Jax sâu thưr 6.1.9.2017:

Shông cơưv yiêz 2017-2018: Bax jông cxuô zav khưx phưx qênhx shênhx muôx tsi txâuk lok sik sênhv cưk kriê ntơưr

          Ntơưv tỉnh Nghệ An, shông cơưv 2017-2018, tas nro tỉnh muôx zuôr xar 1600 luz tsêr cơưv ntơưr thiêz qơư zaoz zux, đros tas nro zuôr xar 700 cxênhz lênhx shux xênhz cxuô cấp. Nhiv no, tas nro tỉnh tsênhv yuôr 1.400 ntâu qar cơưv lav uô thiêz kêr cơưv; hâur co chor tsêr kriê mê nhuôs zâu tsav zuôr xar 750 qar. Chiê bax cxuô zav trâu shông cơưv yiêz 2017-2018, cxôngx hâur hlik hli 6, Sở zaoz xux thiêz thox cxov Nghệ An tưz seiz car tas nro têx tsêr cơưv, lớp cơưv trâus puôk tsuôx chiê cxiv kho đuô, tiv zix zos têx xã tox siêz đêz đrôngl. Tiv trâus zênhr shar viv 2,3 coz nas chuôz nhiv kruôr đhâu, viv li hâux lưv cxiv kho đuô qar cơưv nhoz iz cxiê tsêr cơưv tox siêz uô kênhz đuô pir đros tsưr ziv tso tơưv. Zơưv Nguyễn Trọng Hoàn, Phưv chánh văn phòng Sở zaoz zux thiêz thox cxov tỉnh Nghệ An puz pâuz:

          “ Thâuv têx shux xênhz so ntơưr, têx taz viv tsêr cơưv tưz qir krêz uô côngz xưv cxiv tsa yiêz cux xưk li kho đuô tsêr cơưv. Txos nhiv no, đhâu qênhz yuôx nhoz iz cxiê taz viv tsêr cơưv sâuv thax tsav tas nro tỉnh, lok côngz xưv kho đuô cux muôx iz cxiê côngz tsinhx uô tiêr, pêz zuôr tror cxơưz tiês uô chiê hnuz xiêz 5/9 thâuv tas nro têz qơưk krêz shông cơưv yiêz tas nro têx taz viv tsêr cơưv tâu cxiv yiêz thiêz kho đuô tâu uô tiêr chiê tos shux xênhz lol shông cơưv yiêz”.

          Ntơưv tỉnh Hà Giang, shông cơưv 2017-2018, chiê car chêx qênhx shênhx muôx tsi txâuk cưk kriê ntơưr cxênhx mê nhuôs zâu, Sở zaoz zux thiêz thox cxov tỉnh tưz tror thox cxov đuô trâu cưk kriê cxênhx 1, cxênhx 2 nhoz têx tsêr cơưv muôx sênhv cưk kriê chiê tso lol kriê cxênhx mê nhuôs zâu; Têx huyện, thành phố sir jos krêz uô côngz xưv kriê cxaz yênhx tưv, muôz siêz tsưr ziv, txux chi kriê cươv ntươr, cxaz nzir têx yênhx tưv yiêz phưx vưv trâu côngz xưv kriê ntơưr trâu têx cưk kriê têx cấp cơưv. Shông cơưv 2017-2018, tas nro tỉnh muôx 853 luz tsêr cơưv thiêz têx qơư zaoz zux. Tas nro shux xênhz zos 230 cxênhz lênhx, chuôz ndê zuôr xar 9000 lênhx pir li shông cơưv 2016-2017. Zơưv Vũ Văn Sử, Giám đốc Sở zaoz zux thiêz thox cxov tỉnh Hà Giang puz pâuz:

          “ Têx phongx zaoz zux tưz seiz car heik UB huyện tso têx cưk kriê cxôngx têx qơư muôx chôngz mul têx qơư muôx tsi txâuk. Pir li hôx thôngx đros iz cxiê cưk kriê tsênhv tsi tâu muôx txâuk phênhv ntâu zos cưk kriê mê nhuôs zâu hôx thôngx lơưr cơ chế chinhr phuv tso tơưv. Sở tưz tsưr tsix têx jiês kriê cxaz trâu cưk kriê têx môn zos 13 cxênhz jiês. Txos six hơưv no, tas nro têx côngz xưv bax trâu shông cơưv yiêz tưz tâu uô jông”.

          Tưz txos shông cươv yiêz, taz sik hâur six hơưv đhâu têx tỉnh tox siêz faz Bắc muôx ntux lol nas lox, uô đêx cuôr yôngz, ruôr hiêv hnhar lok lênhx nênhs thiêz chuôz zênhx chuôz tas. Ntâu tsêr cơưv, lớp cơưv trâus puôk tsuôx, ntâu chuôz zênhx kriê ntơưr trâus puôk tsuôx tas. Chiê cưk kriê thiêz shux xênhz nzor ngaz tul huôx tôngv kriê thiêz cơưv ntơưr bax trâu shông cơưv yiêz, Công đoàn zaoz zux VN tưz muôx ntâuz ntơưr hêik trâu cxuô Sở zaoz zux thiêz thox cxov vênhv tôngv canr bộ nhân viên têx chiz coaz, đoanx thêv gôngr paz nhiêx txiêx, ntơưr, chuôz zênhx cơưv ntơưr trâu shux xênhz thax tsav trâus đêx nas uô ruôr hiêv. Zơưv Nguyễn Ngọc Ân, phưv chủ tịch công đoàn zaoz zux Việt Nam puz pâuz:

          “ Công đoàn zaoz zux Việt Nam muôz cxôngx cuiv công đoàn 135,5 tsov đeiv đros têx taz viv txơưr mul txos ciês têx tsêr cơưv trâus ruôr hiêv chiê paz txưv. Pêz hu grus têx lênhx nênhs jông siêz muôx têx tsaz yênhx paz txưv trâu têx tsêr cơưv no”.

          Đros thiêz chinhz yênhx chuv tôngv, sir jos, nganhx zaoz zux thiêz thox cxov têx tiv phaz tsênhv bax jông cxuô zav trâu shông cơưv yiêz 2017-2018. No zos iz luôs haux lưv cxươz cxiz cxuô lênhx cưk kriê ntươr thiêz shux xênhz sir jos kriê jông, cươv jông trâu shông cơưv yiêz./.

( TTT-Txâur Vax cxeik nhênhv)

Phênhv thưr 6, hnuz xiêz 01/9/2017

PHÊNHV PIÊR KRIÊ TSÊNHV CHEI TÊZ QƠƯK

UBND tỉnh Sơn La Quyết tinhv tso tơưv tsưr ziv, hâux lưv lok cxiv cxiv tsa xã jêx jok yiêz tỉnh Sơn La, ntu 2017-2020.

(Tiếp theo)

18.Lok luôs hâux lưv chính trị thiêz buôk ti chei têz qơưk.

a/Tsênhv njiêz:

-Canr bôv, công chức xã uô tâu hâux lưv jông trơưk chei, cui tinhv têz qơưk. Ntơư uô tâu trơưk luôs hâux lưv tso tơưv.

-Muôx txâuk têx tsưr tsix hâur luôs hâux lưv chính trị trơưk cui tinhv: Zos uô tâu.

-Đảng bộ, hâu nov xã uô tâu luôs hâux lưv "hur jông, truôx vênhk".

-Tsưr tsix chính trị-XH hâur xã uô tâu hâux lưv jông tror zar sâuv zos tâu 100%.

-Xã tâu buôk ti txos têx chei têz qơưk lơưr cui tinhv.

-Taz por pox niêv txir nênhx vax huôv siz luôs thiêz phax tar ntâuk tsiv chuôz zis; por hưv thiêz paz max têx lênhx nênhs zôngx ziv trâus moz hâur chuôz zis thiêz XH.

b/Muôx vax huôv fuô kriê thiêz ntâuk grê: Zos Sở Nội vụ, Sở Tư pháp, Sở lox tôngv xaz pênhz thiêz XH.

19.Lok Côx phax thiêz txiv ngaz:

a/Tsênhv njiêz:

-Cxiv tsa lưv lươngv jênh quân "truôx trâu cxuô qơư" thiêz uô tiêr têx tsưr ziv, hâux lưv Côx phax.

-Xã uô tâu hâux lưv lok sâuv txiv ngaz, ngaz tuk XH thiêz taz por truôx tuk:Tsi muôx siz pênhr cov ntêr thiêz chôngz nênhs; tsi chiê muôx yưv têx txuz plâuz lox; nênhs uô cxâuv chei têz qơưk, uô tsi truôx tuk XH li: Nhiês zuôr muôs uô luôv zax zênhz, uô tuz saz tuz nhiês, tưr txiêx zuôv por, muôx zênhk zax zênhz tâu txo grêk tsơưs tsi so pir li têx shông uô ntêx.

b/Muôx vax huôv fuô kriê thiêz ntâuk grê: Zos Bộ sêiz Quân sự tỉnh; Bộ chỉ huy Bôv đôiv pênhz phax tỉnh; Công an tỉnh.

Tsôngv box....! Pêz nhiv kruôr xa txos sơưr đơưk mnôngs lok sâuv UBND tỉnh Sơn La li tas nro tsênhv njiêz Quyết tinhv tso tơưv têx tsưr ziv, hâux lưv lok xã jêx jok yiêz tỉnh Sơn La, ntu 2017-2020. Quyết tinhv no qir uô lơưr xav txix hnuz cir ntơưr, lok zos tsênhz đuô txix hnuz 30/5/2017 thiêz hlôngr trâu UBND tỉnh Quyết tinhv số 2187 hnuz xiêz 06/9/2010 lok luôs hâux lưv tso tơưv tsưr ziv, hâux lưv lok jêx jok yiêz tỉnh Sơn La, Quyết tinhv số 1797 hnuz 21/8/2013, kho đuô têx tsưr ziv, hâux lưv co li 5 tsưr ziv lok cxiv tsa jêx jok yiêz tỉnh Sơn La tso tơưv đros trâu Quyết tinhv số 2187 hnuz xiêz 06/9/2010./.

                                        (Thu Thùy-Riê Lâux cxeik, nhênhv)