Tiền Giang: Sir jos cov muôx txâuk đêx xênhz huôx hâur chêix ntux kruôr trâu pêx xênhv

Huyện cù lao Tân Phú Đông-nhoz luz đraz zar đrav kaz đêx Tiền, tỉnh Tiền Giang, muôx đêx hiêr iz ndis, chor đêx hur xênhz huôx trâu pêx xênhv mak nhiv no zos kror lok six tsuv muôx. Ntu jê lok no, khov tỉnh Tiền Giang lôngx đhok car đêx đros iz hnuz tso xar muôx 10.000 yiv thôngx đêx txix thax tsav nhoz huyện Gò Công Tây hla đhâu đêx Tiền trâu thax tsav cù lao no; thôngx cxix pêx xênhv cux sir jos chus tsês têx đêx nas, viv li pir li chor shông uô ntêx mak đêx xênhz huôx hâur chêix ntux kruôr no tưz tsik yuô njiz trâus têx phiv liv ntâu lơưv. Pos Nguyễn Thị Lan zos iz lênhx nênhs nhoz xar Phú Tân, huyện Tân Phú Đông cxiv uô tâu kror đêx chiê chus đêx nas tsês chiê tâu zôngv hêik:

“Uô ntêx thâuv tsik tâu muôs kror đêx mak cur njiz ntâu kror phiv liv, tsuv muk zuôr cxuô zav lok chus đêx nas lok sik muk thor đêx lok zôngv…. Thâuv muôx kror đêx lơưv mak lok six zôngx ziv trâu zuk sir zôngv lơưv”.

Lơưr zơưv Nguyễn Văn Hải, Trưởng phongx Kôngz nuv-Huôv tsar jêx jok huyện Tân Phú Đông, txos nhiv no, pêx xênhv nhoz cù lao Tân Phú Đông tsênhv muôx txâuk đêx chiê sir zôngv. Têx qơư nhoz đêz car đêx mak huyện uô 10 kror qơư cungz đêx công côngv phưx vưv tsik tas nhiêx txiêx trâu pêx xênhv:

“Nhiv tsênhv muôx đêx hiêr cxênhv ntâu hênhr taz sik chor đêx hur chiê sir zôngv mak shông no cux tsik njiz phiv liv ntâu. Huyện cux tưz kriz uô 10 kror qơư zôngv đêx tsik tas nhiêx txiêx trâu pêx xênhv. Cux zênhx tsês chiêz thiêz, taz sik zos muôx tsik txâuk mak ho tuôx gra đêx lok zôngv. Hêik cxuô mak đêx xênhz huôx shông no cux muôx txâuk chiê sir zôngv”.

Công ty trách nhiệm hữu hạn cungz đêx Tiền Giang zos qơư uô chênhr hâur hâux lưv cungz đêx hur xênhz huôx trâu pêx xênhv tỉnh Tiền Giang. Txos six hơưv no, công ty sêiz car, tso đêx truôx tuk txix oz luz tsêr mêir xưv lik đêx lox ntơưv xar Bình Đức, huyện Châu Thành thiêz phường 1, thành phố Mỹ Tho; 11/11 huyện, thị puôr lênhx muôx trạm xưv lik đêx, 108 trạm cungz đêx xênhz huôx jêx jok trâu 220 cxênhz lênhx nênhs sir zôngv. Zơưv Huỳnh Công Dũng, Chủ tịch Hôiv đồng quản trị Công ty trách nhiệm hữu hạn cungz đêx Tiền Giang puz pâuz:

“Pêz tưz bax iz cxiê tsưr ziv chiê tir tar đêx hiêr cxênhv. Uô ntêx ciês ntơưv thành phố Mỹ Tho, têx thâuv đêx hiêr cxênhv ntâu, tsêr mêir huôx tôngv tsik tâu, pêz zuôr tso zôngv têx đêx txix 6 luz kror đêx dưv phax. Phuôx huiz tsêr mêir ntơưv xar Bình Đức, tso đêx txix đêx Sáu Hầu phưx vưv trâu pêx xênhv ciêz đrôngs Mỹ Tho thiêz tso đêx trâu thax tsav faz Đông”.

Txos six hơưv no, chuôs li chor qơư cungz đêx puôr lênhx tâu uô jông; taz viv sêiz car, tso đêx ntơưv têx qơư no cux sir jos uô tso đêx trâu sơưr đơưk sir zôngv. Nhoz têx thax tsav qơư phiv liv, pêx xênhv tưz uô ntâuz ntơưr thor tso chêi chiê khơưz têx kror đêx toz cov muôx txâuk đêx trâu chuôz zis thiêz ntơưv qơư sir zôngv, ntâu ziv chuôz zis tsênhv bax hâur tsêr têx mêir xưv lik đêx chiê muôx tâu đêx hur sir zôngv hâur chuôz zis. Tix lâus Nguyễn Văn Mo, nhoz xar Bình Phan, huyện Chợ Gạo puz pâuz:

“Luz xar nox khơưz muôx 100 ntâu luz kror đêx, lênhx tưs khơưz cux muôx đêx hur si. Cur khơưz tas muôx oz pêz châuv triệu đêiv. Cur chiê gruk đêx tsik so, thâuv tưs cux muôx đêx. Cur sir zôngv chiê uô jâuz mor nox tsik so, viv muôx mêir liv đêx lơưv viv li đêx cux nyiêz hênhr”.

Tsuv hêik tiêk, muôx cxuô nganhx, cxuô cấp paz đros trâu pêx xênhv têx sir jos viv li đêx phưx vưv trâu pêx xênhv, doanh nghiệp hâur chêix ntux kruôr no nhoz tỉnh Tiền Giang tưz tâu bax jông, gri chor đêx hur cux tsik ndê. Cxuô kror hâux lưv, luz nênhx nox nhoz sâuv thax tsav qơư cux tâu uô jông li kuz txơưv tiêk nhiv no yar ntux tsênhv lok six cuz sor./.

(TTĐBSCL-Lik Thox cxêik nhênhv)

Lò Văn Cường-Lênhx hluôk nênhs moz siêz lus xar tsưr ziv tsiv uô tâu ntâu zav meir, chuôz zênhx jông phưx vưv tsôngv px Sơn La uô kôngz

Heik txos chuôz zis luz meir ntâuk blêx mê, niêv lâuk Tòng Thị Hoa nhoz jok Hua Ít, thị trấn Ít Ong, huyện Mường La heik shir phaz hlo. Thâuv ntêx thâuv tsi tâu muôx luz meir no, 360 xưv phaz blêx liêx, niêv lâuk chuôz zis tsuv muôx 2-3 lênhs ntâuk têk, ntâuk yênhx tas hnuz thiêx tas, lok six phiv liv thiêz pôngz ntâu six hơưv, hnuz nhôngs.

Txix shông 2018, thâuv zuôr tâu luz meir ntâuk blêx no lok meir cê ntâuk, cê nzuôx, cê zax zos Lò Văn Cường xar tsưr ziv tsiv uô, lêis sâu ntâuk iz chiv blêx, chuôz zis tưz tsi ndo cxơưx, lok six zôngx ziv, viv tsuôk gra meir muk txos liêx, sâu cưr têx blêx lok tso trâu hâur meir xưz, đhâu ntơư muôz hnaz chus chor blêx jông, blêx pur tưz tsi muôx bluôs, uô khâuz li ntâuk têk. Chuôz zis iz cxênhz ntâu xưv phaz liêx lêis sâu, ntâuk nhos iz luz six hơưv tưz uô tas. Lar heik thiêz shir phaz đuô zos iz luz meir ntâuk blêx li no, muôs hâur ciêz đrôngs 20 tsov đeiv, taz sik chor meir mê ntâuk blêx zos Lò Văn Cường uô mak muôs 3,5 tsov đeiv xưz. Gri fênhx zis, zôngx ziv thâux gra muk lol, luz meir ntâuk blêx no 2, 3 shông tror lok nor tưz yênhx iz kro jông paz trâu niêv lâuk chuôz zis thiêz ntâu ziv chuôz zis px nhoz Ít Ong thâuv txos cheix blêx siêr:

“Thâuv zôngv luz meir no lok six zôngx ziv, viv meir ntâuk lol six sei thiêz tsi pôngz ntâu six hơưv nzuôx, zax têx bluôs, khâuz....., ntâuk tas txơưv zơưv tso trâu hâur hnaz, thâux lok tsêr xưz”.

Đros Lò Văn Cường muk seiz Cường qơư tsiv uô têx meir, tsênhz tiês zos chuôz zis qar tsêr kruô, pov muôx ntâu zav chuôz zênhx uz no tso chuôs tsi ntơưv têx. Cường heik: Đhâu thâuv cơưv tas ntơưr cxênhx 3, hlôngr viv tưr thik mul cơưv trâu têx tsêr cơưv Đại học, Cường tưz đas cir muk uô tuz lênhv công an. Shông 2016, Cường muk uô tuz lênhv tror lok, đros trâu siêz nhiêv xar tsiv uô têx meir uz no, thiêz seiz njiê pov tsôngv px hâur jok khưr uô liêx têz tir yar tir nas njuôr lok six txov nhêv, têx kôngz uô sâu tsi tâu nju, Cường tưz xar tsưr ziv tsiv uô cxuô zav meir phưx vưv uô kôngz, paz txo grêk tsơưs nhiêx txiêx, six hơưv, hnuz nhôngs thiêz côngk đas jos khưr uô liêx têz trâu px:

“Thâuv xuz thơưx uô, cur njiz trâul lok six ntâu phiv liv, tiv iz zos lok nhiêx txiêx, 2 zos nhiv kruôr uô viv li chuôz zis tsi yuô jông siêz, thôngx ziv, meir mak khênhr muôz hlê muk hlê lok, hlê tas ho tror đhok trâu, muôx meir yiêz zos trâul tsi jông cux tsuv muôz tso tsês, viv li njiz ntâu phiv liv cơưk thiêz tas ntâu nhiêx txiêx”.

Chiê muôx chuôz zênhx phưx vưv tsiv uô thiêz đhok têx meir, iz chas cxênhx txuôs nhiêx txiêx, Cường tưz kêr txeik tsêr nhiêx 100 tsov đeiv chiê zuôr têx meir hav, meir yâu, meir txiêr kuôr hlâu..... Đhâu iz ntuk sir jos zok nriêr, xar tsưr ziv uô, Cường tưz xar tơưv, tsiv uô tâu yênhx côngz ntâu zav chuôz zênhx jông li: Meir ntâuk blêx; meir phênhz têx txir khơưz; meir jov poz cưk, uô krâur trâu têx tsiêx cxu nox......

“Cxuô zav meir uz no hâur ciêz đrôngs tsi yuô fiv đros px nhoz no li luz nênhx tsênhv tsênhz hâur niêx hnuz, viv li cur xar tsưr ziv chiê tsiv uô, đhok têx meir li heik sâuv. Thâuv tsênhv xar tsưr ziv tsiv uô , đhok luz meir no, zuk tưz xar tâu tsưr ziv kho, hlôngr uô luz meir tov, viv li hâur six hơưv đhâu, cur tưz uô tâu lok six ntâu cxuô zav meir”.

Thôngz sâu 3 shông ntâu đhâu, Cường tưz muôs tâu 300 ntâu luz meir cxuô zav; iz luz meir puôr lênhx muôs tus gri fênhx zis đuô têx meir hâur ciêz đrôngs txix 5 tsov txos 10 tơưv tsov đeiv.

Car xar, car uô, uô ntêx nyuôs hâur cxuô luôs hâux lưv hâur ntu têz qơưk hlôngr yiêz, uô tâu têx xiv huv jông trâu côngv thôngx, Lò Văn Cường zos iz tsov iêr chi cax hâur chor hluôk nênhs Sơn La sir jos xar tơưv tsưr ziv jông huôv tsar tsiv uô têx chuôz zênhx, meir uz no phưx vưv luz nênhx, xênhz huôx, zos lênhx uô ntêx nyuôs hâur phôngz yaox “Hluôk nênhs xar tơưv txux chi tsưr ziv jông”./.

(Trấn Long-Riê Lâux cxeik, nhênhv)