Hêir nênhs Thái Sơn la li zav cuô njư txix tâuv pâur

Chiê uô tâu zav cuô njư no, chor uô niêv uô txir tsuv bax tâuv pâur blâuv tưz tâu jiêz kruôr thiêz uô hur si, txơưv ntâu lok tsơưs khov lơưr zoz qơưx sir zôngv. Tâuv pâur tâu muôz tsâu đêx cov so tuôx, đhâu co muôz hâu cov siêr muôs thiêz têr tơưr tsês txiêk thiêz kruôr đêx. Pox nhuôs zôngv blôngx tsơưz njuôz nzuôr hur, jiêz kruôr chiê krưr chor tâuv pâur tưz tâu hâux muôs, đhâu co tso sâuv nthaz txix 5-7 hnuz chiê chor tâuv pâur ndê xaz thiêz tsư. Zơưv Cà Văn Hịch, nhoz jok Co Pục, xar Chiềng Ngần, thành phố Sơn La puz pâuz:

“Têx zav chiê uô tâu zav cuô njư no mak tsuv zos tâuv pâur blâuv, viv chor tâuv no thâuv hâu thiêx su, thâuv vâuv mak thiêx ndê xaz jông thiêz thâuv tuôr mak thiêx lưx. Hok zos zôngv tâuv pâur txuô mak thâuv uô zuôr tsik kaz, tuôr mak tsik lưx jông xưk li zôngv tâuv pâur blâuv”.

Đhâu thâuv tâuv pâur tâu vâuv tâu txix 5-7 hnuz, pox nhuôs muôz lok tuôr, tor đros iz cxiê zav li kix, cuô txoz, mê njil tâux đuz, njêr. Iz chor tâuv tuôr tâu mak muôz tor đros iz cxiê zav cov txâuk, li co tuôr lưx tas hur si. Chiê zav cuô njư kaz đuô mak tsuv tuôr cov lưx, đhâu co muôz tso trâu hẩu rhuz tsês chiê. Zơưv Cà Văn Hịch puz pâuz nzir:

“Đhâu thâuv tuôr tas mak muôz iz chor chơưr nquôr trâu hâur huz đhâu co muôz sik tor jông, đhâu co mak muôz huz vor cov ntov thiêz tso trâu ntơưv têx qơư kruôr, lax. Đhâu 5-7 hnuz mak muôz lok nox tâu, thâuv nox mak muôz mê njil mì chính tso trâu, muôz nzir jâuz cxưz lok sik blôngx kix tsuôr mok li co chêk tưz muôx tâu iz ntiv cuô njư lok six kaz”.

Zav cuô njư no zuôr tsos tâu yênhx shông hâur huz, vor ntov, tso ntơưv têx qơư kruôr, lax. Hok iz tsưr ziv tsês chiê thiêz zos thâuv tưz tuôr lưx tâuv pâur, pox nhuôs zuôr muôz puôz yênhx luz nzuôr khênhx thiêz muôz chox muk jiêz, đhâu thâuv jiês kruôr mak muôz tsês chiê sâuv nthaz. Thâuv muôx zoz qơưx sir zôngv, pox nhuôs muôz lok cxiêz ntơưv kror chuz chiê tâuv tâuv si co tsư kaz, thiêz muôz tuôr lưx tor đró smê njil đêx râuz bâu tsês txiêk, muôz nzir mê njil mì chính, mê njil jâuz cxưz chêk muôx tâu iz ntiv cuô njư kaz.

Nhiv no, tsôngv box Thái tưz tsik zos sir zôngv zav cuô njư no hâur têx pluôs nox yênhx hnuz, mak tsênhv uô chiê muôs thiêz tâu chôngz lễnh xnênhs nhiêv. Niêv tix Nguyễn Thị Hương, nhoz tổ 9, phường Quyết Thắng, thành phố Sơn La tưz tâu nox zav cuô njư no hêik:

“Jiês xuz thơưx zuk nox zav nox no mak hnor lok six kaz. Zuk kror jênhv pâuz xuz thơưx ciês zos hnor tâuv pâur kror kaz thâuv ndê xaz, njiv txix cuô txoz, kror tsư kaz txix kix thiêz jâuz nxưz. Tâu nox lơưv zuk lok six nhiêv zav nox no”.

Zav cuô njư no zuôr zôngv tâu chiê njư cxuô zav nox li mor blâuv, grêix buô, grêix kêiz…txos cxuô zav jâuz nox nhôngk, jâuz hâu, njuôs…Zav cuôz njư no tâu nox zuôr paz trâu sơưr đơưk nox kaz đuô. Zav cuô njư uô txix tâuv pâur, cux tâu pox nhuôs hêir nênhs Thái Sơn La tuôr tsês chiê, tsik so sir zôngv hâur xênhz huôx yênhx hnuz./.

(Cà Thành-Lik Thox cxêik nhênhv)

Hêir nênhs Sê Đăng li vênhx huôv jông

          Tsôngv kruô zôngx ziv pov thiêz pâuz tâu hêir nênhs Sê Đăng li tsêr rông côngv thôngx hâur jos. Zav tsêr rông ntươ uô siêz thiêz cxiv uô njês hênhr fênhz hênhr.

          Hêir nênhs Sê Đăng cxiv uô tsêr rông hâur chêix ntux kruôr thiêz hâur ntu ntươ, hur si tsôngv px hâur jos siz chos côngv têk, sik đros paz uô tsêr rông; lar hêik zos hêir nênhs Sê Đăng têx tsêr rông, muôx txos yênhx châuv cxênhz têx qươ  đhok jông txươr tsik siz thôngx, puôr lênhx zos muôz shôngz ntông chox lok txâuk đhok cxiv uô tâu jông jav. Tix lâus A Tuyên nhoz jos Linh Lang, xã Đắc Pxi, huyện Đắc Hà shir phaz lul hêik:

          Băng: “Chiê uô cov tâu tiêr iz luz tsêr Rông, hur si tsôngv px hâur jos tsuv sik đros cươv saz lax thiêz tsuv muôx chor txir ndâux txir luk, mặt trận, cxuô ban ngênhx hâur jos đros trâu muôx cxix cxuô tsôngv px sđ. Hâur ntu bax shôngz ntông uô, lar hêik zos chor tuz hluôk, tsuv tâu đros muk zok nriêr txiêr ndêx trur. Ndêx trur tsêr rông, tsuv txiêr lox đar 50 phênhk thiêz txix thâuv ntêx lok txos trâu nhiv no, hêir nênhs Sê Đăng zênhx muôx cêr côngv siêz”.

          Muk txos trâu hêir nênhs Sê Đăng hâur luz chêix tsưr tsix uô ntênhk hội, lok zos xav txix hli 10 txos hli 4 shông tov kaz. Zos hmôngr jông, tsôngv kruô muk ndis ntux sêiz shuôk têz qươs ndax trâu têx hnuz tsưr tsix ntênhk hội, tsôngv kruô cux zênhx tâu đros hêir nênhs Sê Đăng nthuôr uô cêr lov jêv thiêz hnor hêir nênhs Sê Đăng têx đruôk tôngx cxêz tôngx đror uô lov jêv lul. Chênhr zos li hêik ntươ, đhâu ntâu tiêv lok no, hêir nênhs Sê Đăng tưz uô nênhx đros đrêiv zuk hêir nênhs têx cêr nênhx vênhx huôv jông co tsik chiê pôngz plox. Xav txir hêir nênhs Sê Đăng ntênhk txi côngv hâur đêx hâur niêx shông thiêz têx suôz đruôk tôngx cxêz tôngx đror cxiê ntưk hâur têx hnuz cxiv uô tâu tsêr rông yiêz thiêz ntênhk nox mor blêx yiêz…zos tsôngv kruô tâu đros hêir nênhs Sê Đăng nthuôr uô cêr lov jêv hâur têx hnuz tsưr tsix ntênhk, têx cêr lov jêv ntươ cux zênhx nhoz trươr tsôngv kruô siêz tsik plox. Iz lênhx kruô hêir nênhs pháp tuôx ndis ntus sêiz shuôk têz qươs txos Kon Tum hêik pâuz:

          Băng: “Ntươ zos jiês tiv 4 cur tuôx trâu VN, cur tưz tâu đros nthuôr uô cêr lov jêv hâur têx hnuz tsưr tsix ntênhk mak lov jêv thiêz jông siêz hênhr. Hâur jiês tuôx no, cur cux xar njôngr cov tâu pâuz tâu nzir hêir nênhs nhoz thax tsav Tây Nguyên têx txux chi cêr nênhx vênhx huôv jông”.

          Hêir nênhs Sê Đăng têx txux chi, cêr nênhx vênhx huôv jông, tâu chôngz lênhx kruô nhiêv txos thiêz zos iz hêir nênhs pâuz chươx kruô, muôz tsôngv kruô sêiz tsiv grê thiêz muôx chôngz lênhx ntâu tus sâu ntâu jax sâu hêik lok hêir nênhs Sê Đăng têx txux chi, cêr nênhx vênhx huôv jông, hêik txos hêir nênhs Sê Đăng têx cêr uô nênhx jông…Trươk li zươv A Kây, phó phôngx vênhx huôv, huyện Đắc Hà, zos iz lênhx tuôr tsês chiê tâu hêir nênhs Sê Đăng têx cêr nênhx vênhx huôv jông  hêik pâuz:

          Băng: “Hêir nênhs Sê Đăng cux tsênhv tuôr tsês chiê tâu zuk hêir nênhs têx txux chi, cêr nênhx vênhx huôv jông. Pir li tsưr tsix ntênhk nox mor blêx yiêz, ntênhk txi côngv blêx….Ntươ cux zos iz cêr nênhx vênhx huôv jông tsênhv tuôr tsês chiê txos trâu nhiv no tsik chiê pôngz plox”.

          Chiê hêir nênhs Sê Đăng têx txux chi, cêr nênhx vênhx huôv yênhxx iz thax tsav qươ du lix, muôx chôngz lênhx kruô tuôx sêiz shuôk txos thiêz hâur têx shông đhâu lok no, hâu nov cxuô cấp nhoz tỉnh Kon Tum tưz xav tâu tiêk: Cxuô cêr nênhx vênhx huôv jông cux chênhr zos iz luôs hâux lưv tsuv huôv tsar cov tâu truôx; pir li hêir nênhs Sê Đăng têx tsêr rông tưz tâu tror cxiv kho đuô đros trâu têx ntênhk hội uô cov huv đros. Zươv Nguyễn Phúc Đoan, chủ tịch ủy ban xã Đắc Pxi, huyện Đắc Hà hêik pâuz:

          Băng: “Pêz cux xav tâu tiêk, hêir nênhs Sê Đăng luôs hâux lưv huôv tsar uô kôngz lôngk nhoz hâur thax tsav xã, puôr lênhx huôv tsar uô txuôk đros cxuô cêr nênhx vênhx huôv jông. Ntươ cux chênhr zos iz kro cxươz cxiz tsôngv px sđ truôx siêz huôv tsar cêr khưr uô nox uô hnar, cxiv kho jêx jos jông jav, px muôx luz nênhx truôx tuk, tsâu sor”.

          Muk txos trâu hêir nênhs Sê Đăng cxuô luz jêx jos nhoz tỉnh Kon Tum, zos hmôngr jông tâu đros hêir nênhs Sê Đăng nthuôr uô lov jêv hâur têx hnuz tsưr tsix ntênhk thiêz têx cêr lov jêv đros trâu têx cêr nênhx vênhx huôv jông ntươ cux zênhx nhoz trươr tsôngv kruô siêz tsik plox./.

                                                                (Tsu cxêik nhênhv-TTT)