Nênhs tuôr chiê hêir nênhs Pa Dí li têx vênhx huôv jông

Xênhz zus hâur iz chuôz zis khưr uô kôngz nuv nhoz jok Chúng Chải B, thị trấn Mường Khương, txix thâuv zâu, zuk mênhx cxưx têx suôz gâux, tsôngv yo jông tưz nhoz đrêiv thiêz uô trâu lênhx hluôk nxêik Pờ Chin Dín nhiêv hâur đruôz siêz. Thâuv muôx 11 shông, piz cơưv shâuv xơưk hêir nênhs Pa Dí têx tsôngk tiêz, tsôngk trik yo, txos nhiv no, pos Dín zos iz hâur tsơưs lênhx nênhs hâur côngv thôngx hêir nênhs Pa Dí nhoz Mường Khương pâuz uô zuk mênhx cxưx lu têx tsôngv trik yo cxôngx nzor.

Hêir nênhs Pa Dí li têx tsôngk yo muôx ntâu zav jông txơưr li têk yo, luz yo, tơư tiêz, sêr, lok sik xơưk têx pax ntâuz cov jông gâux sâuv chêr tsôngk yo…taz sik luz câuk mov thiêx zos kror jông tiv zix đros muôx 8 zav ntâuz chox lok xơưk uô cê, viv li xơưk uô câuk mov mak tas ntâu six hơưv đuô thiêz lax uô đuô hur si. Cxuô kror puôr lênhx tâu pos Dín uô jông uô đros siêz nhiêv thiêz sir jos tiv zix. Nghệ nhân Pờ Chin Dín hêik: “Cxênhx hluôk nhiv no mak tsơưs pâuz ntâuk trax, hu gâux thiêz uô zuk mênhx cxưx têx tsôngk yo, têx thâuv mak luk hêik cux pôngz plox jux juk. Viv li, cur tsik so xar tiêk zuk tsênhv yuôr đas jos mak zuôr sir jos kruôz kriê hêir nênhs Pa Dí li têx vênhx huôv cxôngx nzor”.

Nghệ nhân Pờ Chin Dín tsênhv sir jos cxaz chuôz trâu hâux lưv tuôr chiê suôz gâux Pa Dí. 12 shông pâuz hu gâux, hla trâu luz hnuz nhôngs 61 pos cux tsik so muk hu gâux. Tsuôk lênhx tưs xar mnôngs pos ntâuk trax, hu gâux mak pos ntâuk thiêz hu ciês. Fênhx six li co, pos suôz trax thiêz suôz gâux cux tsênhv hnuz hmo tâu đror xưk li hlôngr trâu chrr hluôk tuz, hluôk nxêik Pa Dí siêz xar. Hêir nênhs Pa Dí suôz sênhr hu gâux mak tsuôk muôx iz zav sênhr xưz. Têx suôz gâux no tâu pos sâu đuô luk hêik yiêz khov lơưr têx suôz luk hêik kuz thâuv nzor. Pos cxaz chuôz ntâu jiês thik tưr txix cấp xar, cấp huyện, tỉnh cux xưk li Trung ương thiêz tax tâu ntâu giải siêz.

Chiê paz tuôr chiê hêir nênhs Pa Dí li têx tsiv gri vênhx huôv jông, pos Dín tsik so xar tiêk uô chak chiê kriê tâu têx co trâu cxênhx hluôk, viv pos pâuz đuô lênhx tưs hur si, tsưr ziv uô tsôngv yo thiêz hu gâux Pa Dí zos txix luk hêik, tuôr têk kriê, viv li zos tsik tâu cơưv shâuv, kruôz kriê thiêz uô tsik so mak zuôr trâus pôngz plox. Viv li, pos Dín cux tsênhv yênhx hnuz kruôz kriê tsưr ziv uô têx tsôngv yo cxôngx nzor, thôngx cxix kriê trax, hu gâux trâu pêx xênhv, cxênhx hluôk hâur jok, hâur huyện./.

(KT-Lik Thox cxêik nhênhv)