Têx pox niêv công nhân tênhx qơư nhoz Sơn La li hâux lưv uô tsi tâu ntâu lênhx nênhs pâuz txos taz sik lok sik muôx ziz njiêz

“Pêz li hâux lưv mak tsi xav six hơưv, riêz nênhs...Cur tsuv njuôs xav cov huv đros hâux lưv hâur chuôz zis taz sik taz por hâux lưv uô. Uô li chas cov têx txox cêr mak pêz phưv txơưx thâuv tưs cux hur đu-njuôz jông”.

          Zuôr xar 20 shông uô hâux lưv qêz cêr, tuôr jông vêv xênhz tênhx qơư, niêv lâuk Tòng Thị Yên- công nhân xí nghiệp tênhx qơư đô thị nhoz Công ty cổ phần tênhx qơưx thiêz jix vuv đô thị Sơn La li têx luk heik co phênhv tưs cux heik tơưv tâu cxuô pox niêv đros uô hâux lưv no li hâux lưv uô. Uô tsi muôx six hơưv, cux muôx têx kiês nênhs, muôx tưx uô hiêv txos đas jos – lơưr têx pox niêv heik lok zuk li hâux lưv uô mak tsênhz mênhx zos li ntơưv. Viv hnuz tưs cux cxôngx 3 six 30 phênhz thâuv ntux tsi tâu pov cêr mul uô hâux lưv, 12 six 45 tar su txos 3 six 30 phênhz zar hnuz keix, 6 six tsâus ntux uô txos 11 six 30 phênhz, lơưr tsuv uô hâux lưv lơưr tsưr ziv pheiz côngz. Niêv lâuk Yên li tuêv muôx 7 lênhx pox niêv, phưv txơưx 4 cei cêr sâuv niêv cêr lox. Chiê tênhx qơư hur đu, fênhx pheiz iz hnuz, iz lênhx tsuv mul qêz suô muôx nhos 18-20 yêz têx vuôz tsuôz kiês nênhs. Lơưr niêv lâuk Phạm Thị Quyên, iz lênhx pox niêv công nhân txơưr nhoz hâur xí nghiệp: Khưr li ntơư, taz sik tưz uô mak tsuv muôx txơưx jênhv thiêz moz siêz uô zuk li hâux lưv. Xí nghiệp muôx 100 cán bộ, công nhân viên mak lox tôngv zos pox niêv tsav 80%. Taz sik pêz lênhx tưs cux tôngv vênhx sik đros sir jos uô, njuôs xav hâux lưv âhur tsêr chiê uô tiêr jông hâux lưv tâu choz:

          “ Uô hâux lưv no cur pov công ty cux lok six tsov cưv txos tsoz phưz luz nênhx trâu pêz. Pov ziv hnuz ziv nhiêv zuk hâux lưv uô đuô. Têx phêv liv, têx cêr khưr hâur côngz xưv no zuk cux sir jos hla đhâu. Pov cêr hur đu-njuôz jông cux jông siêz”.

          Giám đốc xí nghiệp tênhx qơư đô thị Sơn La, niêv lâuk Đàm Thị Thanh Thơm thâuv ntêx cux uô công nhân qêz suô cêr, suô têx vuôz tsuôz kiês nênhs, niêv lâuk puz pâuz: Côngz xưv no tsuv moz siêz uô, tsuv muôx txơưx jênhv, tsi li mak lax uô tâu. Xí nghiệp nhiv no phưv txơưx côngz xưv vêv xênhz tênhx qơư 40 ntâu cei cêr, nhoz 32 txox cêr sâuv thax tsav đrôngs Sơn La thiêz tuôr jông vêv xênhz jêx jos nhoz 7 phường, xã, tas nro ntêr 80 ntâu cei cêr, chungz fênhx sâu tâu muôx nhos 50-65 tênhr têx vuôz tsuôz kiês nênhs iz hnuz. Taz viv tưz pheiz côngz lox tôngv chiê muôz siêz txơưx jênhv, cux xưk li iz lênhx công nhân chiv chir uô zuk li hâux lưv. Zos taz viv muôx phênhv ntâu nênhs lox tôngv zos pox niêv viv li hâux lưv tsov cưv, tsoz phưz luz nênhx, chinhz yênhx, tôngv vênhx pox niêv khưx phưx têx phêv liv tâu xí nghiệp lok sik tsov cưv, đros qơư tsov txos zos chiê lơưr truôx siêz uô hâux lưv, tsuv muôx txơưx jênhv đros zuk li hâux lưv uô:

          “ Côngz xưv pheiz têx zav vuôz tsuôz kiês nênhs, pêz tsênhv cxiv tsa tsưr ziv, pox niêv zos lênhx nênhs tsênhv uô côngz xưv yax mông vênhv tôngv tsôngv box. Đros nênhs lox tôngv li luz nênhx, cux xưk li lox tôngv zos pox niêv, pêz zuôr tsov cưv ntâu đuô thiêz. Thiêz cux zuôr muôx têx tsaz yênhx chiê têx pox niêv lox tôngv tâu uô si, cux xưk li sir jos chuôz tsar uô lox tôngv xênhz yar”.

          Cxôngx shông 2018, xí nghiệp tênhx qơư đô thị Sơn La tưz krêz đar thax tsav qêz suô têx vuôz tsuôz kiês nênhs. Hâux lưv chuôz ndê, taz sik viv lơưr seiz shuôk têx txox cêr, lênhx nênhs huv đros tưz chox lok chêx cuk tsênhv tsênhz hâur lox tôngv tsiv uô thiêz muôx ziz njiêz xã hội lox. Côngz xưv qêz suô, thâux têx vuôz tsuôz kiês nênhs thâuv tưs cux uô tâu jông, tsi chiê tênhx qơư trâus kiês nênhs; tsôngv box li siêz xar por têx vuôz tsuôz kiês nênhs trơưk qơư cui tênhv, tuôr jông vêv xênhz tênhx qơư cux tâu muôz siêz. Pos Tạ Thị An, tsôngv box nhoz tuêv 9, phường Quyết Thắng, đrôngs Sơn La heik:

          “ Muôx yêz sâu têx vuôz tsuôz kiês nênhs, muôx lênhx nênhs tuôx sâu ciês hâur cxuô ziv, pêz pov lơưr lok six jông siêz gra têx vuôz tsuôz kiês nênhs por trâu sâuv yêz, pêz lok six jông siêz”.

          Sir jos tuôr jông vêv xênhz tênhx qơư hur đu- njuôz jông, têx pox niêv công nhân tênhx qơư li hâux lưv uô txơưv tsi tâu ntâu lênhx nênhs tsov cưv ntâu txos taz sik lok six muôx ziz njiêz./.

(Bích Thủy- Txâur Vax cxeik nhênhv)

Quảng Ninh: Huôv tsar du lịch truôx đrênhk ntus đêx hiêr

Đầu Rồng piz txix pêx xênhv li thôngx ziv

Piz txix tsôngv kruô li zoz qơưx du lịch ntơưv qơư đa đêx hiêr Đầu Rồng ziv hnuz ziv chuôz ndê, ntâu ziv chuôz zis ntơưv xar poz hiêr Cái chiên tưz chiv chir cxiv uô yênhx châuv luz tsêr tsik zos chêi thiêz têx tsêr tax lav uô chiê kinh doanh têx dịch vụ du lịch. Tưz tsik zos tsik ngaz tuk lok phax, tar tơưs cuz, vêv xênhz ngaz tuk zav nox, têx phiv liv, tsik jông nhoz no tsênhv uô trâu tsôngv kruô tsik nhiêv thâuv tuôx txos trâu kror qơư no. Cux xưk li ntâu qơư du lịch txơưr đuô, hâux lưv cêir chêx têx qơưk kinh doanh  chiv chir uô ntơưv qơư đa đêx Đầu Rồng cux tsik zôngx ziv uô, tiv zix zos cik txos pêx xênhv li cêr uô nênhx. Taz sik li hâur têx hnuz no, têx chuôz zis chiv chir kinh doanh ntơưv qơư đa đêx Đầu Rồng tưz chiv chir ruôr por tsês têx tsêr tax, tsêr thêir vor lav uô cov tsik zos chêi co chiê paz muôx tâu iz kror qơư jông li kuz trâu qơư đa đêx no. Niêv tix Lê Thị Hiệp, iz ziv chuôz zis kinh doanh ntơưv ntus đêx hiêr Đầu Rồng hêik:

“Pox nhuôs cux uô lơưr têz qơưk têx cêr chêi, cux zos tiêk huôv tsar du lịch lơưr saz tưs mak pox nhuôs zuôr uô trơưk têx co chiê phưx vưv trâu tsôngv kruô jông đuô”

Chiê pêx xênhv xar poz hiêr Cái Chiên thôngx ziv, chiv chir ruôr por tsês têx qơư kinh doanh lav uô co, chính quyền txix huyện txos xar nhoz Hải Hà tưz sir jos kriz uô côngz xưv yax kriê, hêik pâuz jông thiêz thôngx ziv đros trâu cêir chêx jông tiv zix lơưr pêx xênhv li siêz xar. Zơưv Nguyễn Văn Pẩu, Bí thư Đảng ủy xar Cái Chiên, huyện Hải Hà, tỉnh Quảng Ninh puz pâuz:

“Xar yax kriê hêik trâu pox nhuôs pâuz tâu thiêz thôngx ziv, uô ntêx pêz phêiz tsênhz mênhx txơưx jênhv lênhx tưs zos nênhs hêik, hêik li chak thiêz lênhx tưs zos nênhs cungz têx xor mông, thôngx cxix thôngx ziv têx tsênhv njiêz chiê yax kriê, txar jav tễ xkror li lênhx nênhs no hêik tsik tâu zos, nênhs tor hêik tsik ndax uô trâu pox nhuôs cux xar tsik thôngz…”

Thâuv pêx xênhv tưz pâuz tsênhz thiêz thôngx ziv, thâuv chính quyền tưz paz tsar tov jông tiv zix huv đros pêx xênhv siêz mak têx phiv liv, tsik jông muôx yưv ntơưv tiv phaz cux zuôr tâu cêir chêx mak tsik thav sir zôngv txos têx tsưr ziv tsuv uô ntov xưk li kruôz zuôv, ruôr têx qơư uô cxâuv chêi. Zơưv Trần Đức Dũng, Phưv chủ tịch UBND huyện Hải Hà, tỉnh Quảng Ninh khav tênhv:

“Khov lơưr ntâuk gri lok du lịch ntơưv xar poz hiêr Cái Chiên, đros thiêz muôx tỉnh Quảng Ninh li chox kriê, huyện Hải Hà tưz tsêx tsung kriz uô. Tiv iz tsuv uô jông hâux lưv cêv kuôk thiêz sêiz car cêv kuôk. Tiv oz zos zaz zâuv tâu chor nênhs yưv pênhr chiê yưv pênhr trâu têx hâux lưv no. Tiv pêz zos paz tsar tov trâu pêx xênhv tâu kinh doanh têx hâux lưv thiêz têx kror huv đros trâu tsưr ziv uô kinh têr ziv chuôz zis”.

Hêik đros uô, chính quyền huyện Hải Hà tsênhv sêi đrơưv kriz uô têx tsưr ziv chiê tsưr tsix trâu pêx xênhv tsov qơư kinh doanh dịch vụ nox hâuk ntơưv qơư tưz tâu cêv kuôk, taz por muôx qơư jông trâu du lịch, huv đros tsưr ziv huôv tsar du lịch nhoz tiv phaz. Huyện Hải Hà jênhv paz cxuô tsar tov chiê pêx xênhv uô kinh doanh uô ntêx hâur chêix so sor 2019. Đros cính quyền huyện Hải Hà li tsưr ziv uô jông thiêz pêx xênhv tiv phaz li thôngx ziv, xar poz hiêr Cái Chiên hêik cxuô thiêz qơư đa đêx Đầu Rồng hêik taz ziv hnuz zuôr ziv jông đuô, vav mênhx đuô, zos yênhx kror qơư jông tâu tsôngv kruô nhiêv tuôx ndis shuôk, uô si./.

(TTĐB-Lik Thox cxêik nhênhv)