Jax sâu hnuz thưr 5.10.3.2016:

TÊX LÊNHX NÊNHS POR VÊV NTUS ĐRIV LAI CHÂU

          Lơưr tsuôk zos têx lênhx nênhs nôngx mênhx fênhx yax nhoz ntus đriv faz Bắc. Taz sik, nhoz sâuv têz qơưk tox siêz no, nus tsôngv box hâur jos lênhx tưs cux pâuz txos têx lênhx nôngx mênhx no thiêz heik “ xar nriêr lơưr mak mul nriêr pêv ntus đriv”. Pâuz tâu, pêz tâus cêr mul nriêr têx lênhx nênhs co. Đhâu iz hnuz cê mul yêz meir, cê mul tơư, pêz tưz tuôx txos huỵên ntus đriv Phong Thổ.

          Tix lâuk nôngx mênhx Lý A Sa, mênhx cxưx Hà Nhì, nhoz jos Tỷ Phùng, xã Ma Ly Chải- zos iz lênhx nênhs por vêv ntus đriv têz qơưk tâu tsôngv box nhoz no khênhr heik txos, đros pêz sik thav ciês ntơưv tul ndêx đriv têz 70. Zos iz lênhx nênhs mênhx cxưx tiv phaz siêz jông, nhiêv uô đuô heik, Sa heik kriê, tix lâuk chuôz zis cir ntơưr đros zênhx pênhz phax chiv chir por vêv ntus đriv têz ntêr zuôr xar 11 cei cêr, ntu mul đhâu oz tul ndêx đriv têz 70 thiêz 71. Co cux zos ntu cêr tix lâuk chuôz zis gôngr ar chiê cxiv njưs tar, por vêv ntus đriv kuôk nor 10 shôngk ntâu. “ Cur chuôz zus muôx liêx têz nhoz jê ntơưv tul ndêx đriv têz 70. Iz jiês mul seiz liêx cur puôr lênhx heik pox niêv thiêz mê nhuôs tsuv seiz tul ndêx co thiêz mul qênhz yuôx đhâu ntus đriv têz. Cxôngx co, zos pov muôx tul tsi ciêr chênhr lol heik kriê trâu zênhx pênhz phax”.

          Cêr ntus đriv têz nhoz Lai Châu ntêr 265 cêik ntâu, hâux lưv chiv chir cir ntơưr seiz car ntus đriv hâur têx shôngk đhâu tưz yênhx phongz yaox hâur tsôngv box têx mênhx cxưx tsơưs nênhs. Cux xưk li tix lâuk Lý A Sa, cxôngx ntâu shông no zơưv Chẻo Chỉn Lụ, xênhz shông 1962, mênhx cxưx Cho li chuôz zis nhoz jos Lao Chải, xã Sì Lở Lầu, huyện Phong Thổ tưz cir ntơưr cxaz chuôz por vêv ntu đriv têz ntêr 3 cei cêr ntâu, qơư muôx tul ndêx đriv têz 72 sâuv ntus đriv Việt- Trung. Đros zơưv por vêv zos zơưv pox niêv thiêz zơưv 9 tul mê nhuôs, viv lơưr xar no zos iz hâux lưv lok six txưv haox.

          Zơưv Chẻo Chỉn Lụ heik: Niêx hnuz, đros hâux lưv mul seiz têz txir hơưk nhoz ntus đriv têz, zơưv thiêz têx lênhx nênhs hâur chuôz zis puôr lênhx ndo njôngr mul seiz tul ndêx đriv têz. Zơưv heik: hâux lưv por vêv ntus đriv, đros tul ndêx 72 cxôngx nzor lol tưz yênhx zơưv thiêz chuôz zis li cor cav sêiz shuôk njôngr. Zơưv zuôr uô hâux lưv no txos thâuv tưs tsi muôx đas jos mul lơưv thiêz thiêx li so. Zuk têz qơuk, ntus đriv zuk tsi por vêv mak lênhx tưs zuôr por vêv hlôngr trâu zuk.

          Tsênhz mênhx, hâux lưv por vêv cêr đriv têz zos lưx lươngv pênhz phax li jênhv vưv. Taz sik, đhâu tix lâuk Lý A Sa, zơưv Chẻo Chỉn Lụ cux xưk li yênhx puôk ziv chuôz zis nhoz sâuv tox siêz ntus đriv Lai Châu, tưz cir ntơưr đros zênhx pênhz phax, lơưr puôr lênhx muôx têx xor mông tsênhv tsênhz tiv zix thiêz ciêr chênhr pov cov lok qênhx shênhx ntus đriv zuk por vêv trâu lưx lươngv pênhz phax, chính quyênx tiv phaz. Cxôngx co, têx zênhx pênhz phax ciêr chênhr tso tơưv têx tsưr ziv yưr lir tsênhz mênhx, taz por txiv ngaz ntus đriv, tuôr truôx tsưr qênhx ntus đriv têz qơưk.

          Ntus đriv nhoz đreiv tsôngv box luz nênhx thiêz lưx lươngv pênhz phax Lai Châu tưz uô trâu tsôngv box njênhs njôngr. Hâur shôngk shông yiêz, tsôngv pox shir phaz mul uô liêx têz, mul car ciêz, co tâu seiz no zos iz thax tsav ngaz tul.

          Cxôngx têx lênhx nênhs sir jos por vêv ntus đriv têz qơưk heik sâuv ziv uô trâu cxuô lênhx nênhs moz siêz đuô txos zuk têz qơuk. Thâuv ndeiv lơưr mul, pêz ndo njôngr txos têx lênhx nênhs jông co, zôngx ziv pov tâu iz ntus đriv têz qơưk ngaz tul nhoz tox siêz no./.

(Khắc Kiên- Txâur Vax cxeik thav)

Phênhv thưr 5, hnuz 10/3/2016

Lênhx niêv zênhz shôngx Nguyễn Thị Thập uô tâu jông cxuô luôs hâux lưv

Kuôk no 50 shông, txix hâux lưv zênhx max đros tsưx phưv têz qơưs, por hưv faz Bắc, đros tir ntâuk trok châuz nhoz faz Nam, tir ntâuk kâus trok châuz tsưr ziv, siêz xar, iz siêz đros yênhx tsov lênhx pox niêv nhiêv têz qơưs sơưr tir ntâuk trok châuz, zos lênhx Chủ tịch Hội pox niêv vir ndâuk VN, pos Nguyễn Thập tưz quyết tinhv heik trâu T.Ư Đảng cov phuôx tôngv, hu zâuv tas nro têx pox niêv faz Bắc đros uô hâux lưv tir ntâuk trok châuz. Bộ chính trị T.Ư Đảng tưz jông siêz, thôngx ziv uô đros pos têx luk heik sâuv, seiz ntơư zos iz tsưr ziv jông thiêz zov chênhr thâuv têz qơưs muôx ntâu phiv liv thiêz nxor hnho li no. Pos Dương Thị Hằng, Phưv Giám đốc qơư bảo tàng pox niêv VN heik pâuz: Qir uô lơưr tsưr ziv ntơư zos txix têx pox niêv huyện Đan Phượng, tỉnh Hà Tây kuz. Đhâu thâuv lênhk txeik tâu Hội Liên hiệp pox niêv vir ndâuk Đan Phượng têx ntâuz ntơưr xa tuôx, pos Nguyễn Thị Thập tưz tsưr tsix đoanx muk qênhz shuôs tsênhz têx thax tsav, suôv qơư thiêz muôz phôngz yaox pox niêv sik đros uô têx nuv XH, đros tir ntâuk trok châuz uô yênhx phôngz yaox lox hâur tsôngv pox niêv vir ndâuk sơưr đơưk. Têx nuv ntơư zos: Lês car uô hur tiz si têx hâux lưv hâur vax tsêr viv lênhx txir muk đros têz qơưs tir ntâuk trok châuz; Lênhk txoz cxơưx trâu luz nênhx, têx tuz nhuôs chiê lênhx txir sơưr cêr muk uô tuz lênhv thiêz thâuv tưs tưz jông siêz, shir phaz lus paz cxơưz, uô têx nuv zos têz qơưs zuôr trâus txos. Txix ciês thâuv ntơư, pox niêv têx tsưr ziv, hâux lưv uô tâu tsôngv pox niêv vir ndâuk sơưr đơưk nhoz cxuô qơư jông siêz, thôngx ziv uô trơưk.

Phôngz yaox 3 hâux lưv zos pox niêv lênhk uô ntơư tưz sei đrơưv tâu cxuô cấp Hội fuô uô đros têx nuv uô tsênhv tsênhz thiêz tâu hlôngr yênhx phôngz yaox uô jông 3 luôs hâux lưv lơưr Chủ tịch HCM kriê. Hâur cxuô cêr nuv uô nox uô hâuk, côngz xưv, yênhx châuv tsov lênhx pox niêv tưz sir jos hla đhâu têx cêr phiv liv, cê sik tưr huôv tsar uô nox, cê moz siêz đros tir ntâuk trok châuz thiêz uô nuv paz têx tuz lênhv tir ntâuk trok châuz. Hâur têx  qơư uô hâux lưv đros njiêz luk sik tưr “iz lênhx sir jos uô nuv bâuv 2 lênhx viv faz Nam”, txơưv plơưr zuôr đrêk, nyar zuôr đros, yênhx châuv vạn lênhx pox niêv công nhân cux sir jos uô hâux lưv, xar tơưv têx faz tsưr ziv jông, uô tiêr cxuô luôs hâux lưv, chênhr viv li ntâu lênhx pox niêv tưz sir jos uô tâu jông têx hâux lưv zok muôz hâur ntâu shông siz lơưr liês. Thiêz muôx ntâu lênhx niêv tưz xa lênhx txir, lênhx tuz sơưr cêr  muk uô tuz lênhv lok tsênhv xa têx tuz nhuôs xênhz nzưr lơưr lênhx txir, têx tuz nhuôs kaz muk tir ntâuk trok châuz, viv li hâur têx hnuz nhôngs tir ntâuk trok châuz tưz muôx tsi pâuz pêk tsơưs lênhx tâu tas siv nênhx, viv tsưx phưv zuk têz luz qơưs. Hâur ntu tir ntâuk tros châuz, muôx chôngz lênhx ntâu tus tưz tâu tas siv nênhx, viv tsưx phưv truôx têz qơưs cov muôx luz nênhx tsâu sor, vav mênhx.

Hâur ntu tir ntâuk trok châuz phiv liv yax chiê uô tâu jông hâux lưv zok muôz, paz faz Nam tiêx tuk, pos Nguyễn Thị Thập tưz seiz lax đros Ban Thường trực Hội pox niêv VN quyết tinhv gra siêz têx hâux lưv uô, sir jos tir ntâuk trok châuz txix têx nuv uô tsênhv tsênhz li: sir jos uô jông têx hâux lưv uô nox uô hâuk, hâux lưv hâur chuôz zis, phưx vưv qơư tsav trok. Phôngz yaox sik tưr uô jông têx nuv li heik sâuv ziv hnuz ziv nthuôr uô đêz đar thiêz yênhx iz hâur têx phôngz yaox lox hâur lịch sử VN ntu thâuv ntơư, thiêz yênhx Hội Liên hiệp pox niêv iz hâux lưv uô jông hâur lịch sử. Phôngz yaox tưz muôx zuôr xar 2 cxênhz lênhx pox niêv tâu muôz côngz Hồ Chủ tịch, muôx xar 4 tsov lênhx pox niêv tâu muôz ntơưr kruôs uô tâu hâux lưv jông. Hâur têx uô tâu ntơư muôx lênhx pox niêv zênhz shôngx Nguyễn Thị Thập têx tsưr ziv, đas jos paz.

Hâur ntu têz qơưs tsi thax zênhz, tir ntâuk trok châuz xar muôx 60 shông, pos Nguyễn Thị Thập tưz sir tas zuk txux chi, tsưr ziv uô nuv, kênh lênhx pox niêv hâur zuk chuôz zis li: lênhx txir, têx tuz nhuôs đros paz uô hâux lưv tsưx phưv têz qơưs, huôv tsar tsôngv pox niêv vir ndâuk VN. Lênhx pox niêv zênhz shôngx Nguyễn Thị Thập zos iz lênhx hâu nov txơưx njê, muôx txux chi tsưr ziv, zos tsôngv pêx xênhv lênhx nênhs uô tâu nuv jông thiêz zos Nam Bộ lênhx chiến sỹ cách mạng xuz thơưx moz siêz lus trâu hâux lưv XH, tâu têz qơưs muôz côngz mênhx uô tâu hâux lưv jông, iz lênhx niêv VN zênhz shôngx txơưx njê./. 

( TTT-Riê Lâux cxeik, nhênhv)