Yên Bái taz por truôx tuk vêv xênhz zav nox hâur tsêr cơuv ntơưr

Tsêr cơưv Phưv thôngz mênhx cxưx chêx chôngz lok zos tsêr cơưv Phổ thông Dân tộc nội trú cxênhx 3 tỉnh Yên Bái iz hnuz uô 1.200 ntâu suất mor nox trâu 400 ntâu lênhx shux xênhz. Chiê têx pluôk nox trâu shux xênhz co thâuv tưs cux taz por truôx tuk, nox cxix cxuô têx jâuz mor, uô ntêx shông cơưv, hur tiz si chor canr bôv, nênhs uô jâuz uô mor nox tưz tâu cơưv cxaz têx txux chi tsưr ziv taz por truôx tuk zav nox; têx chuôz zênhx, tưx têik phưx vưv uô jâuz mor nox tâu zuôr cxaz nzir. Tsêr cơưv cux cir ntơưr chos luk taz por truôx tuk vêv xênhz zav nox đros 7 qơư côngz têx zav nox, jâuz mor trâu tsêr cơưv. Thâuv lênhk txeik têx jâuz, zav nox, zos qênhz pov têx txơưr txar li chas, puôr lênhx tâu qơư uô jâuz mor hâur tsêr cơưv heik trâu chor thơưx seiz car tsêr cơưv pâuz, hlôngr têx jâuz mor, zav nox txix uô têx jâuz mor bax tsês chiê, taz por truôx tuk. Pos Trần Thị Lộc, tus thơưx seiz car chor uô jâuz mor nox, tsêr cơưv Phổ thông dân tộc nội trú cxênhx 3 tỉnh Yên Bái heik pâuz:

“Thâuv zuôr thiêz lênhk txeik têx zav nox, pêz zuôr xeir têx jâuz yiêz, nhôngk, iz zav li njêl mak zuôr chor njêl tsênhv chiêx, tsi zuôr njêl tuôs; hok grêix mak pêz seiz njiê, zuôr têx zav grêix yiêz, tsi tsư nxiêz ntơư lok uô trâu shux xênhz nox. Thâuv uô pêz uô trơưk 3 cui tinhv txix lênhk nhav têx jâuz grêix gra lok uô, uô tâu kênh iz kro mê njik têx jâuz mor co tsês tax txos thâuv chor shux xênhz nox tas, zos tsi pov uô li chas, pêz mav chiê li”.

Ntơưv tsêr cơưv cxênhx nhuôs zâu Bông Sen, chiê 400 ntâu lênhx shux xênhz nox nhoz hâur tsêr cơưv, niêv txir zus mor thiêz cưk kriê muôx pluôk nox tsơưr lươngv, truôx tuk, tsêr cơưv tưz uô jông trơưk cui tinhv tsi chiê têx zav nox nhôngk thiêz siêr tso uô cê..... Pos Vũ Thị Hương Giang, thơưx seiz car tsêr cơưv cxênhx nhuôs zâu Bông Sen heik:

“Txix lênhk txeik têx zav nox txos trâu tsiv uô, uô tâu siêr....pêz puôr lênhx uô trơưk iz cui tinhv. Hux jos đros shux xênhz niêv txir uô jông hâux lưv qênhz yuôx, seiz kaz tsi so. Lar heik, lok sâuv côngz zav nox zos tsi taz por tsơưr lươngv, tsi huv gri mak pêz tror muôz trâu lênhx nênhs  muôs thiêz tsi zuôr lơưr têx zav nox ntơư....”.

Shông cơưv 2020-2021, tas nro tỉnh Yên Bái muôx zuôr xar 217 cxênhz lênhx shux xênhz, hâur co muôx nhos 100 cxênhz lênhx shux xênhz nox txix 1-3 pluôk mor iz hnuz hâur tsêr cơưv.

Zơưv Đào Anh Tuấn, Phưv Giám đốc Sở Zoz zux tỉnh Yên Bái heik pâuz, iz chas ngênhx têx tsưr ziv li: Têx hux thôngx côngz zav nox trâu chor qơư uô jâuz mor nox tsuv cir ntơưr chos luk taz por zav nox truôx tuk; qơư uô têx jâuz mor tsuv hur si; chor nênhs uô mor nox hâur têx tsêr cơưv tâu cơưv shâuv cxaz lok taz por vêv xênhz truôx tuk zav nox, ngênhx tưz đros ngênhx Y tế qênhz yuôx tsi so chiê zênhx max qênhz pov, đơưk uô têx tsi jông uô zav nox tsi truôx tuk. Iz chas ntơư, muôx tsưr ziv chơưv paz zênhx max zos pov muôx kâus tưx chôngz nênhs hâur tsêr cơưv

“Ntơưv jiês cơưv fuô uô têx luôs hâux lưv hâur shông cơưv tưz heik hur tiz si chor tsêr cơưv tsuv hux thôngx côngz zav nox trâu qơư uô jâuz uô mor nox; heik cov qênhz yuôx shuôs jông têx zav nox; têx qơư uô jâuz mor tsuv kênh tsês iz kro mê njik chor jâuz mor uô tâu siêr hâur niêx hnuz trơưk cui tinhv; taz por qơư tsiv uô jâuz mor, qơư nox hâuk thiêz khơưk chor jâuz mor kênh tsês nhiêk tso nhiêk iz kro. Hux jos đros cơ quan y tế ntơưv qơư bax têx tsưr ziv đơưk uô têx tsi jông thâuv muôx lênhx nênhs trâul kâus tưx”.

Nhiv no hâux lưv taz por truôx tuk lol vêv xênhz zav nox trâu shux xênhz, cưk kriê ntơưr thiêz chor nênhs uô hâux lưv hâur ngênhx zoz zux nhoz Yên Bái cux njiz trâul ntâu phiv liv li: 100% têx tsêr cơưv uô jâuz mor nox trâu shux xênhz puôr lênhx tsuôk muôx têx ntâuk grê lok tsơưr lươngv zav nox txix seiz njiê têx zav nox viv li phênhv ntâu tsuv njênhs trâu chor nênhs côngz têx zav nox co. Đros trâu chor tsêr cơưv nhoz tox siêz đêz đrôngs, ho muôx tsi txâuk, tsi cxuô têx zav nox yiêz, muôx tsi cxix chiê uô jâuz mor nox trơưk li cui tinhv, ntâu tsêr cơưv tsi tâu muôx đêx hur zôngv lơưr cui tinhv; cơ quan lês car uô đreiv têx nuv li heik co hâur hâux lưv qênhz yuôx chiê zênhx max qênhz pov têx tsi jông, tsik chiê muôx yưv têx tsik jông hâur cxuô luz tsêr cơưv uô jâuz mor trâu shuv xênhz nox./.

                          (Thừa Xuân-Riê Lâux cxeik, nhênhv)

Tsưx phưv truôx thax tsav ntus đriv nhoz Huổi Luông

          Txox cêr nkhâuk lêv muk lok đhâu yênhx châuv luz trôngz chos ntâu tsơưz, pêz thiêx muk txos luz jos Pô Tô, nhoz xã ntus đriv Huổi Luông, huyện Phong Thổ (Lai Châu). Tsôngv box Hà Nhì li têx luz tsêr zôngv ar puôz, vor grênhz thâuv ntêx nhiv no tưz tâu hlôngr yênhx têx luz tsêr tâu cxiv uô truôx tul. Jêx jos njuôz jông, hur đu, thâuv tsôngv box tsênhv bax cxuô zav chiê tos jênhv bê xã nôngx cxênhz yiêz xuz thơưx nhoz ntus đriv tỉnh Lai Châu.

          Zơưv Du Xênhv Zax, Bí thư Chi bộ, cux zos tsar jos Pô Tô pheiz kênh: Thâuv ntêx pox nhuôs hâur jos luz nênhx lok six txov nhêv, chor ziv chuôz zis muôx txâuk nox tsuôk suôr tâu sâuv ntir tês. Têx ziv chuôz zis li phênhv sâu phênhv ntâu khov txos têx mênhv chêx têz chos kok ntông thiêz muk zok har jôngr. Pov ar muôx ntâu taz sik pox nhuôs tsênhv six fênhx yeiz pluôs, cán bộ pênhz phax tưz tuôx ntơưv jos vênhv tôngv pox nhuôs chos tsơưz thiêz tu zus iz cxiê trâur nuv li: zus nhux, zus yik...viv li txos nhiv no tas nro jêx jos tsuôk yuôr 5/106 ziv chuôz zis pluôs.

          “Bộ đội pênhz phax tuôx apz pox nhuôs hâur jos, kriê jông tsưr ziv tsêz chos. Nhiv no têx chuôz zis puôr lênhx muôx kinh têr ngaz tul, yênhx trus huôv tsar. Nhiv no têx chuôz zis puôr lênhx muôx yêz muk lok, thâux têx xiv huv, hax huv uô tâu. Lok six xar njôngr tâu têx bộ đội pênhz phax li paz max, chiê ntu zuôr txos tsôngv box huôv tsar kinh têr truôx vênhs đuô thiêz”.

          Thâuv cán bộ, chiến sĩ Zênhx pênhz phax Huổi Luông cxiv tsa trâur nuv chos tsơưz chiê tsôngv box tuôx ndis shuôk, cơưv shâuv, pox nhuôs tsênhv tsi tâu njênhs lok chêx cuk kinh têr sâu tâu cxôngx chos tsơưz. Thâuv trâur nuv chos tsơưz xuz thơưx tsuôk đhâu 2,3 luz hlik tưz sâu tâu, pox nhuôs thiêx li qir njênhs njôngr uô lơưr. Cxôngx trâur nuv mê, nhiv no tsơưz tưz yênhx tsoz chos tsênhv nhoz hâur xã, đros mênhv chêx ndê txos zuôr xar 1000 hecta.

          Thiếu úy Phan Thành Nam, Tuêv tsar tuêv vênhv tôngv tsôngv box, Zênhx pênhz phax Huổi Luông pheiz kênh: hâux lưv tsênhv hâur Zênhx pênhz phax Huổi Luông li côngz xưv vênhv tôngv tsôngv box zos yax mông, paz tsôngv box hlôngr yiêz tsoz chos, tsiêx tu zus huv đros qiv hơưv, ar têz cux xưk li phongz cxưx nhoz tiv phaz. Cxôngx co tưz uô hlôngr yiêz jông tsôngv box li siêz xar, phênhv ntâu pox nhuôs chiv chir txơưx sir jos hâur uô lox tôngv xênhz yar chiê hla đhâu cêr pluôs truôx vênhs, chuôz cxaz siêz njênhs njôngr txos Đảng, têz qơưk thiêz bộ đội pênhz phax.

          “Pêz yax six pheiz côngz lênhx nênhs hâur tuêv muk seiz shuôk thax tsav, nriêr pâuz pox nhuôs li qênhx shênhx tsiv uô, huôv tsar kinh têr. Đrâuv co tsênhv yã six sik thav, nriêr pâuz têx qir tiv yênhx ziv chuôz zis tsênhv six fênhx pluôs chiê muôx tsưr ziv car chêx thiêz thix ziv; heik trâu cấp ủy, chính quyênx tiv phaz, vênhv tôngv tsôngv box hlôngr yiêz tsoz chos, tsiêx tu zus huv đros. Txos nhiv no chor ziv chuôz zis pluôs sâuv thax tsav tưz txu grês tuôr tsơưs đuô 20%. Co zos iz hâur têx ploz tsênhr coaz tsôngv chiê xã Huổi Luông tax nôngx cxênhz yiêz”.

          Nhoz sâuv thax tsav đar, đros muôx 21 jêx jos, zuôr xar 1 cxênhz 500 ziv chuôz zis tsôngv box, 4 mênhx cxưx sik đros nhoz uô nênhx thiêz coar lik zuôr xar 13,2 cei cêr ntus đriv, hâur co muôx ntâu txox mêr cêr, tsuôk zuôr muk iz truôv tơư cux hla đhâu tâu muk têz qơưk txơưr. Viv li, Zênhx pênhz phax Huổi Luông tưz chuôz tsar iz cán bộ muk xã heik đảng bộ, chính quyênx tiv phaz hlôngr yiêz cxix luôk chính trị ntơưv qơư. Cxôngx co yax mông, paz tsôngv box muôz siêz jênhv pâuz lok taz por côx phax- txiv ngaz ntus đriv. Tiv zix, côngz xưv vênhv tôngv tsôngv box huôv tsar kinh têr, cxuôv yeiz thiv pluôs thâuv tưs cux tâu lưx lươngv pênhz phax tsov cưv, đros têx trâur nuv chos tsơưz, chos poz cưk txuôv, tu zus nhux đas txuôv lok sik buô sha nhuôs....

          Trung tá Lê Văn Quyết, Zênhx tsar Zênhx pênhz phax Huổi Luông, huyện Phong Thổ, tỉnh Lai Châu puz pâuz: Nhiv no têx trâur nuv paz tsôngv box huôv tsar kinh têr tưz tâu krêz uô đêz đar hâur tas nro xã. Tiv zix, trâur nuv chos tsơưz uô hax huv tưz car chêx tâu ntâu vênhv thix trâu pox nhuôs li cxuôv yeiz thiv pluôs thiêz muôz hâux lưv uô trâu tsôngv box tiv phaz. Taz viv tsênhv tror krêz uô tsưr ziv heik tsôngv box krêz đar mênhv chêx chos poz cưk txuôv, tu zus buô, nhux sha nhuôs chiê paz tsôngv box huôv tsar kinh têr, cxuôv yeiz thiv pluôs, yênhx trus hlôngr yiêz luz nênhx chinhz yênhx:

          “Cxaz chuôz hlôngr yiêz cxix luôk chính trị, huôv tsar KTXH nhoz thax tsav ntus đriv zos jênhv vưv lok six coaz tsôngv. Hâur ntu zuôr txos, Đảng ủy, Ban chỉ huiz Zênhx pênhz phax Huổi Luông zuôr tror sik côngv đros cấp ủy, chính quyênx tiv phaz, krêz uô têx tsưr ziv chiê uô muôx chêx cuk têx trâur nuv huôv tsar KTXH; paz tsôngv box cxuôv yeiz thiv pluôs mak taz viv tưz thiêz tsênhv krêz uô”.

          Cxôngx têx lênhx bộ đội pênhz phax li têx luôk hâux lưv uô tâu tsênhv tsênhz, tsôngv box sâuv thax tsav xã ntus đriv Huổi Luông li luz nênhx kinh têr tâu muôz siêz tsênhz mênhx. Cxuô cêr muk lok cxôngx tsênhv qơư xã txos têx jêx jos tâu nquôr bê tông, tiv zix zos chor ziv chuôz zis pluôs hâur xã tưz txu grês tsơưs đuô 20%. Tsôngv box thax tsav ntus đriv tưz muôx siêz xar jông đuô hâur uô trơưk Đảng li chủ trương, cêr chei, têz qơưk li phuôx lix thiêz tiv phaz li têx cui tênhv, chiê đhâu co cxiv tsa ntus đriv huôv tsar lok kinh têr thiêz ngaz tul lok chính trị./.

(Khắc Kiên-Txâur Vax cxeik nhênhv)