TP Buôn Ma Thuột, tỉnh Đắc Lắc: Gra siêz txux chi trâu têx lớp kriê ntâuk đruôl tôngx nxêz tôngx

Đhâu iz ntuk tax nduô tsês chiê uô lơưr kuôk cêv XH, taz por truôx tuk phax tar moz Covid-9, têx hnuz no, suôz đruôl tôngx nxêz tôngx ho tror hnor đror lov jêv ntưk hâur luz tsêr côngv thôngx jok K’Bu, xã Hòa Khánh, TP Buôn Ma Thuột, tỉnh Đắc Lắc. Txơưv nhiv kruôr siz zâuv tuôx shâuv cơưv ntâuk đruôl tôngx nxêz tôngx hâur 2, 3 hnuz xưz, tưz ho trâul nduô tsês viv muôx moz huôv xênhz phiv liv, taz sik chor tuz nxeik hluôk, nhuôs zâu têx suôz đruôl tôngx nxêz tôngx cux ntâuk tâu jông, đror siz luôs. Hoàng Bảo Long Niê, nhoz jok K’Bu, xã Hòa Khánh heik pâuz, pêz tâu lơưr chor hloz txơưx ntâuk đruôl tôngx nxêz tôngx kriê iz kro jux juk đros trâu pêz têx tsưr ziv, siêz nhiêv uô têx txux chi no thiêz, viv li cux cơưv shâuv tâu zôngx ziv đuô:

“Cur lok six shir phaz thauav pov chor fôngx zưs ntâuk đruôl tôngx nxêz tôngx, cur cux nhiêv ntâuk thiêz. Seiz chor fôngx zưs ntâuk mak cur cux ntâuk đros. Cur tưz ntâuk tâu 2 jax lơưv, cưk kriê kriê cur ntâuk, cux zôngx ziv xưz”.

Lớp shâuv cơưv ntâuk đruôl tôngx nxêz tôngx tâu krêz txix thâuv iz đraz luz cheix ntux sor shông no lok, ntơưv jok K’Bu muôx 30 lênhx tuz nxeik hluôk, nhuôs zâu nhoz têx jok hâur xã Hòa Khánh tuôx cơưv, hâur co muôx nhos 10 lênhx zos chor nxeik. Viv cơưv hâur cheix so sor, chor tuz nxeik, nhuôs zâu muôx six hơưv, hnuz nhôngs cơưv đuô, lơưr muôx têx cê cơưv têx tsưr ziv, cê buôk ti cơưv shâuv ntâuk hâur niêx hnuz. Txơưv tiêk nhiv kruôr cơưv tsi tâu tâu ntêr taz sik chor tuz nxeik, nhuôs zâu lok six nhiêv thiêz moz siêz cơưv ntâuk đruôl tôngx nxêz tôngx. Lò Thị Thùy Dung K Buôr, nhoz jok K’Bu, xã Hòa Khánh, TP Buôn Ma Thuột heik:

“Shông no cur nhiv kruôr tâu cơưv ntâuk đruôl tôngx nxêz tôngx, viv li thâuv tâu xeir muk cơưv mak cur lok six jông siêz thiêz shir phaz. Cur nhiêv cơưv ntâuk đruôl tôngx nxêz tôngx cơưk, mnôngs têx đruôl tôngx nxêz tôngx đror mak lol six jông. Cur ntâuk siv 2, 3 tês cux ntâuk tâu viv li txir hloz xeir zuôr cur cơưv”.

Y Klêc K’đoh, lênhx buôk ti kriê txux chi tsưr ziv ntâuk đuôl tôngx nxêz tôngx ntơưv  jok K’Bu heik, chiê bax trâu luôs hâux lưv kriê têx txux chi trâu chor tuz nxeik, nhuôs zâu ntâuk đruôl tôngx nxêz tôngx, uô ntêx ntơư zơưv tưz tâu cơưv nzir têx txux chi tsưr ziv yuôr trâul lok sâuv kriê trâu luôs lưv tus tsưr ziv ntâuk đruôl tôngx nxêz tôngx.  Đros trâu têx li heik co, chor hloz thiêz hâu nov ntơưv qơư cux sir jos đros moz siêz txos, muôz jông six hơưv thiêz paz max têx chuôz zênhx uz no chiê uô tâu luôs hâux lưv sâuv trơưk tsưr ziv, lar heik  zos đhâu thâuv tas six hơưv, hnuz nhôngs kuôk cêv XH.

“Pêz tưz cơưv lớp kriê têx txux chi lok sâuv kriê tsưr ziv ntâuk nênhs Êđê têx đruôl tôngx nxêz tôngx, hmôngr jông nhiv no tâu Đảng, têz qơưk moz siêz txos chiê kriê đuô têx txux chi ntơư trâu chor tuz nxeik hluôk, nhuôs zâu cxênhx tov kaz no, cov lơưr tror pâuz, nhiêv txos thiêz đros por hưv, tuôr chiê nênhs Êđê têx txux chi ntâuk đruôl tôngx nxêz tôngx. Chênhr viv li pêz tưz cơưv tâu đhâu ntâu tiêv lok, mak cux zuôr sir jos kriê têx txux chi co trâu tuz nhuôs cov tâu jông”.

Trơưk li pos Phạm Thị Hải bình, Phưv Giám đốc Tsênhv qơư Vênhx huôv Thêv thao thiêz ju lix TP Buôn Ma Thuột, hâur ntâu shông đhâu, Tsênhv qơư Vênhx huôv Thêv thao thiêz ju lix TP Buôn Ma Thuột tsi so muôx têx lớp kriê ntâuk đruôl tôngx nxêz tôngx trâu tuz nxeik hluôk, nhuôs zâu.

“Hâur hli 6/2020 nhiv kruôr đhâu no, mak pêz tưz krêz iz lớp kriê ntâuk đruôl tôngx nxêz tôngx trâu 12 lênhx nênhs tưz txơưx ntâuk têx đruôl tôngx nxêz tôngx, hâur co muôx 8 lênhx nhoz hâur xã Ea Kao thiêz 4 lênhx nhoz xã Hòa Khánh. Chiê tuôr tâu tsês đreiv têx txux chi jông mak chor nênhs heik sâuv tưz tâu cơưv hâur iz ntuk tsi ntêr li heik tas ntơư, txix co têx lênhx tâu muk cơưv đhâu lok, zuôr kriê đuô têx txux chi tsưr ziv tưz cơưv đhâu ntơư trâu chor tuz nxeik hâur jok”.

Txix têx lớp kriê thiêz cơưv cxaz li no, ntâu lênhx txơưx ntâuk đruôl tôngx nxêz tôngx tưz tâu buôk ti đros têx txux chi kriê tsưr ziv trâu lưv tus đros cơưv shâuv, uô trơưk. Đhâu ntơư, zuôr zôngx ziv đuô hâur luôs hâux lưv kriê têx txux chi sâuv trâu têx lênhx xar cơưv thiêz nhiêv cơưv ntâuk đruôl tôngx nxêz tôngx. No tâu vav chiê siêz tiêk, zuôr zos têx lênhx uô ntêx nyuôs hâur kriê têx txux chi tsưr ziv trâu chor tuz nxeik hluôk, nhuôs zâu nhoz têx jêx jok, paz jông trâu por hưv, tuôr tsês côngv thôngx, zuk heir nênhs têx txux chi ntâuk đruôl tôngx nxêz tôngx tsi chiê pôngz plox./.

(TTTN-Riê Lâux cxeik, nhênhv)