciês trâu zuk nox:

“Tuôx ntơưv no chiê cêv kuôk mak Đảng, têz qơưk cux tsov cưv txos, tiv iz zos xênhz huôx, tiv oz zos qơư nox, nhoz. Cur lok six thôngx ziv đros chor chiến sĩ phưx vưv hâur qơư cêv kuôk, lơưr cxơưx trâu zuk lok six jông. Lok njuôk shuôk đas nos mak txos nhiv no cux tuôx njuôk shuôk, txos hmo ntux mak ho sêiz nus, nriêr pâuz lok sơưr đơưk chiê sêz puôk muôx moz li chak. Lok six va tiêk cxuô lênhx nênhs nhoz hâur kror qơư no mak tsuv chox đêiv bos kror ndâux chiê phax tar caz moz”.

Cux xưk li zơưv Vinh, niêv tix Vũ Thị Quế nhoz phường Đông Phong, thành phố Lai Châu zos nênhs njiz tâu tiv iz thâuv tuk txir zos cá bộ điều dường  chơưv kho trâu nênhs moz tiv 133. Txos nhiv no, niêv tix Quế tuk txir tsênhv tâu cêv kuôk ntơưv tsêr kho moz Đa khoa tỉnh thiêz tưz tâu tso nyar muk njuôk shuôk moz.

Lơưr niêv tix Quế, nhoz ntơưv no mak cux muôx cxix cxuô, paz trâu sơưr đơưk tso siêz nhoz cêv kuôk. Yênhx hnuz thâuv sơưr nzor thiêz hmo ntux niêv tix đros sơưr đơưk muk tơư hâur thax qơư no, thâuv muk mak chox đêiv bos kror ndâux, tsik nhoz siz jê hênhr chiê por vê đas jos:

“Tas nro cur chuôz zis tsênhv cêv kuôk ntơưv tsênhv qơư. Tuôx ntơưv no mak cur pov cxuô kror tsik xưk li nhoz zuk tsêr. Taz sik pêz puôr lênhx uô truôx jông lơưr cui tênhv tưz kruôz kriê. Sơưr đơưk cux jông siêz xưz”.

Txơưv tsênhv yuôr ntâu phiv liv tiv zos iz luz tỉnh pluôs, taz sik đros sir jos hâur côngz xưv phax, tar caz moz Covid-19, tỉnh Lai Châu tsênhv sir jos chiê tir tar caz moz. Hâur co, têx qơư cêv kuôk tưz tâu tsov cưv txos lok vax tsêr cxuô zav, paz trâu chor nênhs tuôx cêv kuôk tso siêz chiê uô jông phax, tar caz moz./.

                                         (Khắc Kiên-Lik Thox cxêik nhênhv)

5 kror jông lênhx nênhs trâul moz tso jik kaz jiz tsuv

uô hâur cheix ntux sor

Nữ: Moz tso jik kaz jiz zos qir tiv uô tuôs nênhs sơưr tiv 4 sâuv ntiêx têz, viv no zos iz hâur têx moz muôx ntâu txơưr txar phiv liv thiêz uô tsi jông txos têx sâur lênhs, plơưr, kror muôs, trâuv....

Chênhr viv li, tsuv uô đreiv têx li đrav kaz, lar heik zos hâur cheix ntux sor chiê muôx đas jos jông, tsi trâul huôv uô moz lox tiv moz tso jik kaz jiz:

1. Nam: Hâuk ntâu đêx: Hâur cheix ntux sor, lênhx nênhs khênhr tơưv hưk, têx đêx hâur đros chêr khênhr tas ntâu, thâuv co zov chênhr đuô zos tsuv cxaz nzir đêx trâu luz đros chêr. Zos hâuk tsi txâuk đêx zuôr uô lênhx tiz nênhs luz chêr muôx tsi txâuk đêx, txơưv tiêk no zos têx lênhx nênhs nhoz khax kha, tsi muôx moz. Zos lênhx nênhs trâul moz tso jik kaz jiz shơư trâu iz cxiê zav moz txơưr đuô li: Moz plaz cêv...., mak ziv zuôr riêz nênhs đuô. Lar heik lênhx nênhs moz tsuv hâuk 2-3 lir đêx iz hnuz. Lênhx nênhs moz muôx têx hâuk nzir têx cuô đêx txir ntông hlôngr trâu đêx nyiêz, đêx yuôx zêx zos iz hâur têx zav đêx jông trâu nênhs moz hâuk.

2. Nữ: Tsi hâuk têx đêx kaz jiz muôx gas, chơưr thiêz zênhz gaz ntơưr lok zos zênhz nzêik: Lênhx nênhs trâul moz tso jik kaz jiz tsi yuô muôx đas jos phax tir têx moz uz no, thâuv hâuk têx đêx kaz jiz, đêx txiêk zuôr uô trâu zôngx ziv trâul moz ka, moz têx hlaz siêz hlaz njưk. Iz chas ntơư, sir zôngv chơưr lok sik zênhz gaz ntơưr, lênhx nênhs moz tso jik kaz jiz ziv njiz trâul têx tsi jông lol đas jos, viv têx cồn hâur chơưr bia lok sik têx tsơưr cxiz li nicotin hâur zênhz gaz ntơưr puôr lênhx uô tsi jông txos nênhs moz luz đros chêr, uô trâu lênhx nênhs moz ziv tsi muôx đas jos phax tir têx moz gênhs hâur cheix ntux sor.

Nhạc cắt

3. Nam: Nhoz hâur tsêr-Tsi muk tir yar cuz: Lênhx nênhs moz tsuv nhoz hâur tsêr, nhoz ntơưv têx qơư lax, nzôngr nzông, jông đuô hur si zos tsi tơưv trâu saz đrâuv jôngr txix thâuv 11 six tar su txos 3 six zar hnuz kêix. Viv lênhx nênhs moz tso jik kaz jiz lok six zôngx ziv njiz trâul têx tsi jông li: Tir yar cuz mak lênhx nênhs moz têx tơưr grêix zôngx ziv trâul uô xuô, lar heik zos thâuv nhoz thiêz tir yar cuz ntêr.

Zos muôx hâux lưv zov chênhr tsuv muk đrâuv jôngr trâu thâuv luz six hơưv co, mak sđ tsuv hnar têx tsôngk tril yo ntuôz, cưr câuk..., tsi chiê têx grêix tir yar.

4. Nữ: Qênhz yuôx shuôs kror muôs tsi so: Phênhv ntâu têx lênhx nênhs trâul moz tso jik kaz jiz thâuv trâul moz lox khênhr uô tsi jông txos kror muôs. Hâur cheix ntux sor khênhr cuz sor, nông ntâu, lênhx nênhs moz tso jik kaz jiz zôngx ziv trâul moz têx moz lok kror muôs, uô trâu kror muôs tsi yuô pov cêr, muôx têx uô đis muôs zos trâul moz tso jik kaz jiz hnhar. Jông đuô hur si tsuv qênhz njuôk shuôs kror muôs tsơưs tsơưs iz jiês iz shông, zos trâul moz tso jik kaz jiz ntêr shông mak tsuv seiz njuôk shuôs kror muôs tsi so, 3 luz hlik iz jâuk.

5. Nam: Tuôr truôx tuk têx thax hâur luz đros chêr: Lênhx nênhs moz tso jik kaz jiz tuôr tâu truôx tuk têx thax hâur đros chêr zos kror zov chênhr đuô hur si. Tsuv hâuk yuôx tsi so trơưk li têx cưk yuôx heik kriê. Đros thiêz lênhx nênhs moz tso jik kaz jiz tsuv tâu heik cov cxax yuôx insulin, mak tsuv taz por cxax txâuk yuôx, trơưk li cui tinhv thiêz zos chor yuôx cxax trâu lênhx nênhs moz tso jik kaz jiz....../.

(Thu Thùy-Riê Lâux cxeik, nhênhv)